Extern-links | Yarl Inayam யாழ் இணையம்

RSS : கருத்துக்களம்

Yarl News

எம்மைப் பற்றி யாழிணையத்தில் விளம்பரம் செய்ய

rss-image-news

இளஞ்செழியன் பயணம்செய்த வேளை மேற்கொள்ளப்பட்ட தாக்குதல் குறித்து விரிவான விசாரணைகளை ஜனாதிபதி உத்தரவு

...

சி.வி.விக்னேஸ்வரன் – இரா.சம்பந்தன் சந்திப்பு!

வடக்கு மாகாண...

“காணாமல்போனோர் தொடர்பாக ஆராயும் காரியாலயம் ஆபத்து என்கிறார்” மஹிந்த

(எம்.ஆர்.எம்.வஸீம்)

ஜனாதிபதியினால் கைச்சாத்திடடப்பட்ட காணாமல்போனோர் தொடர்பாக ஆராயும் காரியாலயம் அமைப்பதற்காக ஏற்பாடு செய்யப்பட்டிருக்கும் சட்டமூலம் அரசியலமைப்புக்கு முரணானது. அத்துடன் குறித்த காரியாலயம் நீதிமன்றம்போன்று செயற்படும் ஆபத்து இருக்கின்றது என முன்னாள்...

கீரிமலை நகுலேஸ்வரத்தில் பிதிர்க் கடன் செலுத்தும் மக்கள் கீரிமலை நகுலேஸ்வரத்தில்

...

துப்பாக்கிச் சூட்டு சம்பவம் : நீதிபதி இளஞ்செழியனை இலக்கு வைத்தது அல்ல.!

- எம்.எப்.எம். பஸிர்

துப்பாக்கிச் சூடு நீதிபதி இளஞ்செழியனை இலக்கு வைத்தது அல்ல என விசாரணையில் தெரியவந்துள்ளதாக பொலிஸ் ஊடகப் பேச்சாளர் ருவான் குணசேக சற்றுமுன்னர் தெரிவித்தார்.

...

rss-image

பெங்களூரு பரப்பன அக்ரஹாரா சிறையில் சசிகலாவுக்கு அனைத்து சலுகைகளும் ரத்து: கூடுதல் டிஜிபி என்.எஸ்.மேக்ரிக் தகவல்

என்.எஸ்.மேக்ரிக்

பெங்களூரு சிறையில் அடைக்கப்பட் டுள்ள அதிமுக (அம்மா) பொதுச்செய லாளர் சசிகலாவுக்கு...

மகளின் திருமணத்திற்காக 6 மாதம் விடுப்பில் செல்ல பரோல் கேட்டு நளினி வழக்கு

...

'சசிகலா தப்பிக்கவே முடியாது': அடித்துச் சொல்லும் ரூபா!

சொத்துக்குவிப்பு வழக்கில் பெங்களூரு பரப்பன அக்ரஹாரா சிறையில் சசிகலா, இளவரசி, சுதாகரன் ஆகியோர் அடைக்கப்பட்டுள்ளனர். சிறையில் சசிகலா, இளவரசி, சுதாகரன் மற்றும் இன்னும் சில வி.வி.ஐ.பி-களுக்கு விதிமுறைகளை மீறி சலுகைகள் வழங்கப்படுவதாக ரூபா ஐ.பி.எஸ் துணிச்சலாகத்...

'உலக்கை நாயகனா..? உலகம் சுற்றும் வாலிபனா..?' - நமது எம்.ஜி.ஆரில் விளாசல் கவிதை!

நடிகர் கமல்ஹாசனுக்கும் அ.தி.மு.க அமைச்சர்களுக்கும் அறிக்கை யுத்தம் நடந்துகொண்டு இருக்கிறது....

சசிகலாவின் சிறை முறைகேடு விவகாரம்: லட்சக்கணக்கில் விலை போகும் வீடியோ, புகைப்பட‌ ஆதாரங்கள் - சேனல்களுக்கு இடையேயான போட்டியில் பணம் சம்பாதிக்கும் அதிகாரிகள், தாதாக்கள்

sasikala

பெங்களூரு பரப்பன அக்ரஹாரா மத்திய சிறையில் கையில் பையுடன் வண்ண உடையில் வலம் வரும்...

புதிய பதிவுகள்-image

`அவரது செயலை சகிக்க முடியாமல் தயக்கத்தோடு அம்மாவிடம் சொன்னேன்'

#Badtouch: 'அனைவருக்கும் பிடித்தமான சித்தப்பாவை எனக்கு பிடிக்காது...'

படத்தின் காப்புரிமைGETTY IMAGES

'சித்தப்பா தினமும் வீட்டுக்கு வருவார். அனைவரிடமும் கலகலப்பாக சிரித்துப் பேசுவார், தின்பண்டங்கள் வாங்கிவருவார். அவரை எல்லோருக்கும் பிடித்தாலும் எனக்கு அவரை ஒருதுளி கூட பிடிக்காது.'

'சித்தப்பா வீட்டுக்கு வந்ததும் அவரது மடியில் என்னை உட்கார வைத்து தொட்டுத்தொட்டு பேசுவார். மீசையால் என் முகத்தில் உரசுவார். அவர் மடியில் இருந்து எழுந்து ஓடிவிடலாம் என்று தவிப்பேன். அவரது கன்னத்தில் பளார் பளார் என்று அறைய வேண்டும், நகங்களால் பிறாண்ட வேண்டும் என்று உத்வேகம் உந்தும்.'

இதைச் சொல்லும் 23 வயது அனாமிகாவின் முகத்தில் வேதனையும், கண்ணில் சீற்றமும் பொங்குகிறது. ஏழு அல்லது எட்டு வயது சிறுமியாக இருந்தபோது அவருக்கு ஏற்பட்ட அனுபவத்தின் சுவடுகள் இப்போதும் மனதில் ஆழமாக பதிந்திருக்கின்றன.

'குற்றவாளி அருகிலேயே இருப்பார்'

குடும்பத்திற்கு நெருங்கியவர்களாலேயே பெரும்பாலானோர், பாலியல் துஷ்பிரயோகங்களுக்கு ஆளாவதே இந்தக் கொடுமையின் உச்சகட்டம்.

எதிரி, உறவினர், நண்பர் என்ற முகமூடியில் நம்மைச் சுற்றியே இருப்பதால், குழந்தைகள் சுலபமாக பாலியல் சீண்டல்களுக்கு ஆளாகின்றனர்.

குழந்தைக்கு இதைப் பற்றி போதுமான விழிப்புணர்வு இல்லாவிட்டாலும் கூட, எப்போதாவது அதைப் பற்றிச் சொன்னால் குடும்பத்தினர் அதை பெரிதாக எடுத்துக்கொள்வதில்லை.

படத்தின் காப்புரிமைGETTY IMAGES Image captionஉருவகப்படம்

தீர்வு காண்பது அடுத்த கட்டம், அதை விசாரிப்பது கூட இல்லை என்பது வேதனையளிக்கிறது.

உண்மையிலேயே இதுபோன்ற பாலியல் துஷ்பிரயோகங்கள் பற்றி புகாரளிப்பதோ, விசாரிப்பதோ அவ்வளவு கடினமானதா? நெருக்கமான உறவினரே இதுபோன்ற பலாத்காரச் செயல்களில் ஈடுபடும்போது அந்தப் பெண்ணுக்கு ஏற்படும் மன உளைச்சல் எப்படிப்பட்டது? அது அந்தப் பெண்ணின் மனதில் ஏற்படுத்தும் தாக்கங்கள் என்ன? இதுபோன்ற நிலையில் என்ன செய்வது? யாரிடம் உதவி கேட்பது?

இதுபோன்ற சில பல முக்கியமான கேள்விகளை முன்வைத்து தீர்வுக்கான தேடலுக்காக பல கோணங்களில் அலசி ஆராயும் பிபிசியின் தொடர் இது.

இந்தத் தொடரில் பெண்களும், இளம் சிறுமிகளும் தங்கள் அனுபவங்களை பகிர்ந்து கொள்கின்றனர். மேலும், பெண்களுக்கான சட்ட உரிமைகள் மற்றும் கிடைக்கக்கூடிய உதவிகள் குறித்தும் இந்தத் தொடரில் ஆராயலாம்.

இந்தத் தொடரின் முதல் பகுதியில் அனாமிகாவின் (பெயர் மாற்றப்பட்டுள்ளது) சீற்றத்தையும், மனசெல்லாம் பரவிக்கிடக்கும் வலியையும் பதிவு செய்கிறோம்.

உதவி

அனாமிகா சொல்கிறார், "அவரது செயலை சகிக்க முடியாமல் போனபோது, தயக்கத்துடன் அம்மாவிடம் இதைப் பற்றிச் சொன்னேன். கெளரவ் சித்தப்பாவின் மீசை என் முகத்தில் படுவது எனக்குப் பிடிக்கவில்லை, எப்படியோ இருக்கிறது என்று சொன்னேன். வேறு எதாவது செய்தாரா என்று அம்மா கேட்டார், நான் இல்லை என்றே தலையசைத்தேன்".

படத்தின் காப்புரிமைGETTY IMAGES

அவர் மேலும், "அதன்பிறகு கெளரவ் சித்தாப்பாவை என்னிடம் நெருங்கவிடாமல் அம்மா பார்த்துக்கொண்டார். அவரை முன்னறையிலேயே உட்கார வைத்து பேசத் தொடங்கிவிடுவார் அம்மா. என்னைப் பற்றி சித்தப்பா விசாரித்தால், நான் படித்துக் கொண்டிருக்கிறேன் அல்லது விளையாடப் போயிருக்கிறேன் என்று சொல்லி அவரை நான் சந்திப்பதை அம்மா தவிர்த்துவிடுவார்" என்றார்.

அம்மாவுக்கு கூட அந்த விஷயம் மறந்து போயிருக்கும். ஆனால், பாலியல் துன்புறுத்தல் அல்லது அது தொடர்பான எதாவது வார்த்தைகளை கேட்கும்போது, மனதில் அழுந்திக்கிடக்கும் பழைய நினைவுகள் பீறிட்டு எழும்.

இந்த ஆதங்கமும், கோபமும் அனாமிகா என்ற ஒரு பெண்ணுடையது மட்டுமல்ல… எண்ணிக்கைக்குள் அடக்க முடியாத அளவிலான குழந்தைகள், சிறுமிகள், பதின்ம வயது பெண்கள், என எல்லா வயதை சேர்ந்தவர்களுக்கும் இதுபோன்ற அனுபவங்கள் ஏற்பட்டிருக்கிறது.

உற்றார்-உறவினர்கள், சொந்த-பந்தங்கள், அண்டை-அசலார் என குடும்பத்திற்கு நெருக்கமானவர்களே பெண்களை பாலியல்ரீதியாக துன்புறுத்துவதாக புள்ளிவிவரங்கள் சுட்டிக்காட்டுகின்றன.

அனாமிகாவை அதிர்ஷ்டசாலி என்றே கூறலாம். ஏன் தெரியுமா? அவர் சொன்னதைப் புரிந்து கொண்டு அதற்கான தீர்வை ஏற்படுத்திக் கொடுத்தார் தாய். ஆனால், இதுபோன்ற உதவியும், ஆதரவும் மிகச்சிலருக்கே கிடைக்கிறது என்பது வேதனை.

படத்தின் காப்புரிமைGETTY IMAGES

புள்ளிவிவரங்கள்

தேசிய குற்ற ஆவண பணிப்பகத்தின் புள்ளிவிவரங்களின்படி, பெண்களுக்கு எதிராக பதிவாகியுள்ள 3,27,394 குற்ற வழக்குகளில் பாலியல் வல்லுறவு வழக்குகள் 34,651 என்றால், 33,098 வழக்குகளில் பாதிக்கப்பட்டவர், குற்றவாளியை நன்கு அறிந்தவர் என்பது அதிர்ச்சியளிக்கும் தகவல்.

பெண்களின் நலனுக்காக பணிபுரியும் 'பிரேக்த்ரூ' அமைப்பின் உயரதிகாரி பாலின் கோமேஜ், ''பேத்தியை பாலியல் ரீதியாக துன்புறுத்திய தாத்தா, மாமியாரை பலாத்காரம் செய்த மருமகன், மகளை காம இச்சையுடன் அணுகிய தந்தை, சகோதரியை பாலியல் வன்கொடுமை செய்த சகோதரன்'' என கேட்பதற்கே அதிர்ச்சியளிக்கும், ஆனால் அசலான சம்பவங்களை பார்த்திருக்கிறோம் என்கிறார்.

இதுபோன்ற சூழ்நிலையில் எப்படி செயல்படவேண்டும்?

இதற்கும் பதிலளிக்கிறார் பாலின். ''நீங்கள் சொல்வதை குடும்பத்தினர் அலட்சியப்படுத்தினால், அவர்கள் நம்பும் வரை அழுத்தமாக சொல்லிக் கொண்டே இருங்கள்.''

''பலரிடம் சொல்லுங்கள். பள்ளியிலும் கல்லூரியிலும் சொல்லுங்கள். காவல் துறை அல்லது நீதிபதியிடம் சென்று உதவி கேளுங்கள். உதவி எண்களை தொடர்பு கொள்ளுங்கள். எதாவது செய்யுங்கள், ஆனால் மனதிற்குள் வைத்து புழுங்காதீர்கள்"

மறுவாழ்வு மற்றும் மேம்பாட்டு மையத்தின் மனநல மருத்துவர் டாக்டர் ஷ்ரவஸ்தி வெங்கடேஷ் சொல்கிறார்: "பாலியல் துன்புறுத்தல்களால் பாதிக்கப்பட்டவர்ளுக்கு கோபமும் குற்ற உணர்வும் ஏற்படுவதோடு, ஏமாற்றப்பட்டதாகவும் உணர்கிறார்கள்."

"பல சமயங்களில் பாலியல் துன்புறுத்தல் நடந்த பல ஆண்டுகளுக்கு பிறகும் அதிலிருந்து முழுமையாக வெளிவரமுடியாமல் தவிக்கும் பெண்களையும் பார்த்திருக்கிறேன். அது போன்ற சமயங்களில் மனநல ஆலோசகர்களிடம் பேசுவது உதவியாக இருப்பது நிரூபிக்கப்பட்டுள்ளது."

பாலின் கோமேஜ் சொல்கிறார், ''பல நேரங்களில் குற்றத்திற்கு எதிராக குரல் எழுப்ப விரும்பினாலும், சட்டம் மற்றும் பிற உதவிகள் பற்றிய தெளிவான புரிதல் இல்லாமல் மனதை மூடி மெளனியாக இருக்கிறார்கள். இது மிகவும் ஆபத்தானது''.

http://www.bbc.com/tamil/india-40664992

யாழ் மேல்நீதிமன்ற நீதிபதி எம். இளஞ்செழியன் பயணம்செய்த வேளை நேற்று (22) நல்லூர் பிரதேசத்தில் மேற்கொள்ளப்பட்ட துப்பாக்கிச் சூட்டு சம்பவத்தை கண்டித்துள்ள ஜனாதிபதி மைத்ரிபால சிறிசேன அந்த சம்பவத்தில் உயிரிழந்த பொலிஸ் அதிகாரி சரத் பிரேமசந்திரவின் மறைவுக்கு தனது ஆழ்ந்த அனுதாபங்களை தெரிவித்துள்ளார்.

இந்த நிகழ்வை அடுத்து நீதிபதியின் பாதுகாப்பு குறித்து கவனம்செலுத்தியுள்ள ஜனாதிபதி, அனைத்து நீதிபதிகளினதும் பாதுகாப்பு தொடர்பில் விசேட நிகழ்ச்சித்திட்டமொன்றை நடைமுறைப்படுத்துமாறு பொலிஸ் மா அதிபருக்கு பணிப்புரை வழங்கியுள்ளார்.

விசேட பொலிஸ் குழுக்களை அமைத்து இந்த நிகழ்வு தொடர்பாக விரிவான விசாரணைகளை உடனடியாக மேற்கொள்ளுமாறும் ஜனாதிபதி பொலிஸ்மா அதிபர் உள்ளிட்ட பாதுகாப்பு தரப்பினருக்கு ஆலோசனை வழங்கியுள்ளார்.

http://globaltamilnews.net/archives/33897

சி.வி.விக்னேஸ்வரன் – இரா.சம்பந்தன் சந்திப்பு!

வடக்கு மாகாண முதலமைச்சர் சீ.வி.விக்னேஸ்வரனுக்கும், தமிழ்த் தேசியக் கூட்டமைப்பின் தலைவர் இரா.சம்பந்தனுக்கும் இடையே இன்று கொழும்பில் சந்திப்பு நடந்துள்ளது.

இந்த சந்திப்பில் வடமாகாண சபையின் தற்போதைய நிலைமை குறித்துக் கலந்துரையாடப்பட்டது என்று தெரிவிக்கப்படுகின்றது.

வடமாகாண சபையில் எழுந்துள்ள நிலைமைகள் குறித்து முடிவுகளை எடுப்பதற்கு முன் தமிழ்த் தேசியக் கூட்டமைப்பில் உள்ள எல்லா கட்சித் தலைவர்களுடனும் பேச வேண்டும் என்று தீர்மானிக்கப்பட்டுள்ளது என்றும் தெரியவருகின்றது.

http://uthayandaily.com/story/13389.html

குலையுமா கூட்டு அரசாங்கம்?

Page-01-image-dd9cc696e9ecf1300770026ed6e8b547673bfaa7.jpg

கூட்டு அரசாங்கத்தில் அங்கம் வகிக் கும் ஸ்ரீலங்கா சுதந்திரக் கட்சியைச் சேர்ந்த அமைச்சர்கள் சிலர், இப்போது, ஜனாதிபதி மைத்திரிபால சிறிசேனவுக் குத் தலைவலியைக் கொடுக்கத் தொடங்கியுள்ளனர்.

வரும் செப்டெம்பர் மாதம், பிரதி அமைச்சர்கள், இராஜாங்க அமைச்சர்கள் 18 பேர் வரை, அரசாங்கத்தில் இருந்து வெளியேறி தனிக் குழுவாகச் செயற்படப் போவதாகக் கூறி வருகின்றனர்.

உடனடியாக உள்ளூராட்சித் தேர்தலை நடத்த வேண்டும், பிரதமர் பதவியில் இருந்து ரணில் விக்கிரமசிங்கவை நீக்க வேண்டும் ஆகிய இரண்டு கோரிக்கைகளை முன்னிறுத்தியே, இந்தக் குழுவினர், அரசாங்கத்தை விட்டு வெளியேறத் திட்டமிட்டிருக்கின்றனர்.

இரண்டு ஆண்டுகளுக்கு முன்னர் ஐ.தே.க.வும், ஸ்ரீலங்கா சுதந்திரக் கட்சியும் இணைந்து உருவாக்கிய இந்தக் கூட்டு அரசாங்கத்துக்கு வந்திருக்கின்ற ஆகப் பிந்திய ஆபத்து இது. இதற்குப் பின்னணி யில் மஹிந்த ராஜபக் ஷ தலைமையிலான கூட்டு எதிரணி தான் இருக்கிறது என்பது ஒன்றும் இரகசியமான விடயமல்ல.

கூட்டு எதிரணி தான், உள்ளூராட்சித் தேர்தலை உடனடியாக நடத்த வேண்டும் என்று ஒற்றைக்காலில் நிற்கிறது. அதற் குக் காரணமும் இருக்கிறது.

இப்போதைய நிலையில் மஹிந்த ராஜபக் ஷவும், கூட்டு எதிரணியும், ஏதோ ஒரு கலகக் குழுவினராகவே அடையாளப்படுத்தப்படுகின்றனர்.

இந்த நிலையை மாற்றி, தமக்கான ஓர் அரசியல் அங்கீகாரத்தையும் அடையாளத்தையும் பெற வேண்டுமானால், ஒரு தேர்தலில் தமது பலத்தை வெளிப்படுத்த வேண்டும் என்று எதிர்பார்த்திருக்கிறார் மஹிந்த ராஜபக் ஷ .

அவர் இன்னமும் ஸ்ரீலங்கா சுதந்திரக் கட்சியை விட்டு அதிகாரபூர்வமாக வெளியேறியதாக அறிவிக்காமல் இருப்பதற்குக் காரணமே, அத்தகைய ஓர் அடையாளத்தைப் பெறுவதற்காகத் தான்.

அந்த அடையாளம் கிடைத்ததும் அவர் தனது புதிய அரசியல் கட்சியை பகிரங்கப்படுத்துவார். அதற்கான தருணத்தை ஏற்படுத்திக் கொள்வதற்காகவே, கூட்டு எதிரணி உள்ளூராட்சித் தேர்தலுக்கு வலியுறுத்தி வருகிறது.

மைத்திரிபால சிறிசேன தலைமையிலான ஸ்ரீலங்கா சுதந்திரக் கட்சிக்கு கீழ்மட்டச் செல்வாக்கு இல்லை. அதனால், தான் உள்ளூராட்சித் தேர்தலை எதிர்கொள்ளத் தயங்குகிறது.

இந்த நிலையில், மஹிந்த ராஜபக் ஷவின் நிகழ்ச்சி நிரலுக்குள் செயற்படுகின்ற அமைச்சர்கள் சிலரே, உள்ளூராட்சித் தேர்தலை நடத்த வேண்டும் என்ற நிபந்தனையை விதித்திருக்கின்றனர்.

அதுமாத்திரமன்றி, பிரதமர் ரணில் விக்கிரமசிங்கவை பிரதமர் பதவியில் இருந்து நீக்க வேண்டும் என்றும் இவர்கள் ஜனாதிபதியிடம் நிபந்தனை விதித்துள்ளதாக கூறப்படுகிறது.

இவர்களுடன் ஜனாதிபதி மைத்திரிபால சிறிசேன நடத்திய கலந்துரையாடலின் போது, ரணில் விக்கிரமசிங்கவை நீக்கி விட்டு, மஹிந்த ராஜபக் ஷவை பிரதமராக நியமிக்க வேண்டும் என்று பிரதி அமைச்சர் அருந்திக பெர்னாண்டோ கூறியிருக்கிறார்.

அண்மையில் மஹிந்த ராஜபக் ஷ ஜப் பான் சென்றிருந்த போது, இவரும் தனியாகச் சென்று அவரைச் சந்தித்துப் பேச்சு நடத்தியிருந்தார் என்பது குறிப்பிடத்தக்கது. மைத்திரிபால சிறிசேன அரசாங்கத்தில் அங்கம் வகிக்கின்ற ஸ்ரீலங்கா சுதந்திரக் கட்சியைச் சேர்ந்த பலர் மஹிந்தவின் தீவிர விசுவாசிகள் என்பதில் சந்தே கமில்லை. அவர்கள் அரசாங்கத்துக்குள் இருந்து தகவல்களை தெரிந்து கொள்வதற்காகவோ அல்லது சந்தர்ப்பத்துக்கேற்ப நடந்து கொள்ளும் விதத்திலோ தான், மைத்திரிபால சிறிசேனவின் அரசாங்கத் தில் அங்கம் வகிக்கின்றனர்.

இவர்கள் தான் இப்போது, அரசாங்கத்தில் இருந்து ஐ.தே.க.வை வெளியேற்றி விட்டு ஸ்ரீலங்கா சுதந்திரக் கட்சி அரசாங்கத்தை நிறுவ வேண்டும் என்று தொல்லை கொடுக்க ஆரம்பித்துள்ளனர்.

ஸ்ரீலங்கா சுதந்திரக் கட்சிக்கும் ஐ.தே.க. வுக்கும் இடையிலான கொள்கை முரண்பாடுகளால் தான் இவர்கள் இவ்வாறு நடந்து கொள்கிறார்கள் என்றில்லை.

அரசியலமைப்பு மாற்ற முயற்சிகளைத் தடுப்பதும், மஹிந்த ராஜபக் ஷவை மீண் டும் அதிகாரத்துக்கு கொண்டு வருவதும் தான், இவர்களின் அடிப்படை நோக்கமாக இருக்கிறது. அதனைத் தான் இவர்கள் செயற்படுத்தி வருகின்றனர்.

ஸ்ரீலங்கா சுதந்திரக் கட்சியில் உள்ள அதிருப்தி அணியினரை சமாதானப்படுத் தும் வகையில் டிசம்பர் வரையில் பொறுத்திருக்குமாறு ஜனாதிபதி மைத்திரிபால சிறிசேன கோரியிருக்கிறார். சந்திரிகா குமாரதுங்கவும் கூட பேச்சுக்களை நடத்தி வருகிறார்.

ஆனாலும், அதிருப்தி அணியினர் எந்த முடிவையும் எடுத்ததாக கூறவில்லை. அவர்

கள் இந்தப் பதற்ற நிலை கடைசி வரை தொடர வேண்டும் என்றே விரும்புவார்கள்.

ஏனென்றால், அரசாங்கத்துக்கு நெருக்கடி கொடுத்து எதையும் செய்யாமல் தடுப்பது தான் அவர்களின் முதல் இலக்கு.

இந்தக் குழப்பங்களால், அரசாங்கத்தின் பணிகள் முடக்கமடையும். அரசியலமைப்பு மாற்ற முயற்சிகளும் தாமதமடையும். இத னைத்தான் அவர்கள் எதிர்பார்க்கிறார்கள். அரசாங்கத்தின் மீது குற்றச்சாட்டுகளைச் சுமத்தி, அதன் இயலாமையை வெளிப்படுத்தி, பலவீனப்படுத்துவதிலேயே குறி யாக இருக்கிறார்கள்.

ஆனால், மஹிந்த ராஜபக் ஷவை பிரதம ராக நியமித்தால் கூட, சுதந்திரக் கட்சியி னரின் ஆதரவுடன் அவரால் அரசாங்கத் தை அமைக்க முடியாது. காரணம், பாராளுமன்றத்தில் அவர்களுக்கு 95 உறுப்பினர்கள் தான் உள்ளனர்.

225 பேர் கொண்ட பாராளுமன்றத்தில் அறுதிப் பெரும்பான்மைக்குத் தேவையான, 113 ஆசனங்களைப் பெறுவதற்கு, மேலும் 18 உறுப்பினர்களின் ஆதரவைப் பெற வேண்டும்.

இது ஸ்ரீலங்கா சுதந்திரக் கட்சியாலோ, அல்லது மஹிந்த ராஜபக் ஷவினாலோ அவ்வளவு இலகுவில் சாத்தியமான விடயமாக இருக்காது.

ஏனென்றால், மஹிந்த ராஜபக் ஷ பிரதமராக பொறுப்பேற்கும் அரசுக்கு, 16 ஆசனங்களைக் கொண்ட தமிழ்த் தேசி யக் கூட்டமைப்பு ஒருபோதும் ஆதரவளிக்காது. அது போலவே, 6 ஆசனங்களைக் கொண்ட ஜே.வி.பி.யும் ஆதரவு தராது.

ஏனைய கட்சிகளின் ஆதரவுடன் ஆட்சியமைக்கும் தெரிவு ஒன்று இருந்தால், இந்த இரண்டு கட்சிகளினதும் ஆதரவை அவர்கள் பெற வேண்டும். அது சாத்தியமில்லை.

அவ்வாறாயின் இருப்பது ஒரே ஒரு தெரிவு தான். ஐ.தே.க.வுக்குள் பிளவுகளை எற்படுத்தி, 18 பாராளுமன்ற உறுப்பினர்களை தமது பக்கத்துக்கு இழுப்பது. மஹிந்த ராஜபக் ஷ இந்த உத்தியை முன்னர் அதிகாரத்தில் இருந்த போது ஒன்றுக்கு இரண்டு தடவைகள் கையாண்டிருந்தார்.

அதன் மூலமே அவர் பாராளுமன்றத்தில் மூன்றில் இரண்டு பெரும்பான்மையையும் தக்க வைத்துக் கொண்டார்.

அதுபோல இப்போது செய்வதற்கும் வாய்ப்புகள் அரிது, ஐ.தே.க.வுக்குள்ளேயும் அதிருப்தி அணியினர் இருந்தாலும், ஆட்சியில் உள்ள தமது கட்சி அரசாங்கத்தை கவிழ்ப்பதற்கு அவர்கள் துணை போவார்களா என்பது சந்தேகம்.

எனவே, தற்போதைய நிலையில், சுதந்திரக் கட்சி அரசாங்கத்தை அமைக்க வேண்டும் என்று ஜனாதிபதிக்கு அந்தக் கட்சி உறுப்பினர்கள் கொடுக்கின்ற அழுத்தம் போலியானதே. மைத்திரிபால சிறிசேனவை செயலற்ற நிலைக்குள் தள்ளுவதும், ரணில் விக்கிரமசிங்க அரசாங்கத்தை குழப்புவதற்காகவும் தான் இவ்வாறு நடந்து கொள்கின்றனர்.

அதேவேளை, சுதந்திரக் கட்சியின் அதிருப்தி அணியினர் மிரட்டுவது போன்று, செப்டெம்பரிலோ, டிசம்பரிலோ, அரசாங்கத்தை விட்டு வெளியேறினால் அடுத்து என்ன நடக்கும்? ரணில் விக்கிரமசிங்க அரசாங்கம் கவிழ்ந்து விடுமா? என்ற கேள்விகள் உள்ளன.

நிச்சயமாக அப்படியொரு சூழலில், ரணில் விக்கிரமசிங்க அரசாங்கம் கவிழ்வதற்கான வாய்ப்புகள் குறைவு. ஏனென்றால், ஐ.தே.க.வுக்கு, பாராளுமன்றத்தில் 106 ஆசனங்கள் இருக்கின்றன. அறுதிப் பெரும்பான்மையை விட அவர்களுக்கு குறைவாக இருப்பது வெறும் 7 ஆசனங்கள் தான்.

சுதந்திரக் கட்சியின் அதிருப்தி அணியினர் அரசாங்கத்தை விட்டு வெளியேறும் போது, 18 அல்லது 20 பேர் தான் வெளியே செல்வார்கள். எனவே கூட்டு அரசாங்கத்துக்கு அது பாதிப்பை ஏற்படுத்தாது.

ஒருவேளை, ஸ்ரீலங்கா சுதந்திரக் கட்சியைக் காப்பாற்றுவதற்காக, கூட்டு அரசாங்கத்தை விட்டு வெளியேற மைத்திரிபால சிறிசேன முடிவெடுத்தாலும் கூட, ரணில் விக்கிரமசிங்க அரசாங்கம் கவிழாது.

தமிழ்த் தேசியக் கூட்டமைப்பு வெளியில் இருந்து ஆதரவு கொடுக்க முடிவு செய்யக் கூடும். ஏனென்றால், தற்போதைய நிலையில் மஹிந்த ராஜபக் ஷ அதிகாரத்துக்கு வருவதை தடுப்பதற்கோ, இன்னொரு தேர்தலுக்கு முகம் கொடுப்பதை தவிர்ப்பதற்கோ தமிழ்த் தேசியக் கூட்டமைப்பு வெளியில் இருந்து ஆதரவு கொடுக்கும் முடிவை எடுக்கலாம்.

எவ்வாறாயினும், கூட்டு அரசாங்கத்தை பிரிப்பதே மஹிந்தவின் திட்டமாக இருக்கிறது. அதிலிருந்து இந்தக் கூட்டைக் காப்பாற்றுவதே மைத்திரி,-ரணில்,- சந்திரிகாவின் முயற்சியாக உள்ளது.

மஹிந்த ராஜபக் ஷவைப் பொறுத்தவரையில், பிரதமர் பதவியைப் பிடிப்பது மாத்திரமே அவரது இப்போதைய திட்டம் அல்ல. அதற்கு அப்பால், 2020ஆம் ஆண்டு நடக்கப் போகும் ஜனாதிபதித் தேர்தலில் தான் நிறுத்தப் போகும், கோத்தாபய ராஜபக் ஷவோ அல்லது வேறொரு வேட்பாளரோ தான் வெற்றி பெற வேண்டும் என்பதும் கூட அவரது இலக்குத் தான்.

அதற்கு இப்போதைய ஜனாதிபதி மைத்திரிபால சிறிசேனவைப் போட்டியிடாமல் தடுக்க வேண்டும். அவர் போட்டியிட்டால், தான் நிறுத்தும் வேட்பாளரின் வெற்றி கேள்விக்குறியாகும் என்பது மஹிந்தவுக்கு நன்றாகவே தெரியும்.

எனவே தான், எப்படியாவது இந்தக் கூட்டு அரசாங்கத்துக்கு ஆப்பு வைப்பதற்கு அவர் எத்தனிக்கிறார். இதனைக் கவனத்தில் கொண்டு தான், எப்படியாவது கூட்டை தக்கவைத்துக் கொள்ளும் போராட்டம் நடந்து கொண்டிருக்கிறது.

http://content.epaper.virakesari.lk/newspaper/Weekly/samakalam/2017-07-23#page-1

rss-image-world-news

எதிரி நாடுகளுடன் போர் மூண்டால் இந்திய ராணுவ வெடிபொருட்கள் பத்தே நாட்களில் காலியாகிவிடும்: நாடாளுமன்றத்தில் சிஏஜி அறிக்கை தாக்கல்

ciaa

கோப்புப் படம்

எதிரி நாடுகளுடன் போர் மூண்டால் இந்திய ராணுவத்தின் வெடிபொருட்கள் பத்தே...

இந்திய பீரங்கி உதிரிபாகங்களிலும், போலியை புகுத்திய சீனா.. பகீர் தகவல் அம்பலம்.. சிபிஐ விசாரணை.

ஜெர்மனியில் தயாரிக்கப்பட்டது என மிகவும் மலிவான விலையிலான சீன உதிரி பாகங்கள் இந்திய தயாரிப்பு பீரங்கிகளில் பொருத்தப்பட்டு உள்ளது. இது தொடர்பாக டெல்லியை தலைமையகமாக செயல்படும் நிறுவனம் ஒன்றின் மீது...

சென்னையிலிருந்து திருப்பி அனுப்பப்பட்ட 16 பிரிட்டிஷ் குழந்தைகள்

படத்தின்...

நியூஸிலாந்தில் கடும் புயல்! – அவசர நிலை பிரகடனம்!!

...

பிரித்தானியாவிற்கும் ஐரோப்பிய ஒன்றியத்திற்கும் இடையில் இணக்கப்பாடு எட்டப்படக்கூடிய சாத்தியம் குறைவு

...