யாரிவர்?

[வர்ணன்]

16 வயசில் பல ஆசை வருமே-

இனம்மேலொரு ஆசை எவருக்கும் வருமா?

திசைக்கொன்றாய் பறக்கும் சிட்டு குருவி

வெடிகுண்டை தன் மடியில் - காவி

வீணே தன்னை கொல்ல நினைக்குமா?

எப்படி ஆச்சு?

ஆலயத்தில் போய் அழுவதில் - பயனில்லை

ஆட்லறிதான் - இனி எங்கள் பேச்சு- !

இப்படி நினைத்தாரே ஒருவர் -!

உன்னால்-என்னால்-எவரால் எண்ணி

பார்த்திருக்க முடியுமா? -ஆகியிருந்ததே!

இப்படி இப்படி -பாருங்களேன்!

எவர் நினைத்திருப்பார் - இந்த

இரும்பு மகன் எங்களை ஆள்வான் என்று?

ஒவ்வொரு வயதிலும் - ஒவ்வொரு ஆசை வரும்-

மனிதன்-மாறுவான் - அப்பிடிதான் என்கிறார்-!

பத்துகளிலிருந்து - ஐம்பதுகள்வரை - நீர்

அசைந்ததே இல்லையே- எப்படி எப்படி ?

எப்படி எப்படி - உம் பாட்டன்

வயசுள்ளவருக்கும் - தலைவரென்றானீர்

எப்படி எப்படி?

மூச்சடைத்து கிடந்த இனத்துக்கு - கதவுடைத்து

பிராணவாயு தந்த கரிகாலரே!

எங்கள் தேசத்து பிரவாகமே

பிரபாகரனே-தலைவா-!!

பட்டமும் பதவியும்-பத்து காசும் - வருது - என்றால்

என்னவும் செய்வார் - இந்த எச்சில் இலை தின்போர்!

எதுவும் வேணாம் - இனமே வேண்டும் --

இருப்பவரை பேச விட்டு - நீர் வருஷம் - ஒரு முறை

பேசுகிறீர் - எப்படி உம்மை புரிந்துகொள்ள?

கொஞ்சம் - சக்தி வந்தாலே -

அடுத்தவனை அடிச்சு கொன்று வாழ நினைக்கிறார் -அற்பர்!

எல்லா சக்தியும் இரு தோழில் கொண்டும்

இனத்துக்காய் உம் வாழ்வை தொலைக்கிறீரே!

புரிய முடியவில்லை -!

உதாரணம் உமக்கு நிகர்

யாரும் உலகில் இருந்தால்தானே

ஒப்பிட்டு - உம்மை நாம் அறிந்து கொள்வோம்!

வேலுப்பிள்ளையின் மகவென்று நீர் ஆகலாம்-

இந்த வேதனையில் கிடந்து உழலும்

ஒவ்வொரு தமிழ் மகனுக்கும் - நீர்தான் -தாய்!!

[Nitharsan]

அருமையான கவிதை வர்னன். தலைவரின் உறுதியையும் அவர் கொள்ளைக் பற்றையும் கண்முன்னே கொண்டு வந்தீர்கள்... தொடர்ந்து எழுதுங்கள்....

[அருவி]

தலைவரினைப்பற்றி நிதர்சனமான கவிதையை அருமையாகத் தந்திருக்கிறீர்கள். வாழ்த்துக்கள் வர்ணன்.

[iniyaval]

கவிதை நன்றாக உள்ளது வர்ணன். வாழ்த்துக்கள்.

[sankeeth]

கவிதை நன்று வர்ணண். தலைவரின் மகத்துவத்தை இனிமையாய் கூறியுள்ளீர்கள்.

[Rasikai]

தலைவரைப்பற்றிய கவி நன்றாகவுள்ளது வாழ்த்துக்கள்.

[karu]

வீரம் விளைந்ததடா தமிழ் ஈழமண் மீதினிலே - வரி

வேங்கை எழுந்ததடா வல் வெட்டித் துறையினிலே

ஆரத்தில் ஆல விடத்தினைக் கட்டிய

ஆண்மைக் குமரனடா - பெரும்

ஆபத்தையே பனியாக மதித்திடும்

ஆதித்ய சோதியடா

சீலத்தில் வாய்மையில் போர்ப்படை கட்டிய

சிந்தனையாளனடா - எங்கள்

செந்தமிழன் பிரபாகரன் என்கின்ற

செல்வக் குமரனடா

இந்தியச் சூதினை எட்டியுதைத்திட்ட

எங்கள் தலைவனடா - தமிழ்

விந்தியந் தொட்டுக் குமரி வரையெனும்

விதியை மறுத்தவன் டா

செந்தமிழ் ஈழ மணித்திரு நாட்டைச்

செதுக்கிய சிற்பியடா - ரத்தம்

சிந்திச் சிந்தித் தமிழ் மானத்தைக் காத்திடச்

சீறிடும் வேங்கையடா.

குட்டக் குனிந்த தமிழன் நிமிர்ந்து

குதறிட வைத்தவன் டா - அட

எட்டுத்திசையிலும் ஈடிணையற்ற-எம்

ஈழத்தலைமகன் டா

துட்டகெமுனு தொடக்கிவைத்திட்ட

துயரை ஒழித்தவன் டா - நாம்

பட்டது போதுமென்றார்த்து எதிரியில்

பாய்ந்த புலியவன் டா

ஆயிரமாயிரம் வேங்கைகள் சேர்த்து

அணிநடை செய்தவன் டா - உயிர்

மாய்வதெம் மண்ணினுக்காய் என வாழும்

மறவர் தலைவனடா

பேய்களுலாவிடு காடதுவாக்கிய

பேரின வாதிகளின்-தலை

சாய எம் மண்ணினில் வீர பராக்ரம

சாகசம் செய்பவன் டா

எத்தனை கோடி துயர் வந்தபோதும்

இடிந்து விடாதவன் டா - தன்னை

மொய்த்த பகைதனை ஈயெனவோர் பெரு

மூச்சிற் கலைப்பவன் டா

இத்தரை மீதிற் கரந்தடி வித்தையில்

ஈடிணையற்றவன் டா - எங்கள்

சொத்தென தாயக ஈழமண் தன்னிற்

சுதந்திரம் கேட்பவன் டா

சேய்கள் பல்லாயிரம் சேர்ந்தனர் - சூழ் பெருந்

தீமையழியுமடா - அவர்

வாய்மையில் வீர வழிமுறையில்-தமிழ்

மாண்பு சிறந்ததடா

ஆயதங்கையில் அறவழி நெஞ்சிலென்(று)

ஆர்க்கும் புலிகளினால் - துயர்

போயின போயின என்று தமிழ் மகள்

துள்ளி நிமிர்வாளடா

யுகசாரதியின் கவிதைகளிலிருந்து

[வர்ணன்]

நன்றி நிதர்ஷன் - அருவி- சங்கீத்-இனியவள்-ரசிகை 8)

[RaMa]

வர்ணன் தலைவரைப்பற்றிய கவிதை நன்றாக இருக்கின்றது. வாழ்த்துக்கள்.

[விது]

அருமை அருமை...

[malu]

வர்ணன் உங்கள் கவிதை நான் எழுதிய கடிதத்தை ஒட்டியிருக்கிறது.வாழ்த்துக்

[malu]

வர்ணன் உங்கள் கவிதை நான் எழுதிய கடிதத்தை ஒட்டியிருக்கிறது.வாழ்த்துக்

[Jenany]

தலைவரை பற்றி எழுதிய கவிதை அருமையா இருக்கு.. வாழ்த்துக்கள் வர்ணன்.

[mathavan]

கவி நன்றாக உள்ளது வர்ணன். வாழ்த்துக்கள்