அவன் அழைத்த இளையோரே!!! எங்கே நீங்கள்???

[கவிதை]

முகம் தெரியாத தியாகங்களின் முகவரிகளை,

முகமூடிகள் மட்டுமே தேடும் நிர்ப்பந்தம்!

காலத்தின் கண்ணாடிகளில் விம்பங்களாய் விழுந்த

கோலங்கள் .... எம் காலடிகளில் மிதிபடும் பரிதாபம்!!

மாறுவேடம் பூண்டுதான்... மாவீரரையும் பூசிப்போமா? - இல்லை

மாறிமாறி நின்றுதான்... அவர்களை நிந்திப்போமா?

காறியுமிழ்ந்த எச்சங்களில்... அந்தக் கல்லறைகளின் மிச்சங்கள்!

தேறிநிற்கும் தமிழர்க்கு... அவர்கள் தேவையில்லைப் போல??

நெஞ்சு நிமிர்த்தி நடக்கும் தமிழர்களே!?

பிச்சைக்காரர்கள்தான் நாங்கள்.... புரிகின்றதா?

பித்துப் பிடித்தா.... தம்மேனி பிய்த்தெறிந்தார்கள்??

யாருக்காக? எதற்காக? .... தெரியாதா உங்களுக்கு???

இரவல் வீரத்தில்... இழக்காரம் கதைக்கும் உங்கள் நாவில்,

அவர்கள் கழுத்து நஞ்சைவிட கொடிய விஷம்!!!

எமக்காக மாண்டவர்களை மீண்டும் மீண்டும் சாகடித்தபடி,

மார்தட்டும்... வீரப் பரம்பரை நாம் மட்டுந்தான்!!!

மனச்சாட்சி என்றொன்றின்... அவசியத் தேவை எமக்குத்தான்!

சாட்சிகளாய் நிற்கும் அவலங்கள்.... புலமேறிவந்து,

நிரந்தர வதிவிட , குடியென நிமிர்ந்து நிற்கப் பண்ணின்,

அது போதும் எங்களுக்கு...!!! மனச்சாட்சியெல்லாம் எமக்கெதற்கு???

அப்படித்தானே????????

இங்கு நாம் சுவாசிக்கும் குளிர்காற்றுக்கூட,

எங்களைச் சுட்டெரிக்கிறதாய் உணரும் உள்ளங்களில்...

எரியும் நெருப்புக்களை அணையவிடாதீர்கள்! - ஏனெனில்,

எம் மாவீரர்க்கு ஏற்றும் உண்மையான அகல்விளக்கு அதுவாய்த்தான் இருக்கும்!!!

உள்ளெரியும் நெருப்பின் சுவாலைகள்தான்... பகை விரட்டி,

கலங்கரை விளக்கின் வெளிச்சமாய் நின்றெரிந்து...

விடிகின்ற எம் தேசமதில்... நாளை நம்மைக் கரை சேர்க்கும்! - அதுவரை

அந்தக் கல்லறைகள் ... எமக்காகக் காத்திருக்கும்!!!

எங்களை நம்பித்தான் இறுதிவரை ஈடேறின தியாகங்கள்!

மற்றவர்களின் தியாகங்களில் குளிர்காய வேண்டாமே!!

எங்களுக்காய் களமாடி நெடுந்துயிலும் கல்லறை வீரரை,

பிரியாது நின்றேனும்.... உணர்வோடு நினைப்போமே!!!

மண்டபங்கள் எடுத்து... மடப்பள்ளி வைத்து,

வீண் வாதம் செய்ய வேண்டாம்- உங்கள் மனந்தன்னுள்,

மனமார நினைத்து .. .கையில் ஒரு தீவர்த்தி போதுமே!

அவன் அழைத்த இளையோரே!!! எங்கே நீங்கள்???

அவன் அழைத்த இளையோரே!!! எங்கே நீங்கள்???

**********************************************************

இன்றுவரை, தமிழீழ விடுதலைக்கென தங்களின் உயிர்களை அர்ப்பணித்த அத்தனை மாவீரர்கள் மற்றும் அனைத்து உறவுகளையும் நினைவில் நிறுத்தி..... அவர்களின் தியாகங்களை, அர்ப்பணிப்புக்களைக் கருத்தில் கொண்டு .... அவர்களின் இலட்சியங்களை ஈடேற்ற ஒற்றுமையுடன் பயணிப்போம்...... இறுதிவரை!!!

http://www.youtube.com/watch?v=UakxpJNJz38&feature=related

[நிலாமதி]

காலத்துக்கேற்ப உணர வைக்கும் பதிவு.............நன்றி

[வாத்தியார்]

இங்கு நாம் சுவாசிக்கும் குளிர்காற்றுக்கூட,

எங்களைச் சுட்டெரிக்கிறதாய் உணரும் உள்ளங்களில்...

எரியும் நெருப்புக்களை அணையவிடாதீர்கள்! - ஏனெனில்,

எம் மாவீரர்க்கு ஏற்றும்  உண்மையான அகல்விளக்கு அதுவாய்த்தான் இருக்கும்

கவிதை தந்த வரிகள் நிச்சயம் அவர்களின் மனச்சாட்சியை கேள்வி கேட்கும் நன்றி கவிதை

[KuLavi]

கவிதை அண்ணா, நீங்கள் எதை எழுதினாலும் கவிதையாக பாய்கிறது. ஒரு பச்சை அண்ணா.

பல இளையோரை நமது மூத்த தமிழீழ ஆர்வலர்கள் கையாள தெரியாமல் அவர்கள் ஓடிய காலம் உண்டு.

நானும் எங்கே என்று தேடியபோது யாழில் அது கிடைத்தது.

http://www.yarl.com/forum3/index.php?showtopic=94544

[கவிதை]

காலத்துக்கேற்ப உணர வைக்கும் பதிவு.............நன்றி

நன்றி நிலாமதி அக்கா! காலத்துக்கு ஏற்ப நிலைமைகளைப் புரிந்து நடக்க வேண்டிய நிலைமைகளில் நாங்கள் இப்போது இருக்கின்றோம்!

எமக்காக தமது வாழ்வினை அர்ப்பணித்தவர்களின் நினைவுகளை சுமப்பது கூட எங்களுக்கு பெரும் சுமையாகத் தெரிகின்றதே........... மனதினை உறுத்துகின்றது நிதமும்!

[கவிதை]

கவிதை தந்த வரிகள் நிச்சயம் அவர்களின் மனச்சாட்சியை கேள்வி கேட்கும் நன்றி கவிதை

மனச்சாட்சிகளின் கதவுகளை தட்டித் திறந்தால் அது நன்றே!

நன்றி வாத்தியார்!

[கவிதை]

கவிதை அண்ணா, நீங்கள் எதை எழுதினாலும் கவிதையாக பாய்கிறது. ஒரு பச்சை அண்ணா.

பல இளையோரை நமது மூத்த தமிழீழ ஆர்வலர்கள் கையாள தெரியாமல் அவர்கள் ஓடிய காலம் உண்டு.

நானும் எங்கே என்று தேடியபோது யாழில் அது கிடைத்தது.

http://www.yarl.com/...showtopic=94544

இளையோர்களின் ஆதரவினையும் ஆக்கபூர்வமான செயற்பாடுகளையும் ... புலம்பெயர் தேசங்களில் பெற்றுக்கொள்வதை தவறவிட்டுவிட்டோம்! இனிமேலும் அவ்வாறான தவறுகளை விடாமல்... அவர்களின் கைகளில் நெறிமுறையான செயற்பாடுகள் ஒப்படைக்கப்படவேண்டும்!

அதற்குத் தயாரான நிலையில் தாங்கள் இருக்கின்றார்கள் என.....கடந்த சில வருடங்களாக, இளையோர் தமது செயற்பாடுகளின் மூலம் நிரூபித்துள்ளார்கள்!

நன்றி சகோதரா!

[புங்கையூரன்]

காலத்தின் கண்ணாடிகளில் விம்பங்களாய் விழுந்த

கோலங்கள் .... எம் காலடிகளில் மிதிபடும் பரிதாபம்!!

நெஞ்சு நிமிர்த்தி நடக்கும் தமிழர்களே!?

பிச்சைக்காரர்கள்தான் நாங்கள்.... புரிகின்றதா?

எமக்காக மாண்டவர்களை மீண்டும் மீண்டும் சாகடித்தபடி,

மார்தட்டும்... வீரப் பரம்பரை நாம் மட்டுந்தான்!!!

மண்டபங்கள் எடுத்து... மடப்பள்ளி வைத்து,

வீண் வாதம் செய்ய வேண்டாம்- உங்கள் மனந்தன்னுள்,

மனமார நினைத்து .. .கையில் ஒரு தீவர்த்தி போதுமே!

கவிதையல்ல, இது!

காலத்தின் ஒளித் தெறிப்பு!

ஆதங்கங்களை, ஏக்கங்களை அழகாக வடித்திருக்கிண்றீர்கள், கவிதை!

ஒரே ஒரு பச்சை தான் மிச்சம் இருந்தது! அதுவே உங்களுக்கு!

[குமாரசாமி]

இன்றுவரை, தமிழீழ விடுதலைக்கென தங்களின் உயிர்களை அர்ப்பணித்த அத்தனை மாவீரர்கள் மற்றும் அனைத்து உறவுகளையும் நினைவில் நிறுத்தி..... அவர்களின் தியாகங்களை, அர்ப்பணிப்புக்களைக் கருத்தில் கொண்டு .... அவர்களின் இலட்சியங்களை ஈடேற்ற ஒற்றுமையுடன் பயணிப்போம்...... இறுதிவரை!!!

[KuLavi]

அவன் அழைத்த இளையோர் இங்கே. இவர்கள் வெளிநாட்டில் பரிந்து வளர்ந்த வெள்ளை தமிழர்கள்.

இவர்களுக்கு நாம் உதவத்தேவையில்லை. பட்டு துணி போர்க்க தேவை இல்லை. குட் ஜாப் என்ற ஊக்க வார்த்தைகளே அவர்களுக்கு போதும்.

ஸ்ரீ லங்காவின் கிழடு கட்டை வாய் வெடியங்களை போட்டு தாக்குகிறார்கள்.