இந்தியனும் பதில் அடி குடுத்துட்டான்

[பையன்26]

http://www.cricinfo.com/indvrsa2010/engine/current/match/441826.html

கோல்கட்டா: டெஸ்ட் கிரிக்கெட் அரங்கில் தனது நம்பர் - 1 இடத்தை இந்தியா தொடர்ந்து தக்க வைத்துக் கொண்டுள்ளது. தென் ஆப்ரிக்காவிற்கு எதிரான இரண்டாவது டெஸ்டில், இந்திய அணி, ஒரு இன்னிங்ஸ் 58 ரன்கள் வித்தியாசத்தில் அபார வெற்றி பெற்றது. இந்தியா வந்துள்ள தென் ஆப்ரிக்க கிரிக்கெட் அணி 2 போட்டிகள் கொண்ட டெஸ்ட் தொடரில் விளையாடியது. நாக்பூரில் நடந்த முதல் போட்டியில், இந்திய அணி இன்னிங்ஸ் தோல்வி அடைந்து 0-1 கணக்கில் பின்தங்கியது.

இந்நிலையில், கோல்கட்டா டெஸ்ட் போட்டியில் வென்றால் மட்டுமே, முதலிடத்தை தக்கவைத்துக்கொள்ள முடியும் என்ற நிலையில், இந்திய அணி களமிறங்கியது. டாஸ் வென்ற தென் ஆப்ரிக்க அணி, முதலில் பேட் செய்ய தீர்மானித்து களமிறங்கியது. அந்த அணி தனது முதல் இன்னிங்சில், 296 ரன்களுக்கு அனைத்து விக்கெட்டுகளையும் இழந்தது. தென் ஆப்ரிக்கா சார்பில், பீட்டர்சன் மற்றும் ஆம்லா ஆகியோர் சதமடித்தனர். இந்திய தரப்பில், ஜாகீர்கான் 4 விக்கெட்டுகளையும், ஹர்பஜன்சிங் 3 விக்கெட்டுகளையும் வீழ்த்தினர். பின்னர் தனது முதல் இன்னிங்சை விளையாடத் துவங்கிய இந்திய அணி, சச்சின், சேவக், லஷ்மணன் மற்றும் சேவக் ஆகியோரின் அபார சதத்தால், 6 விக்கெட் இழப்பிற்கு 643 ரன்கள் குவித்து டிக்ளேர் செய்தது.

347 ரன்கள் பின்தங்கிய நிலையில், தனது இரண்டாவது இன்னிங்சை துவக்கிய தென் ஆப்ரிக்க அணி, மூன்றாம் நாள் ஆட்ட நேர முடிவில் விக்கெட் இழப்பின்றி 6 ரன்கள் எடுத்திருந்தது. மழை மற்றும் போதிய வெளிச்சமின்மை காரணமாக தடைபட்ட நான்காம் நாள் ஆட்ட முடிவில், தென் ஆப்ரிக்க அணி, 3 விக்கெட் இழப்புக்கு 115 ரன்கள் எடுத்திருந்தது. இந்நிலையில், போட்டியின் க‌டைசி நாளான இன்று (வியாழக்கிழமை), தென் ஆப்ரிக்க அணியின் விக்கெட்டுகளை இந்திய பவுலர்கள் மடமடவென சரித்தனர். ஆம்லா மட்டும் சிறப்பாக விளையாடி, கடைசிவரை ஆட்டமிழக்காமல் 123 ரன்கள் எடுத்தார். இறுதியில் தென் ஆப்ரிக்க அணி, தனது இரண்டாவது இன்னிங்சில், அனைத்து விக்கெட்டுகளையும் இழந்து, 290 ரன்கள் மட்டுமே எடுத்து, ஒரு இன்னிங்ஸ் மற்றும் 58 ரன்கள் வித்தியாசத்தில் தோல்வியை தழுவியது. இதன் மூலம் ‌டெஸ்ட் தொடர் 1-1 என்ற கணக்கில் சமனானது. முதல் போட்டியில் அடைந்த இன்னிங்ஸ் தோல்விக்கு பழி தீர்த்த இந்திய அணி, கிரிக்கெட் தரவரிசையில், தனது முதலிடத்தையும் தக்க வைத்துக் கொண்டது.

[பையன்26]

http://www.cricketcrowd.com/Play_Video-23-3069-1425.html