1000 ரூபா சம்பளத்தை வழங்க முடியாது -முதலாளிமார் சம்மேளனம் திட்டவட்டம்

[பிழம்பு]

(எஸ்.வினோத்)

பெருந்தோட்ட மக்களின் 1000 ரூபா சம்பள உயர்வை வழங்க முடியாது எனத் தெரிவித்துள்ள முதலாளிமார் சம்மேளனம் எந்தவொரு சந்தர்ப்பத்திலும் இனி தொழிற்சங்கங்களுடன் பேச்சுவார்த்தைகளை முன்னெடுக்கப் போவதில்லை எனவும் தெரிவித்துள்ளது.

தேட்டத்தொழிலாளர்களினால் முன்னெடுக்கப்படும் வேலைநிறுத்தப்போராட்டத்தில் முதலாளிமார் சம்மேளனத்தின் தலைவர் என்ற வகையில் தனக்கு உயிர் அச்சுறுத்தல் விடுக்கப்பட்டுள்ளமையினால் இனிவரும் காலங்களில் முதலாளி மார் சம்மேளனம் தொழிற்சங்கங்களுடனான பேச்சுவார்த்தையில் ஈடுப்படாது என பெருந்தோட்ட முதலாளிமார் சம்மேளனத்தின் தலைருவரும் இலங்கைய தொழில் வழங்குனர் சம்மேளனத்தின் தலைவருமான ரொஷான் ராஜதுறை தெரிவித்தார்.

கொழும்பில் இடம்பெற்ற முதலாளிமார் சம்மேளனத்தில் ஊடகவியலாளர் சந்திப்பில் கலந்துக்கொண்டு கருத்து தெரிவிக்கும் போதே அவர் இதனை தெரிவித்தார். 

தோட்டத்தொழிலாளர்களினால் முன்னெடுக்கப்படும் வேலைநிறுத்தப்போராட்டம் நியாயமற்றது கூட்டு ஒப்பந்தத்தின் பிராகரம் பேச்சு வார்த்தை நடைப்பெற்றுக்கொண்டிருக்கும் வேலைநிறுத்தத்தில் ஈப்படுவது கூட்டு ஒப்பந்தத்தை மீறும் செயலாகும். 

அத்துடன் இந்த வேலை நிறுத்தப் போராட்டம் நாட்டின் பொருளாதாரத்திற்கு பாரிய தாக்கத்தை ஏற்படுத்தியுள்ளது எனவும் தெரிவித்தார்.

http://www.virakesari.lk/article/46191

[தமிழ் சிறி]

யார்... அந்த முதலாளிமார்?
ஆறுமுகன் தொண்டைமான் போன்றவர்களே... அந்த முதலாளியும், அரசியல் வாதிகளும்.
பிள்ளையையும்... கிள்ளி விட்டு, தொட்டிலையும் ஆட்டும்... அரசியல் இனி எடு படாது.

[ஈழப்பிரியன்]

1 hour ago, தமிழ் சிறி said:

யார்... அந்த முதலாளிமார்?
ஆறுமுகன் தொண்டைமான் போன்றவர்களே... அந்த முதலாளியும், அரசியல் வாதிகளும்.
பிள்ளையையும்... கிள்ளி விட்டு, தொட்டிலையும் ஆட்டும்... அரசியல் இனி எடு படாது.

முதலாளிமார் தொழிலாளிக்கு கொடுக்க மாட்டார்கள்.
ஆனால் தொண்டமான் மாதிரியான அரசியல்வாதிகளுக்கு அள்ளி இறைப்பார்கள்.

[போல்]

5 hours ago, பிழம்பு said:

பெருந்தோட்ட மக்களின் 1000 ரூபா சம்பள உயர்வை வழங்க முடியாது எனத் தெரிவித்துள்ள முதலாளிமார் சம்மேளனம்

அவர்களின் 8 மணிநேரத்துக்கு மேற்பட்ட தினசரி உழைப்புக்கு தினக் கூலி ரூ1000/- என்பது கூட போதுமானது இல்லை.

தொழிலாளர்கள் 3 மாதங்கள் தொடர்ந்து வேலைக்கு போகாது விட்டால் தான் முதலாளிமார்களுக்கு நிலைமை விளங்குமோ தெரியவில்லை.    

மலையக அரசியல்வாதிகளாக ஆறுமுகம் தொண்டமான் போன்ற அயோக்கியர்கள் இருக்கும்வரையில் தொழிலாளர்களுக்கு நியாயமான சம்பளமும் கிடைக்காது, நடைமுறையிலுள்ள இலங்கையின் தொழிலாளர் நலச் சட்டங்களும் மலையக தொழிலாளர்களுக்கு பயன் தராது.

இந்தப் பின்னணியில் தான் சம்மந்தன்-மாவை-சுமந்திரன் கும்பல் ஜனநாயகத்தைக் காப்பாற்ற அலைகிறார்களாம்.

[பெருமாள்]

அவர்கள் பேசாமல் வளைகுடா நாடுகளுக்கு வேலைவாய்ப்பை பெற்று செல்வதை ஊக்குவிக்கனும் அப்ப தெரியும். 

அந்த மக்கள் காடாக இருந்த அந்த மலையகத்தை பணம் கொழிக்கும் பூமியாக்கியவர்கள் சந்தர்ப்பம் கிடைத்தால் தம் ஏழ்மையை மாற்றிவிடும் வல்லமை இருக்கும் இந்த 1000 குடுக்காவிட்டால் அவர்கள் மாற்று வழிகளை நாடுவார்கள் எல்லாம் நன்மைக்கே .

[colomban]

ஆறுமுகம்,  திகாம்பரம் போன்ற ஆளுமயற்ற / துப்புகெட்ட தலைவர்கள், இறுக்கும்வரை இப்படியே இவர்கள் இருப்பார்கள். ராங்கா எனும் அரசியல்‍வியாதியும் இவர்களை ஒரு ride எடுத்து சென்றான். அன்றிலிருந்து இன்றுவரை இவர்கள் இப்பயே வறுமையில் வாழ்கின்றார்கள் ஏன்?

இவர்களது வாழ்க்கை முறையும் மாறவேண்டும். நாள் முழுவது அட்டைகடியுடன் சகதியில் இருந்து வேலை செய்தல் மாலையானல் நன்றாக குடித்தல், கல்வியை இடை நடுவில் கைவிடல், மாற்று வாழ்வாதர முயற்சியை தேடமை. இவர்களும் தாங்களாக நினைத்து இந்த சக்கரத்தில் இருந்து மீள வேண்டும். இந்த உலகம் எவ்வளவு பெரியது தேடிங்கள் கண்டடைவீர்கள்?