ரஷ்யாவில்... மூதாட்டிகளுக்கான பேஷன் ஷோ!

[தமிழ் சிறி]

ரஷ்யாவில் உற்சாக வரவேற்பு பெற்ற மூதாட்டிகளுக்கான பேஷன் ஷோ!

ரஷ்யத் தலைநகர் மொஸ்கோவில் இடம்பெற்ற கலகலப்பான பேஷன் ஷோ ஒன்று குறித்து அறிந்தால் நீங்கள் ஆச்சரியப்படுவீர்கள்.

பல விதமான பிஜாமா ஆடைகளை அணிந்து கொண்டு வயதானாலும் இளமை தோற்றத்துடன் கெட் வோக்கில் நடைபயிலும் வயதான பெண்கள் இவர்கள்.

இந்த பேஷன் ஷோவில் கலந்து கொண்ட மொடல்கள் மட்டுமன்றி பார்வையாளர்களும் பெரும்பாலும் முதியவர்களாகவே இருந்தனர்.

அத்துடன் 50 வயதுக்கும் மேற்பட்ட பல மொடல்களும் இந்த நிகழ்வில் தமது ஆடை அணிகலன்களை வௌிப்படுத்தினர்.

நிகழ்வில் கலந்து கொண்ட 50 வயது மதிக்கத்தக்க மொடலான மாகரிட்டா ரைசாக்கோவ்ஸ்கயா கூறுகையில் “நான் இரண்டாவது முறையாக இந்த கெட்வோக்கில் கலந்து கொள்கிறேன். கடந்த வருடம் இடம்பெற்ற பேஷன் ஷோவிலும் பங்கேற்றேன். இப்போது நான் ஒரு அனுபவமுள்ள மொடலாகிவிட்டேன்.

நான் இதனை மிகவும் விரும்புகிறேன் என்று கூறினால் மிகையாகாது., இது வயதானவர்களுக்கு அவசியமான ஒன்று. இது மனநிலையை தூண்டுவதுடன், வாழ்க்கைக்கு தேவையான உத்வேகத்தை உயர்த்துகிறது” என்று குறிப்பிட்டார்.

இதனிடையே மற்றொரு 50 வயதுக்கு மேற்பட்ட டாட்யானா ரொடியோநோவா கூறுகையில்,”உங்களின் தன்னம்பிக்கையை மேம்படுத்தி மீண்டும் பழைய நிலைமைக்கு முன்னேற வேண்டும். வயிற்றுப்பகுதியை மிகவும் இறுக்கமாக வைத்துக் கொள்ளுங்கள். நல்ல மனநிலையுடன் இருந்தால் அனைத்து சிறப்பாக இருக்கும் என்று தெரிவித்தார்.

http://athavannews.com/ரஷ்யாவில்-உற்சாக-வரவேற்ப/