18 சட்டமன்ற உறுப்பினர்கள் தகுதி நீக்க வழக்கு: சபாநாயகருக்கு சாதகமாக தீர்ப்பு!

[கிருபன்]

18 சட்டமன்ற உறுப்பினர்கள் தகுதி நீக்க வழக்கு: சபாநாயகருக்கு சாதகமாக தீர்ப்பு!(2ஆம் இணைப்பு)

சட்டமன்ற உறுப்பினர்கள் 18 பேர் தகுதி நீக்க வழக்கில் சபாநாயகர் எடுத்த முடிவே சரி என்றும், அவர்கள் தகுதிநீக்கம் செய்யப்பட்டதில் தவறில்லை என்றும், நீதிபதி சத்தியநாராயணன் அதிரடி தீர்ப்பை வழங்கியுள்ளார்.

இன்று (வியாழக்கிழமை) காலை 10.30 மணியளவில் குறித்த வழக்கின் தீர்ப்பை வாசித்த நீதிபதி,  “சட்டமன்ற உறுப்பினர்களின் தகுதி நீக்கம் சட்டவிரோதமானதல்ல, சபாநாயகரின் முடிவில் தவறில்லை” எனக் கூறியுள்ளார்.

குறித்த 18 சட்டமன்ற உறுப்பினர்கள் தகுதி நீக்க வழக்கானது, சென்னை உயர்நீதிமன்றில்  நீதிபதி இந்திரா பானர்ஜி மற்றும் நீதிபதி சுந்தர் அடங்கிய அமர்வில் விசாரிக்கப்பட்டு வந்தது.

இந்நிலையில் குறித்த வழக்கின் தீர்ப்பை கடந்த யுன் மாதம் 14 ஆம் திகதி நீதிபதிகளான இந்திரா பானர்ஜி மற்றும் சுந்தர் ஆகியோர் பிறப்பித்தனர்.

அதில் இர நீதிபதிகளின் தீர்ப்பும் வெவ்வேறுபட்டதாக அமையப்பெற்றது. இந்திரா பானர்ஜியின் தீர்ப்பானது, சபாநாயகர் எடுத்த முடிவு சரியென்றும், சுந்தரின் தீர்ப்பானது தகுதி நீக்கம் செய்யப்பட்டமை சட்டவிரோதமானது என்றும் கூறப்பட்டிருந்தது.

இதையடுத்து இந்த வழக்கு மூன்றாம் நீதிபதி சத்தியநாராயணனிடம் மாற்றப்பட்டது. இந்நிலையில் நீதிபதி சத்தியநாராயணன் தலைமையின் கீழ் விசாரணைகள் இடம்பெற்றுவந்த நிலையில் வழக்கு முடிவடைந்தும் தீர்ப்பு வழங்கப்படாமல் ஒத்திவைக்கப்பட்டது.

இதையடுத்து இன்று தீர்ப்பு அறிவிக்கப்படும் என ஏற்கனவே தெரிவிக்கப்பட்டதற்கு அமைய சபாநாயகருக்கு சாதகமாக தீர்ப்பு வெளிவந்துள்ளமை குறிப்பிடத்தக்கது.

18 சட்டமன்ற உறுப்பினர்கள் தகுதி நீக்கம்: தீர்ப்பு இன்று!

தங்க தமிழ்செல்வன் உள்ளிட்ட 18 சட்டமன்ற உறுப்பினர்கள் தகுதி நீக்கம் செய்யப்பட்ட வழக்கில், இன்று தீர்ப்பு வழங்கப்படவுள்ளது.

சென்னை உயர்நீதிமன்றில் விசாரணைக்கு வரும் இந்த வழக்கின் தீர்ப்பு இன்று (வியாழக்கிழமை) வழங்கப்படும் என ஏற்கனவே அறிவிக்கப்பட்டிருந்த நிலையில், தீர்ப்பை நோக்கிய எதிர்பார்ப்பு அதிகரித்துள்ளது.

அ.தி.மு.க.வின் இரட்டை இலைச்சின்னத்தில் போட்டியிட்ட தங்க தமிழ்செல்வன் உள்ளிட்ட 18 சட்டமன்ற உறுப்பினர்கள் அரசுக்கு எதிராக செயற்பட்டதாக கூறி தகுதி நீக்கம் செய்யப்பட்டனர்.

இந்த வழக்கை விசாரித்த உயர்நீதிமன்றத்தின், அப்போதைய தலைமை நீதிபதி இந்திரா பானர்ஜி மற்றும் நீதிபதி எம்.சுந்தர் அடங்கிய அமர்வு மாறுபட்ட தீர்ப்பை வழங்கியது.

இதனையடுத்து வழக்க மூன்றாவது நீதிபதி சத்தியநாராயணன் தலைமையின் கீழ் விசாரணைக்கு பரிந்துரைக்கப்பட்டது.

இந்நிலையில், விசாரணைகள் நிறைவடைந்த நிலையில் தீர்ப்பு ஒத்திவைக்கப்பட்டிருந்த நிலையில், இன்று காலை 10.30 மணியளவில் தீர்ப்பு வெளியிடப்படும் என தெரிவிக்கப்பட்டுள்ளது.

 

http://athavannews.com/18-சட்டமன்ற-உறுப்பினர்கள்-3/

[Nathamuni]

தலைவலி போய் திருகு வலி வருகிறது.

இப்போது எடப்பாடி விரும்புவது, தினகரன் தரப்பு மேன்முறையீடு செய்யவேண்டும் என. 

மேன்முறையீடு செய்யாவிடில் தேர்தல்.... 18 + 2 = 20 தொகுதிகளுக்கு அடுத்த 6 மாதங்களுக்கு இடையே தேர்தல் அறிவிக்க வேண்டும்.

ஒரு தொகுதியில் கூட எடப்பாடி வெல்ல முடியாது. அத்துடன் ஆட்டம் முடிவுக்கு வரும்.

[suvy]

எதுவும் நடக்கலாம், மத்திய அரசே தினகரனுக்கு மேன்முறையீடு செய்ய அழுத்தம் கொடுக்கலாம். இன்றைய நிலையில் ஆடும் பொம்மைகளைத்தான் ஆட்டுவிப்பவன் விரும்புவான்.....!