Sign in to follow this  
nunavilan

364 என்ற வலுவான ஓட்டத்துடன் முதல் நாள் ஆட்டம் முடிவுக்கு வந்தது

Recommended Posts

364 என்ற வலுவான ஓட்டத்துடன் முதல் நாள் ஆட்டம் முடிவுக்கு வந்தது

 

 
 
Share
 

மேற்கிந்தயத் தீவுகளுக்கு எதிரான முதலாவது டெஸ்ட் தொடரின் முதல் நாள் ஆட்ட நேர முடிவின்போது இந்திய அணி 4 விக்கெட்டுக்களை இழந்து 364 ஓட்டங்களை பெற்று வலுவான நிலையில் உள்ளது.

kholi1.jpg

இந்தியாவுக்கு விஜயம் மேற்கொண்டுள்ள மேற்கிந்தியத் தீவு அணி இந்தியாவுடன் இரண்டு டெஸ்ட், ஐந்து ஒருநாள், மூன்று இருபதுக்கு 20 போட்டிகளில் விளையாடி வருகிறது.

west1.jpg

இதில் முதலாவதாக ராஜ்கோட்டில் ஆரம்பமாகியுள்ள முதலாவது டெஸ்ட் போட்டியில் நாணய சுழற்சியில் வெற்றி பெற்ற இந்திய அணித் தலைவர் விராட் கோலி முதலில் துடுப்பெடுத்தாட தீர்மானித்தார்.

அதன்படி பிரித்வி ஷா மற்றும் கே.எல்.ராகுல் ஆரம்ப வீரர்களாக களமிறங்கினர். பிரித்வி ஷாவை பொறுத்தவரையில் இது அவரின் முதல் சர்வதேச டெஸ்ட் போட்டி என்பது குறிப்பிடத்தக்கது.

இவர்கள் இருவரும் இணைந்து துடுப்பெடுத்தாட ஆரம்பிக்கும்போதே ஷேனோன் கேப்ரியல் வீசிய முதல் ஓவரின் இறுதிப் பந்தில் ராகுல் எதுவித ஓட்டங்களுமின்றி எல்.பி.டபிள்யூ. முறையில் ஆட்டமிழந்து வெளியேறினார்.

rahul.jpg

இவரின் ஆட்டமிழப்பையடுத்து பிரத்வி ஷாவுடன், புஜாரா கைகோர்த்தாட மேற்கிந்தியத் தீவின் பந்து வீச்சாளர்களுக்கு இவர்களின் ஆட்டத்தை கட்டுப் படுத்த முடியவில்லை.

ஆரம்ப துடுப்பாட்ட வீரராக களமிறங்கிய பிரத்வீ ஷா 17.4 ஆவது ஓவரில் 56 பந்துகளை எதிர்கொண்டு சர்வதேச கிரிக்கெட் அரங்கில் முதலாவது அரைசதத்தை பூர்த்தி செய்தார். தொடர்ந்தும் இவர்கள் இருவரும் துடுப்பெடுத்தாடி வர இந்திய அணி 19.5 ஆவது ஓவரில் 100 ஓட்டங்களை கடந்தது.

pujara1.jpg

பிரித்வி ஷா 61 ஓட்டத்துடனும், புஜாரா 40 ஓட்டங்களுடனும் ஆட்டமிழக்காதிருந்தனர். இதையடுத்து புஜாரா 22 ஆவது ஓவரின் நிறைவில் 67 பந்துகளை எதிர்கொண்டு அரை சதம் கடந்தார். இதனால் மதியநேர உணவு இடைவெளிக்கு முன்னர் இந்திய அணி  25 ஓவர்களை எதிர்கொண்டு ஒரு விக்கெட்டினை இழந்து 133 ஓட்டத்தை குவித்தது.

மதியநேர உணவு இடைவெளியின் பின்னர் 133 ஓட்டத்துடன் ஆட்டத்தை மீண்டும் ஆரம்பித்த பிரித்திவ் ஷா 98 பந்துகளை எதிர்கொண்டு 15 நான்கு ஓட்டங்கள் அடங்களாக அதிரடியாக தனது கன்னி சதத்தை பூர்த்தி செய்தார்.

prithiv1.jpg

எனனும் அணியின் ஓட்ட எண்ணிக்கை 209 ஆக இருந்தபோது பிரித்திவ் ஷாவுக்கு தோள் கொடுத்தாடி வந்த புஜாரா 86 ஓட்டத்துடன் ஷேர்மன் லூயிஸுன் பந்து வீச்சில் டவுரிச்சிடம் பிடிகொடுத்து ஆட்டமிழந்தார்.

pujara.jpg

இவரின் ஆட்டமிழப்பையடுத்து 50.2 ஆவது ஓவரில் ஆரம்ப துடுப்பாட்ட வீரராக களமிறங்கி அதிரடியாக ஆட்டம் காட்டி வந்த பிரித்திவ் ஷா 134 ஓட்டத்துடன் பிஷோவுடைய பந்து வீச்சில் ஆட்டமிழந்து வெளியேறினார்.

sha.jpg

இதனையடுத்து அணித் தலைவர் விராட் கோலி மற்றும் ரஹானே ஜோடி சேர்ந்தாடி வர இந்திய அணி 55.4 ஓவர்களில் மூன்று விக்கெட்டினை இழந்து 250 ஓட்டங்களை குவித்தது. விராட் கோலி 18 ஓட்டத்துடனும், ரஹானே 4 ஓட்டத்துடனும் துடுப்பெடுத்தாடி வந்தனர்.

நிதானமாக ஆடி வந்த விராட் கோலி, ரஹானே ஜோடியினால் இந்திய அணியின் ஓட்ட எண்ணிக்கை மேலும் நல்லதொரு வலுவான நிலைக்கு சென்றது. ஒரு கட்டத்தில் இந்திய அணி 72.4 ஓவர்களுக்கு 3 விக்கெட்டினை மாத்திரம் இழந்து 300 ஓட்டங்களை கடக்க இவர்களின் இணைப்பாட்டம் 136 பந்துகளுக்கு 70 ஆக இருந்தது.

அதன் பின்னர் அணித் தலைவர் விராட் கோலி 100 பந்துகளை எதிர்கொண்டு 2 நான்கு ஓட்டங்கள் அடங்களாக அரைசதத்தை பூர்த்தி செய்தார்.

koli1.jpg

எனினும் 337 ஓட்டத்தை இந்திய அணி பெற்றுக் கொண்டபோது ரஹானே 41 ஓட்டத்துடன் ரோஸ்டன் சேஸுடைய பந்து வீச்சில் ஆட்டமிழந்து வெளியேறினார்.

இறுதியாக இந்திய அணி ஆட்டநேர முடிவின்போது 89 ஓவர்களுக்கு 4 விக்கெட்டினை இழந்து 364 ஓட்டத்தை பெற்றுக் கொண்டது. ஆடுகளத்தில் விராட் கோலி 72 ஒட்டத்துடனும், ரிஷாப் பந்த் 17 ஓட்டத்துடனும் ஆட்டமிழக்காதிருந்தனர்.

பந்து வீச்சில் மேற்கிந்திய அணி சார்பில் ஷோனோன் கேப்ரியல், ஷேர்மன் லூயிஸ், தேவேந்திர பிஷோ மற்றும் ரோஸ்டன் சேஸ் ஆகியோர் தலா ஒரு விக்கெட்டினையும் வீழ்த்தினர்.

நாளை போட்டியின் இரண்டாம் நாள் ஆட்டமாகும்.

http://www.virakesari.lk/article/41750

Share this post


Link to post
Share on other sites

உள்ளூரில் மட்டும் செத்த பாம்பை இந்த அடி அடிக்கினம் .. எதை வேண்டுமானலும் பொறுக்கலாம் .  ஜடெஜா வெல்லாம் சதமா ? 😢

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now
Sign in to follow this