அர­சி­யல் கைதி­கள் விவ­கா­ரம்- சட்­டமா அதி­ப­ரு­டன் இன்று பேச்சு!!

[நவீனன்]

அர­சி­யல் கைதி­கள் விவ­கா­ரம்- சட்­டமா அதி­ப­ரு­டன் இன்று பேச்சு!!

 

தமிழ் அர­சி­யல் கைதி­கள் விவ­கா­ரம் தொடர்­பில் சட்­டமா அதி­பர், தலைமை அமைச்­சர் ரணில் விக்­கி­ர­ம­சிங்க, தமிழ்த் தேசி­யக் கூட்­ட­மைப்பு ஆகியோருக்கிடை­யி­லான மிக முக்­கிய சந்­திப்பு இன்று மாலை 3 மணிக்கு அலரி மாளி­கை­யில் நடை­பெ­ற­வுள்­ளது.

அநு­ரா­த­பு­ரம் சிறைச்­சா­லை­யில் தடுத்து வைக்­கப்­பட்­டுள்ள தமிழ் அர­சி­யல் கைதி­கள் குறு­கிய கால மறு­வாழ்வு வழங்கி விடு­விக்க வேண்­டும் என்று கோரி கடந்த 14ஆம் திகதி முதல் உணவு ஒறுப்­புப் போராட்­டத்தை ஆரம்­பித்­துள்­ள­னர். 10 பேர் உணவு ஒறுப்­புப் போராட்­டத்­தில் ஈடு­பட்டு வரு­கின்­ற­னர்.

அவர்­க­ளில் இரு­வர் நீரி­ழிவு நோயால் பாதிக்­கப்­பட்­ட­வர்­கள். அநு­ரா­த­பு­ரம் பொது மருத்­து­வ­ம­னை­யில் அவர்­கள் சேர்க்­கப்­பட்­டுள்­ளார்­கள். ஏனை­யோர் அநு­ரா­த­பு­ரம் சிறைச்­சா­லை­யில் போராட்­டத்­தில் ஈடு­பட்டு வரு­கின்­றார்­கள். அவர்­க­ளுக்கு காலை­யும் மாலை­யும் சேலைன் ஏற்­றப்­ப­டு­கின்­றது. உடல் நிலை மோச­டைந்­தும் வரு­கின்­றது.

அர­சி­யல் கைதி­கள் விவ­கா­ரம் தொடர்­பில் கடந்த 18ஆம் திகதி தலைமை அமைச்­ச­ரு­டன், தமிழ்த் தேசி­யக் கூட்­ட­மைப்­பின் நாடா­ளு­மன்ற உறுப்­பி­னர் எம்.ஏ.சுமந்­தி­ரன் பேச்சு நடத்­தி­யி­ருந்­தார். சட்­டமா அதி­ப­ரு­டன் பேசியே முடிவு செய்­ய­லாம் என்று தலைமை அமைச்­சர் குறிப்­பிட்­டி­ருந்­தார். அந்­தச் சம­யத்­தில் சட்­டமா அதி­பர் நாட்­டில் இருக்­க­வில்லை. அவர் நேற்று நாடு திரும்­பி­னார்.

இந்த நிலை­யில் இன்று மாலை 3 மணிக்கு அல­ரி­மா­ளி­கை­யில் சந்­திப்பு நடை­பெ­ற­வுள்­ளது. இந்­தச் சந்­திப்பு நீதி அமைச்­ச­ரும் அழைக்­கப்­ப­ட­லாம் என்று தெரி­கின்­றது.

https://newuthayan.com/story/09/அர­சி­யல்-கைதி­கள்-விவ­கா­ரம்-சட்­டமா-அதி­ப­ரு­டன்-இன்று-பேச்சு.html

[நவீனன்]

உண்ணாவிரதக் கைதிகளின் கோரிக்கை நியாயமானதே! – விரைவில் சாதகமான தீர்வு என்கிறார் பிரதி நீதி அமைச்சர்

“அநுராதபுரம் சிறைச்சாலையில் உண்ணாவிரதப் போராட்டத்தில் ஈடுபட்டுள்ள தமிழ் அரசியல் கைதிகளின் கோரிக்கை நியாயமானதே. எனவே, அவர்களின் பிரச்சினைக்கு விரைவில் சாதகமான தீர்வு கிடைக்கும்.”

– இவ்வாறு நீதி மற்றும் சிறைச்சாலைகள் மறுசீரமைப்பு பிரதி அமைச்சர் துஷ்மந்த மித்திரபால தெரிவித்தார்.

வழக்குத் தொடுக்கப்படாமல் தடுத்துவைக்கப்பட்டுள்ள இவர்களின் விவரங்கள் சட்டமா அதிபர் திணைக்களத்துக்கு அனுப்பிவைக்கப்பட்டுள்ளது என்றும் அவர் கூறினார்.

அநுராதபுரம் சிறைச்சாலையில் தடுத்துவைக்கப்பட்டுள்ள தமிழ் அரசியல் கைதிகள் 8 பேர் தம்மை குறுகிய கால புனர்வாழ்வு வழங்கியாவது விடுவிக்குமாறு கோரி கடந்த 14ஆம் திகதியிலிருந்து தொடர் உண்ணாவிரதப் போராட்டத்தில் ஈடுபட்டு வருகின்றனர். அவர்களில் 4 பேர் அநுராதபுரம் சிறைச்சாலை வைத்தியசாலையில் சேர்க்கப்பட்டுள்ளனர்.

இவர்களின் கோரிக்கையை நிறைவேற்றுவதற்கு நீதி அமைச்சு நடவடிக்கை எடுக்குமா என்று பிரதி அமைச்சர் துஷ்மந்தவிடம் வினவியபோது அவர் அளித்த பதில் வருமாறு:-

“வழக்குத் தொடுக்கப்பட்டு குற்றச்சாட்டு நிரூபிக்கப்பட்டவர்களையே சிறைகளில் தடுத்துவைக்க முடியும். எனினும், சந்தேகத்தின் அடிப்படையில் கைதுசெய்யப்பட்டு தடுத்துவைக்கப்பட்டுள்ள இவர்களுக்கு எதிராக இன்னும் வழக்குத் தொடுக்கப்படவில்லை. அவ்வாறு வழக்குத் தொடுத்து விசாரணைகளை துரிதப்படுத்துமாறே கைதிகள் கோருகின்றனர். அவர்களின் கோரிக்கை நியாயமானது.

உண்ணாவிரதப் போராட்டத்தில்; ஈடுபட்டுள்ள கைதிகளின் விவரங்கள் சட்டமா அதிபர் திணைக்களத்துக்கு அனுப்பிவைக்கப்பட்டுள்ளன. வழக்குத் தொடுத்து விசாரணைகளைத் துரிதப்படுத்துமாறு பணிக்கப்பட்டுள்ளது. எனவே, இப்பிரச்சினைக்கு விரைவில் தீர்வு கிடைக்கும்” – என்றார்.

அதேவேளை, கைதிகளின் தற்போதைய உடல் நிலை குறித்து சிறைச்சாலை ஊடகப் பேச்சாளர் உபுல் தெனியவிடம் வினவியபோது, “கைதிகளின் போராட்டம் தொடர்கின்றது. அவர்கள் உண்ண மறுக்கின்றனர்” என்று கூறினார்.

http://www.newsuthanthiran.com/2018/09/26/உண்ணாவிரதக்-கைதிகளின்-கோ/