மன்­னார்ப் புதை­குழி மீதான -பன்­னாட்­டுக் கவ­னம்!!

[நவீனன்]

மன்­னார்ப் புதை­குழி மீதான -பன்­னாட்­டுக் கவ­னம்!!

 

 

மன்னார் சதோச நிறு­வ­ன வளாகத்தில் தொடர்ச்­சி­யாக மீட்­கப்­பட்­டு­ வ­ரும் மனித எலும்­புக்­கூ­டு­கள், எச்­சங்­கள் அவற்­றின் மீதான அதிக கவ­னத்­தை­யும் அக்­க­றை­யை­யும் கோரி நிற்­கின்­ற­ போ­தும் அது அர­சி­யல் அரங்­கி­லும் பன்­னாட்டு அரங்­கி­லும் ,பேசு­பொ­ரு­ளா­காது மறை­பொ­ரு­ளாக விளங்­கு­வது கவலை தரும் விட­யம்.

மன்­னார் நக­ரின் மத்­தி­யில் உள்ள பகு­தி­யில் சதோச வளா­கம் அமைப்­ப­தற்­கான நட­வ­டிக்­கை­கள் மேற்­கொள்­ளப்­பட்­ட­போது தற்­செ­ய­லா­கக் கண்­ட­றி­யப்­பட்­டதே இந்த மனி­தப் புதை­குழி. கட்­ட­டம் அமைப்­ப­தற்­காக மண்ணை அகழ்ந்­தெ­டுத்த நிறு­வ­னம் அதைப் பள்­ளக் காணி­களை நிர­வு­வ­தற்­கா­கத் தனி­யா­ருக்கு விற்­றது. அப்­படி விற்­கப்­பட்ட மண்­ணுக்­குள் மனித எலும்பு எச்­சங்­க­ளும் சேர்ந்து வரு­வதை அவ­தா­னித்த வீட்டு உரி­மை­யா­ளர் செய்த முறைப்­பாட்­டின் அடிப்­ப­டை­யில் இந்­தப் புதைகுழி தோண்­டும் பணி தொடங்­கப்­பட்­டது.

பல மாதங்­கள் கடந்­தும் தொட­ரும் இந்­தத் தோண்­டும் பணி அதற்­கான வல்­லு­நர்­க­ளால் நிபு­ணத்­துவ ஆலோ­ச­னை­யோடு மேற்­கொள்­ளப்­பட்டு வரு­கின்­றது. கள­னிப் பல்­க­லைக்­க­ழ­கப் பேரா­சி­ரி­யர் தலை­மை­யில் முன்­னெ­டுக்­கப்­ப­டும் இந்த அகழ்­வுப் பணி­கள் முடிந்த வரை­யில் பன்­னாட்­டுத் தரத்­துக்கு அமை­வா­கவே முன்­னெ­டுக்­கப்­பட்டு வரு­கின்­றன. இது­வ­ரை­யில் மனி­தர்­க­ளு­டை­யவை என்று கரு­தப்­ப­டும் 127 எலும்­புக்­கூ­டு­கள் மற்­றும் எலும்பு எச்­சங்­கள் மீட்­கப்­பட்­டுள்­ளன. தொடர்ந்­தும் மீட்­கப்­பட்டு வரு­கின்­றன.

கடந்த சில வாரங்­க­ளாக மீட்­கப்­பட்­டு­வ­ரும் எலும்பு எச்­சங்­க­ளில் அதற்­கு­ரிய நபர்­கள் இறப்­ப­தற்கு முன்­னர் சித்­தி­ர­வதை செய்­யப்­பட்­டி­ருப்­ப­தற்­கான சாத்­தி­யங்­க­ளைக் காண முடிந்­தி­ ருக்­கி­றது. கை, கால்­கள் கட்­டப்­பட்ட நிலை­யில் இந்த எலும்­பு­க­ளுக்­கு­ரிய நபர்­கள் புதைக்­கப்­பட்­டி­ருக்­க­லாம் என்று வலு­வா­கச் சந்­தே­கிப்­ப­தற்கு ஏற்­ற­வ­கை­யில் அவை இருந்­தன என்று கூறப்­ப­டு­கின்­றது. மீட்­புப் பணி­யில் ஈடு­பட்­டுள்ள வல்­லு­நர்­க­ளின் உத்­தி­யோ­க­பூர்வ அறிக்­கை­கள் இது தொடர்­பில் வெளி­வ­ர­வில்­லை­யா­யி­னும் பணி­கள் விரை­வு ­ப­டுத்­தப்­பட்­டுள்­ளன.

இப்­போது மீட்­கப்­பட்­டுள்ள எலும்­பு­க­ளில் காணப்­ப­டும் இத்­த­கைய அடை­யா­ளங்­கள், அந்த எலும்­பு­க­ளுக்­கு­ரி­ய­வர்­கள் இறப்­ப­தற்கு முன்­னர் சித்­தி­ர­வ­தைக்கு உள்­ளாக்­கப்­பட்­டுக் கொல்­லப்­பட்­டி­ருக்­க­லாம் என்று சந்­தே­கிப்­ப­தற்­கு­ரிய வாய்ப்­பு­க­ளைத் திறந்­து­விட்­டி­ருக்­கின்­றன. இத்­த­கைய ஒரு பெரும் மனி­தப் புதை­குழி, அதி­லும் போர்க் காலத்­தில் பல ஆயி­ரக்­க­ணக்­கா­ன­வர்­கள் காண­மல் ஆக்­கப்­பட்­டார்­கள் என்று கூறப்­ப­டும் ஒரு நாட்­டில் கண்­ட­றி­யப்­பட்ட புதை­குழி, புதைக்­கப்­பட்­ட­ வர்­கள் சித்­தி­ர­வதை செய்து கொல்­லப்­பட்­டி­ருக்­க­லாம் என்று சந்­தே­கிப்­ப­தற்கு இட­ம­ளிக்­கும் புதை­குழி மீது பன்­னாட்­டுக் கவ­ன­மும் உள்­ளூர் அர­சி­ய­லின் கவ­ன­மும் திரும்­பா­தது வியப்­ப­ளிப்­ப­தாக இருக்­கி­றது.

1998ஆம் ஆண்டு இது­போன்­ற­தொரு புதை­கு­ழி­யான செம்­ம­ணிப் புதை­குழி விவ­கா­ரம் வெளிக்­கி­ளம்­பி­ய­போது அது பன்­னாட்­டுக் கவ­னத்தை மிக அதி­க­ள­வில் ஈர்த்­தது. ஊட­கங்­கள், தூத­ர­கங்­கள், மனித உரி­மைக் குழுக்­கள் என அனைத்­தும் அதன் மீது அதி­க­ள­வில் கவ­னம் செலுத்­தின. அது மிகப் பெரி­ய­தொரு பிரச்­சி­னை­யா­கப் பார்க்­கப்­பட்­டது. யாழ்ப்­பா­ணத்­தில் காணா­மல் ஆக்­கப்­பட்­ட­வர்­கள் அங்கு கொன்று புதைக்­கப்­பட்­டி­ருக்­க­லாம் என்­கிற சந்­தே­கம் கார­ண­மாக அது தொடர்­பான விசா­ர­ணை­க­ளும் முன்­னெ­டுக்­கப்­பட்­டி­ருந்­தன.

இவ்­வாறு பன்­னாட்­டுக் கவ­னம் பெற்­றி­ருந்த அந்­தச் செம்­மணி வழக்கே இன்று எங்கே என்று தெரி­யா­த­தொரு நிலையை அடைந்­தி­ருக்­கை­யில், மன்­னார்ப் புதை­குழி மீதான மிகக் குறைந்த கவ­னம் இது தொடர்­பான விசா­ர­ணை­களை மந்­தப்­ப­டுத்­தி­வி­டுமோ என்­கிற அச்­சத்தை ஏற்­ப­டுத்­து­கின்­றது.

இறு­திப் போரின்­போது உயி­ரோடு பிடிக்­கப்­பட்­ட­வர்­கள் கைகள் கட்­டப்­பட்ட நிலை­யில் சுட்­டுக் கொல்­லப்­ப­டும் காட்­சி­கள் அடங்­கிய ஆவ­ணப் படம் ஒன்­றைப் பிரிட்­ட­னைச் சேர்ந்த சனல்-4 தொலைக்­காட்சி வெளி­யிட்ட நிலை­யில் கைகள் கட்­டப்­பட்­டுப் புதைக்­கப்­பட்ட இந்த எலும்­புக்­கூ­டு­கள் மீதான கவ­ன­மும் அது தொடர்­பில் கூர்­மைப்­ப­டுத்­தப்­பட்­டி­ ருக்­க­ வேண்­டும்.

அது நடை­பெ­றா­மல் போன­தன் பின்­னால் இருக்­கும் அச­மந்­தம் நீக்­கப்­பட்டு அக்­கறை தீவி­ரப்­ப­டுத்­தப்­ப­ட­ வேண்­டும்.­­ அதற்­கூ­டாக இந்த விட­யத்­தில் பன்­னாட்­டுக் கவ­ன­மும் ஈர்க்­கப்­ப­ட­வேண்­டும். காணா­மல் ஆக்­கப்­பட்­டோர் விவ­கா­ரம் உள்­ளிட்ட பல­வற்­றுக்கு விடை­சொல்­லும் திறன் அந்­தப் புதை­கு­ழிக்கு இருக்­கக்­கூ­டும். எனவே அதன் மீதான கவ­னக்­கு­விப்பு எப்­போ­துமே தேவை.

https://newuthayan.com/story/09/மன்­னார்ப்-புதை­குழி-மீதான-பன்­னாட்­டுக்-கவ­னம்.html

[nedukkalapoovan]

பன்னாட்டுச் சமூகம் பங்கு பிரிப்பதில் பிசி. இதோ புலிகள் அழிந்தவுடன் அதுஇது எல்லாம் பெற்றுத் தாறம் என்றதையே அந்தச் சமூகம் மறந்துவிட்டது.

எனி நாமாக அவர்களை துயில் எழுப்பனும்.

அதுக்கு புலி வந்திட்டுது.. இல்ல ஏலியன் வந்திட்டிது என்றால் தான் பன்னாட்டு சமூகம் விழிக்கும். 

எல்லாம் காலக் கொடுமை. தமிழரின் ஒற்றுமை இன்மையின் சாபக் கேடு. 

எது எதுக்கோ படம் எடுத்து வெள்ளைக்காரனுக்கு காட்டிறதுங்கள்.. இதுகளைக் காட்டுங்களா??

இதில தாங்கள் பெரிய மனிதாபிமானிகளாம். பிரபாகரன் விச ஜந்தாம். ?