• advertisement_alt
  • advertisement_alt
  • advertisement_alt
Sign in to follow this  
நவீனன்

பாகிஸ்தான் எதிர் அவுஸ்திரேலியா டெஸ்ட் தொடர் செய்திகள்

Recommended Posts

பாக்.டெஸ்ட் தொடர்: வலுவில்லாத ஆஸி. அணியில் 5 புதிய வீரர்கள்; மீண்டும் பழைய வீரர் சிடில்

 

 
aus

புதிய வேகப்பந்துவீச்சாளர் டாகெட், பேட்ஸ்மேன் மாட் ரென்ஷா   -  படம் உதவி: ட்விட்டர்

பாகிஸ்தானுக்கு எதிரான 2 போட்டிகள் கொண்ட டெஸ்ட் தொடருக்கான ஆஸ்திரேலிய அணியில் அனுபவம் இல்லாத 5 புதிய வீரர்களுக்கு இடம் அளிக்கப்பட்டுள்ளது.

தென் ஆப்பிரிக்காவுக்கு எதிரான டெஸ்ட் தொடரின் போது பந்தை சேதப்படுத்திய குற்றச்சாட்டில் சிக்கிய கேப்டன் ஸ்டீவ் ஸ்மித், துணைக் கேப்டன் டேவிட் வார்னர், பான்கிராப்ட் ஆகியோர் அணியில் இருந்து நீக்கப்பட்டு ஒரு ஆண்டு தடைவிதிக்கப்பட்டனர். அதன்பின் ஆஸ்திரேலிய அணி பலவீனமடைந்து காணப்படுகிறது.

 

குறிப்பாக டேவிட் வார்னர், ஸ்மித் இருவரும் அணியில் இருந்தாலே அசுரபலம் இருக்கும் சூழலில் இருவரும் இல்லாமல் இங்கிலாந்து சென்று ஒரு நாள் தொடரில் கடுமையாக உதைவாங்கி வந்தது ஆஸ்திரேலியா.

இனி அடுத்ததாக துபாய், அபுதாயில் பாகிஸ்தானுக்கு எதிரான 2 போட்டிகள் கொண்ட டெஸ்ட் தொடரில் ஆஸ்திரேலியா விளையாட உள்ளது. இதற்கான அணியில் அனுபவம் இல்லாத 5 புதுமுக வீரர்கள் சேர்க்கப்பட்டுள்ளனர்.

இதில் காயம் காரணமாக ஜோஷ் ஹேசல்வுட், பாட் கம்மின்ஸ், மேக்ஸ்வெல்ஆகியோர் இல்லாமல் ஆஸ்திரேலிய அணி களமிறங்குகிறது. புதிய வீரர்களாக குயின்ஸ்லாந்து வீரர் மைக்கேல் நீசர், பிரன்டன் டோகெட், மார்நஸ் லாபுஸ்சாக்னே, தெற்கு ஆஸ்திரேலிய வீரர் டிராவிஸ் ஹெட், விக்டோரியா வீரர் ஆரோன் பிஞ்ச் ஆகியோர் சேர்க்கப்பட்டுள்ளனர்.

இது குறித்து தேசிய அணித் தேர்வாளர் டிரவர் ஹான்ஸ் கூறுகையில், "பாகிஸ்தானுக்கு எதிரான டெஸ்ட் தொடரில் விளையாடும் ஆஸ்திரேலிய அணியில் பல்வேறு குறிப்பிடத்தகுந்த மாற்றங்கள் செய்யப்பட்டுள்ளன. அனுபவ வீரர்கள், அறிமுக வீரர்கள் ஆகியோர் கலந்த கலவையில் அணி தேர்வு செய்யப்பட்டுள்ளது. இவர்கள் பாகிஸ்தானுக்கு எதிரான டெஸ்ட் தொடரில் சிறப்பாக விளையாடுவார்கள் என்று நம்புகிறேன் "எனத் தெரிவித்தார்.

அபுதாபி, துபாயில் பாகிஸ்தான் அணி அடிக்கடி விளையாடிய அனுபவம் இருப்பதால், அந்த மைதானம் அந்த அணிக்கு மிகுந்த பழக்கப்பட்டதாகும். தற்போது பாகிஸ்தான் அணியில் வலுவான வேகப்பந்துவீச்சு, சுழற்பந்துவீச்சு, பேட்டிங் இருப்பதால், வலுவற்ற ஆஸ்திரேலிய அணி எவ்வாறு எதிர்கொள்ளப் போகிறது என்று தெரியவில்லை.

ஸ்மித், வார்னர் இல்லாத நிலையில், தொடக்க வீரர்களாக மாட் ரென்ஷா, பின்ஞ் களமிறங்குவார்கள். காயத்தில் இருந்து குணமாகி ஷான் மார்ஷ் அணிக்கு திரும்பியுள்ளார். நடுவரிசையில் உஸ்மான் கவாஜா, மிட்செல்மார்ஷ், டிராவிஸ் ஹெட், லாபஸ்சாக்னே ஆகிய வீரர்கள் உள்ளனர்.

பந்துவீச்சில் மிட்ஷெல் ஸ்டார்க், நீண்ட இடைவெளிக்குப் பின் அணிக்கு பீட்டர் சிடில் திரும்பியுள்ளார். மேலும் புதுமுக வீரர்கள் நீஸர், பிரன்டன் டாகெட் உள்ளனர். சுழற்பந்துவீச்சில் நாதன் லயன், ஆஸ்டன் அகர் ஆகியோரும் விக்கெட் கீப்பராக கேப்டன் டிம் பைனேவும் உள்ளனர்.

முதல் டெஸ்ட் போட்டி அக்டோபர் 7-ம் தேதியும், 2-வது டெஸ்ட் போட்டி 16-ம் தேதியும் நடக்கிறது.

அணி வீரர்கள் விவரம்:

டிம் பைனே(கேப்டன்), ஆஸ்டன் அகர், பிரன்டன் டாகெட், ஆரோன் பின்ஞ், டிராவிஸ் ஹெட், ஜான் ஹாலட், உஸ்மான் கவாஜா, மார்னஸ் லாபஸ்சாக்னே, நாதன் லயான், மிட்ஷெல் மார்ஷ், ஷான் மார்ஷ், மைக்கேல் நீசர், மாத்யூ ரென்ஷா, பீட்டர் சிடில், மிட்ஷெல் ஸ்டார்க்.

https://tamil.thehindu.com/sports/article24925676.ece

Share this post


Link to post
Share on other sites

நானாக இருந்தால் என்ன செய்திருப்பேன் தெரியுமா? மேக்ஸ்வெல் நீக்கம் குறித்து பாண்டிங் காட்டம்

 

 
ponting

பாண்டிங். | ராய்ட்டர்ஸ்

பாகிஸ்தானுக்கு எதிராக யுஏஇயில் நடைபெறவிருக்கும் டெஸ்ட் தொடருக்கு கிளென் மேக்ஸ்வெலை தேர்வு செய்யாத முடிவை ரிக்கி பாண்டிங் கடுமையாக எதிர்த்துள்ளார்.

யுஏஇயில் நடைபெறும் பாகிஸ்தானுக்கு எதிரான 2 டெஸ்ட் போட்டிகளுக்கான ஆஸ்திரேலிய அணியில் பல புதுமுகங்கள் இடம்பெற்றனர், எப்படியும் மேக்ஸ்வெல், ஹேண்ட்ஸ்கம்ப் இருப்பார்கள் என்று எதிர்பார்த்த நிலையில் இருவரையுமே தேர்வு செய்யவில்லை.

 

இந்நிலையில் முன்னாள் கேப்டன் ரிக்கி பாண்டிங் கடுமையாகச் சாடிய போது, “நான் மேக்ஸி இடத்திலிருந்தால், இந்தியாவுக்கு ஏ தொடரில் என்னை தேர்வு செய்து நான் என்னை நிரூபிக்க ஏன் வாய்ப்பு வழங்கவில்லை என்று கேட்டிருப்பேன்.

எனக்கு இது வழக்கத்துக்கு மாறானதாகவும் விசித்திரமாகவும் படுகிறது. எனக்கு ஏன் ஆஸ்திரேலியா ஏ அணியில் என்னை நிரூபிக்க வாய்ப்பளிக்கவில்லை என்று அவர் இடத்திலிருந்து எனக்குக் கேட்கத் தோன்றுகிறது.

maxwelljpg

மேக்ஸ்வெல். | படம்: கே.ஆர்.தீபக்.

 

ஆஸ்திரேலியா ஏ தொடருக்கு அவரைச் சேர்க்கவில்லை. அங்கு அவர் எப்படி ஆடுவார் என்பது எங்களுக்குத் தெரியும் என்று கூறினர். ஆனால் இப்போது பார்த்தால் அவரை இனி தேர்வு செய்யவே போவதில்லை என்பது போல் தெரிகிறது. அவர் பரிசீலனையில் கூட இல்லை போலும்.

ஏ தொடரில் மார்னஸ், டிராவிஸ் ஹெட்டுக்கு வாய்ப்பளித்தனர், அவர்களும் அங்கு நன்றாக ஆடினர், அதனடிப்படையில் தேர்வு செய்தனர். மேக்ஸ்வெலை நீக்கியது என்ன சேதி என்று எனக்குத் தெரியவில்லை, எனக்கு குழப்பமாகவே உள்ளது.

ஆஸ்திரேலியா அணிக்கு ஆட வேண்டும் என்று அவர் தனி முனைப்பு காட்டி வருகிறார், அவர் ஒரு மேட்ச் வின்னிங் பிளேயர். அவருக்கு ஆஸ்திரேலியாவுக்காக ஆட நிறைய வயதும் திறமையும் உள்ளது.”என்றார் ரிக்கி பாண்டிங்.

அல்ஜசீரா ஆட்ட நிர்ணய சூதாட்ட ஊழல் புகாரில் மேக்ஸ்வெல் பெயரும் அடிபட்டதால் ஆஸ்திரேலிய அணி நிர்வாகம் மேக்ஸ்வெலை ஒதுக்கியிருக்கலாம் என்று ஆஸி.தரப்பில் சிலர் கருதுகின்றனர்.

https://tamil.thehindu.com/sports/article24935456.ece

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now
Sign in to follow this