மீள்­கு­டி­யேற்­றத்­து­டன் விளை­யா­டுகிறது அரசு

[நவீனன்]

மீள்­கு­டி­யேற்­றத்­து­டன்  விளை­யா­டுகிறது அரசு

 

தசாப்­தங்­கள் தாண்டி நீடித்த போர் முடி­வுக்கு வந்த பின்­ன­ரும், பாது­காப்பு அமைச்­சுக்­கான நிதி ஒதுக்­கீடு ஆண்­டு­தோ­றும் அதி­க­ரித்­துச் செல்­கின்­றது. போரி­னால் இடம்­பெ­யர்ந்த மக்­களை மீள்­கு­டி­ய­மர்த்தி அவர்­க­ளுக்கு அடிப்­ப­டைக் கட்­டு­மா­னங்­களை ஏற்­ப­டுத்­திக் கொடுத்து, இயல்பு வாழ்க்­கைக்கு அவர்­க­ளைத் திரும்­பச் செய்­ய­வேண்­டிய மீள்­கு­டி­யேற்ற அமைச்­சுக்­கான நிதி ஒதுக்­கீடோ குறைந்து செல்­கின்­றது.

2016ஆம் ஆண்டு மீள்­கு­டி­யேற்ற அமைச்­சுக்கு 14 ஆயி­ரம் மில்­லி­யன் ரூபா ஒதுக்­கப்­பட்­டி­ருந்­தது. இந்த ஆண்­டுக்கு வெறும் 750 மில்­லி­யன் ரூபா மாத்­தி­ரமே கொழும்பு அரசு ஒதுக்­கி­யி­ருந்­தது. வடக்கு – –கிழக்கு மாகா­ணங்­க­ளில் இந்த நிதி­யில் மீள்­கு­டி­யேற்­றச் செயற்­பா­டு­கள் மாத்­தி­ரம் அல்­லது இந்து விவ­கா­ரங்­களை மாத்திரமே அந்த அமைச்சு கவ­னிக்க வேண்­டிய நிலை இருக்­கின்­றது.

நீண்ட நெடிய போராட்­டத்­தின் பயனாக இரா­ணு­வத்­தி­ன­ரி­ட­மி­ருந்து மக்­க­ளின் காணி­கள் சில ஏக்­கர்­கள் யாழ்ப்­பா­ணத்­தில், முல்­லைத்­தீ­வில், கிளி­நொச்­சி­யில், மன்­னா­ரில் விடு­விக்­கப்­பட்­டி­ருந்­தன. அந்த மக்­களை உட­ன­டி­யாக மீள்­கு­டி­ய­மர்த்­து­வ­தற்­குத் தேவை­யான அடிப்­படை வச­தி­களை ஏற்­ப­டு­த்திக் கொடுக்­கவோ, அவர்­க­ளின் காணி­க­ளில் வளர்ந்­துள்ள பற்­றைக் காடு­களை அகற்­றவோ உட­ன­டி­யாக நிதி விடு­விக்­கப்­ப­ட­வில்லை.

யாழ்ப்­பாண மாவட்­டத்­தில் கடந்த ஏப்­ரல் மாதம் 683 ஏக்­கர் நிலம் விடு­விக்­கப்­பட்­டி­ருந்­தது. அந்­தக் காணி­க­ளில் மக்­களை மீள்­கு­டி­ய­மர்த்­து­வ­தற்கு ஆயி­ரத்து 600 மில்­லி­யன் ரூபா தேவை என்று யாழ்ப்­பாண மாவட்­டச் செய­ல­கத்­தி­னால் மதிப்­பி­டப்­பட்­டி­ருந்­தது. அந்­தக் கோரிக்­கைக்கு இன்று வரை நிதி விடு­விக்­கப்­ப­ட­வில்லை. காணி விடு­விக்­கப்­பட்­டும் நான்கு மாதங்­க­ளுக்கு மேலாக அந்­தப் பகு­தி­யில் மீள்­கு­டி­ய­மர்வு முழு­மைப்­ப­டுத்­தப்­ப­ட­ வில்லை.

சாமி இடம் கொடுத்­தா­லும் பூசாரி இடம் கொடான் என்­பது போல், பாது­காப்­புத் தரப்­பி­னர் காணி­களை விடு­வித்­தா­லும், மக்­கள் மீள்­கு­டி­ய­மர முடி­யாத நில­மையே நீடிக்­கின்­றது.

இடம்­பெ­யர்ந்து நலன்­புரி நிலை­யங்­க­ளி­லுள்ள மக்­க­ளுக்கு உலர் உண­வுப் பொருள்­கள் மாதாந்­தம் வழங்­கப்­பட்டு வந்­தது. மகிந்த அர­சின் காலத்­தில் அவை திடீ­ரென நிறுத்­தப்­பட்­டன. நலன்­புரி நிலை­யங்­களே இல்லை என்று மகிந்த அரசு பன்­னாட்­டுச் சமூ­கத்­துக்கு அறி­விப்­ப­தற்­காக, நலன்­புரி நிலை­யங்­க­ளில் தங்­கி­யி­ருந்­தோ­ருக்கு வழங்­கிய உத­வி­களை நிறுத்­தி­யது.

இதே­போ­லத்­தான் இந்த அர­சும், மீள்­கு­டி­யேற்­றச் செயற்­பா­டு­கள் முழுமை பெற்று விட்­டது என்­ப­தைப் பன்­னாட்­டுச் சமூ­கத்­துக்கு காண்­பிப்­ப­தற்­கா­கவோ என்­னவோ, மீள்­கு­டி­யேற்ற அமைச்­சுக்­கான நிதி­யைக் குறைத் துள்­ளதோ என்று எண்­ணத் தோன்­று­கின்­றது.

பாது­காப்­புத் தரப்­பின் பிடி­யி­லுள்ள காணி­களை முழு­மை­யாக விடு­வித்து, அந்த நிலங்­க­ளுக்­குச் சொந்­தக்­கா­ரர்­களை முழு­மை­யா­கக் குடி­ய­மர்த்­திய பின்­னர், மீள் கு­டி­யேற்ற அமைச்­சுக்­கான நிதியைக் குறைப்­ப­தில் நியா­யம் இருக்­கின்­றது. ஆனால் காணி விடு­விப்பை கிள்­ளித் தெளிப்­பது போல் கொஞ்ச ஏக்­கர்­களை காலத்­துக்கு காலம் விடு­வித்து விட்டு, மீள்­கு­டி­யேற்ற அமைச்­சுக்­கான நிதி ஒதுக்­கீட்­டில் முழு­மை­யாக கை வைப்­பது பொருத்­த­மில்லை.

அடுத்த ஆண்­டுக்­கான வரவு – செல­வுத் திட்­டத்­தில் மீள்­கு­டி­யேற்ற அமைச்சு 6 ஆயி­ரத்து 650 மில்­லி­யன் ரூபா தேவை என்று மதிப்­பிட்­டுள்­ள­தா­கத் தெரி­கின்­றது. மீள்­கு­டி­யேற்­றத்­துக்கு எவ்­வ­ளவு நிதியை அரசு வழங்­கப் போகின்­றது என்­ப­தைப் பொறுத்­தி­ருந்து பார்ப்­போம்.

https://newuthayan.com/story/12/மீள்­கு­டி­யேற்­றத்­து­டன்-விளை­யா­டுகிறது-அரசு.html