தேசிய வலைப்­பந்து அணி­யில் மேலும் ஒரு தமிழ் வீராங்­கனை

[நவீனன்]

தேசிய வலைப்­பந்து அணி­யில் மேலும் ஒரு தமிழ் வீராங்­கனை

 

 

 

 

 

இலங்கை தேசிய வலைப்­பந்­தாட்ட அணி­யில் யாழ்ப்­பா­ணம் வண்­ணார் பண்­ணை­யைச் சேர்ந்த சே.எழில்­வேந்­தினி தெரி­வு­ செய்­யப்­பட்­டார்.

ஆசிய மட்ட வலைப்­பந்­தாட்­டத் தொடர் சிங்­கப்­பூ­ரில் அடுத்த மாதம் முத­லாம் திகதி ஆரம்­ப­மாகி நடை­பெ­ற­வுள்­ளது. இந்­தத் தொட­ருக்­கான அணித் தெரி­வுக்­காக கொழும்­பில் கடந்த ஒரு மாத­கா­ல­மாக வீராங்­க­னை­க­ளுக்­குப் பயிற்சி வழங்­கப்­பட்­டது.

நேற்று முன்­தி­னம் அணிக்­கான 12 வீராங்­க­னை­க­ளின் தெரி­வுப் பட்­டி­யல் வெளி­யி­டப்­பட்­டது. இந்­தப் பட்­டி­ய­லில் யாழ்ப்­பா­ணம் வண்­ணார் பண்­ணை­யைச் சேர்ந்த சே.எழில்­வேந்­தினி தெரி­வு­செய்­யப்­பட்­டார். ஏற்­க­னவே தமிழ் வீராங்­கனை சி.தர்­ஜினி பல ஆண்­டு­க­ளாக இலங்கை தேசிய வலைப்­பந்­தாட்ட அணி­யில் விளை ­யாடி வரு­கின்­றார். இத­னால் தேசிய வலைப்­பந்­தாட்ட அணி­யில் இடம்­பி­டித்த இரண்­டா­வது தமிழ் வீராங்­கனை என்ற சிறப்­பைப் பெற்­றார் எழில்­வந்­தினி.

தேசிய அணிக்­குள் இடம்­பி­டித்­தமை தொடர்­பில் சே.எழில்­வேந்­தினி உத­ய­னுக்­குக் கருத்து தெரி­விக்­கை­யில், ‘‘எனது பாட­சாலைக் கல்­வியை யாழ். வைத்­தீஸ்­வரா கல்­லூ­ரி­யில் முடித்­துள்ளேன்.

நான் படிக்­கும் காலத்­தில் வலைப்­பந்­தாட்ட அணி­யின் நிலை பெரு­மைப்­ப­டும் வகை­யில் இல்லை. அத்­து­டன் எனக்­கும் வலைப்­பந்­தாட்­டத்­தில் பெரி­தாக ஈடு­பா­டில்லை. விளை­யாட்டு உத்­தி­யோ­கத்­தர் மோகன் எனக்கு குண்டு எறி­தல், தட்­டெ­றி­தல் போன்­ற­வற்­றில் பயிற்சி வழங்­கிக் கொண்­டி­ருக்­கும் போது 2013ஆம் ஆண்டு வலைப்­பந்­தாட்­டத்­தில் பயிற்சி பெறு­வ­தற்­காக யாழ் மாவட்ட வலைப்­பந்­தாட்ட பயிற்­று­நர் மனோன்­ம­ணி­யி­டம் அனுப்பி வைத்­தார்.

அப்­போ­தும் விருப்­ப­மாக வலைப்­பந்­தாட்­டத்­தில் ஈடு­ப­டா­மல் போட்­டி­க­ளில் மட்­டும் கலந்து கொண்­டேன். தேசிய மட்ட வலைப்­பந்­தாட்ட போட்­டி­யில் யாழ் மாவட்ட அணி சார்­பாக கலந்து கொண்ட என்னை அடை­யா­ளம் கண்­டு­கொண்ட தேசிய மட்ட வலைப்­பந்­தாட்ட பயிற்­று­நர் திலகா ஜன­தாஸ எனது வீட்­டிற்கு வந்து ஆலோ­சனை வழங்கி பயிற்சி வழங்­கு­வ­தற்­கான ஏற்­பா­டு­களை செய்­தார். இதன் பின்­னரே வலைப்­பந்­தாட்­டத்­தில் ஆர்­வம் ஏற்­பட்­டது. இத­னால் என்னை வருத்தி கடு­மை­யா­கப் பயிற்­சி­யில் ஈடு­பட்­டேன்.

இத­னால் இலங்கை தேசிய அணி­யில் தெரிவு செய்­யப்­பட்­டேன். தற்­போது ஆசிய மட்ட போட்­டி­யில் கலந்து கொள்­ளும் வாய்ப்பு ஏற்­பட்­டுள்­ளது. எனது இலட்­சி­யம் 2019ஆம் ஆண்டு நடை­பெ­ற­வுள்ள உல­கக் கிண்ண வலைப்­பந்­தாட்­டத் தொட­ருக்­கான இலங்கை அணி­யில் இடம்­பி­டிப்­பது, கலந்து கொள்­வது. அதற்­காக கடு­மை­யா­கப் பயிற்­சி­யில் ஈடு­ப­ட­வுள்­ளேன்’’-– என்­றார்.

https://newuthayan.com/story/13/தேசிய-வலைப்­பந்து-அணி­யில்-மேலும்-ஒரு-தமிழ்-வீராங்­கனை.html