Jump to content

கிறுக்கியதில் பிடித்தது !


Recommended Posts

  • கருத்துக்கள உறவுகள்

துடிப்பில்லாத இதயமும்

சில எலும்புத்துண்டுகளும்

 

 

துடிப்பில்லாத இதயமும்

சில எலும்புத்துண்டுகளும்

போர்த்தியிருக்க ஒரு துண்டுத் தோலும்

போதும் என்கிறதுமனம்

 

உணர்வெல்லாம் விற்று

வெறுமை வாங்கி

சாம்பல் வெளியொன்றில்-அது

புரண்டிடத் துடிக்கிறது

 

விழி திறந்த வேளைகளில்

வெறுமைகள் தேடி

பிரபஞ்சம் எல்லாம் அலைந்து - அது

சலித்துக் கொள்கிறது

போதும்...போதும் என்று ஆர்ப்பரித்து

புழுதி புரண்டழுகிறது

 

வர்ணமெல்லாம் சேறுபூசி

தூரவெறிந்த தூரிகைகளை

தேடியெடுத்து கோபத்தோடு எரிக்கிறது

குருடனனான உனக்கு வர்ணம் ஒரு கேடாவென்று- எள்ளி

நகையாடி கெக்காளமிட்டுதச் சிரிக்கிறது

இந்தப் பாழாய்ப்போன மனம்

 

ஒரு கைப்பிடிச் சாம்பலும்

சில எலும்புத்துண்டுகளும்

போர்த்தியிருக்கத்தோலும்

கூடவே துடிப்பில்லாத இதயமும்

போதுமென்று புலம்புகிறது !

 

என்னை ஆக்கிரமி !

 

 

வா, வந்து முற்றாக என்னை ஆக்கிரமி

என் உணர்வெல்லாம் பந்தாக்கி

மனவறையில் எறிந்து விளையாடு

உனது தேடல்களின் சாயல் என்று எனை அழை

அடிக்கடி எனக்கதை நினைவூட்டு

ரத்தமும் சதையுமான என் இதயத்தை சருகாக்கு

உனது தேடல்களின் தெருக்களின் ஓரத்தில் அதை எறிந்துவிட்டுப் போ

உனது தேடல்கள் தொடரத்தும் முடிவில் எவருமே இல்லை என்றால் அதே தெருக்களில் நடந்து வா

வந்து உனக்காகக் கத்திருக்கும் எனதியத்தை தேடியெடு பத்திரப்படுத்து

அப்போதாவது உனது தேடல்களின் முடிவு நான் என்று சொல்

எனது இதயம் மீண்டும் துளிர்க்கும்

Link to comment
Share on other sites

  • கருத்துக்கள உறவுகள்

கவிதையின் கருப் பொருள் ...தேடல் முடிவில்லாதது என்பது போல உள்ளது! உண்மயும் அது தானே! பிரபஞ்சத்தின் இயக்கமும் அதைத் தானே சொல்கின்றது

எல்லாமே.... ஒரு வட்டம் தான்!

தொடர்ந்தும் கிறுக்குங்கள், ரகு!

 

 

 

Link to comment
Share on other sites

  • கருத்துக்கள உறவுகள்

காற்றில்லா பொழுதொன்றில்

 

காற்றில்லா பொழுதொன்றில்

மணல்வெளிக் கிறுக்கல்களில்

காவியம் எழுதுகிறேன்

தொலைவில் தெரியும் அலைகள்

திருடும் எனத் தெரிந்தும்

காவியம் நிற்க மறுக்கிறது

ஆழ்கடல் அழித்ததுபோக மீதியெல்லாம் நான் அழிக்கிறேன் என்கிறது அலைகள் ..

ஆனாலும், காவியம் நிற்கப்போவதில்லை

நாளுக்கொரு அத்தியாயம் தொடங்கி

காவியம் வளர்கிறது

தொடர்வதற்கான காரணங்களுக்கு என்னிடம் பஞ்சமில்லை...

எனது கேள்விகளுக்கும் நானே விடைகளை எழுதிக்கொள்கிறேன்

 

 

எனது காவியத்தின் நாயகன்

 

காரிருட்டில் ஒளிபோல அவன் வந்தான்

உலகமெல்லாம் நீதான் என்றான்

விடியும்பொழுது எமக்கு ஒன்றாக விடியுமென்று சத்தியம் செய்தான் நம்பினேன், முழுவதுமாக

காவியத்தின் நாயகனாகினான் அவன்

நாட்கள் தொடர அவன் தனக்கென்று தனியே எழுதத் தொடங்கினான்

நான் அழித்து அழித்து அவன் எழுதும் காவியத்துள் - எனைப் புகுத்திக்கொண்டேன்

என் நிறைவேறா ஆசைகள் பற்றியும் நீர்த்துப்போன நம்பிக்கை பற்றியும் - அவன் பேசவில்லை

ஆனாலும் எனது காவியத்தில் அவன் இன்றும் நாயகன்தான்

அவனுக்காகவே எத்தனை முறை காவியம் அழித்து எழுதினேன்?

கணக்கில் அடங்காதவை போக

ஆயிரத்தொருமுறை ஆயிற்று இப்போது!

எப்போது நிற்பேன் என்று தெரியவில்லை

பேனாவில் மை ஓயும்வரை - அல்லது உடலில் குருதி தீரும்வரை

மணலில் காவியம் கிறுக்குகிறேன்

நிறைவேறா ஆசைகள் கொண்டும், திணிக்கப்பட நம்பிக்கைகள் கொண்டும்

காவியம் கிறுக்குகிறேன்

துரத்தே அலை தெரியும் மணற் காடொன்றில் !

 

 

 

Link to comment
Share on other sites

  • கருத்துக்கள உறவுகள்

எனது முதலாவது பதிவில் சில எழுத்துப்பிழைகள் உள்ளன, அவற்றைத் திருத்துவது எப்படி? 

Link to comment
Share on other sites

  • கருத்துக்கள உறவுகள்

மொட்டைச் சுவர்களில் சித்திரங்கள் கிறுக்கினேன்...

சிவப்பும், மஞ்சளும் பச்சையும் என்று

எண்ணங்களுக்கு வர்ணம் பூசிச் சித்திரம் தீட்டினேன்...

மை காயுமுன்னே மழையும் வெயிலும் பட்டுச் சித்திரம் கரைகிறது...

கரைந்தவை போக மீதமெல்லாம் சேர்த்து வைத்தேன்..

மழைவரா இலையுதிர் காலத்தில் பார்ப்பதற்கு..

வந்ததோ கோடை காலமென்று எவருமே சொல்லவில்லை..

கடுங்கோடையென்றாலும் கிடைத்த வர்ணம் கொண்டு தீட்டலாம் என்று இருந்தேன்..

கோடையோ, என் தூரிகைகளை காய்த்துப் போட்டது..

கடுங்கோடையிலும் குளிர்காற்றுப்போல ஒரு காலம்...

வறண்ட வர்ணங்களும், முரிந்த தூரிகையும் எடுத்து வைத்தேன் மீண்டும் என் சித்திரம் கிறுக்க ஆனால் இந்தக் குளிர்காலமும் எதுவரை ?

 

 

Link to comment
Share on other sites

  • கருத்துக்கள உறவுகள்

நிசப்தமான இரவுகளில் நான் விழித்திருக்கிறேன்

உறக்கங்கள் தேடி நான் அலைவதில்லை

எனக்கென்று எவருமேயில்லை என்று நினைக்கும் ஒவ்வொரு பொழுதிலும் தூக்கமும் என்னை விட்டுச் சென்றுவிடுகிறது

 

கால்கள் குறுக்காகி

என் கைகளே என்னைச் சுருக்க

முழங்கால்களிடையே தலை புதைத்து

விழிகள் தரையைக் குத்திட

நான் விழித்திருக்கிறேன்

 

மணிப்பொழுதுகள் கடந்துபோக நான் காத்திருக்கிறேன்

சிலர் தவிர்த்து எவர்க்காகவும் எதற்காகவும்

நான் இனி இருக்கப்போவதில்லை

என்மீது ஏறியிருக்கும் உலகத்துச் சுமையெல்லாம் இறங்கிச் செல்லக் காத்திருக்கிறேன்

அது வரை - நிசப்தமான இரவுகளில் நான் விழித்திருக்கிறேன்.

 

எனக்காகவும் ஒருமுறை வாழ்ந்துபார்ப்பதற்காக !

 

 

Link to comment
Share on other sites

  • கருத்துக்கள உறவுகள்
28 minutes ago, ragunathan said:

நிசப்தமான இரவுகளில் நான் விழித்திருக்கிறேன்

உறக்கங்கள் தேடி நான் அலைவதில்லை

எனக்கென்று எவருமேயில்லை என்று நினைக்கும் ஒவ்வொரு பொழுதிலும் தூக்கமும் என்னை விட்டுச் சென்றுவிடுகிறது

 

எனக்கு சொல்லப்படுவது போலுள்ளது

Link to comment
Share on other sites

  • கருத்துக்கள உறவுகள்
4 minutes ago, colomban said:

எனக்கு சொல்லப்படுவது போலுள்ளது

ஓ...அப்படியா? இந்த வயதில் எம்போன்ற பலருக்கு வரும் ஒரு நிலைதான் இது

Link to comment
Share on other sites

  • கருத்துக்கள உறவுகள்

வலியினால் வரும் வார்த்தைகள்.

தொடர்ந்தும் கிறுக்குங்கள்.

Link to comment
Share on other sites

  • 4 weeks later...
  • கருத்துக்கள உறவுகள்

உங்களின் கிறுக்கல்கள் எல்லாம் தலையை கிர் என்று சுற்ற வைக்கிறது, பல நினைவுகள் தெறிக்கின்றன.... தொடர்ந்தும் கிறுக்குங்கள்......!  tw_blush:

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

    • என்ன சொல்ல வருகிறீர்கள்....ஜேர்மனியில் சட்டம் தான் ஆட்சி செய்கிறது   குற்றம் செய்தால் சட்டப்படி சிறைத்தண்டனை உண்டு  எனக்கு தெரிந்த பலர் அனுபவித்து உள்ளார்கள்  வேறு கடவுச்சீட்டு பாவித்து  பயணம் செய்ய முற்பட்டபோது கையும் மெய்யுமாக. பிடிபட்டுள்ளார்கள்....இங்கே கூடாதா வாழ்க்கை என்ற பலரும் ஊரிலுள்ள உறவினர்கள் நண்பர்கள்.     ....அழைத்து விட்டுள்ளார்கள் .. .ஏன்?? எதற்காக?? இப்போது கூட  இங்கே வருவதற்கு நிறைய பேர் முயற்சிகள் செய்கிறார்கள்   கோடிக்கணக்கில் பணம் செலவு செய்து    ஆரம்பத்தில் குமாரசாமி அண்ணை  சொன்ன விடயங்களை நானும் அனுபவித்து உள்ளேன்  .. உதாரணமாக பக்கத்து சிற்றிக்கு  போவதற்கு தடை  ....அந்த நேரத்தில் பல தமிழர்கள்  பல சிற்றிகளில். வெவ்வேறு பெயர்களில் பதிந்து பணம் எடுத்துள்ளார்கள். மட்டுமல்ல  பிரான்ஸ் பெல்சியம,. ... ....போன்ற பல நாடுகளில் கூட பதிந்து பணம் எடுத்து உள்ளார்கள்  இவையெல்லாம் உறுதியாக கண்டு பிடிக்கப்பட்டது  அதற்கு ஏற்ப நடவடிக்கைகள் எடுக்கப்பட்டது  ..  குறிப்பு,   ...இலங்கை கடவுச்சீட்டுகளில் ...எல்லா நாடுகளுக்குமான. இலங்கை பாஸ்போர்ட் இல்    ஜேர்மனியில் உள்ள இலங்கை தூதரகம்.  ......இலங்கைக்கு மட்டுமே திரும்பி போகலாம்” என்று அடித்து கொடுக்கிறது    கொழும்பு விமான நிலையத்தில் திரும்ப வரும் போது  பல மணிநேரம் மறித்து  பணம் பறிக்கிறார்கள்  .....முதலாவது உங்கள் நாட்டை திருத்த முயற்சிகள் செய்யுங்கள் 
    • Bhakshak (தமிழில் மொழிமாற்றம் செய்துள்ளார்கள்) என்று ஒரு திரைப்படம் சமீபத்தில் இணையத்தில் பார்த்தேன்.அனாதை இல்லத்தில் சிறுமிகளை எப்படித் துன்புறுத்துகிறார்கள் என்பதை விளக்குகிறார்கள். முடிந்தால் பாருங்கள்
    • மயிலம்மா என்று கதையைத் தொடங்கி அஞ்சலையை கலியாணம் கட்டி…, அதுசரி சுவியர் உங்கள் உண்மையான பெயர் வாமன் இல்லையே?
    • 40,000/= பொதி வண்டி தள்ளுபவர்களுக்கு கூலி ஒரு சூட்கேசிற்கு எத்தனை ரூபாக்கள் என்று அவர்களது ஜக்கெட்டில் போட்டிருக்கும் (தற்போது 250/= என நினைக்கிறேன்) டிப்ஸ் கோடுக்க வேண்டிய அவசியமில்லை. ஆனால் அவர்கள் உங்களிடமிருந்து காசு பார்ப்பதிலேயே குறியாக இருப்பார்கள். மேலதிகாரிகளிடம் முறையிடுவேன் என்று கூறி தப்பிக்க வேண்டியது தான்.
  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 19 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 3 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 31 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.