தேனீ வளர்ப்பில் சாதித்து வரும் யாழ்ப்பாண இளைஞர்

[நவீனன்]

 

தேனீ வளர்ப்பில் சாதித்து வரும் யாழ்ப்பாண இளைஞர்

 

 

Colombo (News 1st)  பொறியியல் மாணவரான சிவகுமாரன் நிரோஷன் யாழ்ப்பாணத்தில் தேனீ வளர்ப்பில் சிறந்து விளங்குகிறார்.

கல்விப் பொதுத்தராதர உயர்தரப் பரீட்டையில் தோற்றிய பின்னர், வீட்டின் ஏழ்மையைப் போக்கும் நோக்கில் தேனீ வளர்ப்பில் ஈடுபட ஆரம்பித்துள்ளார்.

பின்னர், கடந்த சில வருடங்களாக அதனை தொடர்ந்து முன்னெடுத்து வருகின்றார்.

யாழ் – காரைநகர், தங்கோடை கிராமத்தைச் சேர்ந்த நிரோசன், தனது வீட்டிலும் உறவினர்களின் வீடுகளிலுமாக தற்போது 53 தேன் கூடுகளை வைத்து பராமரித்து வருகின்றார்.

ஆரம்பத்தில் தேனீக்களின் கொட்டிற்கு ஆளானதாகவும் தேனீ வளர்ப்பில் ஈடுபட வேண்டாம் என எதிர்மறையான அறிவுறுத்தல்கள் வந்ததாகவும் நிரோசன் குறிப்பிட்டார்.

எனினும், தற்போது தேனீ வளர்ப்பில் ஈடுபட்டுவரும் அவர், ஏனையவர்களுக்கு அது தொடர்பான பயிற்சிகளையும் வழங்கி வருகிறார்.

தேனீ வளர்ப்பிற்காக பிரத்தியேகமாகத் தயாரிக்கப்பட்டுள்ள கூடுகளில் மலைத் தேனீ, கொம்புத் தேனீ, கொசுகுத் தேனீ மற்றும் பொந்துத் தேனீ என 4 வகையான தேனீகளை இவர் வளர்த்து வருகிறார்.

மரங்களும் பூக்களும் அதிகளவில் காணப்படும் இடங்களிலேயே தேனீ கூடுகளை வைக்க வேண்டும் என நிரோஷன் தெரிவித்தார்.

சிறப்பாக தேனீ வளர்ப்பில் ஈடுபடும் நிரோஷன் யாழ். மாவட்ட விவசாய திணைக்களம் ஊடாக தேனீ வளர்ப்பு தொடர்பில் பயிற்சிகளையும் வழங்கி வருகின்றார்.

மொரட்டுவை பல்கலைக்கழகத்தில் இறுதியாண்டில் கல்வி பயிலும் பொறியியல் மாணவரான நிரோஷன், மாதாந்தம் 15,000 தொடக்கம் 20,000 வரையான வருமானத்தை ஈட்டுகின்றார்.

தனது முயற்சியால் வருமானம் ஈட்டுவதுடன், கல்வி செயற்பாடுகளையும் வெற்றிகரமாக முன்னெடுத்து வருகின்றார்.

இன்றைய இளைஞர்களுக்கு சிறந்த உதாரணமாக விளங்குகின்றார் சிவகுமாரன் நிரோஷன்.

 

https://www.newsfirst.lk/tamil/2018/07/தேனீ-வளர்ப்பில்-சாதித்து/

[பெருமாள்]

வாழ்த்துக்கள் சிவகுமார் நிரோசனுக்கு .

[Maruthankerny]

ஒரு நல்ல விடயம் 

[கற்பகதரு]

6 hours ago, நவீனன் said:

சிறப்பாக தேனீ வளர்ப்பில் ஈடுபடும் நிரோஷன் யாழ். மாவட்ட விவசாய திணைக்களம் ஊடாக தேனீ வளர்ப்பு தொடர்பில் பயிற்சிகளையும் வழங்கி வருகின்றார்.

மொரட்டுவை பல்கலைக்கழகத்தில் இறுதியாண்டில் கல்வி பயிலும் பொறியியல் மாணவரான நிரோஷன், மாதாந்தம் 15,000 தொடக்கம் 20,000 வரையான வருமானத்தை ஈட்டுகின்றார்.

தேனீ பற்றாகுறை அமெரிக்காவில் விவசாயத்துக்கு பெரும் சவாலாக உள்ளது. இங்கு தேனீ வளர்ப்பதன் முக்கிய நோக்கம் தேன் எடுப்பது அல்ல. தேன் பல நாடுகளிலும் இருந்து அமெரிக்காவுக்கு இறக்குமதி செய்யப்படுகிறது. ஆப்பிள், மாம்பழம், ரம்புட்டான், கிவி, பீச், இப்படி பல பழங்கள் உற்பத்தியாக தேனீ ஆண் பூவின் மகரந்தங்களை பெண் பூவுடன் சேர்க்க வேண்டும். இதற்காக தேனியை இங்கு வாடகைக்கு விடுவார்கள். கிருமிநாசினி அடித்த பூக்களில் மகரந்தம் எடுக்கும் தேனீக்கள் செத்து போய்விடும். இவ்வகையான எல்லா பழங்களையும் இந்த இணைப்பில் பாருங்கள்.

https://honeylove.org/list-of-food/

 

நிரோஷன் இந்த தேனீ வணிகத்தை ஏற்றுமதி செய்யும் பாரிய வணிகமாக மாற்றி வடகிழக்கில் பல்லாயிரம் மக்களுக்கு வேலைவாயிப்பு கொடுக்க வாழ்த்துக்கள்.

 

[சுவைப்பிரியன்]

வாழ்த்துக்கள்

[ஈழப்பிரியன்]

சிவகுமாரன் நிரோசன் மேன்மேலும் வளர்ந்து வர வாழ்த்துக்கள்.

[Eppothum Thamizhan]

வாழ்த்துக்கள் நிரோஷன்

[தனிக்காட்டு ராஜா]

வாழ்த்துக்கள் தம்பி