Jump to content

ஓ.பன்னீர்செல்வத்தை சந்திக்க நிர்மலா சீதாராமன் மறுத்தது ஏன்?


Recommended Posts

ஓ.பன்னீர்செல்வத்தை சந்திக்க நிர்மலா சீதாராமன் மறுத்தது ஏன்?

தில்லிக்கு ஒரு நாள் பயணமாக திடீரென்று நேற்று வந்த தமிழக துணை முதல்வர் ஓ.பன்னீர்செல்வத்தை பாதுகாப்பு அமைச்சர் நிர்மலா சீதாராமன் சந்திக்காமல் தவிர்த்தார். இதனால் அதிருப்தியடைந்த ஓ.பன்னீர்செல்வம் சென்னைக்கு திரும்பினார்.

பன்னீர்செல்வம்படத்தின் காப்புரிமைGETTY IMAGES

முன்னதாக தமிழ்நாடு இல்லத்தில் செய்தியாளர்களை சந்தித்த ஓ.பன்னீர்செல்வம், உடல் நலமில்லாத தமது சகோதரரை மதுரையில் இருந்து சென்னைக்கு கொண்டு செல்ல ராணுவ விமானத்தைப் பயன்படுத்த அனுமதி வழங்கியதற்காக பாதுகாப்புத் துறை அமைச்சர் நிர்மலா சீதாராமனை சந்தித்து நன்றி தெரிவிக்க டெல்லி வந்ததாக தெரிவித்தார். மேலும், இது அரசுப் பயணமோ, அரசியல் பயணமோ அல்ல என்றும் அவர் தெரிவித்திருந்தார்.

இந்த நிலையில், செளத் பிளாக்கில் உள்ள பாதுகாப்பு அமைச்சரின் அலுவலகத்துக்கு மாநிலங்களவை அதிமுக உறுப்பினர் டாக்டர் வா.மைத்ரேயனுடன் பன்னீர்செல்வம் சென்றார். ஆனால், வரவேற்பறையில், நிர்மலா சீதாராமனை சந்திக்க மைத்ரேயனுக்கு மட்டுமே நேரம் ஒதுக்கப்பட்டுள்ளதாகவும் ஓ.பன்னீர்செல்வத்துக்கு அனுமதி இல்லை என்றும் கூறப்பட்டதாக தெரிகிறது.

இதைத்தொடர்ந்து சில நிமிடங்கள் இருவரும் அங்கு காத்திருந்த நிலையில், நிர்மலா சீதாராமனின் அலுவலகம் தனது ட்விட்டர் பக்கத்தில், அமைச்சரவை சந்திக்க மைத்ரேயனுக்கு மட்டுமே நேரம் ஒதுக்கப்பட்டது என்று குறிப்பிடப்பட்டிருந்தது.

நிர்மலா சீதாராமன்படத்தின் காப்புரிமைGETTY IMAGES Image captionநிர்மலா சீதாராமன்

இந்த நிலையில், நிர்மலா சீதாராமனை சந்தித்து நன்றி கூறியதாக பன்னீர்செல்வம் தெரிவித்ததாக தமிழ் ஊடகம் ஒன்றின் டிவிட்டர் பக்கத்தில் செய்தி வெளியானது. அதை மீண்டும் தமது ட்விட்டர் பக்கத்தில் மேற்கோள்காட்டிய நிர்மலா சீதாராமனின் அலுவலகம், நிர்மலாவை பன்னீர்செல்வம் சந்திக்கவில்லை என்று மீண்டும் வலியுறுத்துவதாக கூறியது.

இதற்கிடையே, சில நிமிடங்கள் பாதுகாப்பு அமைச்சர் அலுவலக வரவேற்பறையில் காத்திருந்த ஓ.பன்னீர்செல்வம், மைத்ரேயனுக்கு இதுபற்றிய தகவல் கிடைத்ததால், அங்கிருந்து நேரடியாக விமான நிலையத்துக்கு பன்னீர்செல்வம் சென்றதாக கூறப்படுகிறது. அவரை பின்தொடர்ந்து மைத்ரேயனும் சென்றார்.

இதேவேளை, நிர்மலா சீதாராமனை சந்தித்து விட்டு மீண்டும் தமிழ்நாடு இல்லத்துக்கு ஓ.பன்னீர்செல்வம் வருவார் என்ற எதிர்பார்ப்பில் அதிமுக உறுப்பினர்கள் சிலர் அங்கு காத்திருந்தார்கள். அவர்களிடம் துணை முதல்வர் பன்னீர்செல்வம் நேரடியாக விமான நிலையம் சென்ற தகவல் குறித்து தெரிவிக்கப்பட்டதும் அவர்களிடையே ஒருவித பரபரப்பு நிலவியது.

ஓ.பன்னீர்செல்வம்படத்தின் காப்புரிமைGETTY IMAGES

கடந்த திங்கட்கிழமை இரவு பன்னீர்செல்வம் டெல்லி வந்தபோது, அவருக்கே ஆச்சர்யமளிக்கும் வகையில், முப்பதுக்கும் அதிகமான அதிமுக நாடாளுமன்ற உறுப்பினர்கள் விமான நிலையத்துக்கே வந்து வரவேற்பு அளித்தார்கள்.

இதுபோன்ற வரவேற்பை முன்பு முதல்வர் பதவியை பன்னீர்செல்வம் வகித்தபோது அதிமுக உறுப்பினர்கள் வழங்கினார்கள். அதன் பிறகு எடப்பாடி பழனிசாமி தலைமையில் ஆட்சி கைமாறிய பிறகு அவருக்கு மட்டுமே விமான நிலைய வரவேற்பு கிடைத்து வந்தது.

இந்நிலையில் பல அரசியல் ஊகங்களுக்கு இடையில் ஓ.பன்னீர்செல்வம் மேற்கொண்ட டெல்லி பயணம் அவர் திட்டமிட்டபடி நடக்கவில்லை என்று அரசியல் பார்வையாளர்கள் கருத்து தெரிவித்துள்ளனர்.

விடையில்லாத கேள்விகள்

நிர்மலா சீதாராமன் அனுமதி அளிக்காமலே, நேரம் ஒதுக்காமலே அவரது அலுவலகத்துக்கு துணை முதல்வர் பன்னீர்செல்வம் ஏன் சென்றார்? சந்திப்பதற்கு நேரம் ஒதுக்கவேண்டும் என்று பன்னீர்செல்வம் முன்கூட்டியே கேட்டிருந்தாரா? மைத்ரேயனை சந்திக்க நேரம் ஒதுக்கிய நிர்மலா சீதாராமன் ஏன் துணை முதல்வர் ஓ.பன்னீர்செல்வத்துக்கு மட்டும் நேரம் ஒதுக்கவில்லை? ஓ.பி.எஸ். சந்திக்க அனுமதிக்க மறுக்கப்பட்டாலும், மைத்ரேயன் மட்டும் நிர்மலாவை சந்தித்தாரா? நன்றி சொல்வதற்காக துணை முதல்வர் ஏன் இவ்வளவு தூரம் பறந்து வந்து நேரில் செல்லவேண்டும்? உண்மையில் பன்னீர்செல்வம் எதற்காக டெல்லி வந்தார்? இதுபோன்ற கேள்விகளுக்கு அதிமுக தரப்பில் பதில் அளிக்க யாரும் இல்லை.

ஓ.பி.எஸ்.சின் இந்த பயணம் முழுவதற்குமான சாட்சியாக இருந்த மைத்ரேயனை பிபிசி தமிழ் தொடர்பு கொண்டது. ஆனால், உரையாடலைத் தொடர அவர் விரும்பவில்லை.

இந்த நிலையில், டெல்லிக்கு திடீர் பயணம் வந்த ஓ.பன்னீர்செல்வம் செவ்வாய்க்கிழமை பிற்பகலிலேயே சென்னைக்கு திரும்பியுள்ள சம்பவம் அதிமுக வட்டாரத்தில் சலசலப்பை ஏற்படுத்தியுள்ளது.

எதையும் தாங்கும் இதயம்...

இதனிடையே சென்னை திரும்பிய ஓ.பன்னீர்செல்வம் சென்னை விமான நிலையத்தில் இந்த விவகாரம் குறித்து செய்தியாளர்கள் கேட்டபோது 'எதையும் தாங்கும் இதயம்' இருப்பதாகத் தெரிவித்தார்.

https://www.bbc.com/tamil/india-44938809

Link to comment
Share on other sites

  • கருத்துக்கள உறவுகள்

 'எதையும் தாங்கும் இதயம் வேண்டும்' என்று தாம் சொன்னதை‌ , சூடு- சொரணையற்ற நிலைக்குப் பயன்படுத்துவார்கள் என்று அண்ணா கனவிலும் நினைத்திருக்க மாட்டார். 

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 19 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 4 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 37 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.