• advertisement_alt
  • advertisement_alt
  • advertisement_alt
Sign in to follow this  
நவீனன்

மன்னார் வணிக வளாகத்தில் ஒருவரை ஒருவர் அணைத்தவாறு இரு மனித எச்சங்கள் (வீடியோ)

Recommended Posts

மன்னார் வணிக வளாகத்தில் ஒருவரை ஒருவர் அணைத்தவாறு இரு மனித எச்சங்கள் (வீடியோ)

 

குளோபல் தமிழ்ச் செய்தியாளர்

 

மன்னார் ‘சதொச’ விற்பனை நிலைய வளாகத்தில் கண்டு பிடிக்கப்பட்ட மனித எச்சங்கள் பல்வேறு சந்தேகத்தை ஏற்படுத்தியுள்ள நிலையில் தற்போது இரு மனித எச்சங்கள் ஒன்றாக காணப்பட்டமை அடையாளப்படுத்தப்பட்டுள்ளது.  அத்துடன் பெண்கள் கைக்கு அணியக்கூடிய காப்பு என சந்தோகிக்கப்படுகின்ற தடயப் பொருள் ஒன்றும் மீட்கப்பட்டுள்ளதோடு ஒருவரை ஒருவர் அணைத்தவாறு அருகருகே இரு மனித எச்சங்கள் ஒன்றாக காணப்பட்டமையும் அடையாளப்படுத்தப்பட்டுள்ளது.

குறித்த வளாகத்தில் நேற்று செவ்வாய்க்கிழமை (17) மாலை மற்றும் இன்று புதன் கிழமை(18) காலை மேற்கொள்ளப்பட்டு வரும் மனித புதைக்குழி அகழ்வில் தற்போது மேலும் சந்தேகத்தை ஏற்படுத்தும் விதமாக மனித எலும்புக்கூடுகள் மீட்கப்பட்டு வருகின்றது.

மனித எச்சங்கள் மீட்கப்பட்டதை தொடர்ந்து குறித்த வளாகத்தை விரிவு படுத்தி அகழ்வு செய்யும் பணி இடம் பெற்று வருகின்ற நிலையில் விரிவுப்படுத்தப்பட்ட இடத்தில் இரு தினங்களும் சந்தேகத்திற்கிடமாக வகையில் மனித எச்சங்கள் அடையாளம் காணப்பட்டுள்ளது.

கடந்த மார்ச் மாதம் மன்னார் சதொச விற்பனை நிலைய கட்டுமானப் பணியின்போது மேற்கொள்ளப்பட்ட மணல் அகழ்வின் போது கண்டு பிடிக்கப்பட்ட மனித எச்சங்களைத் தொடர்ந்து இது சம்பந்தமாக சட்ட ரீதியான நடவடிக்கை முன்னெடுக்கப்பட்டு ; 36 வது நாட்களாக அகழ்வுப் பணிகள் இடம்பெற்று வருகின்றன.

இது வரைக்கும் 40 க்கு மேற்பட்ட எலும்புக்கூடுகளும் மண்டையோடுகளும் கண்டு பிடிக்கப்பட்டுள்ளதாகவும் 27 எலும்புக்கூடுகளும் மண்டையோடுகளும் வெளியேற்றப்பட்டுள்ளதாகவும் தெரிவிக்கப்படுகின்றமை குறிப்பிடத்தக்கது

IMG_6999.jpg?resize=800%2C450IMG_7010.jpg?resize=800%2C450IMG_7013.jpg?resize=800%2C450

 

http://globaltamilnews.net/2018/88270/

Share this post


Link to post
Share on other sites

மீட்கப்பட்ட எலும்புக் கூடுகளை கொழும்பு கொண்டு செல்ல நடவடிக்கை?

 

 

imageproxy-4-750x430.jpg

 
 

மன்னார் சதொச விற்பனை நிலைய வளாகப் பகுதியில் அகழ்வு செய்யப்பட்ட ஒரு தொகுதி முழு மனித எலும்புக் கூடுகளை கொழும்பு பல்கலைக்கழக சட்ட மருத்துவ அதிகாரி அங்கு எடுத்துச் செல்வதற்காக மன்னார் நீதிமன்றில் நகர்த்தல் பத்திரம் தாக்கல் செய்வதற்கான நடவடிக்கை எடுக்கப்படுகின்றது என்று தகவல்கள் வெளியாகியுள்ளன.

மன்னார் நகர் நுழை வாயில் பகுதியில் கடந்த மார்ச் மாத பகுதியில் சதொச விற்பனை நிலைய கட்டுமானப் பணியின்போது மனித எச்சங்கள் கண்டு பிடிக்கப்பட்டன. அதைத் தொடர்ந்து நடைபெற்ற அகழ்வுகளில் எலும்புக் கூடுகளும், எலும்புகளும் மீட்கப்பட்டன.

இன்று இரண்டு எலும்புக்கூடுகள் வெளியே எடுக்கப்பட்டுள்ளன. இது வரை எடுக்கப்பட்ட மனித எலும்புக்கூடுகள் எச்சங்கள் 43 பெட்டிகளில் அடைக்கப்பட்டு மன்னார் நீதிவான் நீதிமன்றத்தில் பாதுகாப்பாக வைக்கப்பட்டுள்ளன.

 

முதலில் எடுக்கப்பட்ட ஒரு தொகுதி முழு எலும்புக்கூடுகளை கொழும்பு பல்கலைக்கழக சட்ட மருத்துவ அதிகாரி அங்கு எடுத்துச் செல்வதற்காக மன்னார் நீதிவான் நீதிமன்றத்தில் நகர்த்தல் பத்திரம் ஒன்றை தாக்கல் செய்யவுள்ளார் என்று தகவல்கள் வெளியாகியுள்ளன.

http://newuthayan.com/story/15/மீட்கப்பட்ட-எலும்புக்-கூடுகளை-கொழும்பு-கொண்டு-செல்ல-நடவடிக்கை.html

Edited by நவீனன்

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now
Sign in to follow this