வ.ஐ.ச.ஜெயபாலன்

[poet]

புல்லுமலையும் யாழ்ப்பாணம் முஸ்லிம் தெருவும். - வ.ஐ.ச.ஜெயபாலன்
.
கிழக்கில் புல்லுமலையில் முஸ்லிம் நிறுவனமொன்று குடிநீர் அடைக்கும் தொழிற்சாலை அமைக்க முனையும் பிரச்சினையும் இதேபோல வடக்கில் யாழ்ப்பாணத்தில் முஸ்லிம் தெருவில் தமிழர்கள் கோட்டல் கட்டும்பிரச்சினையும் கவலை தருகிறது. உள்ளூர் மக்களால் நியாயமான சூழலியல் கலாச்சார காரணங்களுக்காக எதிர்க்கபடும் நிலையில் இரண்டு தரப்பிலும் முதலீடு செய்கிறவர்கள் காணி உரிமம் அனுமதி என்பவை பெற்றுள்ளதாக கூறுகிறார்கள். மாறிவரும் தேசிய சர்வதேச அரசியல் சூழலில் மக்களின் சமதமில்லாமல் இத் திட்டங்கள் நெடுங்காலத்துக்கு இயங்கும் வாய்ப்பில்லை. 
. 
,படுவான்கரையை நன்கு அறிந்தவன் என்கிற வகையில் குறித்த பிரதேசங்களில் ஏராவூர் ஓட்டமாவடி முஸ்லிம்களுக்கும் நிலமும் கால்நடை வளங்களும் இருந்தது என்பதை அறிவேன். யுத்தத்தால் வெளியேறிய படுவான்கரை முஸ்லிம்களை ஏறாவூரில் தோழன் பசீர் சேகுதாவுத் மூலமும் ஓட்டமாவடியில் எஸ்.எல்.எம் ஹனீபா மச்சான் மூலமும் தொடர்புகொண்டு பேசி இருக்கிறேன் குறித்த நிலம் முஸ்லிம்களுடையதாக இருக்கலாம். தமிழர் ஒருவர் 1985ல் பதிவுபெற்ர ஆவனத்தின் அடிப்படையில் உரிமை கோருவதாக தெரிகிறது. இப்பிரச்சினை மக்கள் மன்றத்திலல்ல நீதிமன்றத்தில்தான் தீர்த்து வைக்கமுடியும். ஆனால் சூழலைபாதிக்கும் வகையிலான நிலப்பயன்பாட்டு பிரச்சினை மக்கள் மன்றப் பிரச்சினையாகும். கிழக்குமாகாண சூழலியல் பிரச்சினைகளில் நாளைக்கு இணைந்து பிரச்சினைகளுக்கு முகம் கொடுத்து வாழப்போகிற தமிழ் முஸ்லிம் இளைஞர்கள் ஆர்வம் காட்டவேண்டும். 
.
யாழ்பாண முஸ்லிம்கள் தங்கள் காணிகளை தமிழருக்கு விற்க்கவேண்டாமென தொடர்ந்தும் வலியுறுத்தி வந்திருக்கிறேன். எனினும் தொடர்ந்தும் காணிகள் தமிழருக்கு விற்கப்பட்டுகிறது. கிழக்கிலும் இனம்மாறி நிலம் விற்க்கபடுவது தொடர்பான விவாதங்கள் உண்டு. காணிச் சந்தை பொதுவானது. யாரும் விற்று வாங்கலாம். எனினும் சில இன முரண்பாடுகள் உருவாகினால் சந்தை அதனை கருத்தில் கொள்ளவாண்டும், இவை அடிப்படையில் நாளைய தமிழ் முஸ்லிம் சந்ததிகள் முகம்கொடுக்கபோகிற பிரச்சினை, . இவைபற்றியெல்லாம் தமிழ் முஸ்லிம் இளஞர்கள் பேசி முடிவுகாணவேண்டும். கிழக்குமாகாணக் காணிகள் யாருக்கு சொந்தமாக இருப்பினும் பிரதேச மக்களைப் பாதிக்கக்கூடிய வகையில் பயன்படுத்தப்படுவது தமிழர்களாலும் முஸ்லிம்களாலும் எதிர்க்கப் படவேண்டும். யாழ்பான முஸ்லிம் தெருவாக இருந்தாலென்ன அல்லது கிழக்கில் புல்லுமலையாக இருந்தாலென்ன அந்த அந்த பகுதி மக்களின் எதிர்ப்பை மீறி ஒரு கோட்டல் அல்லது குடிநீர் தொழிற்சாலை கட்டும் முயற்ச்சி ஏற்றுக்கொள்ள முடியாதது என தமிழ் முஸ்லிம் இளைஞர்கள் இணைந்து குரல் கொடுக்கவேண்டும். இவை இனரீதியான கலாச்சார பிரச்சினை மட்டுமல்ல மகளின் வாழ்வாதரங்களை அழிக்கும் பிரதேசத்தை மாசுபடுத்தும் சூழலியல் பிரச்சினையும்கூட.. 
. 
ஏற்கனவே அதிக கோட்டல்கள் கட்டப்பட்டுள்ள நிலையில் யாழ்பாண நகரம் அதிகரித்த சூழல்மாசுபட்ட நகரமாக மாறிவிட்டது. யாழ்பாண நகர எல்லைக்குள் திடக்கழிவு குப்பை அகற்றுதல் குடிநீர் வளங்குதல் உட்பட பல சூழல் பிரச்சினைகள் பூதாகரமாகி வருகிறது. .படுவான் கரை மேற்க்கு எல்லைப் பிரதேசத்தில் வர்த்தக ரீதியாக நீர்டுக்கும் பிரச்சினை பாரதூரமான சூழலியல் பிரச்சினைகளை ஏற்படுத்தும். நிலத்தடி நீர்பிரச்சினை தொடர்பான நெருக்கடிகள் உன்னிச்சை நீர்பாசன திட்டத்தின் நீர் ஆதாரங்களில் அதிக அழுத்தத்தை ஏற்படுத்தும். இத்தகைய அழுத்தங்கள் நிச்சயமாக உன்னிச்சைக் குழத்தில் இருந்து எழுவான்கரை தமிழ் முஸ்லிம் கிராமங்களுக்கு குடிநிர் வழங்கும் திட்டத்தை பாதிக்கும்.
.
தமிழ் முஸ்லிம் சமூக சக்திகளிடையே முரண்பாடுகள் கூர்மையடைந்துவரும் இந்த தருணத்தில் இளைஞர்களூக்கிடையில் ஏற்படக்கூடிய நீதியும் நடுநிலையும் கொண்ட பேச்சுவார்த்தை உறவுகளும் அமைப்புகளுமே தீர்வாகும். 
.
வல்லமையற்ற மக்கள் ஆதரவில்லாத ஏழைக் கவிஞனான என்னால் யாழ்ப்பாணம் முஸ்லிம் தெருவில் மக்களை எதிர்த்து கோட்டல் காடுகிறவர்களையும் புல்லுமலையில் மக்களை எதிர்த்து தண்ணீர் அடைக்கும் தொழிற்சாலை கட்டுகிறவர்களையும் பூண்டோடு நாசமாய் போகவென மனம் நொந்து சபிக்க மட்டுமே முடியும். அறம்பாடத்தான் முடியும்.
. 
கிழக்கு மாகாணத்தில் இத்தகைய பொதுப்பிரச்சினையை எப்படி அணுகுவது? வளங்கள்பற்றிய பொதுப்பிரச்சினையை அணுக இதுவரை கிழக்கு மாகாண நீராதரங்களில் அக்கறையுள்ள தமிழ் முஸ்லிம் இணைஞர்களுக்கிடையில் பேச்சுவார்த்தைகளோ பொது அமைப்புகளோ உருவாகவில்லையென்பதுதான் கால துயரம். .