Sign in to follow this  
பேராசிரியர்.ந.கிருஷ்ணன், ம.சு.பல்கலைக்கழகம்

கூத்'தாடி' ரஜினியும் முழுத்தாடி துரோணாச்சாரியும்: ஆன்மீகஅரசியல்

Recommended Posts

கூத்'தாடி' ரஜினியும் முழுத்தாடி துரோணாச்சாரியும்: ஆன்மீகஅரசியல்

கோடைமழையில் தொப்பலாக நனைந்த நண்பர் ஓட்டமாக ஓடிக் குளித்துவிட்டு 'அப்பாடா' என்று அமர்ந்தார்.

'ஏனப்பா! மழைலதான் நல்லா நனைஞ்சுட்டியே! தலைய தொவட்டினா போதாதா!" என்றேன் நான்.

'அட நீ வேற கடுப்பக் கேளப்பாதே! நனைஞ்ச பனியன்லேர்ந்து டிடெர்ஜென்ட் சோப்புப் பவுடர் நொரவந்து ஒடம்பெல்லாம் ஒரே ஊறல்! ஒனக்கென்ன தெரியும்!' என்றார் கடுப்புடன்.

'ஏம்பா! வாஷிங் மிசின்லதானே தொவைக்கிறே!', என்று கேட்டுவைத்தேன்.

'பிரச்னையே வாஷிங் மிஷின்தாம்பா! ஏதோ 'Fuzzy Artificial Intelligence'னு பீத்தறேளே! அது பண்ற வேலதான் இம்புட்டும்! அந்த Intelligent கருமாந்தரம் கொறச்சலாத்தான் தண்ணி எடுக்குது. சோப்பு சரியாப் போகாமே, துணில தங்குரதால தோல்நோய் வந்துரும்போல! வாங்கி ஆறே மாசத்துல மத்த ஆப்ஷன்லாம் புட்டுக்கிச்சு! புது மிஷின்தான் வாங்கணும்போல' என்றார் வெறுப்புடன்.

'இதான் ஒம்பிரச்னையா! மிஷின்ல போடுற சோப்புப் பவுடரை அரைவாளி தண்ணியில போடு! துணிய முக்கி சட்டைக் காலரை தேச்சபொறவு நனைஞ்ச துணியவும், மிச்ச சோப்புப் தண்ணியவும் வாஷிங் மிசின்ல போடு. full-லோடு தண்ணி எடுத்து வாஷ் பண்ணும் பாரு!' என்றேன் நான்.

'நெசமாவா! இதோ வர்றேன்' என்று உடனே அதைச் செய்து பார்த்துவிட்டு 'அபாரம்! எப்பிடிப்பா!' என்றார் நண்பர்!

'நீ போடுற மொத்தத்துணியோட எடைய வச்சுத்தான் எம்புட்டுத் தண்ணி வேணும்னு மிஷின் தீர்மானிக்கி! துணிய சோப்புப்பவுடர் தண்ணில நனச்சுட்டம்! துணியோட மொத்த எடை கூடிருதுல்ல! நனைஞ்சு சொமக்கற முட்டாள் மிஷின், full-லோடு துணி இருக்குன்னு நெனச்சுட்டு நிறையத் தண்ணிய விட்டு வாஷ் பண்ணுது! அவ்வளவுதான்!' என்றேன் நான்.

'Fuzzy Artificial Intelligence' பாத்துட்டு சூப்பர் ஸ்டார் மிஷின்னு நெனச்சேன்! அது இவ்வளவு முட்டாளா இருக்கும்னு தெரியாமப் போச்சே!' என்றார் சிரிப்புடன்.

'மிஷினோட 'நனைஞ்சு சொமக்குற முட்டாள்தனம்' ஒனக்குத் தெரியாதவரைக்கும் மிஷின் சூப்பர்ஸ்டார்! நீ முட்டாள்! தெரிஞ்சுட்டா நீ சூப்பர்ஸ்டார்! அது முட்டாள்!', என்றே நான்.

'ஓங் குசும்பு மட்டும் போவே மாட்டுக்கு! சுத்தி சுத்தி என்தலைவனக் குத்தாம இருக்கமாட்ட போல!' என்றார் சலிப்புடன்.

'நா எங்கப்பா ஒன்தலைவன சொன்னேன்! ஒன்தலைவன தூத்துக்குடி சந்தோஷ் நனைச்சுத் தொவச்சதை நீயா கற்பனை பண்ணுனா நா ஒண்ணும் செய்ய முடியாது!' என்றேன் உர்ர்ரென்று இருந்த நண்பரிடம்.

'இதவிடு! வாஷிங்மிஷின் முட்டாள மாதிரி, 'சொமந்து நனஞ்ச முட்டாள்' கத ஒண்ணு மகாபாரதத்ல வருது! சொல்லட்டா!' என்றேன் நான்.

'என்தலைவன விட்டா சரி!' என்று உற்சாகமானார் நண்பர்.

பாரதப்போரின் பதிமூன்றாம்நாள் கௌரவப் படைகளின் தளபதி வெண்தாடி வீரர் துரோணாச்சாரியார்(பிரதமர் அல்லர்) அமைத்த பத்ம(பிஜேபி தாமரை அல்ல) வியூகத்தை உடைத்து உள்ளே நுழைந்தான் மாவீரன் அபிமன்யு; பீமன் உள்ளிட்ட ஏனைய பாண்டவர்கள் அபிமன்யுவின் பின்னால் உள்ளே வரவிடாமல், தன் சேனையைக்கொண்டு அடைத்துவிட்டான் சிந்துராஜன் ஜயத்ரதன். தன்னந்தனியாகப் பலரிடம் போரிட்டு வீரமரணம் அடைந்தான் அபிமன்யு.

தன் வீரமகன் அபிமன்யுவின்  சாவுக்குக் காரணமாயிருந்த ஜயத்ரதனை அடுத்தநாள் போரின்  சூரிய அஸ்தமனத்துக்குள்ள கொல்லுவேன்! முடியவில்லை என்றால் தற்கொலை செய்வேன் என்று சபதம் எடுத்தான் அர்ச்சுனன். நூறு கௌரவர்களின் ஒரே தங்கையின் கணவன் சிந்துதேச அரசன் ஜயத்ரதன். அர்ச்சுனனின் சபதத்தைக் கேட்டுக் கலக்கமுற்று, நாடு திரும்ப முடிவுசெய்தான்.

'உன்னை நாங்கள் அனைவரும் சேர்ந்து பாதுகாப்போம்! போர்முனையின் கடைசியில் நீ இருப்பாய்! சூரிய அஸ்தமனத்துக்குள் மாவீரன் கர்ணன், துரோணாச்சாரியார் உள்ளிட்ட எங்கள் அனைவரையும் வென்று, உன்னை அடைய இயலாமல்போன அர்ச்சுனன் நாளைத் தற்கொலை செய்துகொள்வான். போர் முடிவுக்குவந்துவிடும். கலங்காமல் இங்கிரு!' என்று தங்கை கணவனுக்குத் தைரியம் சொன்னான் துரியோதனன்.

மறுநாள் யுத்தத்தில் அனைவரையும் சிதறடித்து புயலைப்போல் முன்னேறிய அர்ச்சுனனை தடுத்தார் துரோணாச்சாரியார். அம்புமழையால் குருவணக்கம் செலுத்திய அர்ச்சுனன், வேகமாக அவரைக் கடந்துசென்றான். பதைபதைப்புடன் துரோணாச்சாரியாரிடம் சென்ற துரியோதனன் அருச்சுனனைப் பின்தொடர்ந்து தடுக்குமாறு கேட்கிறான்.

'அர்ச்சுனன் இல்லாமல் தனியாக இருக்கும் தருமனை உயிருடன் பிடிக்க இதுவே சமயம்! நீ சென்று அர்ச்சுனனைத் தடுத்து நிறுத்து!', என்றார் துரோணர்.

'உங்களால் நிறுத்த இயலாத அர்ச்சுனனை என்னால் எப்படி நிறுத்த இயலும்?' என்றான் துரியோதனன்.

'நான் தரும் கவசத்தை அணிந்துகொள்; அர்ச்சுனனின் அம்புகள் உன்னை ஒன்றும் செய்யாது!' என்ற துரோணாச்சாரியார், தாம் மட்டுமே அறிந்த திவ்வியக் கவசத்தை துரியோதனனுக்கு அணிவித்தார்.

'நில் அர்ச்சுனா! என்னை ஜெயிக்காமல் இங்கிருந்து போகஇயலாது!' என்ற துரியோதனின் அறைகூவலைக் கேட்டுக் கோபத்துடன் அம்புமழை பொழிந்தான் அர்ச்சுனன். அவை அனைத்தும் பெருமழையில் அணைந்த நெருப்பெனப் பயனற்று விழுந்தன. சிரித்துக்கொண்டே துரியோதனன் தொடுத்த அம்புகள் அர்ச்சுனனையும், கிருஷ்ணனையும் துளைத்தன.

'அர்ச்சுனா! உன் அம்புகள் பயனற்றுப் போவதை நான் இதுவரை கண்டதில்லை! உன் காண்டீப வில் சக்தியிழந்து போயிற்றா!' என்றார் கிருஷ்ண பரமாத்மா.

'கிருஷ்ணா! குரு துரோணாச்சாரியார் மட்டுமே அறிந்த திவ்யகவசத்தை துரியோதனன் அணிந்திருக்கிறான் என்று சந்தேகிக்கிறேன்! நான் சிறுவனாக இருந்தபோது, இக்கவசத்தைக் குறித்து ஆச்சாரியார் ஒருமுறை கூறியுள்ளது நினைவுக்கு வருகின்றது. கழுதை பொதி சுமப்பதைப் போல், பயன்பாடு தெரியாமல் இக்கவசத்தைச் சுமந்து வந்துள்ள துரியோதனனுக்கு, இக்கவசத்தைக் கொண்டு தன்னைக் காப்பாற்றத் தெரியாது! இப்போது பார் என் திறமையை!' என்ற அர்ச்சுனன் நன்றாகக் குறிவைத்து, அக்கவசம் மறைக்காத நகக்கண்களைத் தன் அம்புகளால் துளைத்தான். வலிதாங்க இயலாமல் யுத்தகளத்தை விட்டு ஓடினான் துரியோதனன். பின் ஜயத்ரதனைக் கொன்று தன் சபதத்தை நிறைவேற்றினான் அர்ச்சுனன் என்று கதையைச் சுருக்கமாக முடித்தேன்.

'யாருக்குமே தெரியாத நகக்கண் ரகசியம் அர்ச்சுனனுக்கு மட்டும் எப்படித் தெரியும்?' என்றார் நண்பர்.

'திறமையான மாணவனுக்கு, அவரறியாமல் அனைத்தையும் கற்றுக்கொடுத்திருப்பார் ஆச்சாரியார்! தலைசிறந்த மாணவன் கற்றதை ஒருபோதும் மறக்கமாட்டான்! 'கோளாளன் என்பான் மறவாதான்' என்று தலைசிறந்த மாணவனுக்கான இலக்கணத்தைத் தமிழ் திரிகடுகம் சொல்கிறதல்லவா! அதுதான்' என்றேன் நான்.

['தாளாளன் என்பான் கடன்படா வாழ்பவன்,
வேளாளன் என்பான் விருந்துஇருக்க உண்ணாதான்,
கோளாளன் என்பான் மறவாதா ன், இம்மூவர்
கேளாக வாழ்தல் இனிது!' - திரிகடுகம் (நல்லாதனார்)

'தாளாளன்' என்றால், ஊக்கமுள்ளவன் என்று பொருள். அப்படிப்பட்டவர்கள் யாரிடமும் கடன் வாங்காமல் வாழ்வார்கள்.

அடுத்து, 'வேளாளன்', என்ற சொல் உழவன், உழுவித்து உண்பவன், அருள் செய்பவன், உதவி செய்பவன் ஆகிய அனைவரையும் குறிக்கும்; இவர்கள் அனைவருக்கும் உள்ள பொதுப்பண்பு, வீட்டில் விருந்தினர் இருக்கும்போது அவர்களை விட்டுவிட்டுத் தாம் உண்ணமாட்டார்கள்.

மூன்றாவது, கோளாளன், அதாவது, பல விஷயங்களை மனத்தில் கொண்டு சிந்திக்கிறவன் மனித வாழ்வு என்னும் பள்ளியின் தலைசிறந்த மாணவன்; தான் கேட்டவற்றை ஒருபோதும் மறக்கமாட்டான். இந்த மூவருக்கும் உறவாக இருப்பது இனியது என்கிறது இப்பாடல்.]

'உண்மைதான்! இதற்கும் வாஷிங் மிசினுக்கும் என்ன சம்பந்தம்?' என்றார் நண்பர் விடாப்பிடியாக.

'நாம வெச்சிருக்கிற வாஷிங் மிஷின் மாதிரி துரியோதனன்! கால் லோடுத் துணிய, சோப்புத் தண்ணீருல நனச்சுப் போட்டு முழு லோடுத் துணின்னு மிஷின் intelligence- ஏமாத்தி, full capacity லோடு தண்ணீருல அலம்பவைக்கிற நாம்ப அர்ச்சுனர்கள்', என்றேன் நான்.

'மெனக்கெட்டு தூத்துக்குடி வரப் போயி, கைக்காசையும் கொட்டிக்கொடுத்தவரு, போராடுனவகள சமூக விரோதிகள்னு மட்டும் சொல்லாமப் போயிருந்தா சூப்பர் ஸ்டாரும் அர்ச்சுனர்தான்! பாவம்! தானுண்டு! தன் வேலையுண்டுன்னுட்டு இமய மலைக்கெல்லாம் போயி தியானம் பண்ற நல்லவரு! அவர் நேரம்! பத்திரிக்கைக்காரனுட்டயும் நீ நான்னு ஏக வசனத்துல குதிச்சுட்டாரு! கொட்டில்லாமலேயே கூத்தாடுற சாமிங்க மீடியாக்காரனுவ! தலவரு செண்ட மோளம் வேறக் கொட்டிட்டாரு! கேக்கவா வேணும்!' என்றார் நண்பர்.

'எப்பா! 'நாய் வால நிமுத்த முடியாது! தாடி வச்சவன்லாந் தன்னத் துரோணாச்சாரின்னு நெனக்கிறான்! அர்ச்சுனனுக்கே தண்ணி காட்டுவானுக தமிழனுக!  பன்னாட்டுப் பன்னாடை ஆரியனுக்காக, 13 தமிழர்களைக் (அபிமன்யுக்கள்) கொன்னுட்டு, மிச்சத் தமிழனுகளக் கவர் பண்றதுக்காக, கவசமாத் தூத்துக்குடிக்கு டிக்கெட் எடுத்துக்குடுத்து, கோடிகோடியா துட்டும் குடுத்து அனுப்புனாரு தாடி துரோணாச்சாரியாரு'ன்னு சோசியல் மீடியாவுல கலாய்க்கிராங்கப்பா! 'அருச்சுனன அனுப்புறதா நெனச்சுதான் சூப்பர் ஸ்டாரை அனுப்புனதாவும், அவரு, துரியோதனங் கணக்கா, வாசிங் மிஷின் சோப்பார் ஸ்டாரா மாறி நாறிட்டாரு'ன்னும் பேசிக்கிறாங்கப்பா!' என்றேன் நான்.

'ஒழுங்கா கதைய முடிச்ச ஒன்ட்ட, தேவையில்லாம தலைவரு கதயச் சொல்லி கேட்டு வாங்குனம்பாரு! எம் புத்திய ... ' என்று நடையைக் கட்டினார் நண்பர்.

 

 

 

 

  • Like 1

Share this post


Link to post
Share on other sites

சோப்பார் ஸ்டாரை வாஷிங் மெஷினில் போட்டு பாரதத்துக்குள் இழுத்து வந்து கழுவி ஊத்தி ஒரு வழி பண்ணி விட்டிர்கள். இனி உங்கள் நண்பர் மழையில் நனைந்தாலும் உங்களின் வீட்டு வீதிக்கே வரமாட்டார்.....!  tw_blush: 

  • Like 1

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now
Sign in to follow this  

  • Similar Content

    • By மல்லிகை வாசம்
      பிரம்மாண்டமான காட்சியமைப்பு, சமூக அநீதிக்கு எதிரான போராட்டம், சமூகத்துக்கு ஒரு செய்தி என வழமையான சங்கர் படங்களின் பாணியில் தான் இருக்கும் என எதிர்பார்த்துச் சென்றது போலவே 2.0ம் இருந்தது. 
      எனினும் இதில் சங்கர் எடுத்துக்கொண்ட களம் புதிது; இலகுவாகப் புறக்கணித்து ஒதுக்கக் கூடிய, ஆனால் ஒதுக்கிவிடக் கூடாத சமூகப் பிரச்சினை. அதை விறுவிறுப்பான திரைக்கதையுடனும், பிரம்மிக்கும் தொழில்நுட்பத்தின் உதவியுடனும்  வழங்கிய விதம் கற்பனைக்கும் மிக மிக அப்பாற்பட்டது. படத்தின் Title cardல் இருந்து ஆரம்பித்து நிறைவுறும் வரையில் தொடர்ந்த 3D அனுபவம் ஒரு Theme park சென்றது போன்ற ஓர் உணர்வு. 
      ஒருபக்கம் stylish, mass hero ரஜினி பல்வேறு ரூபங்களில் அமர்க்களப்படுத்த, மறுபக்கம் அக்க்ஷய்  குமாரின் நெகிழ வைத்த, இன்னும் மிரட்டவும் செய்த நடிப்பும், இடையே எமி ஜாக்சன் எனும் அழகுப் பதுமையும் உள்ளம் கவர்ந்தன. 
      பெரிய பட்ஜெட் என வீணடித்தும் தரமான சினிமாவைத் தர முடியாத இயக்குனர் சங்கர் என்ற என் அபிப்பிராயத்தை மாற்றிய படம் இது. சில குறைகள் ஆங்காங்கே தெரிந்தாலும் ஓரு Science fiction சினிமா என்ற அளவில் அவற்றைப் புறக்கணிக்கலாம். 
      மேலும், சங்கரின் முன்னைய படங்களில் (எந்திரன் தவிர) இருந்த பல சினிமாத்தனமான குறைகள் 2.0ல் இல்லை - குறிப்பாக திரைக்கதையின் ஓட்டத்துக்கு இடையூறான பாடல் காட்சிகள், காதல், நகைச்சுவைக் காட்சிகள் இல்லை;  ஆனாலும் இந்த அம்சங்கள் தேவையான இடங்களில் அழகாக, அளவாகச் சேர்க்கப்பட்டுள்ளன. அத்துடன் குழந்தைகள் முதல் பெரியோர் வரை அனைத்து தரப்பினரையும் கவரும் விதமாக ஓர் முழுமையான பொதியாக 2.0 வழங்கப்பட்டுள்ளமை இப்படக்குழுவின் வெற்றியாகும்.
      (இருந்தாலும் பாட்டி வடை சுட்ட கதையையும் சங்கர் இப்படிப் பிரம்மாண்டமாக திரைப்படமாக்குவாரோ என்ற ஒரு குறும்புக் கேள்வியும் எனக்குள் எட்டிப் பார்த்தது! படம் பார்த்தவர்கள் இதனைக் கற்பனை செய்க: - பறவைகள் = காக்கா, செல் போன் = வடை, ரஜினி = நரி, அக்ஷய் குமார் = பாட்டி என!) ???
      எது எப்படியோ தமிழ் சினிமாவை முழு இந்தியாவும், இன்னும் உலகளாவிய சினிமா ரசிகர்களும் கவனிக்க வைக்கும் திரைப்படமாக 2.0 அமையும் எனக் கூறுவது மிகையாகாது தான். இதனை உலகத்தரம் மிக்க சினிமா எனக் கொண்டாடுவதற்கு வெறுமனே அதன் 3D Graphics வேலைப்பாடுகள் போன்ற தொழில்நுட்ப அம்சங்கள் மட்டும் காரணமல்ல; கூடவே புது விதமான கதைக்களமும், அதனை ஓரளவுக்குச் சிறப்பான திரைக்கதை மூலம் நமக்களித்த விதமும், அதன் மூலம் மக்களிடையே ஓர் விழிப்புணர்வை ஏற்படுத்தியமையும் முக்கியமான காரணிகளாகும். 
      இந்த வேளையில், இதன் முன்னைய படமான எந்திரன் திரைப்படத்திற்கு பல வருடங்களுக்கு முன்னர் கருவளித்த மறைந்த எழுத்தாளர் சுஜாதா அவர்களை நன்றியுடன் நினைவுகூரல் பொருத்தமானது. ஒரு Science fiction என்ற ரீதியில் உலக சினிமாவுக்கான அத்திவாரம் அங்கேயே இடப்பட்டுவிட்டது. அதன் தொடர்ச்சி தான் 2.0. ?
      கடைசி பஞ்ச்: 2.0 - செல்போன்களின் சுனாமி, மாஸ்'னா ரஜினி என்று போனா எல்லாம் செல்போனா இருக்கே! ?
    • By பேராசிரியர்.ந.கிருஷ்ணன், ம.சு.பல்கலைக்கழகம்
      ஊடக அறம் - ரஜினியும் எம்.ஜி.ஆரும்: ஓர் ஒப்பீடு

      ஊழிமுதல்வன்

      ரஜினிக்காகச்  சலம்பும் அடிப்பொடிகள்

      வருவேன் வருவேன் என்று இருபத்தோரு ஆண்டுகளாகப் போக்குக்காட்டி வந்த ரஜினிகாந்த் என்னும் சிவாஜிராவ் கெய்க்வார்டு கடைசியில் தமிழக அரசியலில் குதித்தே விட்டார்; "நேரடியாக இருநூத்தி முப்பத்துநாலு தொகுதிகளிலும் போட்டி போடுறோம்; ஜெயிக்கிறோம்; ஆட்சி அமைக்கிறோம்", என்று அறிவித்தும் விட்டார். எம்.ஜி.ஆர் நூற்றாண்டுவிழாக் காணும் இக்காலகட்டத்தில், எழுத்தாளர்களும், ஊடகவியலாளர்களும், கவிஞர்களும், அரசியல்வாதிகளும் போட்டி போட்டுக்கொண்டு ரஜினி என்னும் சிவாஜிராவ் கெய்க்வார்டை எம்.ஜி.ஆர். என்னும் மாமனிதருடன் ஒப்பிட்டு, இல்லை, இல்லை, எம்.ஜி.ஆரைவிட ரஜினி மிக உயர்ந்தவர் என்று தலைமேல் தூக்கிவைத்துக் குதிக்க ஆரம்பித்துவிட்டனர். வாட்ஸப், ட்விட்டர், முகநூல், இணையதளம், யூட்யூப் என்று இவர்கள் பண்ணும் அலம்பல் தாங்கமுடியாமல், காலச்சக்கரத்தைச் சற்றே பின்னோக்கிப் பார்த்தேன் - இவர்களின் சலம்பலில் எங்காவது உண்மை இருக்கிறதா என்று.

      எம்.ஜி.ஆரின் ஊடகஅறமும் - ரஜினியின் ஊடக சீரழிவும்

      தம்காலத்தின் மிகப்பெரிய தகவல்-தொடர்பு ஊடகமான திரைப்படம் மூலம் தமிழ் மக்களுக்கு, குறிப்பாக இளம் தலைமுறையினருக்குத் தவறான பாதைகளைக் காட்டக்கூடாது என்னும் திரை-ஊடக அறம் ஒன்றை தனக்கென வகுத்துக்கொண்டு, அதன் வழியே துளியும் விலகாமல், மக்களுக்கு நல்ல செய்திகளையே தருவது என்பதில் கடைசிவரை உறுதியாக வாழ்ந்த எம்.ஜி.ஆர் என்னும் மாமனிதர் எங்கே?

      "புகைப்பிடித்தல், குடிப்பழக்கம், சூதாடுதல், பெண்களை அவமதித்தல், கெட்ட வார்த்தையை ஸ்டைலாகப் பேசுதல் (விரசமான "இதெப்படியிருக்கு?" வசனம் நினைவிருக்கும் என நினைக்கிறேன்), கற்பழித்தல், பிறன்மனை நயத்தல் என்ற தீய செயல்களை நியாயப்படுத்துவது போன்றவற்றையே திரைப்படங்கள் மூலம் வியாபாரமாக்கித் தமிழ்ச் சமூகத்தையே சீரழித்த ரஜினி என்னும் "சிவாஜிராவ் கெய்க்வார்டு" என்ற மகானுபவன் எங்கே? யாரை யாருடன் ஒப்பிடுவது என்ற விவஸ்தையே இல்லாமல் போனதுதான் அவலம்.

      தமிழர்களின் 'எங்கள் வீட்டுப் பிள்ளை'யான எம்.ஜி.ஆர்

      திராவிட இயக்கத்தின் முக்கிய தலைவர்களைக் கொண்ட திமுகவைத் தவிர்த்துவிட்டு, எம்ஜிஆரைத் தமிழக மக்கள் தொடர்ந்து ஆட்சியில் அமர்த்தியதற்குக் காரணங்கள்.

      குடி-புகை-சூதாடுதல் தீமை என்று இளைஞர்களுக்கு கற்பித்தார் எம்.ஜி.ஆர்

      பொதுவாக, வள்ளுவர் வலியுறுத்திய வாழ்வியல் அறங்களான கள்ளுண்ணாமை, சூதாடாமை, உயிர்க்கொலை செய்யாமை, வாய்மை, தாய்மை போற்றுதல், அறன் வலியுறுத்தல் போன்ற செய்திகளை உள்ளடக்கியே தனது திரைப்படங்களை வடிவமைத்தார். குடிப்பழக்கத்தையும், புகைப்பிடிப்பதையும் பெரும் தீமை என்று இளைஞர்களுக்கு திரைப்படங்கள் மூலம் உறுதியான செய்தி சொன்ன எம்.ஜி.ஆர் அதைத் தன் வாழ்விலும் கடைப்பிடித்து, அப்பண்பு-நலன்களுக்கு வலிமையையும் சேர்த்தார்.

      குடும்பத்தலைவன் எம்.ஜி.ஆர்

      குடும்பக் கதைகள் என்றால், அவையும் வள்ளுவன் வகுத்த வாழ்வியல் நெறிகளைப் பின்பற்றியே அமைத்தார்;  தாய்-தந்தையரை மதித்தலும் பேணுதலும், இல்வாழ்க்கை அறம், வாழ்க்கைத் துணைநலம், மக்கட்பேற்றின் சிறப்பு, அன்புடைமையின் அவசியம், விருந்தோம்பல் என்னும் மானுடப்பண்பு ஆகியன எம்.ஜி.யாரின் குடும்பத் திரைப்படங்களில் ஆணிவேராக இருந்தன.

      பொன்மனச் செம்மலாக இளைஞர்களுக்கு வழிகாட்டிய வள்ளல் எம்.ஜி.ஆர்.

      அவை அனைத்திலும், இனியவைகூறல், செய்ந்நன்றி அறிதல், பொறுமை காத்தல், பிறரிடம் பொறாமை கொள்ளாத தன்மை, கோள்சொல்லாமை, உதவாக்கரைப்பேச்சு பேசாமை, தீவினையச்சம், சமூக நல்லிணக்கம், வள்ளன்மை(ஈகை), திருடாமை, எதிர்பார்ப்பின்றி உதவுதல்(அருளுடைமை), கூடாவொழுக்கம் தவிர்த்தல், கோபம் கொள்ளாத தன்மை,  பிறருக்கு துன்பம் விளைவிக்காமை போன்ற நற்குணங்களை தனது திரைப்படங்கள் மூலம் மக்களுக்குச் சொல்வதே  எம்.ஜி.ஆரின் திரைப்பட வாழ்வியலாக இருந்தது.

      எம்.ஜி.ஆரின் அரசியல் அறம்

      எம்.ஜி.ஆரின் திரைப்பட அரசியல் குற்றங்கடிதல், பெரியாரைத் துணைக்கோடல், செங்கோலாட்சி, கொடுங்கோன்மை எதிர்த்தல்,  பெரியாரைப் பிழையாமை என்று இழையோடிய கதையோட்டம் வள்ளுவம் வகுத்த அரசியல் பாதையாகவே இருந்தது. 138 திரைப்படங்களில் 136 தமிழ்ப்படங்கள் நடித்துள்ளார். சர்வாதிகாரி என்னும் படம் தெலுங்கிலும் தமிழிலும் உருவானது. ஏக்தா ராஜா என்னும் ஒரு இந்திப் படத்தில் 1951ல் நடித்துள்ளார்.

      எம்.ஜி.ஆரின் பொதுவுடைமை ஆன்மீக அறம்

      இந்தக் கால கட்டங்களில், திமுகவின் நேரடி அரசியலிலும் அவர் பங்கு கொண்டவர் என்பதையும் கணக்கிடவேண்டும். திராவிடஇயக்கக் கொள்கைகளில், வள்ளுவம் வகுத்த கொள்கைகளை மட்டுமே தம் திரைப்படங்களில் கதை அமைத்து, மக்களுக்குச் செய்தியாக வழங்கியவர்.

      கடவுள் மறுப்புக் கொள்கை கொண்டிருந்த திராவிட இயக்கத்தின் தலைவராக இருந்தாலும், எம்.ஜி.ஆரின் கடவுள் கொள்கை மக்களைச் சார்ந்தே இருந்தது. "கொடுத்ததெல்லாம் கொடுத்தான்! அவன் யாருக்காகக் கொடுத்தான்? ஒருத்தருக்கா கொடுத்தான்? இல்லை! ஊருக்காகக் கொடுத்தான்!" என்று பொதுவுடமையைக் கடவுளின் பண்பாக மக்களுக்குக் கொண்டுசென்ற மனிதநேயப் பண்பாளர் எம்.ஜி.ஆர். "கடவுள் ஏன் கல்லானான்? மனம் கல்லாய் போன மனிதர்களாலே!" என்று மனிதரிலேயே கடவுட்தன்மையை அவர் வலியுறுத்தியது எம்.ஜி.ஆரின் ஆன்மீக அரசியலுக்கு ஒரு சோற்றுப் பதம்;  இமயமாய் உயர்ந்து நிற்கும் அம் மாமனிதரின்  சமூகச் சிந்தனைகளுக்கு ஓர் உரைகல்.

      கொள்கைகளையே பாடல்களாக உருவாக்கிய எம்.ஜி.ஆர்.

      கவிதை எழுதியவர்கள் கவிஞர்களே தவிர எம்.ஜி.ஆர். இல்லையே என்பவர்களுக்காக: அவரது படங்களில் வரும் பாடல்களின் மையக் 'கரு'க்களுக்குச் சொந்தக்காரர் எம்.ஜி.ஆரே என்பதற்கு, கதைக்களத்துக்குப் பொருத்தமான பாடல்வரிகள் வரும்வரை, பாடல் வரிகளை மாற்றச்சொல்லி, கவிஞர்களுடன் அமர்ந்து பேசி, எழுதி வாங்கியவர் எம்.ஜி.ஆர் என்று பல கவிஞர்களும் உரைத்த சாட்சிகளே போதுமானவை.

      அனைத்துத் தளங்களிலும் அறவாழ்வு என்பதையே வாழ்வியலாக மக்களுக்குச் சொன்ன எம்.ஜி.யாரைப் பார்த்து, "அன்றைக்கு எம்ஜிஆருக்கு என்ன விசேஷமான கொள்கை இருந்தது?" என்ற பாமரத்தனமான கேள்வி கேட்கும் புத்திசாலிகளுக்கான பதிலே இவை.

      குடியும் புகையும் இளைஞர்களுக்கு ஊக்குவித்த ரஜினி படங்கள்

      ரஜினியின் 161 திரைப்படங்களில் 114 தமிழ்ப் படங்களில் இதுவரை நடித்துள்ளார். இதில் ராகவேந்திரா என்னும் ஒரு படம் தவிர  புகை, மது போன்ற தீய பழக்கங்கள் இல்லாத படங்களை ரஜினி தந்தது இல்லை. ரஜினி ஸ்டைல், யதார்த்தம் என்ற பெயரில் இரண்டு தலைமுறைத் தமிழ் இளைஞர்களைக் குடிப்பழக்கத்துக்கும், புகைப்பிடிக்கும் பழக்கத்துக்கும் அடிமைப்படுத்திய பெருமைக்குரிய பெருந்தகை இந்த ரஜினி என்னும் "சிவாஜிராவ் கெய்க்வார்டு".

      சமூகவிரோதிகளை மக்கள் நாயகனாகத் தூக்கிப்பிடிக்கும் ரஜினி படங்கள்

      இவர் நடித்த திரைப்படங்களில் சமூக விரோதச் செயல்களில் ஈடுபடுவதை நியாயப்படுத்தும் படங்களே அதிகம். பெண்ணடிமைத்தனமும், பெண்களை இழிவு செய்யும் கதைகளும் இவைகளில் உண்டு. 

      சமூகவிரோதச் செயல்களே ஹீரோயிசம் என்று காட்டிய ரஜினி படங்கள்

      அபூர்வ ராகங்கள், மூன்று முடிச்சு, புவனா ஒரு கேள்விக்குறி, 16 வயதினிலே, ஆடு புலி ஆட்டம், தப்பு தாளங்கள், அவள் அப்படித்தான், பாவத்தின் சம்பளம், குப்பத்து ராஜா, பில்லா, காளி, பொல்லாதவன், முரட்டுக்காளை, தீ, நெற்றிக்கண், போக்கிரி ராஜா, ரங்கா, தங்க மகன் போன்றவையால் குடித்துவிட்டுக் கலாட்டா செய்வது எப்படி, சிகரெட்டைத் தூக்கிப்போட்டு வாயில் கவ்வுவது எப்படி, அறவழி வாழ்வது இளித்தவாய்த்தனம் என்ற பிற செயல்முறை விளக்கங்கள் இந்த மகான் தமிழ் இளைஞர்களுக்குப் போதித்த 'ரஜினி வாழ்வியல் தத்துவங்கள்'.

      'சிஸ்டம்' கெட்டுப்போகக் காரணமாக இருந்துவிட்டு 'சிஸ்டம் கெட்டுப்போச்சே' என்றால் . . .

      இப்படிப்பட்ட உயர்ந்த தத்துவங்களையெல்லாம் உதிர்த்து, தனக்குப்பின் தன்னைப் போலவே பல எதிர்மறை நட்சத்திரங்கள் தமிழ் மண்ணில் உருவாக முன்னுதாரணமாக வாழ்ந்து, தமிழ்ப் பண்பையும், கலாச்சாரத்தையும் குழிதோண்டிப் புதைத்த இந்த சமூக சேவகர் இப்போது "சிஸ்டமே கெட்டுப்போயிருச்சே! நான் முதல்வரா வந்தாத்தானே சரி செய்ய முடியும்" என்கிறார்.

      தமிழ்நாட்டைப் பாதித்த எந்த முக்கியமான நிகழ்வுகளையும் கண்டுகொள்ளாமல் எங்கோ அயல் கிரகத்தில் நடந்ததுபோல் சாமர்த்தியமாக நடந்துகொண்ட இவர், தமிழ்நாட்டின் 'சிஸ்டம் கெட்டுவிட்டது' என்பது கேலிக்கூத்தில்லாமல் வேறென்ன?

      தமிழ்சமூகத்தின் விதைநெற்களைத் துவம்சம் செய்த ரஜினி

      அசுரனைப்போல் எதிர்மறைத் தத்துவங்களையே தூக்கிப்பிடித்து, பல இளைய தலைமுறைத் தமிழ் இளைஞர்களைக் கெடுத்துக் குட்டிச்சுவராக்கி, அந்த குட்டிச்சுவர்களின் இடிபாடுகலையே கோபுரமாக்கி, ரஜினி பெற்ற பட்டம்தான் 'சூப்பர் ஸ்டார்'. ரஜினியின் வாழையடி வாழையாக முளைத்த அடிப்பொடிகளான 'சப்ரீம் ஸ்டார்', 'சளைய தளபேதி'', 'உரல்டு நாயகன்', 'உல்டிமேட் ஸ்டார்', 'அண்டர்கிரவுண்டு ஸ்டார்', 'அப்பர்கிரௌண்டு ஸ்டார்' என்னும் பலரும் அவரவர் தகுதிக்கேற்ப, தங்களுக்கென பல இளம் தமிழ்க் கைத்தடிகளை உருவாக்கித் தங்கள் கட்டவுட்டுக்குப் பாலபிஷேகம் செய்யவைத்துத் தங்கள் பங்குக்குத் தமிழ் சமூகத்தின் விதை நெற்களைத் துவம்சம் செய்தனர்.

      ரஜினியின் வாரிசுகள் அரசியலுக்கு வந்தால் . . .

      தமிழக அரசியலில் வாரிசு அரசியல் என்னும் வாரியல் அரசியல் எல்லா நிலைகளிலும் நிலைபெற்றுவிட்டது. ரஜினி 'சிஸ்டத்தை'ச் சரிசெய்தபின், எல்லாத் தலைவர்களையும்போல் தனது வாரிசுகளிடம் தமிழ் சிஸ்டத்தை ஒப்படைத்தபின் நடக்கப்போகும் நிலையைக் கற்பனைசெய்துகூடப் பார்க்கமுடியவில்லை. 'பாத்தா புடிக்காது! பாக்கப் பாக்கப் புடிக்கும்!' என்று கூவும் குரல் இப்போதே குடலைக் குமட்டுகிறது.

      உணர்விலும் தமிழன்-அல்லாத ரஜினி . . .

      தனது சொத்துக்கள் அனைத்தையும் தமிழ்நாட்டில் மட்டுமே வாங்கி, தமிழ் மக்களுக்கே அவற்றைக் கொடுத்த எம்.ஜி.ஆர் எங்கே? தனது சொத்துக்கள் அனைத்தையும் கர்நாடகா, மகாராஷ்டிரா என்று வெளியில் வாங்கிக் குவித்துவிட்டு, தன்னை வாழவைத்த தெய்வங்கள் என்று போலியாகப் பசப்பு வார்த்தைகள் பேசி, தமிழ் மண்ணில் ஒரு சிறு முதலீடுகூடச் செய்யத் துணியாத அயலான் மனப்பான்மை கொண்ட ரஜினி எங்கே?

      கடைசி ஆறுதலாக . . .

      ரஜினி ரசிகர்களுடன் புகைப்படம் எடுத்துக்கொள்ளும் காட்சிகள் உடனுக்குடன் ஒளிபரப்பப்பட்டபோது கிடைத்த ஒரே சிறிய ஆறுதல், பெரும்பாலான ரசிகர்கள் ஐம்பதுகளைக் கடந்த வயதான வழுக்கை மண்டையர்களாகவும், நரைத்த முடியர்களாகவும் இருந்ததுதான்.

    • By இசைக்கலைஞன்
      இன்று காலையில் பார்த்து சிரித்தது..