Sign in to follow this  
பேராசிரியர்.ந.கிருஷ்ணன், ம.சு.பல்கலைக்கழகம்

தூத்துக்குடியில் ரஜினியின் சூப்பர்ஸ்டார் பிம்பத்தை கிழித்துத் தொங்கவிட்ட வீரத்தமிழன் சந்தோஷ்!

Recommended Posts

தூத்துக்குடியில் ரஜினியின் சூப்பர்ஸ்டார் பிம்பத்தை கிழித்துத் தொங்கவிட்ட வீரத்தமிழன் சந்தோஷ்!

பேராசிரியர் ந. கிருஷ்ணன், ம.சு.பல்கலைக்கழகம், திருநெல்வேலி.

 

"பொங்கு தமிழர்க்கு இன்னல் விளைத்தால் சங்காரம் நிசமெனச் சங்கே முழங்கு!"
- பாவேந்தர் பாரதிதாசன்

 

'ரஜினிகாந்த் தூத்துக்குடிக்குச் செல்வார் என்று நான் எதிர்பார்க்கவில்லை', என்றார் நண்பர்.

'நான் எதிர்பார்த்தேன்!' என்றேன் நான்.

வியப்புடன் உற்றுப்பார்த்த நண்பன், 'எப்படி?' என்றார் ஒற்றை வார்த்தையில்.

'ஒன்றுமில்லை, காலாவுக்கு கன்னடத்தில் திரையரங்குகளில் தடைவிதித்து ஆப்படித்துவிட்டார்கள்! இளிச்சவாயன் தமிழன்களும் வரலேன்னா அம்போன்னு போயிருமேன்னு கவலைப்பட்டுப் போயிருப்பார்' என்று விரித்தேன்.

'சேச்சே! இது ஒங் கணிப்பு! அப்படில்லாம் இருக்காது!' என்றார் நண்பர்.

'தூத்துக்குடியில் காயமடைந்தவர்களை சந்திக்க செல்கிறேன். பாதிக்கப்பட்டவர்களுக்கு ஆறுதல் சொன்னால்தான் எனக்கு மகிழ்ச்சி. நடிகரான என்னை பார்த்தால், தூத்துக்குடி மக்களும் மகிழ்ச்சி அடைவார்கள் என்று நம்புகிறேன்.'னுட்டு அவரே சொன்னதுப்பா! பிறகு, நிருபர்கள் காலா படத்திற்கு கர்நாடகாவில் தடை விதித்திருப்பது குறித்து கேட்ட போது, கர்நாடக திரைப்பட வர்த்தக சபையுடன், தென்னிந்திய திரைப்பட வர்த்தக சபை பேச்சு நடத்தி சுமூக தீர்வு காணும் என்றிருக்கிறார் ரஜினி இதுலேந்தே ரஜினியோட தூத்துக்குடி பயணத்தின் நோக்கம் தெரியுதே!' என்றேன் விடாமல்.

'நீ எப்பவுமே இப்பிடித்தான் ரஜினிய லந்து விடுவ' என்றார் நண்பர் கோபமாக.

'நானாச் சொன்னா என்ன நீ கோவிச்சுக்கலாம். ஆனா சொன்னது மக்களுப்பா! 'தூத்துக்குடிக்கு ரஜினி சென்றது' என்ற புதியதலைமுறையின் ஆன்லைன் வாக்கெடுப்பில் 44.6% தமிழர்கள் சொன்னது காலா படவிளம்பரத்துக்குத்தான் என்றும்,  31.9% தமிழர்களின் கருத்து அரசியலுக்கான முன்னோட்டம் என்றும் இருப்பதால், ஆக மொத்தம் 76.5% சதவீத மக்களுக்கு ரஜினியின் தூத்துக்குடிப் பயணம் அவரது சுயலாபக் கணக்குக்காகவே என்ற விஷயம் தெரிந்திருக்கிறது. உன்னைப்போல்  மனிதநேயம் என்று நம்பும் அப்பாவிகள் வெறும் 23.5% பேர்தாம் உள்ளனர்' என்று என்பங்குக்கு வெறுப்பேற்றினேன் நான்.

"எதற்கெடுத்தாலும் போராடிக்கொண்டிருந்தால் தமிழகம் சுடுகாடாகிவிடும் என்று  எவ்வளவு அழகாச் சொல்லீருக்காரு எங்க தலைவர் ரஜினிகாந்த்', என்று சிலாகித்தான் நண்பன்.

'அட போப்பா! நீதான் வெவெரங்கெட்டவனா இருக்கேன்னு நெனச்சேன்! ஒந்தலைவனும் அப்பிடித்தான் போல! மீத்தேன்,  ஹைட்ரோகார்பன்,  பெட்ரோலிய மண்டலம்,  நியூட்ரினோ, அணுஉலைப் பூங்கா- ன்னுட்டுத்  தமிழக வளங்களையும், சாமானிய மக்களோட வாழ்வாதாரங்களையும் சூறையாடி அழிக்கும் திட்டங்களை மத்திய, மாநில அரசுகள் மக்களின் மேல் சுமத்தி, தமிழ்நாடு சுடுகாடா மாறிக்கிட்டு இருக்கதாலத்தான் போராட்டங்களே நடக்குது! சர்வாதிகாரிபோலப் பேசும் ரஜினில்லாம் ஆட்சிக்கு வந்தா தமிழ்நாடு நிச்சயம் சுடுகாடாகத்தான் ஆகும்' என்று பொங்கினேன் நான்.

 'அத விடப்பா! ஆனா எங்க தலைவரு 'தூத்துக்குடி போராட்டத்தில் சமூக விரோதிகள் புகுந்ததால்தான் கலவரம் வெடித்தது, காவல்துறையினரை தாக்கியதால்தான் கலவரம் வெடித்தது'-ன்னுட்டு துல்லியமாச் சொன்னாரே! அதுக்கு என்ன சொல்றே' என்றான் நண்பன்.

'பிஜேபி-யும், அதிமுக அரசும் சொல்ற பொய்யத்தான் ஒன்தலைவரும் சொல்றாருன்னு அமைதியாப் போராடிய  போராளிகள் சொல்றாங்க! காலுக்குக் கீழ் துப்பாக்கிச் சூடு நடக்கவில்லை! வாயிலும், நெஞ்சிலும், நெற்றியிலும் குறிபார்த்துச் சுட்டிருக்கிறார்கள் என்று மனித உரிமை ஆர்வலர்களும் போராளிகளும் சொல்கின்றனர். காற்றுக்கும், தண்ணீருக்கும் போராடிச் செத்த சாமானியத் தமிழனுகளை சமூக விரோதிகள்னு சொல்ற ரஜினி அத்தோட நின்னாரா! செய்தியாளர்களிடம் பேசும்போது, "கலெக்டர் அலுவலகத்தை நோக்கி நடந்த தாக்குதல்கள், குடியிருப்புகளை எரித்தது நிச்சயமாக சாமானிய மக்கள் அல்ல. விஷக்கிருமிகள் மற்றும் சமூக விரோதிகள் இதில் நுழைந்திருக்கிறார்கள் அவர்களது வேலைதான் இது'"  என்று பொங்கியிருக்கிறார். 13 தமிழர்களைச் சுட்டுக்கொன்ற போலீஸ் விதிமீறல்களைப் பற்றி ஒரு வார்த்தை பேசலை உங்க தலைவர். ஒரு சமூக விரோதியவும் இதுவரை அடையாளம் காட்டவில்லை. சுடச்சொன்ன அரசைக் குறைகூறாமல் மக்களை சமூகவிரோதின்னு சொன்னா மக்கள் சும்மா இருப்பாங்களா! காலா படம் நிச்சயம் மண்ணைக் கவ்வும் தமிழ்நாட்டிலே', என்று திருப்பினேன் நான்.

"ரஜினியைப் போன்ற ஒருவர், மக்கள் பிரச்சனையை புரியாத ஒருவர், கண்மூடித்தனமாக காவல்துறையை ஆதரிக்கும் ஒருவர் ஆட்சிக்கு வந்தால்தான் தமிழ்நாடு சுடுகாடாகும். மிக மிக ஆபத்தான ஒருவராக ரஜினி இருக்கிறார் என்பதற்கு அவருடைய இன்றைய பேட்டி சான்று." என்கிறார் வி.சி.க. தலைவர்களில் ஒருவரான திரு.இரவிக்குமார் அவர்கள்.

 ரீல் வாழ்க்கையில் “நிலம் நீர் உரிமை போராடுவோம்! நிலம் தான் வாழ்வாதாரம்" என்று முழங்கும் ஹீரோ சூப்பர்ஸ்டார் காலா ரஜினிகாந்த், ரியல் வாழ்க்கையில் ஒரு கடைந்தெடுத்த வில்லன், மக்கள் விரோதி, சர்வாதிகாரி, அசிங்கமான அரசியல்வாதி, எல்லாவற்றுக்கும்மேல், தமிழ்நாட்டுக்கு வந்த சாபக்கேடான வந்தேறி.

கிழிந்து தொங்கிய சூப்பர்ஸ்டார் பிம்பம்!

 

தூத்துக்குடி மருத்துவமனையில் சிகிச்சை பெற்று வருபவர்களில் ஒரு இளைஞர் ரஜினியை பார்த்து, "யார் நீங்க?" என கேட்டார்; அதற்கு ரஜினியோ, "நான் ரஜினிகாந்த்" என்று கூறினார்.

"ரஜினிகாந்த் என்பது தெரிகிறது, எங்கேயிருந்து வருகிறீர்கள்?" என அந்த இளைஞர் மீண்டும் கேட்கிறார். அதற்கு நடிகர் ரஜினிகாந்த், `நான் சென்னையிலிருந்து வருகிறேன்' என்று சொன்னதும், 'சென்னையிலிருந்து வருவதற்கு நூறு நாள் ஆகுமா?' என அந்த இளைஞர் கேட்க, ரஜினி மிகவும் இறுக்கமான முகத்துடன் பொய்யாகச் சிரித்தபடியே அந்த இடத்தைவிட்டு அவமானப்பட்டுச் செல்கிறார்.

இது சம்மந்தமான வீடியோ இணையத்தில் வைரலாகப் பரவி வரும் நிலையில், ரஜினியிடம் யார் நீங்க என கேட்கும் இளைஞர் பெயர் சந்தோஷ் என தெரியவந்துள்ளது.

சந்தோஷ் ரஜினியைப் பற்றிக் கூறுகையில், "தூத்துக்குடியில் நாங்கள் நூறு நாள்களாகப் போராடிய போது ரஜினிகாந்த் வரவில்லை. இந்தச் சம்பவம் நடந்து இன்றோடு எட்டு நாள்கள் ஆகின்றன, ஆனால் இப்போது தான் அவர் வருகிறார். இன்னும், சில தினங்களில் `காலா’ படம் ரிலீஸ் ஆகவிருக்கிறது. இனியும் மக்களைப் போய்ச் சந்திக்கவில்லை என்றால் அவருடைய படம் தமிழகத்தில் ஓடாது என்று அவருக்கு நன்றாகத் தெரியும். அதனால்தான் தூத்துக்குடிக்கு வந்து எங்களைச் சந்தித்து நிதி உதவி வழங்குகிறேன் என்று சொல்லியிருக்கிறார். அதனால்தான் எனக்குக் கோபம் வந்து, அவரை அப்படிக் கேட்டேன்" எனக் கூறியுள்ளார். சூப்பர்ஸ்டார் பிம்பத்துடன் வலம்வந்த சர்வாதிகாரி ரஜினியின் முகத்திரையைக் கிழித்துத் தொங்கவிட்டு, ஒரு கணம் ரஜினியை மீண்டும் சிவாஜிராவ் கெய்க்வாட் ஆக்கி கர்நாடகா ட்ரான்ஸ்போர்ட் பஸ்சில் விசில்ஊதும் கண்டக்டராக்கி ஓடவிட்ட தன்மானத் தமிழன் சந்தோசுக்கு நம் பாராட்டுக்களும் வணக்கங்களும்.

தூத்துக்குடிக்குப் போன ரஜினியின் சூப்பர்ஸ்டார் பிம்பம் கிழிந்து தொங்குகிறது! நல்லவன்போல் வேடமிட்ட கயமைத்தனத்தின் பொய்யான வேஷம் வெளிப்பட்டிருக்கிறது!, வெற்று சினிமா வசனம் வேறு, அரக்கத்தனம் கொண்ட ரஜினி என்னும் உண்மையான மனிதனின் குணம் வேறு என்பதை ரஜினியே தனது சூப்பர்ஸ்டார் பிம்பத்தால் கட்டமைத்த தோலை உரித்துக் காட்டி, உள்ளே இருக்கும் கோரமான சர்வாதிகார பாசிச ஆரிய குணத்தை நிர்வாணமாக வெளிப்படுத்தி, தூத்துக்குடி முதல் சென்னை வரை ஓடிக் காட்டி வெளிச்சம் போட்டிருக்கிறார்.

தம்மை சர்வாதிகாரியாக அடையாளம் காட்டிய ரஜினிக்கு நன்றி!

தனது வன்மம், ஆக்ரோஷம், ஆதிக்கவெறி, முதலமைச்சர் ஆகிவிட்டதைப் போலவே பத்திரிக்கையாளர்களிடம் காட்டும் அதிகார தோரணை முதலியவற்றால் தமிழக மக்களுக்குத் தான் யார் என்று முச்சந்தியில் அடையாளம் காட்டியிருக்கிறார் ரஜினிகாந்த் என்னும் சர்வாதிகாரி!

தன்னை இவ்வளவு மூர்க்கமாக பொதுவெளியில் காட்டியதற்காக தமிழ்ச் சமூகம் என்றென்றும் ஆரிய மராட்டிய ரஜினிக்குக் கடன்பட்டுள்ளது.

தப்பித்தவறி இத்தகைய சர்வாதிகாரியின் கையில் தமிழகம் போனால் என்னவாகும் என்று நினைக்கவே குலைநடுங்குகிறது.

வெந்தபுண்ணில் வேல்பாய்ச்சும் ரஜினியின் காலாவைப் முற்றிலும் புறக்கணிப்போம்! தன்மானத் தமிழன் சந்தோஷைப் போல, ரஜினியை அரசியலில் இருந்தும்  தெறித்து ஓட விடுவோம்  தமிழ்ச் சொந்தங்களே!

வெள்ளம் போல் தமிழர் கூட்டம்!
வீரங்கொள் கூட்டம்!  அன்னார்
உள்ளத்தால் ஒருவரே! மற்
றுடலினால் பலராய்க் காண்பார்!
கள்ளத்தால் நெருங்கொணாதே
எனவையம் கலங்கக் கண்டு
துள்ளும் நாள் எந்நாளோ! - புரட்சிக்கவிஞர் பாரதிதாசன்!

  • Like 5

Share this post


Link to post
Share on other sites
17 hours ago, பேராசிரியர்.ந.கிருஷ்ணன், ம.சு.பல்கலைக்கழகம் said:

தூத்துக்குடியில் ரஜினியின் சூப்பர்ஸ்டார் பிம்பத்தை கிழித்துத் தொங்கவிட்ட வீரத்தமிழன் சந்தோஷ்!

....

சந்தோஷ் ரஜினியைப் பற்றிக் கூறுகையில், "தூத்துக்குடியில் நாங்கள் நூறு நாள்களாகப் போராடிய போது ரஜினிகாந்த் வரவில்லை. இந்தச் சம்பவம் நடந்து இன்றோடு எட்டு நாள்கள் ஆகின்றன, ஆனால் இப்போது தான் அவர் வருகிறார். இன்னும், சில தினங்களில் `காலா’ படம் ரிலீஸ் ஆகவிருக்கிறது. இனியும் மக்களைப் போய்ச் சந்திக்கவில்லை என்றால் அவருடைய படம் தமிழகத்தில் ஓடாது என்று அவருக்கு நன்றாகத் தெரியும். அதனால்தான் தூத்துக்குடிக்கு வந்து எங்களைச் சந்தித்து நிதி உதவி வழங்குகிறேன் என்று சொல்லியிருக்கிறார். அதனால்தான் எனக்குக் கோபம் வந்து, அவரை அப்படிக் கேட்டேன்" எனக் கூறியுள்ளார். சூப்பர்ஸ்டார் பிம்பத்துடன் வலம்வந்த சர்வாதிகாரி ரஜினியின் முகத்திரையைக் கிழித்துத் தொங்கவிட்டு, ஒரு கணம் ரஜினியை மீண்டும் சிவாஜிராவ் கெய்க்வாட் ஆக்கி கர்நாடகா ட்ரான்ஸ்போர்ட் பஸ்சில் விசில்ஊதும் கண்டக்டராக்கி ஓடவிட்ட தன்மானத் தமிழன் சந்தோசுக்கு நம் பாராட்டுக்களும் வணக்கங்களும்.

தூத்துக்குடிக்குப் போன ரஜினியின் சூப்பர்ஸ்டார் பிம்பம் கிழிந்து தொங்குகிறது! நல்லவன்போல் வேடமிட்ட கயமைத்தனத்தின் பொய்யான வேஷம் வெளிப்பட்டிருக்கிறது!, வெற்று சினிமா வசனம் வேறு, அரக்கத்தனம் கொண்ட ரஜினி என்னும் உண்மையான மனிதனின் குணம் வேறு என்பதை ரஜினியே தனது சூப்பர்ஸ்டார் பிம்பத்தால் கட்டமைத்த தோலை உரித்துக் காட்டி, உள்ளே இருக்கும் கோரமான சர்வாதிகார பாசிச ஆரிய குணத்தை நிர்வாணமாக வெளிப்படுத்தி, தூத்துக்குடி முதல் சென்னை வரை ஓடிக் காட்டி வெளிச்சம் போட்டிருக்கிறார்.

....

மனதில் தோன்றியதை எழுது வடிவமாக கூறியுள்ளீர்கள், நன்றி!

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now
Sign in to follow this  

  • Similar Content

    • By பேராசிரியர்.ந.கிருஷ்ணன், ம.சு.பல்கலைக்கழகம்
      வாழ்வாதாரத்துக்காகப் போராடிக் கொலையுண்ட தமிழர்களின் சாவைக் கொண்டாடும் வெறிகொண்ட ஆரியர்கள்!

      பேராசிரியர் ந. கிருஷ்ணன், ம.சு.பல்கலைக்கழகம், திருநெல்வேலி

      கஞ்சி குடிப்பதற்கிலார்! அதன் காரணம் இவை எனும் அறிவுமிலார்! - மகாகவி பாரதியார்.
      பாரதியின் குமுறல் இன்றும் விடுதலை இந்தியாவில் தணிந்தபாடில்லை! தமிழன் தன் வரலாறைப் பாதுகாக்கவும் இல்லை! புரிந்துகொள்ளவும் இல்லை!! வரலாற்றிலிருந்து பாடம் கற்றுக்கொள்ளவும் இல்லை!!!
      "History Repeats Itself!"  
      என்றொரு ஆங்கிலப் பழமொழி உண்டு. "நிகழ்ந்த வரலாறே மீண்டும் மீண்டும் நிகழும்" என்பதன் பொருள் மனிதன் வரலாற்றிலிருந்து பாடம் கற்றுக்கொள்வதில்லை என்பதுதான்.
      "ஒருத்தனாவது சாகணும்" என்று வெறிகொண்டு அலைந்த காவலன் ஒருவனின் காணொளித் துண்டை தொலைக்காட்சியில் கண்டபோது
      "என் துப்பாக்கியில் ரவைகள் தீர்ந்துவிட்டன! இல்லையேல் இன்னும் பலரைச் சுட்டுக் கொன்றிருப்பேன்!" என்று கொக்கரித்த மேலைஆரிய வெள்ளையன் ஜெனெரல் ஓ டயர் இன்று உயிருடன் மீண்டு வந்திருக்கிறான் தூத்துக்குடிக்கு என்பது புரிந்து போனது. ஒரே வேறுபாடு, இன்று அவன் நேரடியாக வந்து சுடவில்லை; கீழை ஆரியனாக தன்னை மீட்டுருவாக்கம் செய்துகொண்டுவிட்டானோ என்று நம்மை எண்ண வைக்கின்றது வடஇந்தியத் தொலைக்காட்சிகளில் "செத்தவர்கள் மாவோயிஸ்டுகள்!" என்று கொக்கரிக்கும் தமிழகத்தில் வசிக்கும் ஆரியர்களின் கூச்சல்..
      ஏனைய மாநிலங்கள் அனைத்தும் துரத்திவிட்ட ஸ்டெர்லைட் நச்சு ஆலையைத் தூத்துக்குடியில் நிறுவினர். அன்றாடம் அவ்வாலை வெளியேற்றும் நச்சுக்கழிவுகளால் குடிக்கும் நிலத்தடி நீர், சுவாசிக்கும் காற்று அனைத்தும் நஞ்சாகிப் போனதால் ஏற்பட்ட பல்வேறு நோய்களால் கொத்துக்கொத்தாக சகமனிதர்கள் சாவதைப் பொறுக்க இயலாமல், இனி அரசியல்வாதிகளை நம்பிப் பயனில்லை என்று அப்பகுதி மக்களே ஒன்றுதிரண்டு முன்னெடுத்த நெடுநாள் போராட்டத்தை முடிவுக்குக் கொண்டுவரத் தன் மக்களையே கொன்று, அச்சத்தை உருவாக்கும் கொலைபாதகத்தை, நிறைவேற்றியுள்ளதாகக் குற்றம் சாட்டுகின்றனர் மனித உரிமை ஆர்வலர்கள்.
      சுவாசிக்கக் காற்றுக்கும், குடிக்க நீருக்கும் நீதி கேட்டுப் போராடிய அப்பாவித் தமிழர்களை 'மாவோயிஸ்டுகள்' என்று முத்திரை குத்தி, காவல்துறையை ஏவிவிட்டுத் துப்பாக்கிக் குண்டுகளால் கொன்று தீர்த்ததைக் கொண்டாடிக் கொக்கரிக்கின்றன மக்கள் விரோத ஆரிய சக்திகள்!
      "எங்களுக்கு வேலையும் வேண்டாம்! வளர்ச்சியும் வேண்டாம்! நாங்கள் சுவாசிக்கும் காற்றையும், குடிக்கும் நீரையும் நஞ்சாக்காமல் இருந்தாலே போதும்!" என்று கேன்சர் உள்ளிட்ட பல்வேறு நோய்களால் கொத்துக் கொத்தாகச் சாகும் தூத்துக்குடி மக்களின் கதறலைப் பொருட்படுத்தாமல், தொடர்ந்து ஸ்டெர்லைட் ஆலைக்கு அனுமதி அளிதத்தோடு நிற்காமல், இப்போதுள்ளவற்றைக் காட்டிலும் இருமடங்கு பெரிதான புதிய ஸ்டெர்லைட் விரிவாக்க ஆலைக்கும் அனுமதி அளித்தனர் மத்திய, மாநில அரசினர். 25 ஆண்டுகளாக ஆண்ட மத்திய, மாநில ஆட்சியாளர்களின்  துரோகச்செயலைப் பொறுக்க இயலாமல் நேரடியாகப் போராட்டத்தில் இறங்கிவிட்டனர் தூத்துக்குடி மக்கள்.    
      ஸ்டெர்லைட்டிடம் விலைபோன அரசியல் கட்சிகளை நம்பமாட்டோம் என்கின்ற கருத்தை முன்வைக்கின்றனர் போராடும்  தூத்துக்குடி மக்கள்.  அசராமல் தாங்களே அமைதியான வழியில் தொடர்போராட்டங்களைத் தொடர்ந்தனர்; இப்போராட்டங்களை நிறுத்தவே ஜல்லிக்கட்டு பார்முலாவைக் கையிலெடுத்தனர் ஆட்சியாளர்கள் என்று வலுவாகக் குற்றச்சாட்டை முன்வைக்கின்றனர் அப்பகுதி மக்கள்.  
      ஜல்லிக்கட்டுப் போராட்டத்தில் போலீசே வாகனங்களுக்குத் தீவைத்ததைப் படம்பிடித்துச் சிலர் சமூக வலைத்தளங்களில் வெளியிட்டு வைரலாக்கியதிலிருந்து பாடம் கற்றுக்கொண்ட ஆட்சியாளர்கள், இம்முறை போராட்டங்களை ஒடுக்க மாற்றுவழியைக் கையாண்டனர் என்ற குற்றச்சாட்டை ஊடகங்கள் முன்வைக்கின்றனர் போராடிய தூத்துக்குடி மக்கள். (இத்தனை முன்னேற்பாடுகளையும் தாண்டி, பொதுமக்களில் எவராவது சமூக வலைத்தளங்களில் கையும் களவுமாகப் பிடிபட்டவற்றைப் பதிவேற்றிவிட்டால் என்னசெய்வது என்று யோசித்தார்களோ என்னவோ, மாநில உள்துறை, தென்மாவட்டங்களில் இணையதளத்தையே ஐந்து நாட்கள் முடக்கிவைக்கும் முடிவை  அவசரநிலைப் பிரகடனம் செய்து கொண்டுவந்தது ஒரு தனிக்கதை.) சீருடை அணியாத போலீசைக் கொண்டும், சமூக விரோதிகளை ஏவியும் வாகனங்களுக்குத் தீவைக்கப்பட்டதாகப் போராடிய மக்களிடமிருந்து குற்றச்சாட்டுகள் எழுகின்றன. அமைதியாகப் போராடிய மக்களை நோக்கிக் கண்மூடித்தனமாகச் சுடுவதற்குக் காரணம் இப்போது கிடைத்துவிட்டது. பலரைச் சுட்டுக் கொன்றபிறகு, ஆட்சியாளர்களும் ஆரியக் கைக்கூலிகளும் செத்தவர்களை மாவோயிஸ்டுகள் என்று முத்திரை குத்துவது வெந்த புண்ணில் வேலைப் பாய்ச்சும் கொடுஞ்செயல்.
      சொந்தச் சகோதரர்கள் துன்பத்தில் சாதல் கண்டும் சிந்தை இரங்காரடி! கிளியே!
      என்று பாடிய பாரதி, தூத்துக்குடிப் படுகொலைகளைக் கண்டிருந்தால்,
      சொந்தச் சகோதரர்களைத் துடிதுடிக்கக் கொல்லல் கண்டும் சிந்தை இரங்காரடி! கிளியே!
      மாவோயிஸ்ட் என்றாறடி! செத்தவர் மாவோயிஸ்ட் என்றாறடி! கிளியே!
      அவர் கொல்லப்படல் இறையாண்மை தர்மமென்றாரடி!
      என்று பாடியிருப்பார்.
      "விஷமற்ற சுவாசக்காற்றும், விஷமற்ற குடிநீரும்" கேட்டுப் போராடிய குற்றத்துக்காகக் கொல்லப்பட்ட அப்பாவிப் பொதுமக்களின் சாவை, தமிழ்நாட்டில் வாழும் ஆரியர்களும், ஆரியக்கைக்கூலிகளும் "போராட்டத்தில் ஊடுருவிய மாவோயிஸ்டுகள்தான் கொல்லப்பட்டார்கள்! அவர்கள் கொல்லப்பட வேண்டியவர்களே! அவர்கள் செத்து ஒழியட்டும்!" என்று வடஇந்திய ஆரியக்கைக்கூலிகள் நடத்தும் தொலைக்காட்சிச் சேனல்களில் கொக்கரித்துக் கொண்டாடினார்கள். இவர்களின் கொக்கரிப்பை அப்படியே பரப்புரை செய்கின்றனர் ஆரியக்கொள்கையேற்ற அடிவருடித் தமிழினக் கோடரிக் காம்புகள். தம் உடன்பிறப்புக்களை ரத்தம் சொட்டச்சொட்டத் துடிதுடிக்கக் கொன்ற  படுகொலைச் சாவைக் கொண்டாடும் கொடூரர்களாக ஆரிய வெறிநாய்க்கடிபட்ட தமிழர்கள் வெறிகொண்டு கொக்கரிப்பதைக் கண்டு மனம் பதைக்கிறது. நெஞ்சு பொறுக்குதில்லையே! இந்த நிலைகெட்ட மனிதரை நினைந்துவிட்டால்!
      மேலை ஆரியன் ஆங்கிலேயன் ஆண்ட காலத்தில் "கஞ்சி குடிப்பதற்கு இலார்!" என்றிருந்த ஏழை மக்களின் நிலை, இந்தியாவை எழுபது ஆண்டுகளாக ஆண்ட காங்கிரஸ், பிஜேபி உள்ளிட்ட கீழை ஆரிய அரசுகள்,  அவர்களின் கைக்கூலியாகச் செயல்பட்ட பல்வேறு தமிழக அரசுகளின் ஆட்சியால்  "விஷமற்ற சுவாசக்காற்றும், விஷமற்ற குடிநீரும் இலார்" என்ற அளவுக்கு மோசமடைந்துள்ளது.
      இந்தியா என்னும் அமைப்பு
      இந்தியா என்பது பல்வேறு மொழிகள், இனங்கள், மதங்கள், தொன்மங்கள் கொண்ட மக்கள் வாழும் பன்மைத்துவம் கொண்ட நாடுகளின் கூட்டமைப்பு. ஒன்றன்பின் ஒன்றாக ஐம்பத்தியாறுக்கும் மேலான எண்ணிக்கை கொண்ட நாடுகளைப் பிடித்து ஆண்ட மேலை ஆரிய ஆங்கிலேயர்கள், இந்தியத் துணைக் கண்டத்தைவிட்டு வெளியேறிய பின்னர், உருவான கூட்டமைப்பு நாடுதான் இந்தியா என்பதை இந்திய அரசியல் அமைப்புச் சட்டம் "India shall be a Union of States " என்று பிரகடனம் செய்கிறது.
      ஆரியர்களின் நலனுக்காகவே உருவான RSS-ம் அதன் அரசியல் கட்சியான பிஜேபி-யும்  பல்வேறு மொழிகள், இனங்கள், மதங்கள், தொன்மங்கள் கொண்ட மக்கள் வாழும் பன்மைத்துவம் கொண்ட நாடுகளின் கூட்டமைப்பான இந்தியாவை "ஒரே (ஆரிய)நாடு! ஒரே (ஆரிய)மொழி! ஒரே மதம்(ஆரியம்-இந்து) ஒரே மக்கள்(ஆரியர்கள்)!" என்று மாற்றும் ஒற்றைக் கலாச்சார முழக்கத்தை முன்வைக்கின்றது. இங்கு, 'ஒரே' என்பது 'வடஆரியர்களை'க் குறிக்கும் சொல்.
      "பல்வேறு மொழிகள், இனங்கள், மதங்கள், தொன்மங்கள்" என்ற பன்மைத்துவத்தை ஏற்றுக்கொண்டால் ஒற்றுமையாக வாழ்வது சாத்தியம். "வேற்றுமையில் ஒற்றுமை" என்பது பன்மைத்துவத்தின் இருப்பில்தான் அடங்கியுள்ளது. 'ஒரே' என்னும் 'uniformity'யைத் தூக்கிப்பிடிப்பது இந்திய யூனியன் அமைப்பைத் துண்டாடும் முயற்சி என்பதை வட ஆரியர்கள் புரிந்துகொள்ள வேண்டும்.