அகதி தஞ்சம் கோரும் இலங்கை தமிழர்கள்

[நவீனன்]

அகதி தஞ்சம் கோரும் இலங்கை தமிழர்கள்

 

தஞ்சம் மறுக்­கப்­பட்டும் பயண வழியில் சிக்­கியும்  அவ­தி­யுறும் தமிழ் அக­தி­களின் அவலம்
‘வீர­கே­சரி’ வாச­கர்­க­ளுக்­காக விசே­ட­மாக எழு­தப்­பட்ட இந்த ஆய்வில், தஞ்சம் கோரும் நோக்­குடன் புறப்­பட்டு, வேண்­டிய நாட்­டிற்குப் போய்ச்­சேர முடி­யாமல் இடை வழி­களில் சிக்­குண்டு அவ­லத்தில் வாழும் பல ஆயிரம் தமிழ் அக­திகள் பற்­றியும் பல நாடு­களில் அகதி தஞ்சம் கோரி மறுக்­கப்­பட்ட நிலை­யிலும் வாழும் தமி­ழர்கள் நிலை பற்­றியும் சர்­வ­தேச சட்­டங்­க­ளின்­படி எவ்­வாறு தஞ்சம் கோரு­வது என்­பது பற்­றியும் இலங்கைத் தமிழ் அக­திகள் தற்­போது தஞ்சம் கோரிச்­செல்லும் முக்­கிய நாடான அவுஸ்­தி­ரே­லியா பற்­றியும் மற்­றைய நாடு­களில் தஞ்சம் பற்­றியும், இறு­தி­யாக இலங்கைத் தமி­ழர்கள் தற்­போது உள்ள சூழலில் அர­சியல் தஞ்சம் கோர­மு­டி­யுமா என்ற கேள்­விக்கும் விடை­காண முயற்­சித்­துள்­ளது.

ஆட்­க­டத்­தல்­கா­ரர்­களின் ஆசை வார்த்­தை­களை நம்பி பெரும்­தொகைப் பணத்தை இழந்து பல்­வேறு நாடு­களில் தடுப்பு முகாம்­க­ளிலும், சிறை­க­ளிலும், அக­திகள் முகாம்­க­ளிலும் பல இன்­னல்­க­ளுக்கு ஆளாகிக் கொண்­டி­ருக்கும் இலங்கைத் தமி­ழர்கள் பற்­றிய கரி­சனை மிகவும் குறை­வா­கவே காணப்­ப­டு­கி­றது.

ஐ.ஓ.எம்.எனப்­ப­டு­கின்ற சர்­வ­தேச குடி­யே­றி­களின் விவ­கா­ரங்­களில் புள்­ளி­வி­ப­ரங்­களை வெளி­யி­டு­கின்ற நிறு­வனம் அண்­மையில் இலங்கைத் தமி­ழர்கள் அறு­ப­துக்கும் மேற்­பட்ட உலக நாடு­களில் வாழ்­கின்­றார்கள் என தகவல் வெளி­யிட்­டுள்­ளது. தமிழர் குடி­யே­றிய முக்­கிய நாடு­க­ளான அவுஸ்­தி­ரே­லியா அமெ­ரிக்கா, கனடா,ஐக்­கிய இராச்­சியம் உட்­பட ஐரோப்­பிய நாடு­களைத் தவிர்ந்த, பல ஆபி­ரிக்க, ஆசிய நாடு­க­ளிலும் இலங்கைத் தமி­ழர்கள் வாழ்­கின்­றார்கள். இவர்­களில் முப்­ப­துக்கு மேற்­பட்ட நாடு­களில் தமி­ழர்கள் தஞ்சம் கோரி அங்கு செல்­ல­வில்லை. மாறாக தாங்கள் போய்ச்­சே­ர­வேண்­டிய வேறு ஒரு நாட்­டுக்குச் செல்லும் வழியில், நாடு­களின் எல்­லை­களில், இறங்கு அல்­லது ஏறு துறை­களில் தடுக்­கப்­பட்டு கைது செய்­யப்­பட்­ட­வர்­களும் ஆட்­க­டத்தல்காரர்­க­ளினால் இடை­வ­ழியில் கைவி­டப்­பட்­ட­வர்­களும் அடங்குவர்.

தாங்கள் போய்ச் சேர­வேண்­டிய நாட்­டுக்குச் செல்ல முடி­யா­மலும், இலங்­கைக்குத் திரும்பிச் செல்ல முடி­யா­மலும் வாழ்ந்­து­வரும் தமி­ழர்கள் ஏராளம். கடந்த முப்­பது வரு­டங்­க­ளுக்கு மேலாக தமி­ழர்கள் நாட்டை விட்டு அக­தி­க­ளாக வேறு நாடு­க­ளுக்குச் செல்­வது தொடர்ந்த வண்ணம் இருக்­கி­றது. அண்­மைய வரு­டங்­களில் அவுஸ்­தி­ரே­லியா நாட்­டுக்கு அழைத்து செல்­வ­தாகக் கூறி, ஆள்­க­டத்­தல்­கா­ரர்­க­ளினால் ஆழ் கடல்­களில் பாது­காப்பு இல்­லாத பட­கு­களில் கைவி­டப்­பட்டு மூழ்­கி­ய­வர்­களும் ஏராளம்.

பல்­வேறு நாடு­களில் தஞ்சம் கோரி நிரா­க­ரிக்­கப்­பட்ட நிலையில் முகாம்­க­ளிலும் தனியார் இருப்­பி­டங்­க­ளிலும் அவல நிலைக்குத் தள்­ளப்­பட்­ட­வர்கள் பல ஆயிரம். தங்கள் உற­வுகள் எங்கு இருக்­கி­றார்கள் என்று தெரி­யாமல் அவர்­களைத் தேடி ஏங்கும் பல­ருக்கு அவர்கள் உயி­ரோடு இல்லை என்­ப­து­கூட தெரி­யாமல் இருக்கும் கொடிய அவலம் பல வரு­டங்­க­ளாகத் தொட­ரு­கி­றது. இவர்­களின் வாழ்­வியல் பற்­றிய உண்மை நிலை­மையை இந்த ஆய்வு ஆராய்­கின்­றது.

தஞ்சம் கோரு­வதும் சர்­வ­தேச

சட்ட நிய­தி­களும்

ஒரு­வ­ருக்கு தனது நாட்டில் ஏதா­வது கார­ணத்­திற்­காக உயிர் ஆபத்து இருக்­கின்­றது என அவர் நம்­பினால், அந்த நாட்டை விட்டு வெளி­யேறி, அந்த நாட்டின் எல்­லையைக் கடந்து வேறு ஒரு நாட்டில், அந்த நாடு தனக்கு பாது­காப்­பா­ன­தாக இருக்கும் என அவர் நம்­பினால் அந்த நாட்டில் அவர் தஞ்சம் என்று சொல்­லப்­ப­டு­கின்ற அடைக்­கலம் அல்­லது பாது­காப்பை அவர் தேடு­வ­தற்கு அவ­ருக்கு உரிமை உள்­ளது என ஐக்­கிய நாடுகள் சபை அக­திகள் சாசனம் உறு­திப்­ப­டுத்­து­கின்­றது.

ஐக்­கிய நாடுகள் சபை அக­திகள் சாசனம் என்­பது 1956 ஆம் ஆண்டு கொண்­டு­வ­ரப்­பட்­டது. இந்த சாச­னத்தில் ஒருவர் தஞ்சம் கோரு­வ­தற்­கு­ரிய கார­ணங்கள் எவை­யாக இருக்க வேண்டும் என்று வரை­யறை செய்­யப்­பட்­டுள்­ளது. அதன்­படி பின்­வரும் வரை­வி­லக்­கணம் அகதி அதா­வது அகதி தஞ்சம் கோரும் உரிமை உடை­யவர் என அக­திகள் சாசனம் கூறு­கின்­றது.

“ஒருவர், தனது நாட்டில் தான் சேர்ந்­தி­ருக்­கின்ற சமூக இனத்தைச் சேர்ந்­தவர், அல்­லது அவர் பேசு­கின்ற மொழி அல்­லது அவர் சார்ந்­தி­ருக்­கின்ற சமயம் அல்­லது அவ­ரது அர­சியல் சித்­தாந்தம் கார­ண­மாக அவர் துன்­பு­றுத்­தப்­பட்டு உயிர்க்கு பாது­காப்­புக்கு உத­வத்தான் இல்லை என்று நம்பும் பட்­சத்தில் அவர் தஞ்சம் கோரு­வ­தற்கு தகு­தி­யா­னவர் ஆவர்”

இந்த அடிப்­ப­டையில் இலங்கைத் தமிழர் தஞ்சம் கோரி நாட்டை விட்டு வெளி­யேறி பாது­காப்­பான நாடொன்றில் அடைக்­கலம் புகு­வ­தற்கு உரித்து உடை­ய­வர்கள் என்­பதை இந்த சாச­னத்தில் கையொப்பம் இட்டு ஏற்­றுக்­கொண்ட எல்லா நாடு­களும் கடந்த 30 ஆண்­டு­க­ளுக்கு மேலாக உறுதி செய்­துள்­ளன. இலங்கை தமிழ் தஞ்சம் கோரு­ப­வர்­களை ஏற்றுக் கொள்­கின்­றன. இந்­தியா, அமெ­ரிக்கா போன்ற நாடுகள் இந்த சாச­னத்தில் கையொப்பம் இட்டு ஏற்­றுக்­கொள்­ளா­வி­டினும் அந்த நாடுகள் தமிழ் அக­தி­களை மனி­தா­பி­மான முறையில் தங்கள் நாடு­களில் தங்க வைத்து பரா­ம­ரிக்­கின்­றன. இரண்­டா­வது மகா யுத்­தத்­தின்­போது அக­தி­களை ஏற்­றுக்­கொள்­வ­தற்கு இந்த அக­திகள் சாச­னத்தை உலக நாடுகள் உரு­வாக்­கி­னாலும், இன்­றைய கால­கட்­டத்தில் உலக நாடு­களில் இருந்து பாது­காப்பைத் தேடி ஓடும் மக்­களின் எண்­ணிக்­கையை சமா­ளிக்க முடி­யாமல் இந்த நாடு­களே திண்­டா­டு­கின்­றன. அக­தி­களின் வருகை, குடி­வ­ரவு என்­பன பல அபி­வி­ருத்தி அடைந்த நாடு­களில் அர­சியல் பிரச்­சி­னை­யாக மாறி. தேர்தல் மேடை­களில் ஒரு அர­சியல் பேசு பொரு­ளாக மாறி­யுள்­ளது மாத்­தி­ர­மன்றி, நாட்டு மக்­களின் வெறுப்­பையும் சம்­பா­தித்­துள்­ளது.

அவுஸ்­தி­ரே­லி­யாவில் தமிழ் அக­திகள்

அவுஸ்­தி­ரே­லியா நாடா­னது அக­திகள் சாச­னத்தை ஏற்­றுக்­கொண்டு தங்கள் நாட்­டுக்கு வரும் தஞ்சம் கோரு­வோரை அர­வ­ணைத்து அவர்­க­ளுக்கு அவர்­களின் தஞ்ச கோரிக்­கை­களை பரி­சீ­லனை செய்து, அவர்­க­ளுக்கு பாது­காப்பு அளிக்க வேண்­டிய கடப்­பாடு உள்­ளது. ஆனால் அண்­மைய கால­மாக இலங்கைத் தமிழ் அக­தி­களின் மீது காட்டி வரும் சர்­வ­தேச சட்­டங்­க­ளுக்கு எதி­ரான வகை­யி­லான அணுகுமுறை­களை பல மனித உரிமை நிறு­வ­னங்கள் விமர்­சித்­துள்­ளன.

அவுஸ்­தி­ரே­லிய அர­சா­னது அக­திகள் வரு­கையை கட்­டுப்­ப­டுத்­து­வ­தற்கு பல வெளிப்­ப­டை­யான உத்­தி­க­ளையும் ரக­சி­ய­மான முறையில் பல வழி முறை­க­ளையும் கையாள்­கின்­றது. அவுஸ்­தி­ரே­லியா நாட்­டுக்குச் செல்லும் வழி­களில் உள்ள அண்­டைய நாடு­க­ளான இந்­தோ­னே­சியா, தாய்­லாந்­து­போன்ற நாடு­க­ளுடன் சேர்ந்து அக­தி­களை இடை­வ­ழியில் மறித்து அவர்­களை அவுஸ்­தி­ரே­லியா எல்­லைக்குள் வர­வி­டாமல் தடுக்கும் நட­வ­டிக்­கையை கையாள்­கின்­றது. இவ்­வாறு இடை மறிக்­கப்­பட்­ட­வர்கள் சுமார் ஆயி­ரத்­துக்கும் மேற்­பட்­ட­வர்கள் இந்­தோ­னே­சியா நாட்டு முகாம்­களில் சுமார் ஐந்து வரு­டங்­க­ளுக்கு மேலாக வாழ்ந்து வரு­கின்­றார்கள். இவர்­களுள் ஐக்­கிய நாட்டு அக­தி­க­ளுக்­கான முகவர் (யு.என்.எச்.சீ.ஆர்) ஆத­ரவைப் பெற்று அக­தி­க­ளாக ஏற்­றுக்­கொள்­ளப்­பட்­ட­வர்­களும் அடங்குவர்.

இந்­தோ­னே­சியா நாட்டில் இருந்து அக­தி­களை ஏற்­றுக்­கொள்ளும் நாடு­க­ளுக்கு மறு­வாழ்வு திட்­டத்தின் மூலம் அந்த நாடுகள் அவர்­களை ஏற்­றுக்­கொள்ள வேண்டும். தமிழ் அக­திகள் விவ­கா­ரத்தில் அந்த நாடுகள் அச­மந்த போக்கை கொண்­ட­ன­வாக இருக்­கின்­றன. அதனால் அவர்கள் தொடர்ந்தும் அவல நிலையில் இந்­தோ­னே­சி­யாவில் வாழ்ந்து கொண்­டி­ருக்­கின்­றார்கள். இவர்­களில் சுமார் நூற்­றுக்கும் மேற்­பட்­ட­வர்­களை அவர்­க­ளது தஞ்ச கோரிக்­கைகள் நிரா­க­ரிக்­கப்­பட்ட நிலை­யிலும் மேலும் சுமார் இரு­நூற்­றுக்கும் மேற்­பட்­ட­வர்­க­ளது விண்­ணப்­பங்­களை பரி­சீ­ல­னை­யிலும் அகதி முகவர் நிலையம் வைத்­தி­ருக்­கின்­றது. நிரா­க­ரிக்­கப்­பட்­ட­வர்­களை இந்­தோ­னே­சியா அரசு இலங்­கைக்கு பல­வந்­த­மாக அனுப்பும் நட­வ­டிக்­கை­க­ளையும் எடுத்து இருக்­கின்­றது.

கடந்த 2017 நவம்பர் மாதத்தில் பத்­தொன்­பது இலங்­கையர் இந்­தோ­னே­சி­யாவில் கைது செய்­யப்­பட்­டனர். இவர்­க­ளுக்கு இருப்­பிட விசா எடுத்துத் தரு­வ­தாகக் கூறி, ஆட்கடத்தல் முக­வர்­க­ளினால் ஏமாற்­றப்­பட்டு அங்கு சென்­றுள்­ளார்கள். இவர்கள் சுற்­றுலா விசா­வில்தான் அங்கு வந்­தார்கள் என்­பது அவர்கள் கைது செய்­யப்­ப­டும்­வரை அவர்­க­ளுக்குத் தெரி­யாது. பெரு­ம­ளவு பணத்தை இழந்த இவர்கள், தங்­களை இந்­தோ­னே­சி­யாவில் இருந்­த­படி, அங்­கி­ருந்து அவுஸ்­தி­ரே­லியா நாட்­டிற்கு செல்ல முடியும் என ஆசை வார்த்தை காட்டி ஏமாற்­றப்­பட்­டார்கள் என்­பது விசா­ர­ணையின் பின்­புதான் தெரி­ய­ வந்­தது.

அதே­வேளை அவுஸ்­தி­ரே­லி­யா­விற்கு செல்­லு­கின்ற வழியில் அங்கு செல்ல முடி­யாமல், ஆட்­க­டத்தல் காரர்­க­ளினால் மலே­சியா, தாய்­லாந்து, ஜப்பான் போன்ற நாடு­களில் கைவி­டப்­பட்­ட­வர்கள் வேறு­வ­ழி­யின்றி அந்த நாடு­களில் தஞ்சம் கோரி விண்­ணப்­பிக்க வேண்­டிய கட்­டா­யத்­திற்குத் தள்­ளப்­பட்­டி­ருக்­கின்­றார்கள். தாய்­லாந்து, மலே­சியா, ஜப்பான் போன்ற நாடு­களில் தஞ்­சம்­கோரி நிரா­க­ரிக்­கப்­பட்­ட­வர்­களும், தங்­களின் கோரிக்­கை­களுக்கான முடி­வு­க­ளையும் காத்­தி­ருப்­போரின் எண்­ணிக்கை 2016 டிசம்பர் வரை 4000 மாக இருக்­கின்­றது. அந்த நாடு­க­ளிலும் சுமார் 1200 பேர் தங்­க­ளது அகதி தஞ்சம் கோரும் விண்­ணப்­பங்கள் நிரா­க­ரிக்­கப்­பட்டு பல­வந்­த­மான நாடு கடத்­தலை எதிர்­நோக்கி வாழ்ந்து வரு­கின்­றார்கள்.

அவுஸ்­தி­ரே­லியா அரசு தனது நாட்டு எல்­லைக்குள் வந்து சேர்ந்த தஞ்சம் கோரி நிரா­க­ரிக்­கப்­பட்ட தமிழ் அக­திகள் இந்த ஆண்டு முற்­ப­கு­தியில் 800 ஆக இருந்­தது. அத்­துடன் இது­வரை எந்­த­வித முடி­வு­க­ளையும் எடுக்­கா­த­வ­கையில் சுமார் 2300 விண்­ணப்­பங்கள் இருக்­கின்­றன. கடந்த வருட ஆரம்­பத்தில் இலங்கை தமிழ் அக­திகள் பன்­னி­ரெண்டு பேரை ஏற்­றிய படகு ஒன்று அவுஸ்­தி­ரே­லியா நாட்டு எல்­லைக்குள் இருக்கும் கோக்கஸ் எனப்­படும் தீவை சென்­ற­டைந்­த­போது அதனைத் தடுத்து அதில் இருந்த அக­திகள் படகில் இருந்து பஸ் ஒன்றின் மூலம் கொண்டு செல்­லப்­பட்டு கொழும்­புக்கு பல­வந்­த­மாக நாடு கடத்­திய சம்­பவம், அக­தி­க­ளுக்கு கடமை புரியும் அரச, அரச சார்­பற்ற நிறு­வ­னங்­களின் விமர்­ச­னத்­தையும், கண்­ட­னத்­தையும் அவுஸ்­தி­ரே­லிய ஆளும் கட்சி பெற்­றி­ருந்­தது.

நாடு கடத்­தப்­படும் அக­தி­களை கொழும்பு விமான நிலை­யத்தில் வைத்து இலங்கை புல­னாய்வுப் பிரி­வினர் கைது செய்­வது பற்றி பர­வ­லாக செய்­திகள் வெளி­வந்­ததை அடுத்து அவுஸ்­தி­ரே­லிய அரசு பல­வந்­த­மாக நாடு கடத்­து­வதை நிறுத்தி இருந்­தது. இந்த வருட ஆரம்­பத்தில் அவுஸ்­தி­ரே­லி­யா­வுக்கு விஜயம் செய்த இலங்கைப் பிர­தமர் ரணில் விக்­கி­ர­ம­சிங்க அவுஸ்­தி­ரே­லி­யாவில் இருந்து நாடு கடத்­தப்­படும் எவ­ரையும் கைது செய்­வதோ அல்­லது அவர்­க­ளுக்கு எதி­ராக வழக்­குகள் தாக்கல் செய்­வ­தில்லை என்ற உறு­தி­மொ­ழியை அந்­த­நாட்டு அர­சுக்கு வழங்­கி­யதைத் தொடர்ந்து இப்­போது அவுஸ்­தி­ரே­லியா நாடு கடத்­து­வதை ஆரம்­பித்­துள்­ளது.

அவுஸ்­தி­ரே­லியா அரசு தனது நாட்டு எல்­லைக்குள் சட்ட விரோ­த­மாக வரு­ப­வர்­களை ஏற்­று­க்கொள்­ளாது என்றும் உட­ன­டி­யாக திருப்பி அனுப்­பப்­ப­டு­வார்கள் என்றும் பல்­வேறு வழி­களில் பணச்­செ­ல­வுகள் செய்து விளம்­ப­ரங்­களை மக்­க­ளுக்கு விழிப்­பூட்டும் நோக்கில் முன் எடுத்­தாலும், ஆட்­க­டத்தல் பேர்­வ­ழி­களின் பொய்­யான உறுதி மொழி­களை நம்பி, ஏமாந்து தங்­க­ளு­டைய பெருமளவி­லான பணத்­தையும் இழந்து அவ­லத்­துக்குள் தள்­ளப்­படும் சம்­ப­வங்கள் இப்­போதும் இடம் பெறு­கின்­றன. முக்­கி­ய­மாக இந்­தி­யாவில் முகாம்­களில் வாழ்­கின்ற தமிழ் அக­திகள் ஆட்­க­டத்தல்காரர்­களின் ஆசை வார்த்­தை­களை நம்பி தங்­க­ளது சேமிப்­புக்­க­ளையும், கடன் பெற்றும் பணத்தை இழந்து நிர்க்­க­தி­யா­கி­யுள்­ளதை நேரில் காணக்­கூ­டி­ய­தாக இருக்­கின்­றது. தமிழ்நாட்டு கியூ பிரிவு போன்ற பாது­காப்பு சூழ­லையும் தாண்டி, பட­கு­களில் சென்­ற­வர்கள் ஆட்­கடத்­தல்­கா­ரர்­க­ளினால் நடுக்­க­டலில் தவிக்க விட்­டுச்­செல்­கின்ற சம்­ப­வங்­களும் இடம் பெறத்தான் செய்­கின்­றன.

அவுஸ்­தி­ரே­லிய அரசு, தனது நாட்­டிற்குள் வரு­வ­தற்கு முன்­னமே அக­தி­களைத் தடுக்கும் செயற்­பாட்டில் ஓர­ளவு வெற்­றி­கண்­டுள்­ளது. ‘அவுஸ்­தி­ரே­லிய அரசு இலங்­கையில் இருந்து சட்ட விரோ­த­மாக தனது நாட்­டிற்குள் வரு­வோரை, இலங்கை, இந்­திய கடற்­ப­ரப்­பிற்குள் இருந்து பயணம் தொட­ராமல் தடுக்கும் முயற்­சியில் வெற்றி கண்­டுள்­ளது என்றே கூற வேண்டும். அந்த அரசின் தகவல் படி 2013 ஆம் ஆண்­டுக்குப் பின்பு எவரும் படகு மூலம் அவுஸ்­தி­ரே­லியா நாட்­டிற்குள் வர­வில்லை என கூறு­கின்­றது.

அவுஸ்­தி­ரே­லி­யாவின் அண்டை நாடான பப்­புவா நியூ­கி­னி­யாவில் உள்ள மனுஷ தீவில், அந்த நாட்டின் ஆத­ர­வுடன் அக­தி­களை முகாம்­களில் தங்­க­வைக்கும் நடை­மு­றையை பல வரு­டங்­க­ளாகச் செயற்­ப­டுத்­தி­வந்­தது. இந்த அக­தி­களை பரா­ம­ரிப்­ப­தற்­காக பெரும் அளவில் பணமும் செலவு செய்­யப்­பட்­டது. இந்த முகாம்கள் பற்றி சர்­வ­தேச அக­தி­களின் நலனைப் பேணும் அமைப்­புகள் பல்­வேறு விம­ர்ச­னங்­களைச் செய்து வந்­தன. இந்த நிலையில் அந்த நாட்டின் உயர்­நீ­தி­மன்றம் இந்த முகாம்­களை மூடும்­படி உத்­த­ரவு பிறப்­பித்­ததால் அந்த முகாம்கள் மூடப்­பட்­டன.

இலங்­கையைச் சேர்ந்த தமிழ் அக­திகள் உட்­பட அறு­நூறு ஆண்கள் இந்த முகாமில் இருந்­தார்கள். கடந்த ஆண்டு அக்­டோபர் மாதத்தில் முப்­பத்­தி­ரண்டு வய­தான தமிழ் அகதி தற்­கொலை செய்து கொண்டார். இந்த முகாம் ஆரம்­பித்து இது ஆறா­வது தற்­கொலை­யாகும்.

 (தொடரும்)

http://epaper.virakesari.lk/newspaper/Daily/main/2018-04-25#page-4

[நவீனன்]

அகதி தஞ்சம் கோரும் இலங்கை தமிழர்கள்

 

(நேற்றைய தொடர்ச்சி)
தஞ்சம் மறுக்­கப்­பட்டும் பயண வழியில் சிக்­கியும் அவ­தி­யுறும் தமிழ் அக­தி­களின் அவலம்
இந்­தி­யாவில் தமிழ்நாட்டில் உள்ள முகாம்­க­ளுக்கு வெளியில் வாழ்ந்து வரும் தமிழ் அக­தி­களைக் குறி வைத்து ஆள்­க­டத்தல் காரர்கள் தங்கள் வலைக்குள் சிக்க வைத்து கேரளா கரை­யோரப் பகு­தி­களில் உள்ள மீன்­பிடி வள்­ளங்­களைப் பாவித்து அவர்­களை ஏற்­றிக்­கொண்டு அங்­கி­ருந்து மாலை­தீவு வழி­யாக இந்­தோ­னே­சியா கரை­யோர பகு­தி­களில் செல்லும் போது அவர்கள் தடுக்­கப்­பட்டு முகாம்­களில் அடைக்­கப்­ப­டு­கி­றார்கள். சில சந்­தர்ப்­பங்­களில் கேரளா கரை­யோர பகு­தியில் இவர்­களின் பட­குகள் தடுக்­கப்­பட்டு திருப்பி விடப்­படும் சம்­ப­வங்­களும் இடம்பெற்­றுள்­ளன.  

அவுஸ்­தி­ரே­லிய நாட்­டுக்கு பய­ணத்தை ஆரம்­பித்­த­வர்கள் பலர் கடலில் மூழ்­கிய சம்­ப­வங்கள் இடம்­பெற்­றி­ருந்­தன. கடத்தல்காரர்­க­ளினால் அழைத்துச் செல்­லப்­பட்­ட­வர்கள் பலர் காணாமல் போன­தா­கவும் அறி­யக்­கி­டக்­கின்­றது.

2012 ஆம் ஆண்டு வட­ப­கு­தியைச் சேர்ந்த ஒரு குடும்­பஸ்தர் ஆள்­க­டத்­தல்­கா­ரர்­களின் உத­வி­யுடன் அவுஸ்­தி­ரே­லி­யாவை போய்ச் சேர்ந்து விட்டார். தன்­னு­டைய மனை­வி­யையும் ஒன்­பது வயது பெண் சிறு­மி­யையும் தன்­னிடம் அழைத்து வரும்­படி கடந்த மூன்று ஆண்­டு­க­ளுக்கு முன்பு ஏற்­பாடு செய்­தி­ருந்தார். அதன்­படி அவர்­களும் பட­கு­களில் ஏற்­றப்­பட்­டார்கள். ஆனால், அவர்கள் இன்று வரை அங்கு போய்ச் சேர­வில்லை. அவர்­களைத் தேடும் அவலம் தொடர்­கி­றது.

இந்­தி­யாவில் இருந்து அவுஸ்­தி­ரே­லியா நாட்­டுக்குள் வரும் அக­தி­களை இந்­திய கடற்­க­ரை­யோ­ரங்­களில் தடுப்­ப­தற்­காக அவுஸ்­தி­ரே­லியா அரசும் இந்­திய அரசும் கூட்­டாகச் சேர்ந்து இந்த ஆண்டு மே மாதம் அளவில் ஒப்­பந்­தங்­களைச் செய்து கொண்­டன.

அவுஸ்­தி­ரே­லியா அரசு அண்­மையில் தஞ்சம் கோரு­வ­தற்­காக அந்த நாட்­டுக்குள் புகுந்­த­வர்­க­ளுக்கு தஞ்சம் கோரும் விண்­ணப்­பத்தை சமர்­ப்பிப்­ப­தற்­கான காலக்­கெடு­வொன்றை கடந்த 2007 அக்­டோபர் மாதம் 30 ஆம் திகதி என விதித்­தி­ருந்­தது. இவ்­வா­றாக காலக்­கெடு விதிப்­பது உலக வர­லாற்றில் விசித்­தி­ர­மா­னது என பல்­வேறு மனித உரிமை அமைப்­பு­களும் அந்த நாட்டில் பணி­பு­ரியும் சட்ட வல்­லு­நர்­களும் விம­ர்சனம் செய்திருந்­தார்கள். அவுஸ்­தி­ரே­லிய அரசோ அதனைப் பொருட்­ப­டுத்­த­வில்லை. இந்த காலக்­கெடு திக­திக்கு முன்பு விண்­ணப்பம் செய்­யா­த­வர்­களின் கோரிக்கை ஏற்­றுக்­கொள்­ளப்­ப­டாது என்றும் அவ்­வா­றா­ன­வர்கள் நாடு கடத்­தப்­ப­டு­வார்கள் எனவும் அறி­வித்­தது. தஞ்சம் கோரும் ஒரு­வரின் விண்­ணப்­பத்தை பரிசீ­லனை செய்­யாமல் அவரை நாடு கடத்­து­வது என்­பது அவுஸ்­தி­ரே­லியா நாடா­னது கையெ­ழுத்­திட்டு ஒப்­புக்­கொண்ட ஐக்­கிய நாடுகள் அக­திகள் சாச­னத்­திற்கு எதி­ரா­னது என கண்­ட­னங்கள் வெளி­யி­டப்­பட்­டன. இந்த நடை­மு­றையின் பிர­காரம் சர்­வ­தே­சத்தின் மனி­தா­பி­­மான கடப்­பா­டுக்கு முழுக்­குப்­போட்ட முத­லா­வது நாடு அவுஸ்­தி­ரே­லியா என்றும் இதனை மற்­று­மொரு உதா­ர­ண­மாக எந்த ஒரு நாடும் மேற்­கொள்­ளக்­கூ­டாது என பல சர்­வ­தேச நிறு­வ­னங்கள் கேட்­டுக்­கொண்­டுள்­ளன. 2017 டிசம்பர் மாதத்தில் இந்த காலக்­கெ­டு­வுக்கு முன் விண்­ணப்பம் செய்­யாத இலங்கை தமிழர் ஒருவர் நாடு கடத்­தப்­பட்டார். இவ்­வாறு நாடு கடத்­தப்­பட்­டமை அவுஸ்­தி­ரே­லியா அர­சாங்­கத்தின் முத­லா­வது நட­வ­டிக்­கை­யாகும்.

இவ்­வா­றான நட­வ­டிக்­கை­க­ளினால் ஒப்­பிட அளவு பட­கு­மூலம் செல்லும் தமிழ் அக­தி­களின் எண்­ணிக்கை குறைந்­தி­ருந்­தாலும் இது­வரை அவுஸ்­தி­ரே­லியா நாட்­டிலும் அதன் அண்டை நாடு­க­ளிலும் தஞ்­சம்­கோரி நிரா­க­ரிக்­கப்­பட்ட நிலை­யிலும் இது­வரை தங்­க­ளு­டைய விண்­ணப்­பங்கள் பரி­சீ­ல­னைக்கு எடுக்­கப்­ப­டாமல் இருப்­ப­வர்­களின் எதிர்­காலம் அவுஸ்­தி­ரே­லி­யாவின் நிரந்­தர குடி­ய­மர்­வுக்கு நிச்­ச­ய­மற்­ற­தா­கவே உள்­ளது.

ஐரோப்பா மற்றும் வட அமெ­ரிக்க நாடு­களில் தமிழ் அக­திகள் இலங்­கை­யிலும், இந்­தி­யா­வி­லி­ருந்தும் கடந்த முப்­பது வரு­டங்­க­ளுக்கு மேலாக ஐரோப்­பிய நாடு­க­ளான முக்­கி­ய­மாக ஐக்­கிய ராச்­சியம், பிரான்ஸ், ஜெர்­மனி, சுவிஸ் போன்ற நாடு­க­ளுக்கும் கனடா, அமெ­ரிக்கா போன்ற நாடு­க­ளுக்கும் தமிழ் அகதி தஞ்சம் கோரும் எதிர்­பார்ப்­புடன் பய­ணத்தை ஆரம்­பித்­த­வர்­களை உல­கத்தில் எந்த நாடு­களில் விமான இறங்­கு­து­றைகள் இருக்­கின்­ற­னவோ அங்­கெல்லாம் ஆள்­க­டத்தல் காரர்­க­ளினால் அழைத்­துச்­செல்­லப்­பட்டு பல­ஆ­யிரம் பேர் பல்­வேறு நாடு­களில் தடுக்­கப்­பட்டு அந்த நாடு­களில் வாழ வேண்­டிய கட்­டா­யத்­திற்குத் தள்­ளப்­பட்­டி­ருக்­கி­றார்கள்.

தெற்கு அமெ­ரிக்கா நாடு­களில் அகப்­பட்டுக் கொண்ட பல தமிழ் இளை­ஞர்கள் போதைப்­பொ­ருட்கள் கடத்தும் கூலி­க­ளாக வலிந்து மாற்­றப்­பட்டு இப்­போது கூட பலர் நாட்­டுக்கு நாடு கொண்டு செல்­லப்­ப­டு­கின்­றனர். வட பகு­தியைச் சேர்ந்த சில இளை­ஞர்கள் இவ்­வாறு ஆக்­கப்­பட்ட நிலையில் தங்­க­ளுக்குக் கிடைக்­கக்­கூ­டிய சந்­தர்ப்­பத்தைப் பாவித்து தங்கள் உற­வு­க­ளுக்கு தொலை­பேசி அழைப்­பு­களைச் செய்­கி­றார்கள். இவர்­க­ளினால் உரை­யாட முடி­ய­வில்லை. ஆனால், தொலை­பேசி இலக்­கங்­களை பரி­சீ­லனை செய்து பார்க்கும் போது வெவ்­வேறு காலங்­களில் தென் அமெ­ரிக்­காவில் உள்ள வெவ்­வேறு நாடு­களின் தொலை­பேசி அழைப்­பு­க­ளாகத் தெரி­கின்­றன. இதன் மூலம் இவர்கள் தங்கள் உற­வு­க­ளுக்கு தாங்கள் உயி­ருடன் இருப்­பதை உறுதி செய்­யவே இவ்­வாறு செய்­கி­றார்கள் என ஊகிக்க முடி­கின்­றது.

 பல நாடு­களில் ஆள் கடத்தல்காரர்­க­ளினால் போதைப்பொருட்கள் கடத்­து­வ­தற்கு அப்­பா­வி­யான பலர் அவர்­க­ளுக்குத் தெரி­யா­ம­லேயே அவர்­களின் பொதி­களில் மறைக்­கப்­பட்டு ஏறு அல்­லது இறங்கு துறை­களில் கைதுசெய்­யப்­பட்டு சாகும்­வரை சிறை­வாசம் அனு­ப­வித்துக் கொண்­டி­ருக்­கி­றார்கள்.

ஐரோப்­பிய நாடு­களில் முக்­கி­ய­மாக ஐக்­கி­ய­இ­ராச்­சியம், பிரான்ஸ், ஜெர்­மனி போன்ற நாடு­களில் கடத்தி வரப்­பட்­ட­வர்கள் கடத்­தல்­கா­ரர்­களின் பண கொடுப்­ப­ன­வு­களைக் கொடுப்­ப­தற்­காக கடத்­தல்­கா­ரர்­களின் ஆலோ­சனை, பயிற்சி, ஆத­ரவு என்­ப­வற்­றுடன் கடன் அட்­டை­களைப் பாவித்து சட்ட விரோ­த­மாக வங்­கி­களில் பணம் திருடும் வழி­களைக் கையாண்­டார்கள். இவர்­களில் பலர் கண்டு பிடிக்­கப்­பட்டு, கைது செய்­யப்­பட்டு, சிறை வைக்­கப்­பட்டு பின் நாடு கடத்­தப்­பட்டும் இருக்­கி­றார்கள். இந்தத் தொழிலில் ஈடு­பட்டு கோட்டை விட்­ட­வர்­களும் இருக்­கின்­றார்கள். கோடீஸ்­வ­ரர்­களும் இருக்­கின்­றார்கள்.

பல இளம்­பெண்கள் தங்கள் பய­ணத்­தின்­போது கடத்தல்காரர்­களின் பாலியல் துஷ்­பி­ர­யோ­கத்­திற்கு ஆளா­கிய சம்­ப­வங்கள் பல பதி­வு­செய்­யப்­பட்­டி­ருக்­கின்­றன.

இலங்­கையில் இருந்து இளம்­பெண்கள், திரு­மணம் ஆகி­ய­வர்­களும் , திரு­மணம் ஆகா­த­வர்­களும் ஐரோப்­பிய நாடு ஒன்­றுக்கு அழைத்துச் செல்­வ­தாக ஏற்றுக் கொண்டால் கடத்தல் செய்­பவர் தனது அந்த நாட்­டுக்­கு­ரிய கட­வுச்­சீட்டைப் பாவித்து கூட்­டிச்­செல்லும் பெண்ணை தனது மனை­வி­யாக திருட்­டு­மு­றையில் கட­வுச்­சீட்டு ஒன்றை தயா­ரித்து தனது மனை­வியை அழைத்து செல்லும் பாங்கில் பயணம் செய்­ய­வேண்டும். இத்­த­ரு­ணத்தில் அந்த பெண்ணின் அச்­சத்­தையும் அநா­த­ர­வான நிலை­யையும் தனக்குச் சாத­க­மான முறையில் பாவித்­துக்­கொண்ட கடத்­தல்­காரர் அந்தப் பெண்ணை அல்லது பெண்களை பல­வந்­த­மாக பாலியல் துன்­பு­றுத்­தலுக்குள்­ளாக்கிய பல சம்­ப­வங்கள் இடம்பெற்­றி­ருக்­கின்­றன. இவ்­வா­றான பெண்கள் வெளியில் சொல்­லவும் முடி­யாமல் வேத­னையை அனு­ப­விக்­கின்­றார்கள்.

ரஷ்­யாவில் உள்ள பல விடு­தி­களில் இலங்கை இளம் பெண்கள் விப­சார தொழிலில் ஈடு­ப­டுத்­தப்­பட்டு அவர்கள் வேறு வழி­யில்­லாமல் அந்தத் தொழி­லையே தங்கள் வாழ்­வா­த­ாரத்­துக்கு செய்­ய­வேண்­டிய கட்­டா­யத்­திற்குத் தள்­ளப்­பட்­டி­ருக்­கி­றார்கள். இவ்­வாறு அவலநிலைக்குத் தள்­ளப்­பட்டு வாழ்ந்­து­வரும் பல­ரது உற­வு­க­ளுக்கு இவர்­க­ளது இந்த சோகக்­கதை தெரி­யாது. சிலர் ரஷ்­யாவில் தொழில் செய்­கி­றார்கள் என்றும் நல்­ல­ப­டி­யாக வாழ்­கி­றார்கள் என்ற ஒரு நம்­பிக்­கையை ஏற்­ப­டுத்தி வைத்­தி­ருக்­கின்­றார்கள்.

கடத்தல்காரர்­க­ளினால் அழைத்துச் செல்­லப்­படும் பெரு­வா­ரி­யான ஆட்­க­ளுக்கு அவர்­களின் சொந்தக் கடவுச்சீட்டு திருட்டுத்தன­மான முறையில் செய்­யப்­பட்டு சில வேளை­களில் அடை­யா­ளங்­க­ளையே மாற்­றியும் செய்­வதால் அவர்­க­ளினால் திரும்­பவும் இலங்­கைக்குச் செல்ல முடி­யாத நிலையில் அவ­தி­யுற்ற நிலையில் இருக்­கி­றார்கள். சட்ட விரோ­த­மான பிர­யாண பத்­தி­ரங்­களைப் பாவித்துச் சென்­ற­வர்கள் இலங்­கைக்கு நாடு கடத்­தப்­படும் போதும் அல்­லது தாங்­க­ளா­கவே திரும்பி வந்­தாலும் அவர்கள் குடி­வ­ரவு மற்றும் குற்றத் தடுப்புப் பிரி­வி­னரின் கைது­க­ளுக்கு முகம்­கொ­டுக்க வேண்­டி­ய­நிலை ஏற்­ப­டு­வ­தினால் பல்­வேறு துன்­பங்­க­ளுக்கு மத்­தியில் அந்த நாடு­களில் வாழ்ந்து கொண்­டி­ருக்­கின்­றார்கள். சில நாடு­களில் சுமார் பத்து முதல் பதி­னைந்து வருட கால­மாக தலை­ம­றை­வா­க வாழ்ந்து வரும் நிலையும் பல­ருக்கு இருக்­கின்­றது.

1983ஆம் ஆண்­டி­லி­ருந்து இலங்கைத் தமி­ழர்கள் அர­சியல் தஞ்சம் கோரி பல நாடு­களில் சென்­றி­ருந்­தாலும் எந்­த­வொரு நாடும் இலங்கைத் தமிழ் அக­திகள் விட­யத்தில் ஒரு பொது­வான கொள்கை அடிப்­ப­டையில் அகதி அந்­தஸ்து வழங்கி ஏற்­றுக்­கொள்­ள­வில்லை. தமி­ழர்கள் அகதி தஞ்சம் கோரு­வ­தற்கு உரித்து உடை­ய­வர்கள் என்­பதில் பல நாடுகள் கொள்­கையைக் கொண்­டி­ருந்­தாலும் தஞ்­சம்­கோரும் தமி­ழர்கள் எல்­லோ­ருக்கும் அடைக்­கலம் வழங்க வேண்டும் என்ற அணு­கு­மு­றையில் இருக்­க­வில்லை. இதனால், வெவ்­வேறு நாடுகள் வெவ்­வேறு வகை­யான அணு­கு­மு­றையை கையாண்­டன. ஒவ்­வொ­ரு­வ­ரு­டைய அகதித் தஞ்சம் கோரும் விண்­ணப்­பங்­களை அவர்­களின் பாதிக்­கப்­பட்ட அல்­லது அவர்­களின் உயிர் ஆபத்­துக்­கான உண்மை நிலை­யினை ஆராய்ந்து அகதி அந்­தஸ்து வழங்க வேண்­டி­ய­வர்­க­ளுக்கு மாத்­திரம் இருப்­பிட அனு­மதி வழங்கும் நடை­முறை கையா­ளப்­பட்­டது.

ஐக்­கிய இராச்­சியம் மற்றும் ஐரோப்­பிய ஒன்­றிய நாடு­களில் தமிழ் அக­தி­களின் விண்­ணப்­பங்­களை பரி­சீ­லனை செய்­வதில் ஒன்­றான கொள்­கையை கைக்­கொண்­டாலும் லண்டன் வெஸ்ட்­மி­னிஸ்டர் அர­சா­னது இலங்கைத் தமிழ் தஞ்சம் கோரு­வோரின் விண்­ணப்­பங்­களை அதிக மனி­தா­பி­மான அணு­கு­மு­றையில் கையாண்­டது. தனிப்­பட்ட ஒவ்­வொரு விண்­ணப்­பத்­தையும் தனி­யான தகுதி அடிப்­ப­டையில் விசா­ரித்து ஏற்றுக் கொள்­ளப்­பட்­ட­வர்­க­ளுக்கு சகல உரி­மை­க­ளையும் வழங்கி நிரந்­த­ர­மாக வாழ்­வ­தற்கு அனு­மதி வழங்­கி­யது. நிரா­க­ரிக்­கப்­பட்­ட­வர்­களை உட­ன­டி­யாகத் திருப்பி அனுப்பும் நட­வ­டிக்­கை­க­ளையும் எடுக்­க­வில்லை.

ஐக்­கிய இராச்­சி­யத்தின் குடி­வ­ரவு இலா­கா­வினால் வெளி­யி­டப்­பட்ட ஒரு புள்­ளி­விவ­ரத்­தின்­படி 1983 முதல் 2003 ஆம் ஆண்டு வரை­யி­லான காலப்­ப­கு­தியில் இலங்கை தஞ்சம் கோரும் 51,000 விண்­ணப்­பங்­களில் இருந்து சுமார் 29 ஆயிரம் பேரின் விண்­ணப்­பங்கள் நிரா­க­ரிக்­கப்­பட்ட நிலையில் இருந்­தன. இலங்­கையின் அர­சியல் சூழ்­நிலை இவர்கள் நாடு திரும்பும் சூழல் ஏற்­பட்­ட­வுடன் அவர்­களை நாடு­க­டத்தும் எதிர்­பார்ப்­புடன் அதி­கா­ரிகள் இருந்­தார்கள். ஆனால், இலங்­கையின் போர் நிலைமை நீடித்து போகும் போது இவர்கள் நீண்ட நாட்கள் அந்த நாட்டில் வாழ்ந்து விட்­டார்கள் என்ற அடிப்­ப­டையில் பொது மன்­னிப்பு வழங்­கப்­பட்டு நிரந்­த­ர­மாக வாழ்­வ­தற்கு அனு­மதி அளிக்­கப்­ப­டாது.

இதேபோன்று மற்­றைய ஐரோப்­பிய நாடு­களில் முக்­கி­ய­மாக பிரான்ஸ், ஜெர்­மனி ஆகி­ய­வற்­றிலும் பல ஆயி­ரக்­க­ணக்­கா­ன­வர்­களின் விண்­ணப்­பங்கள் நிரா­க­ரிக்­க­ப்பட்ட நிலையில் இருந்­தாலும், இலங்­கையின் நீண்டு கொண்டு போன யுத்தம் காலக்­கி­ர­மத்தில் அந்த நாடு­களில் நிரந்­த­ர­மாகத் தங்­கு­வ­தற்கு வழி­வ­குத்­தது.

2009 ஆம் ஆண்டு மே மாதத்தில் இலங்­கையில் யுத்தம் முடி­வ­டைந்த பின்பு தமிழ் தஞ்சம் கோரு­வோரின் விண்­ணப்­பங்­களை பரி­சீ­லிப்­பதில் பொது­வாக எல்லா நாடு­க­ளுமே மாற்­றங்­களை கொண்டு வந்­தன. நிரா­க­ரிக்­கப்­பட்­ட­வர்கள் நாடு­க­டத்­து­கின்ற அணுகு முறையை கையாள ஆரம்­பித்­தார்கள். இதன்­படி கடந்த 2016 ஆம் வருட டிசம்பர் மாத இறு­தி­வரை தமிழ் தஞ்சம் வழங்­கிய முக்­கிய நாடு­களில் மொத்­த­மாக சுமார் ஏழு ஆயி­ரத்­துக்கு மேற்­பட்டோர் நிரா­க­ரிக்­கப்­பட்டும் சுமார் 14 ஆயி­ரத்­துக்கு மேற்­பட்­ட­வர்­களின் விண்­ணப்­பங்­களை பரி­சீ­லனை செய்­யா­மலும் வைத்­தி­ருப்­பது அண்­மைய புள்ளி விப­ரங்­களில் இருந்து அறி­யக்­கூ­டி­ய­தாக இருக்­கி­றது.

இந்த புள்ளி விவ­ரத்­தின்­படி முக்­கிய சில நாடு­களில் நிரா­க­ரிக்­கப்­பட்ட மற்றும் பரி­சீல­னைக்கு காத்­தி­ருப்­போரின் எண்­ணிக்கை பற்­றிய அட்­ட­வணை இங்கு தரப்­ப­டு­கின்­றது.

 

http://epaper.virakesari.lk/newspaper/Daily/main/2018-04-26#page-4

 (தொடரும்)

[நவீனன்]

அகதி தஞ்சம் கோரும் இலங்கை தமிழர்கள்: தஞ்சம் மறுக்­கப்­பட்டும் பயண வழியில் சிக்­கியும் அவ­தி­யுறும் தமிழ் அக­தி­களின் அவலம்

 

இலங்கை தமி­ழர்கள் தற்­போதும் தஞ்சம் கோர முடி­யுமா? 

இலங்­கையில் போர் முடிந்­துள்ள நிலையில் தமி­ழர்கள் வெளி­நா­டு­களில் தஞ்சம் கோர முடி­யுமா என்ற கேள்வி இப்­போது பர­வ­லாகக் கேட்­கப்­ப­டு­கின்­றது. இந்த கேள்­விக்கு ஒரே வார்த்­தையில் பதில் சொல்­வ­தானால் ஆம், தஞ்சம் கோர­மு­டியும் என்று தான் கூற முடியும். தஞ்சம் கோரு­வது ஒரு தனி மனித அடிப்­படை உரிமை. ஆனால் தஞ்சம் தரு­வதா அல்­லது மறுப்­பதா என்­பது அந்த நாட்டைப் பொறுத்­தது. ஒரு நாட்டில் தஞ்சம் கோர விரும்பும் ஒருவர் அந்த நாட்­டிற்கு வெளியில் இருந்து தஞ்சம் கோரி விண்­ணப்­பிப்­பது கடி­ன­மா­ன­தாகும். ஏதோ வழியில் அந்த நாட்டின் எல்­லைக்குள் சென்ற பின்பு அந்த நாட்டில் தஞ்சம் கோரு­வ­துதான் சிறந்த வழி­மு­றை­யாகும். சில நாடு­களில் இறங்கு துறை­களில் வந்து இறங்­கி­ய­வுடன் தஞ்சம் கோர வேண்டும் என்ற விதி முறை­களை வைத்­தி­ருந்­தாலும் அது பாது­காப்­பா­ன­தாக இருக்க முடி­யாது. எனவே, நாட்­டிற்குள் அனு­ம­திக்கக் கூடிய விசாக்­களை முதலில் பெற்­றுக்­கொண்டு பின் ஒரு சட்டத் துறை­யா­ளரின் ஆலோ­சனை பெற்­றுக்­கொண்டு தஞ்­சம்­கோரி விண்­ணப்பம் செய்­வது பாது­காப்­பா­ன­தாக அமையும்.

இலங்கை தமிழ் தஞ்சம் கோரு­ப­வர்­களை பொறுத்­த­வரை எந்த ஒரு நாடும் தமி­ழர்­க­ளுக்கு அந்த நாட்டில் உயிர் ஆபத்து உள்­ளது என்­பதால் ஒட்­டு­மொத்த தமி­ழர்­களும் அகதி அந்­தஸ்து பெறு­வ­தற்கு தகு­தி­யா­ன­வர்கள் என ஒரு பொது­வான கொள்கை அடிப்­ப­டையில் பார்க்­கப்­ப­டாத படி­யினால் ஒவ்­வொ­ருவரி­னதும் தனிப்­பட்ட விண்­ணப்ப அடிப்­ப­டையில் பரி­சீ­லனை செய்து முடி­வுகள் எடுக்­கப்­பட்­டன. அதே­கொள்கை தற்­போதும் எல்லா நாடு­க­ளிலும் கடைப்­பி­டிக்­கப்­ப­டு­கி­றது. எனவே, தற்­ச­மயம் அல்­லது எதிர்­கா­லத்­திலும் தமிழ் தஞ்சம் கோருவோர் தங்­க­ளது விண்­ணப்­பங்­களை எந்­த­வொரு நாட்­டிலும் செய்­ய­மு­டியும். ஐக்­கிய நாடு­களின் அக­திகள் சாசன கோட்­பா­டு­களின் அடிப்­ப­டையில் ஒவ்­வொ­ரு­வ­ரு­டைய விண்­ணப்­பமும் அதி­கா­ரி­க­ளினால் பரி­சீ­லனை செய்­யப்­பட்டு முடி­வுகள் எடுக்­கப்­பட வேண்டும். இதற்கு மாறாக நடந்தால் அந்த நாட்­டிலோ அல்­லது சர்­வ­தேச மனித உரிமை நீதி­மன்­றிலோ அந்த முடி­வுக்கு எதி­ராக வழக்கு தொடர முடியும்.

உதா­ர­ண­மாக, இலங்­கையில் இருந்து ஒருவர் ஐக்­கிய இராச்­சி­யத்­திற்கு சுற்­றுலா விசா ஒன்றைப் பெற்றுச் செல்­கிறார். அவர் அங்கு சேர்ந்த பின்பு அவர் இலங்­கைக்குத் திரும்பிப் போனால் தனது உயி­ருக்கு ஆபத்து என நம்­பினால், அதனை ஆதா­ரங்­க­ளுடன் நிரூ­பிப்­பா­ரானால் அவர் அங்கு தஞ்சம் கோரி விண்­ணப்பம் செய்ய முடியும். ஐக்­கிய இராச்­சி­யத்தின் தஞ்சம் கோருவோர் சட்ட விதி­களின் பிர­காரம் அவரின் தஞ்சக் கோரிக்கை பரி­சீ­லனை செய்­யப்­பட வேண்டும். அவரின் விண்­ணப்பம் நிரா­க­ரிக்­கப்­படும் பட்­சத்தில் அதற்கு எதி­ராக அந்த நாட்டில் உள்ள நீதி­மன்­றங்­களில் ஐக்­கிய இராச்­சிய குடி­வ­ரவு அதி­கா­ரி­களின் முடி­வுக்கு எதி­ராக வழக்கு தொடர அந்­த­நாடு உத்­த­ர­வாதம் அளித்­துள்­ளது. இந்த நடை­முறை பொது­வாக தஞ்சம் வழங்கும் மேற்­கத்­திய நாடு­க­ளிலும் உள்ளது.

இலங்­கையில் போர் முடிந்து விட்ட நிலை­யிலும் போர் காலத்தில் தமிழ் மக்கள் முகம் கொடுத்த அவ­லங்கள் ஒப்­பீட்­ட­ளவில் குறைந்­தி­ருந்­தாலும் முக்­கி­ய­மாக இளம் வய­தி­னர்­களின் அச்சம் தொடர்ந்து இருப்­ப­தாக பர­வ­லாக தஞ்சம் வழங்கும் நாடு­களில் நம்­பப்­ப­டு­கின்­றது. இதன் அடிப்­ப­டையில் 2009 ஆம் ஆண்­டுக்குப் பின்பு தற்­போது வரை கணி­ச­மா­ன­வர்­க­ளுக்கு அகதி தஞ்சம் வழங்­கப்­ப­டு­கின்­றது. ஐக்­கிய நாடுகள் மனித உரிமை சபையின் வெவ்­வேறு அங்­கத்­துவ நிறு­வ­னங்கள் இலங்­கையின் தற்­போ­தைய மனித உரிமை மீறல்­களில் தங்­க­ளது அவ­தா­னிப்­பு­களை, நேர­டி­யாக இலங்­கைக்கு வந்து பரி­சீ­லனை செய்து அறிக்­கை­க­ளாக வெளி­யி­டு­கின்றன. இவ்­வா­றான ஆவ­ணங்­களை தஞ்சம் கோரு­வோ­ருக்குச் சார்­பாக அத்­தாட்­சி­க­ளாக அவர்­க­ளது விண்­ணப்­பங்­களில் இணைக்­கப்­ப­டு­வ­தனால் பல நாடு­களில் தஞ்சக் கோரிக்­கைகள் ஏற்றுக் கொள்ளப்படுகின்றன.

முடிவுரை

தஞ்சம் கோரு­வது தனி­ம­னிதன் அடிப்­படை உரிமை என்­ப­தற்­கி­ணங்க, இலங்கைத் தமி­ழர்கள் தஞ்சம் கோரு­வது அவர்­களின் உரிமை. ஆள் கடத்தல் காரர்­களின் ஆசை­வார்த்­தை­களை நம்பி பணத்­தையும் சில வேளை­களில் உயி­ரையும் இழக்க வேண்­டிய சூழ்­நி­லை­களை தவிர்த்­துக்­கொள்ள வேண்டும். ஆள் கடத்தல்காரர்கள் எந்த சந்­தர்ப்­பத்­திலும் அப்­பாவி மக்­களைக் கைவிட்டு, தேவை ஏற்­ப­டும்­போது தலை­ம­றை­வா­கக்­கூ­டிய சாது­ரியம் உள்­ள­வர்கள். அவர்­களைத் தேடிப்­பி­டிப்­பது இல­கு­வான காரியம் இல்லை. முக்­கி­ய­மாக அவுஸ்­தி­ரே­லியா நாட்­டுக்கு அழைத்துச் செல்­வ­தாகக் கூறும் கடத்­தல்­கா­ரர்­களை நம்­பு­வதில் பயன் இல்லை. அவுஸ்­தி­ரே­லியா நாடு தனது முழுக் கத­வு­க­ளையும் அடைத்து விட்­டது. பட­கு­களில் செல்­வோரை தடுப்­பதில் வெற்­றியைக் கண்டு கொண்­டி­ருக்­கி­றது. பல மேலைத்­தேச நாடு­க­ளான கனடா, ஐரோப்­பிய நாடுகள் என்பன தஞ்சம் கோருபவர்களை மனிதாபிமானத்துடன் அணுகும் முறைகளைக் கொண்டுள்ளன.

நாடு கடந்து வச­தி­யான வாழ்க்கை வழி­யொன்றை தேடு­வது சிறப்­பா­னது. அந்த நாடு­களில் காணப்­ப­டு­கின்ற வளங்­களை, வச­தி­களை தமக்­காக்கி, அதில் கிடைக்­கக்­கூடிய நன்­மை­களை இலங்­கை­யிலும், இந்­தி­யா­விலும் வாழ்ந்து வரும் தனது உற­வு­க­ளுக்கும் கிடைக்­கக்­கூ­டி­ய­தாக பல ஆயிரம் இலங்கைத் தமிழ் மக்கள் செய்து கொண்­டி­ருக்­கின்­றார்கள். இவை தொடர வேண்டும். இந்த விவ­கா­ரங்­களில் துறை­சார்ந்த அறி­வு­ரை­க­ளையும், உத­வி­க­ளையும் அளித்து வரும் உள்ளூர், வெளியூர் வாழ் தனிப்­பட்­ட­வர்கள், அமைப்­புக்கள், நிறுவனங்கள் என்பன தொடர்ந்து செயலாற்ற வேண்டும்.

அதே­வேளை, தற்­போது பல நாடு­களில் தஞ்சம் கோரி மறுக்­கப்­பட்ட நிலை­யிலும், இன்னும் பரி­சீ­லனை செய்­யப்­ப­டாமல் முடி­வு­க­ளுக்கு காத்­தி­ருக்கும் அகதி தஞ்சம் கோரியோர், அந்த நாடு­களில் செயற்­பட்டுக் கொண்­டி­ருக்கும் மனித உரிமை அமைப்­பு­க­ளுடன் மற்றும் மனித உரிமை செயற்­பாட்­டா­ளர்­களை அணுகி, அண்மைக் காலங்­களில் ஐக்­கிய நாடுகள் மனித உரிமைப் பேர­வையின் வெவ்­வேறு செயற்­பாட்­டா­ளர்கள் இலங்கை தொடர்­பாக வெளி­யிட்­டுள்ள அறிக்­கை­களை கிடைக்கச் செய்து, தங்கள் நாட்­டுக்குப் பல­வந்­த­மாகத் திருப்பி அனுப்­பப்­பட்டால் முகம் கொடுக்கக் கூடிய அச்­சங்­களைத் தொடர்­பு­ப­டுத்தி, அந்த நாடு­களின் தஞ்சம் தொடர்­பான விவ­கா­ரங்­க­ளுக்குப் பொறுப்­பான அதி­கா­ரி­க­ளுக்கு அல்­லது நீதி­மன்­றங்­களில் புதிய மனுக்களைச் செய்வது பொருத்த­மாக இருக்கும்.

நாட்டை விட்டு வெளி­யேறி பயணம் செய்­கின்ற வேளையில் இடை­வ­ழியில் தவ­றி­ய­வர்கள், காணாமல் போன­வர்கள் தொடர்­பாக, தங்­களின் உற­வுகள் பற்­றிய தக­வல்­களை அதி­க­ளவு பெற்­றுக்­கொண்டு, சர்­வ­தேச செஞ்­சி­லுவைச் சங்­கத்தின் காணாமல் போனோரைக் கண்­டு­பி­டிக்கும் பொறுப்பில் உள்­ள­வர்­க­ளுடன் தொடர்பு கொண்டு, அவர்­களைத் தேடு­வது பலன்­த­ரக்­கூ­டி­ய­தாகும். இது ஒரு கடி­ன­மான செயற்­பாடு, ஆனாலும் அய­ராது தொடர்ந்து செஞ்­சி­லுவைச் சங்­கத்­துடன் தொடர்புகளை வைத்துக்கொள்ளவேண்டும்.

இறுதியாக, இந்தியாவில் வாழும் தமிழ் அகதிகள் பற்றி இந்த ஆய்வுக் கட்டுரையில் உள்ளடக்கப்படவில்லை. அவர்களின் வாழ்வியல் பற்றிய பல ஆய்வுகள் வெளிவந்துள்ளன. மற்றுமொரு தருணத்தில் இந்த ஆய்வு பற்றி வீரகேசரி வாசகர்களுக்கு கொண்டுவரலாம் என எதிர்பார்க்கிறேன்.

http://epaper.virakesari.lk/newspaper/Daily/main/2018-04-27#page-4