ஐ.தே.கவுக்­குள் தமி­ழர் பிரிவு!!

[நவீனன்]

• ஐ.தே.கவுக்­குள் தமி­ழர் பிரிவு!!

 

 

ஐ.தே.கவுக்­குள் தமி­ழர் பிரிவு!!

ஐக்­கிய தேசி­யக் கட்­சிக்­குள் தமி­ழர் விவ­கா­ரங்­க­ளைக் கையாள்­வ­தற்­குச் சிறப்­புப் பிரி­வொன்றை அமைக்­கு­மாறு கோரப்­பட்­டுள்­ளது. அந்­தக் கட்­சி­யின் கொழும்பு மாவட்ட முதன்மை அமைப்­பா­ள­ரும் மேல் மாகாண சபை உறுப்­பி­ன­ரு­மான சி.வை.பி.ராம் கோரிக்கை விடுத்­துள்­ளார்.

ஐ.தே.கவின் மறு­சீ­ர­மைப்பு நட­வ­டிக்­கை­கள் தொடர்­பில் ஊட­கங்­க­ளுக்கு நேற்று கருத்து வெளி­யி­டு­கை­யி­லேயே அவர் இந்­தத் தக­வலை வெளி­யிட்­டார். இது தொடர்­பில் அவர் மேலும் கூறி­யவை வரு­மாறு:-

இலங்கை அர­சி­ய­லில் அனைத்து இன மக்­க­ளை­யும் அர­வ­ணைத்­துக்­கொண்டு பய­ணிக்­கும் தாய்க்­கட்­சி­யா­கவே ஐக்­கிய தேசி­யக் கட்சி திகழ்­கின்­றது. வீழ்ந்­தா­லும் மீண்­டெ­ழும் சக்தி அதற்கு இருக்­கின்­றது. 2015ஆம் ஆண்டு நடை­பெற்ற ஜனா­தி­பதி, பொதுத்­தேர்­தல் ஆகி­யன இதற்கு சிறந்த உதா­ர­ணங்­க­ளா­கும்.

மக்­கள் இவ்­வாறு அமோக ஆணை வழங்­கி­யி­ருந்­தா­லும் மறு­சீ­ர­மைப்பு குறித்து கட்சி சிந்­திக்­க­வில்லை. ஐ.தே.கவுக்­குள் மாற்­றம் இடம்­பெ­ற­வேண்­டும் என்ற கோரிக்கை அப்­ப­டியே கிடப்­பில்­போ­டப்­பட்­டது. இத­னால்­தான் உள்­ளூ­ராட்சி சபைத் தேர்­த­லில் ஆளுங்­கட்­சி­யான எமக்கு பெரும் பின்­ன­டைவு ஏற்­பட்­டது என்­பது கசப்­பான உண்­மை­யா­கும்.

மக்­கள் வழங்­கிய சிவப்பு எச்­ச­ரிக்­கை­யை­ய­டுத்தே மாற்­றம் குறிந்த சிந்­தனை கட்சி தலை­மைக்கு ஏற்­பட்­டது. மறு­சீ­ர­மைப்பு சம்­பந்­த­மாக ஆராய்­வ­தற்­காக மூன்று குழுக்­களை அமைத்­தார். அம்­மூன்று குழுக்­க­ளும் கட்­சி­யின் மூத்த உறுப்­பி­னர்­க­ளி­டம், எத்­த­கைய மறு­சீ­ர­மைப்­பு­கள் இடம்­பெ­ற­வேண்­டும் என்று ஆலோ­ச­னை­களை கோரி­யி­ருந்­தன.

இதற்­க­மைய நானும் தமிழ் மக்­க­ளின் சார்­பில் முக்­கிய பல திட்­டங்­களை முன்­மொ­ழிந்­தேன். அதில் பிர­தான ஒன்­று­தான் இந்த தமி­ழர் பிரி­வா­கும். அதா­வது, தமிழ் மக்­கள் எந்­த­வொரு சூழ்­நி­லை­யி­லும் எமது கட்­சியை கைவிட்­ட­தில்லை.

எனவே, நாமும் அவர்­களை கைவி­டக்­கூ­டாது. ஆக­வே­தான், மேற்­படி பிரிவை அமைக்­கும் யோச­னையை முன்­வைத்­தேன். தமி­ழர் சார்ந்த எந்த பிரச்­சி­னை­யாக இருந்­தா­லும் இந்­தக் குழு உட­னடி செயற்­பாட்­டில் இறங்­க­வேண்­டும்.

அத்­து­டன், 24 மணி­நே­ர­மும் மக்­க­ளு­டன் தொடர்­பில் இருக்­கும் வகை­யில் அதன் செயற்­பா­டு­கள் அமை­ய­வேண்­டும் என்­பது உட்­பட மேலும் பல ஆலோ­ச­னை­களை வழங்­கி­யுள்­ளேன். இவை பற்றி கட்­சி­யின் அர­சி­யல் சபை தீவி­ர­மாக பரி­சீ­லித்து வரு­கின்­றது. எதிர்­வ­ரும் 30ஆம் திக­திக்­குள் சாத­க­மான பதில் கிடைக்­கும் என்று நம்­பு­கின்­றேன். ஏனைய விவ­ரங்­கள் மேதி­னக்­கூட்­டத்­தன்று அறி­விக்­கப்­ப­டும்- என்­றார்.

அதே­வேளை, எதிர்க்­கட்­சித் தலை­வர் இரா.சம்­பந்­த­னுக்கு எதி­ரான நம்­பிக்­கை­யில்­லாத் தீர்­மான விவ­கா­ரம் குறித்­தும் ராம் கருத்து வெளி­யிட்­டார்.

சம்­பந்­த­னி­டம்
நம்­பிக்­கை­யி­ழப்பு

இறை­மை­மிக்க நாடொன்­றில் எதிர்க்­கட்சி பல­மாக இருந்­தா­லேயே ஜன­நா­ய­கம் கோலோச்­சும். ஆனால், எமது நாட்­டில் தற்­போ­துள்ள முதன்மை எதிர்க்­கட்­சி­யின் செயற்­பா­டு­கள் திருப்­தி­ய­ளிக்­கும் வகை­யில் அமை­ய­வில்லை. ஒரு­ப­கு­தியை மட்­டுமே இலக்­கு­வைத்து செயற்­ப­டு­ப­வ­ராக எதிர்க்­கட்­சித் தலை­வர் இயங்­கு­கின்­றார்.

தமிழ் மக்­க­ளின் பிரச்­சி­னை­க­ளைத் தீர்ப்­ப­தற்­கும் உரிய நட­வ­டிக்கை எடுக்­கப்­ப­ட­வில்லை. கிடைக்­கும் வாய்ப்­பு­க­ளெல்­லாம் இழக்­கப்­பட்டு வரு­கின்­றன. எனவே, நம்­பிக்­கை­யி­ழந்­த­வ­ரா­கவே அவர் காணப்­ப­டு­கின்­றார். என்­றார்.

http://newuthayan.com/story/86688.html