• advertisement_alt
  • advertisement_alt
  • advertisement_alt
Sign in to follow this  
நவீனன்

உலக கிண்ண கால்பந்தாட்டம் 2018 செய்திகள், ஆய்வுகள், கருத்து பகிர்வுகள்

Recommended Posts

பாப்பே, கிரிஸ்மானை கட்டுப்படுத்துவோம்- குரோஷியா பயிற்சியாளர் சவால்

 

 

 அ-அ+

பிரான்சின் முன்னணி வீரர்கள் கைலியன் பாப்பே, கிரிஸ்மான் ஆகியோரின் ஆதிக்கத்தை கட்டுப்படுத்துவோம் என குரோஷியா பயிற்சியாளர் சவால் விடுத்துள்ளார். #FIFA2018 #Croatia #France

 
 
 
 
பாப்பே, கிரிஸ்மானை கட்டுப்படுத்துவோம்- குரோஷியா பயிற்சியாளர் சவால்
 
உலக கோப்பை கால்பந்து போட்டியின் இறுதி ஆட்டத்தில் பிரான்ஸ்-குரோஷியா அணிகள் நாளை (இரவு 8.30 மணி) மாஸ்கோவில் மோத உள்ளன. தொடர்ந்து 4-வது முறையாக ஐரோப்பா கண்டத்தை சேர்ந்த ஒரு அணி மகுடம் சூடப்போகிறது.

பிரான்சை எதிர்கொள்வது குறித்து குரோஷிய அணி பயிற்சியாளர் ஜட்கோ டாலிச் கூறும் போது, ‘குரோஷிய அணியால் இதை விட இன்னும் சிறப்பாக செயல்பட முடியும். பிரான்ஸ் அபாயகரமான ஒரு அணி. ஆனால் லயோனல் மெஸ்சி (அர்ஜென்டினா), எரிக்சன் (டென்மார்க்), ஹாரி கேன் (இங்கிலாந்து) ஆகியோரை எங்களால் கட்டுப்படுத்த முடிகிறது என்றால், அதே வழியில் பிரான்சின் முன்னணி வீரர்கள் கைலியன் பாப்பே, கிரிஸ்மான் (தலா 3 கோல் அடித்துள்ளனர்) ஆகியோரின் ஆதிக்கத்தையும் தடுத்து நிறுத்த முடியும். அவர்களை கண்டு எங்களுக்கு பயமில்லை’ என்றார்.

இதற்கிடையே, இறுதிப் போட்டிக்கான நடுவராக அர்ஜென்டினாவின் 43 வயதான நெஸ்டர் பிட்டானா நியமிக்கப்பட்டு இருக்கிறார். இவர் ஏற்கனவே இந்த உலக கோப்பையில் 4 ஆட்டங்களில் நடுவராக செயல்பட்டு உள்ளார். #FIFA2018 #Croatia #France

https://www.maalaimalar.com/News/Sports/2018/07/14110141/1176431/we-can-stop-Mbappe-amp-Griezmann-says-Zlatko-Dalic.vpf

Share this post


Link to post
Share on other sites

உலகக்கோப்பை கால்பந்து- இங்கிலாந்தை 2-0 என வீழ்த்தி 3-வது இடம் பிடித்தது பெல்ஜியம்

 
அ-அ+

உலகக்கோப்பை கால்பந்து தொடரில் இங்கிலாந்தை 2-0 என வீழ்த்தி 3-வது இடத்தை பிடித்தது பெல்ஜியம் #WorldCup2018 #BELENG #ENGBEL

 
 
 
 
உலகக்கோப்பை கால்பந்து- இங்கிலாந்தை 2-0 என வீழ்த்தி 3-வது இடம் பிடித்தது பெல்ஜியம்
 
உலகக்கோப்பை கால்பந்து தொடரின் அரையிறுதிப் போட்டிகளில் தோல்வியடைந்த பெல்ஜியம் - இங்கிலாந்து அணிகள் இன்று 3-வது இடத்திற்காக பலப்பரீட்சை நடத்தின.

இந்திய நேரப்படி இரவு 7.30 மணிக்கு போட்டி தொடங்கியது. ஆட்டம் தொடங்கிய 4-வது நிமிடத்திலேயே இங்கிலாந்திற்கு பெரிய அதிர்ச்சி காத்திருந்தது. பெல்ஜியம் அணியின் தாமஸ் மியுனியர் 4-வது நிமிடத்திலேயே கோல் அடித்து அசத்தினார். இடது பக்கம் கார்னருக்கு சற்று முன்பகுதியில் இருந்து கொடுத்த பாஸை சிறப்பான முறையில் மியுனியர் கோலாக்கினார். இவர் அரையிறுதியில் சஸ்பெண்ட் காரணமாக இடம்பெறாதது குறிப்பிடத்தக்கது.

அதன்பின் இரு அணி வீரர்களும் 45 நிமிங்கள் வரை கோல் அடிக்கவில்லை. இதனால் முதல் பாதி நேரத்தில் பெல்ஜியம் 1-0 என முன்னிலைப் பெற்றது.

இடைவேளை முடிந்து 2-வது பாதி நேரம் ஆட்டம் தொடங்கியது. இங்கிலாந்தை கோல் அடிக்க விடாமல் பெல்ஜியம் டிபென்டர்ஸ்கள் பார்த்துக் கொண்ட போதிலும் ஹசார்டு, ப்ரூயின் ஆகியோர் கோல் அடிக்கும் வாய்ப்பை எதிர்பார்த்துக் கொண்டிருந்தனர்.

201807142125181749_1_thomas-12s._L_styvpf.jpg

82-வது நிமிடத்தில் இங்கிலாந்து வீரர்களை ஏமாற்றி ப்ரூயின் பந்தை கடத்தில் ஹசார்டிடம் கொடுத்தார். ஹசார்டு இரண்டு இங்கிலாந்து வீரர்களை ஏமாற்றி கோல் அடித்தார். இதனால் பெல்ஜியம் 2-0 என முன்னிலைப் பெற்றது. அதன்பின் 90 நிமிடங்கள் வரை இரண்டு அணியும் கோல் அடிக்கவில்லை. இன்ஜூரி நேரமாக 3 நிமிடங்கள் கொடுக்கப்பட்டது. இதில் கோல் விழாததால் பெல்ஜியம் 2-0 என வெற்றி பெற்றது

https://www.maalaimalar.com/News/TopNews/2018/07/14212518/1176593/World-Cup-2018-third-place-Belgium-beats-England-two.vpf

Share this post


Link to post
Share on other sites

உலக கோப்பை கால்பந்தில் மகுடம் சூடப்போவது யார்? - பிரான்ஸ்-குரோஷியா இன்று மோதல்

 
அ-அ+

உலக கோப்பை கால்பந்து போட்டியில் இன்று இரவு 8.30 மணிக்கு அரங்கேறும் இறுதிப்போட்டியில் பிரான்ஸ்-குரோஷியா அணிகள் மோத உள்ளன. #WorldCupFinal #FRACRO

 
 
 
 
உலக கோப்பை கால்பந்தில் மகுடம் சூடப்போவது யார்? - பிரான்ஸ்-குரோஷியா இன்று மோதல்
 
மாஸ்கோ:

21-வது உலக கோப்பை கால்பந்து போட்டி கடந்த மாதம் 14-ந்தேதி ரஷியாவில் தொடங்கியது. 32 அணிகள் பங்கேற்ற இந்த கால்பந்து திருவிழாவில் ஐரோப்பிய அணிகளான பிரான்சும், குரோஷியாவும் இறுதிப்போட்டியை எட்டின.
 
இந்த நிலையில் உலக கோப்பை மகுடம் யாருக்கு என்பதை நிர்ணயிக்கும் இறுதி ஆட்டத்தில் பிரான்சும், குரோஷியாவும் இன்று (ஞாயிற்றுக்கிழமை) மாஸ்கோ நகரில் அமைந்துள்ள லுஸ்னிகி ஸ்டேடியத்தில் யுத்தத்தில் இறங்குகின்றன. உலகம் முழுவதும் கால்பந்து ரசிகர்களின் ஆவலை தூண்டி இருப்பதால் இந்த ஆட்டம் மாபெரும் எதிர்பார்ப்பை உருவாக்கி இருக்கிறது.
 
201807150850316159_1_KD._L_styvpf.jpg
1998-ம் ஆண்டு சாம்பியனான பிரான்ஸ் அணி 2-வது முறையாக வாகை சூடும் முனைப்பில் உள்ளது. தோல்வியே சந்திக்காத அந்த அணி அரைஇறுதியில் பெல்ஜியத்தை 1-0 என்ற கோல் கணக்கில் விரட்டியது. கிரிஸ்மான் (3 கோல்), ‘இளம் புயல்’ கைலியன் பாப்பே (3 கோல்), பால் போக்பா, ஆலிவர் ஜீருட், ரபெல் வரானே உள்ளிட்டோர் பிரான்ஸ் அணியின் நம்பிக்கை நட்சத்திரங்களாக உள்ளனர். இவர்கள், களத்தில் இறங்கி விட்டால் புயல்போல் சுழன்று எதிரணியை உலுக்கி விடும் திறமை படைத்தவர்கள். இளமையும், அனுபவமும் கலந்த பிரான்சுக்கே இப்போது வெற்றி வாய்ப்பு அதிகம் இருப்பதாக நிபுணர்கள் சொல்கிறார்கள்.
 
201807150850316159_2_KDd._L_styvpf.jpg
அரைஇறுதியில் பெல்ஜியத்துக்கு எதிராக ஒரு கோல் அடித்த பிறகு ‘ரிஸ்க்’ எடுக்க விரும்பாத பிரான்ஸ் அணியினர், அதன் பிறகு முழுமையாக தடுப்பாட்டத்தில் கவனம் செலுத்தினர். இது மந்தமான யுக்தி என்று விமர்சிக்கப்பட்டது. ஆனால் குரோஷிய வீரர்கள் தாக்குதல் தொடுப்பதில் கில்லாடிகள் என்பதால் பிரான்சும் தனது வியூகங்களை கொஞ்சம் மாற்றி அமைத்து இருக்கிறது. அந்த அணியின் பயிற்சியாளர் டெஸ்சாம்ப்ஸ் பின்களத்தை மேலும் வலுப்படுத்தி இருக்கிறார்.
 
இந்த உலக கோப்பையில் குரோஷிய அணி இறுதிப்போட்டிக்குள் அடியெடுத்து வைக்கும் என்று யாரும் எதிர்பார்க்கவில்லை. லீக் சுற்றில் அர்ஜென்டினாவுக்கு அதிர்ச்சி அளித்ததும், அரைஇறுதியில் முன்னாள் சாம்பியன் இங்கிலாந்தை போட்டுத்தாக்கியதும் குரோஷியாவின் எழுச்சியை பறைசாற்றுகிறது. மூன்று ‘நாக்-அவுட்’ சுற்று ஆட்டங்களிலும் பின்தங்கிய நிலையில் இருந்து சளைக்காமல் போராடி வெற்றிப்பாதைக்கு திரும்பிய குரோஷிய வீரர்கள் மனவலிமை மிக்கவர்கள் என்பதில் சந்தேகமில்லை.
 
201807150850316159_3_NE._L_styvpf.jpg
தங்கப்பந்து விருது வெல்லும் வாய்ப்பில் உள்ள கேப்டன் லூக்கா மோட்ரிச்சும், இவான் ராகிடிச்சும் உலகின் தலைச்சிறந்த நடுகள வீரர்களாக வர்ணிக்கப்படுகிறார்கள். இவர்களுக்கு இவான் பெரிசிச், மரியோ மான்ட்ஜூகிச், வர்சல்ஜ்கோ ஆகியோர் பக்கபலமாக இருக்கிறார்கள். முதல்முறையாக இறுதி சுற்றை அடைந்துள்ள குரோஷியா, உலக கோப்பையை வசப்படுத்தி புதிய சரித்திரம் படைக்கும் உத்வேகத்துடன் வரிந்து கட்டி நிற்கும்.
 
இந்த போட்டியை பொறுத்தவரை இரு அணிகளும் ஏறக்குறைய சரிசம பலத்துடன் விளங்குவதால் வெற்றி வாய்ப்பு யாருக்கு என்பதை கணிப்பது கடினம். ஆனால் முதல் கோல் போடும் அணியின் கை எளிதில் ஓங்கிவிடும். இவ்விரு அணிகளும் உலக கோப்பையில் இதற்கு முன்பு 1998-ம் ஆண்டு அரைஇறுதியில் சந்தித்து இருந்தது. இதில் பிரான்ஸ் 2-1 என்ற கோல் கணக்கில் குரோஷியாவை வீழ்த்தி இருந்தது. அதற்கு வட்டியும் முதலுமாக பழிதீர்க்க குரோஷிய வீரர்கள் தங்களது முழு ஆற்றலையும் களத்தில் கொட்டுவதற்கு ஆயத்தமாக உள்ளனர்.
 
201807150850316159_4_Untitled-1s._L_styvpf.jpg

கடைசியாக நடந்த மூன்று உலக கோப்பை இறுதி ஆட்டங்களும் கூடுதல் நேரத்திற்கு சென்று இருக்கிறது. அந்த வகையில் இந்த ஆட்டம் கூடுதல் நேரத்திற்கோ அல்லது பெனால்டி ஷூட்-அவுட்டுக்கோ சென்றாலும் ஆச்சரியப்படுவதற்கு இல்லை. ஏனெனில் குரோஷியா ஏற்கனவே 2-வது சுற்று மற்றும் கால்இறுதியில் பெனால்டி ஷூட்-அவுட் அனுபவத்தை சந்தித்து இருக்கிறது.

இதில் சாம்பியன் பட்டத்தை வெல்லும் அணிக்கு ரூ.255 கோடியும், 2-வது இடத்தை பிடிக்கும் அணிக்கு ரூ.188 கோடியும் பரிசுத்தொகையாக வழங்கப்படும்.
 
இறுதிப்போட்டியில் களம் காணும் உத்தேச அணி பட்டியல் வருமாறு:-
 
201807150850316159_5_ks._L_styvpf.jpg
பிரான்ஸ்: ஹூகோ லோரிஸ் (கோல் கீப்பர்), பெஞ்சமின் பவார்ட், ரபெல் வரானே, சாமுல் உம்டிடி, லுகாஸ் ஹெர்னாண்டஸ், பால் போக்பா, நிகோலோ கன்ட், கைலியன் பாப்பே, கிரிஸ்மான், பிளைஸ் மடுடி, ஆலிவர் ஜீருட்.

குரோஷியா: டேனிஜெல் சுபசிச் (கோல் கீப்பர்), சிம் வர்சல்ஜ்கோ, டேஜன் லோவ்ரென், டோமாகோஜ் விடா, இவான் ஸ்டிரினிச், ராகிடிச், மார்சிலோ புரோஜோவிச், ஆன்ட் ரெபிச், லூக்கா மோட்ரிச், இவான் பெரிசிச், மான்ட்ஜூகிச்.

இந்திய நேரப்படி இரவு 8.30 மணிக்கு தொடங்கும் இந்த ஆட்டத்தை சோனி இ.எஸ்.பி.என்., சோனி டென்2, டென்3 சேனல்கள் நேரடி ஒளிபரப்பு செய்கின்றன.  #WorldCup #WorldCupFinal #WorldCup2018 #FrancevsCroatia #FRACRO

https://www.maalaimalar.com/News/TopNews/2018/07/15085031/1176642/France-v-Croatia-in-World-Cup-final.vpf

Share this post


Link to post
Share on other sites

சூடுபிடிக்கும் இறுதிப்போட்டி : முதல் பாதியில் பிரான்ஸ் முன்னிலை பெற்றது எப்படி?

உலககோப்பை கால்பந்து இறுதிப்போட்டி: முதல் பாதியின் முடிவில் குரோஷியா பிரான்ஸ் அணியை விட ஒரு கோல் பின் தங்கியுள்ளது. பிரான்ஸ் அணி இரண்டு கோல்களை முதல் பாதியில் அடித்தது

உலககோப்பை கால்பந்து இறுதிப்போட்டிபடத்தின் காப்புரிமைCATHERINE IVILL

உலகக்கோப்பை கால்பந்து இறுதியாட்டம் ரஷ்யாவின் மாஸ்கோவில் நடந்துவருகிறது. பிரான்ஸ் அணி அரை இறுதியில் பெல்ஜியத்தையும், குரேஷியா இங்கிலாந்தையும் வீழ்த்தி இறுதி போட்டியில் நுழைந்தன.

இந்திய நேரப்படி இரவு 8.30 மணிக்கு ஆட்டம் துவங்கியது. மாஸ்கோவின் லுஜ்நிகி விளையாட்டரங்கில் நடந்துவரும் இப்போட்டியில் ஆரம்பம் முதலே குரோஷியா ஆக்ரோஷமாக விளையாடியது.

பிரான்ஸ் நட்சத்திர வீரர் கிலியன் ம்பாப்பி ஆட்டத்தின் தொடக்க சிலநிமிடங்களில் பந்தை தவறவிட்டுக்கொண்டிருந்தார்.

உலககோப்பை கால்பந்து இறுதிப்போட்டி:படத்தின் காப்புரிமைVI-IMAGES

சொந்த அணிக்கு எதிராக கோல் போட்ட மரியோ மண்ட்ஜூகிக்.

ஆட்டத்தின் 19-வது நிமிடத்தில் பிரான்ஸ் அணிக்கு ஒரு ஃப்ரீ கிக் கிடைத்தது. பிரான்ஸ் வீரர் ஆன்டோன் கிரீஜ்மன் அட்டகாசமாக பந்தை உதைத்தார். அந்த பந்தை தலையில் முட்டி தடுப்பதற்காக எம்பினார் குரோஷியா வீரர் மரியோ மண்ட்ஜூகிக். ஆனால் பந்து அவர் தலையில் பட்டு இன்னும் எம்பி கோல் கீப்பரின் கையில் தஞ்சம் அடையாமல் குரேஷியாவின் வலையில் விழுந்தது .

இதையடுத்து உலககோப்பை இறுதி போட்டியில் 1-0 என்ற முன்னிலையுடன் விளையாடத்துவங்கியது பிரான்ஸ்.

ஆனால் விரைவிலேயே குரோஷியா ஒரு கோல் அடித்து ஆட்டத்தை சமநிலைக்கு கொண்டு வந்தது. ஆட்டத்தின் 28-வது நிமிடத்தில் குரோஷியா வீரர் பெரிசிச் இடது காலால் ஒரு கோல் அடித்தார்.

குரோஷியா வீரர் பெரிசிச்படத்தின் காப்புரிமைSHAUN BOTTERILL

குரோஷிய வீரர்கள் இந்த உலக கோப்பையில் நாக் அவுட் போட்டிகளில் தொடர்ந்து ஆட்டத்தில் பின்தங்குவதும் பின்னர் மீண்டு வந்து வெற்றி பெறுவதுமாக இருந்தனர். டென்மார்க் அணிக்கு எதிராக ரவுண்ட் ஆஃப் 16, ரஷ்ய அணிக்கு எதிராக காலிறுதி மற்றும் இங்கிலாந்து அணிக்கு எதிராக இறுதி போட்டிகளில் முதல் கோல் எதிரணி அடித்திருந்தாலும் மீண்டும் வந்து வென்றது குரேஷியா.

ஆட்டத்தின் 38-வது நிமிடத்தில் பிரான்ஸ் வீரர் ஆன்டோனி கிரீஜ்மன் ஒரு கோல் அடித்தார். பத்தே நிமிட இடைவெளியில் மீண்டும் முன்னிலை பெற்றது பிரான்ஸ் அணி.

 

 

உலக கோப்பை மற்றும் ஈரோ கோப்பை ஆகியவற்றில் பத்து நாக் அவுட் போட்டிகளில் 12 கோல்களை தானாக அடிக்கவோ அல்லது இன்னொரு வீரர் அடிக்கவோ உதவியுள்ளார் ஆன்டோனி கிரீஜ்மன். கடந்த ஐம்பது ஆண்டுகளில் பிரான்ஸ் வீரர் ஒருவர் நாக்அவுட் போட்டிகளில் செய்த மிகப்பெரிய சாதனை இது. முன்னதாக ஜினடின் ஜிடேன் எட்டு கோல்களை அடித்ததே பிரான்ஸ் வீரர் ஒருவரின் சாதனையாக இருந்தது.

முதல் பாதி முடிவில் பிரான்ஸ் 2-1 என்ற கோல் கணக்கில் முன்னிலை வகிக்கிறது.

https://www.bbc.com/tamil/sport-44840364

பிரான்ஸ் 4  குரோசியா 2

 

 

 

மப்பே, போக்பா ஆட்டத்தால் பிரான்ஸ் 65-வது நிமிடத்தில் 4-1 என முன்னிலை

 
அ-அ+

போக்பா மற்றும் மப்பே கோலால் பிரான்ஸ் 59-வது நிமிடத்தில் 4-1 என முன்னிலைப் பெற்றுள்ளது. #WorldCup2018 #Pogba

 
 
 
 
மப்பே, போக்பா ஆட்டத்தால் பிரான்ஸ் 65-வது நிமிடத்தில் 4-1 என முன்னிலை
 
உலகக்கோப்பை கால்பந்து தொடரின் இறுதிப் போட்டி இந்திய நேரப்படி இன்றிரவு 8.30 மணிக்கு தொடங்கியது. இதில் பிரான்ஸ் - குரோசியா அணிகள் பலப்பரீட்சை நடத்தி வருகின்றன. முதல் பாதி நேரத்தில் பிரான்ஸ் 2-1 என முன்னிலைப் பெற்றது. 2-வது பாதி நேரம் ஆட்டம் தொடங்கியதும் இரு அணி வீரர்களும் ஆக்ரோசமான ஆட்டத்தை வெளிப்படுத்தினார்கள். இதனால் ஆட்டத்தில் அனல் பறந்தது.

48-வது நிமிடத்தில் குரோசிய வீரர் அடித்த பந்தை பிரான்ஸ் கோல்கீப்பர் லோரிஸ் அபாரமாக தடுத்தார். ஒரு கோல் முன்னிலை பெற்றாலும் பிரான்ஸ் தடுப்பு ஆட்டத்தில் ஈடுபடவில்லை. தொடர்ந்து அட்டக்கிங் ஆட்டத்தை வெளிப்படுத்தியது. குரோசிய வீரர்கள் ஒரு வினாடியைக் கூட வீணடிக்காமல் பந்தை கடத்தும் நோக்கத்தில் ஈடுபட்டு வந்தனர்.

201807152158400562_1_mbappe003-s._L_styvpf.jpg

59-வது நிமிடத்தில் போக்பா ஒரு கோல் அடித்தார். பிரான்ஸ் எல்லை அருகில் இருந்து அடித்த பந்தை குரோசியாவின் வலது கார்னர் பக்கம் சென்றது. மப்பே புயல்வேகத்தில் சென்று பந்தை கட்டுப்பாட்டிற்குள் கொண்டு வந்து கோல் எல்லைக்குள் வைத்து கிரிஸ்மானிடம் பாஸ் செய்தார். கிரிஸ்மான் அருகில் நின்ற போக்பாவிடம் கடத்தினார். அவர் புயல் வேகத்தில் அடித்தார். பந்து குரோசியா டிபென்டர் மீது பட்டு மீண்டும் போக்பாவிடம் வந்தது. இடது காலால் உதைத்து கோலாக்கினார். இதனால் பிரான்ஸ் 3-1 என முன்னிலைப் பெற்றது.

65-வது நிமிடத்தில் ஹெர்னாண்டஸ் கொடுத்த பாஸை மப்பே அபாரமாக கோலாக்கினார். இதனார் பிரான்ஸ் 4-1 என முன்னிலைப் பெற்றுள்ளது.

https://www.maalaimalar.com/News/Sports/2018/07/15215840/1176755/World-Cup-2018-POGBA-goald-france-4-croatia-1.vpf

பிரான்ஸ் 4  குரோசியா 2

Share this post


Link to post
Share on other sites

உலக கோப்பை கால்பந்து: பிரான்ஸ் சாம்பியன்

Share this post


Link to post
Share on other sites

உலக கோப்பை கால்பந்து: பிரான்ஸ் சாம்பியன்

Share this post


Link to post
Share on other sites

முக்கிய நாடுகள் வெளியேறிய பின் யார் வென்றால் என்ன யார் தோற்றால் என்ன.😟😀

Share this post


Link to post
Share on other sites

உலகக் கோப்பையில் பங்குபெற்ற ஒவ்வொரு அணிக்கும் கிடைத்த பரிசுத்தொகை எவ்வளவு? 

 

 
fifa1xx

 

2018 உலகக் கோப்பையை வென்ற பிரான்ஸ் அணிக்கு ரூ. 260 கோடி பரிசுத்தொகை கிடைத்துள்ளது.

இரண்டாம் இடம்பெற்ற குரோஷியா அணிக்கு ரூ. 192 கோடி வழங்கப்பட்டுள்ளது.

இது உங்களுக்குத் தெரிந்த தகவல்தான். எனில், போட்டியில் பங்கேற்ற மற்ற அணிகளுக்கு வழங்கப்பட்ட பரிசுத்தொகை எவ்வளவு என்பது உங்களுடைய கேள்வியாக இருந்திருந்தால் அதற்கான விடை இதோ:

இந்தப் போட்டிக்கான பரிசுத்தொகையாக ரூ. 2740 கோடியைச் செலவழித்துள்ளது சர்வதேச கால்பந்துச் சங்கமான ஃபிஃபா.

மூன்றாம் இடம் பெற்ற பெல்ஜியம் அணிக்கு வழங்கப்பட்ட பரிசுத்தொகை - ரூ. 164 கோடி; நான்காம் இடம் பெற்ற இங்கிலாந்து அணிக்கு - ரூ. 151 கோடி.

இதுதவிர 5 முதல் 8 இடங்கள் வரை அடைந்த அணிகளுக்கு அதாவது காலிறுதிக்குத் தகுதி பெற்ற அணிகளுக்குத் தலா ரூ. 110 கோடி வழங்கப்பட்டுள்ளது. இதன்படி ரூ. 440 கோடி செலவாகியுள்ளது. 

9 முதல் 16 இடங்கள் வரை அடைந்த அணிகளுக்கு அதாவது காலிறுதிக்கு முந்தைய சுற்று வரை விளையாடிய அணிகளுக்குத் தலா ரூ. 82 கோடி வழங்கப்பட்டுள்ளது. இதன்படி ரூ. 656 கோடி செலவாகியுள்ளது.

17 முதல் 32 இடங்கள் வரை அடைந்த அணிகளுக்கு அதாவது முதல் சுற்றிலேயே வெளியேறிய 16 அணிகளுக்குத் தலா ரூ. 55 கோடி வழங்கப்பட்டுள்ளது. இதன்படி ரூ. 880 கோடி செலவாகியுள்ளது.

ஆக மொத்தம், போட்டியில் பங்கேற்ற 32 அணிகளுக்கான பரிசுத்தொகையாக ரூ. 2740 கோடி செலவழிக்கப்பட்டுள்ளது. 

பரிசுத்தொகை பட்டியல்

 ரூ. 260 கோடி - பிரான்ஸ்
 ரூ. 192 கோடி - குரோஷியா
ரூ. 164 கோடி - பெல்ஜியம்
ரூ. 151 கோடி - இங்கிலாந்து
ரூ. 110 கோடி - உருகுவே, பிரேஸில், ரஷியா, ஸ்வீடன் (காலிறுதி)
ரூ. 82 கோடி - போர்ச்சுகல், ஆர்ஜென்டீனா, மெக்ஸிகோ, ஜப்பான், ஸ்பெயின், டென்மார்க், ஸ்விட்சர்லாந்து, கொலம்பியா (காலிறுதிக்கு முந்தைய சுற்று)
ரூ. 55 கோடி - சவுதி அரேபியா, எகிப்து, ஈரான், மொராக்கோ, பெரு, ஆஸ்திரேலியா, நைஜீரியா, ஐஸ்லாந்து, செர்பியா, கோஸ்டா ரிகா, தென் ஆப்பிரிக்கா, ஜெர்மனி, துனிசியா, பனாமா, செனகல், போலந்து (முதல் சுற்றில் வெளியேறிய நாடுகள்)

http://www.dinamani.com/sports/football-worldcup-2018/2018/jul/16/prize-money-revealed-for-each-2018-world-cup-nation-2961274.html

Share this post


Link to post
Share on other sites

சிறிய நாடு என்றாலும் பெரிய  கனவு காணலாம்:  குரோஷியா பயிற்சியாளர் ஸ்லாட்கோ டலிக் உருக்கம்

 

 
DALICjpg

88 வருட  ஃபிபா உலகக் கோப்பை கால்பந்து வரலாற்றில் வெறும் 4.5 லட்சம் மக்கள் தொகையை கொண்ட குரோஷியா நாடு இறுதிப் போட்டிக்கு முன்னேறி அனைவரையும் வியக்கவைத்தது. ஐரோப்பிய கண்டத்தைச் சேர்ந்த சிறிய நாடு ஒன்று உலகக் கோப்பை இறுதிப் போட்டியில் முதன்முறையாக நுழைந்து சாதனை படைத்த போதிலும் அந்த அணியால் கோப்பையை வென்று வரலாற்றில் முத்திரை பதிக்க முடியாமல் போனது. இறுதிப் போட்டியில் 2-4 என்ற கோல் கணக்கில் பிரான்ஸ் அணியிடம் வீழ்ந்ததால் முதன்முறையாக மகுடம் சூடும் வாய்ப்பை இழந்தது குரோஷியா.

அந்த அணியின் பயிற்சியாளர் ஸ்லாட்கோ டலிக் கூறும்போது, “நாங்கள் பயணம் செய்யும் பேருந்தில் இடம் பெற்ற வாசகம், ‘பெரிய கனவை கொண்டுள்ள சிறிய நாடு நாங்கள்’ என்பதுதான். இது எல்லோருக்கும் சிறந்த செய்திதான். நீங்கள் கடினமாக உழைத்தால், உங்களால் சிறந்த வீரர்களை உருவாக்க முடியும், அதன் மூலம் சிறந்த முடிவுகளை பெற முடியும். இது சாத்தியமாகும் என்று நீங்கள் நம்ப வேண்டும். சிலநேரங்களில் இந்த எண்ணங்கள் கீழே சரியலாம். ஆனால் கனவு மற்றும் லட்சியங்களைக் கொண்டு அதனை பின்தொடர வேண்டும். அதன் பின்னர் ஒருவேளை கால்பந்திலோ அல்லது பொது வாழ்விலோ கனவுகள் மெய்ப்படும்.

 

ஒருபோதும் நீங்கள் விட்டுக்கொடுக்கக் கூடாது, அதேபோன்று ஒருபோதும் நம்பிக்கை கொள்வதையும் நிறுத்திவிடக் கூடாது. இறுதிப் போட்டியில் 4-1 என நாங்கள் பின்தங்கியிருந்த போதும், நான் நம்பிக்கை கொள்வதை நிறுத்தவில்லை. இதுதான் வாழ்க்கை. ஒட்டுமொத்தமாக குரோஷியா, பெரிய தொடரில் சிறப்பாக விளையாடியதாகவே கருதுகிறேன். அணியில் உள்ள அனைத்து வீரர்களுக்கும் நன்றி தெரிவித்துக்கொள்கிறேன். எனது அணி வீரர்களையும், நாட்டையும் நினைத்து பெருமை அடைகிறேன்” என்றார்.

அர்ஜென்டினா ரெப்ரீ நெஸ்டர் பிட்டானா, பிரான்ஸ் அணிக்கு பெனால்டி கிக் வழங்கியது விவாதப் பொருளாகி உள்ளது குறித்து ஸ்லாட்கோ டலிக் கூறுகையில், பொதுவாக இதுபோன்ற விஷயங்கள் குறித்து நான் பேசுவதில்லை. இந்த விஷயத்தில் எனது கருத்து என்னவென்றால், உலகக் கோப்பை இறுதி ஆட்டத்தில் பெனால்டி கிக் கொடுக்கக்கூடாது என்பதுதான்.

உலகக் கோப்பையில் விளையாடிய சிறந்த விளையாட்டுக்காக எனது அணி வீரர்களை வாழ்த்தியாக வேண்டும். இறுதிப் போட்டியில் நாங்கள் ஆட்டத்தை கட்டுப்படுத்தினோம், ஆனால் பிரான்ஸைப் போன்ற வலுவான அணிக்கு எதிராக நீங்கள் தவறுகளைச் செய்ய முடியாது. நாங்கள் சற்று சோகமாக இருக்கிறோம், ஆனால் நாங்கள் செய்ததைப் பற்றி பெருமிதம் கொள்கிறோம்” என்றார்.

http://tamil.thehindu.com/sports/article24439969.ece

  • Like 1

Share this post


Link to post
Share on other sites

ரஷ்ய உலகக் கோப்பையில் நல்லதும் கெட்டதும்

 

 
fifajpg

19 வயதான கிளியான் பாப்பேவின் அற்புதமான ஆட்டம், பிரேசிலின் நெய்மர் நாடகமாடியதாக எழுந்த குற்றச்சாட்டு, நடப்பு சாம்பியன் அந்தஸ்துடன் களமிறங்கிய ஜெர்மனி லீக் சுற்றிலேயே மூட்டை கட்டியது, நாக் அவுட் சுற்றில் அர்ஜென்டினா, போர்ச்சுக்கல், ஸ்பெயின் வெளியேற பிரேசில் கால் இறுதிவரை தாக்குப்பிடித்தது, டிகோ மரடோனாவின் கிண்டல் என பரபரப்புக்கு பஞ்சம் இல்லாமலேயே ரஷ்யாவில் சுமார் ஒரு மாத காலம் நடைபெற்று வந்த உலகக் கோப்பை கால்பந்து திருவிழா கடந்த  ஞாயிற்றுக்கிழமையன்று கோலாகலமாக நிறைவடைந்தது. இளம் வீரர்களை உள்ளடக்கிய பிரான்ஸ் அணி இறுதிப் போட்டியில் முதல்முறையாக பட்டம் வென்று சாதனை படைக்கும் குரோஷியாவின் கனவை கலைத்து 20 ஆண்டுகளுக்குப் பிறகு 2-வது முறையாக மகுடம் சூடியது. இந்த உலகக் கோப்பை திருவிழாவில் நடைபெற்ற நல்ல விஷயங்களும், சில விரும்பத்தகாத விஷயங்களும் குறித்த ஓர் அலசல்...

புதியவர்கள்  அறிமுக அணியாக களமிறங்கிய ஐஸ்லாந்து, பனாமா ஆகிய அணிகள்  லீக் சுற்றை தாண்டவில்லை. எனினும் அந்த அணிக்கு ரசிகர்கள் வழங்கிய ஆதரவு அளப்பரியது. ஐஸ்லாந்து போட்டிகளை காண அந்நாட்டு மக்கள் பெரும் கூட்டமாக படையெடுத்தனர். அதேபோல் உலகக் கோப்பையில் முதன்முறையாக பனாமா நாட்டின் தேசிய கீதம் இசைக்கப்பட்ட போது தொலைக்காட்சி வர்ணணையாளராக இருந்த பனாமாவை சேர்ந்தவர் ஆனந்த கண்ணீர் சிந்தியது என்றும் மறக்க முடியாதது.

 

விருப்பமான மைதானங்கள் 12 நகரங்களில் உலகக் கோப்பை போட்டி நடத்தப்பட்டாலும் ரசிகர்கள் அதிகம் விரும்பி வந்து பார்த்த மைதானங்கள் லுஸ்னிக்கி மற்றும் சோச்சி தான். இங்கு நடைபெற்ற அனைத்து ஆட்டங்களின் டிக்கெட்டுகளும் விற்று தீர்ந்தன. 

உணர்ச்சிகரமான நிமிடங்கள் காயங்களுக்கு இழப்பீடாக வழங்கப்பட்ட நேரத்தில் 19 கோல்கள் அடிக்கப்பட்டது. 5 ஆட்டங்கள் கூடுதல் நேரத்துக்குச் சென்றது. 4 ஆட்டங்களின் முடிவுகள் பெனால்டி ஷூட் அவுட் மூலம் தீர்மானிக்கப்பட்டது. இவை அனைத்தும் ரசிகர்கள் தங்களது விரல் நகங்களை கடித்தபடி ஆட்டத்தின் முடிவை தெரிந்து கொள்வதில் இன்பமான பதற்றத்தை தொற்றிக்கொள்ள வைத்தது.

ஃபேர் பிளே ரஷ்ய உலகக் கோப்பை கால்பந்து தொடரில் ஒட்டுமொத்தமாக 64 ஆட்டங்களில் 4 சிவப்பு அட்டைகள் மட்டுமே வழங்கப்பட்டது. விஏஆர் தொழில்நுட்ப உதவியால் மைதானத்தின் அனைத்து பகுதியிலும் நடைபெற்ற நிகழ்வுகள் கண்காணிக்கப்பட்டதால் முரட்டுத்தனமான ஆட்டத்தை வெளிப்படுத்திவிடக்கூடாது என் பதில் வீரர்கள் தகுந்த எச்சரிக்கையுடன் செயல்பட்டார்கள். நாக் அவுட் சுற்றில் காயம் அடைந்த உருகுவே வீரர் எடி சன் கவானியை, கைத்தாங்கலாக கிறிஸ்டியா னோ ரொனால்டோ அழைத்துச் சென்று ரசிகர்களின் மனதை வென்றார்.

ரசிகர்களை ஈர்த்தவர்கள் பிரான்ஸின் கிளி யான் பாப்பே, இங்கிலாந்தின் ஹாரிகேன், குரோஷியாவின் லுகா மோட்ரிச், இவான் ராக்கிடிக், பெல்ஜியத்தின் ரோமுலு லூகாகு ஆகியோர் ரசிகர்களை வெகுவாக கவர்ந்தனர்.

அதிர்ச்சி வைத்தியம் பங்கேற்ற 32 அணிகளில் தரவரிசையில் 70-வது இடத்தில் இருந்த ரஷ்யா நாக் அவுட் சுற்றில் பலம் வாய்ந்த ஸ்பெயின் அணியை பெனால்டி ஷூட்டில் வீழ்த்தி வெளியேற்றியது. யாரும் எதிர்பாராத வகையில் சிறப்பாக விளையாடி வந்த ரஷ்ய அணியின் பயணம் கால் இறுதியுடன் முடிவுக்கு வந்தது.

விஏஆர் இந்த தொழில்நுட்பத்தின் அறிமுகம் குறித்து ஏராளமான சந்தேகங்கள் இருந்தன. ஆனால் அது, சில குறைபாடுகள் கொண்ட ஒரு பயனுள்ள மற்றும் ஏற்றுக்கொள்ளப்பட்ட தொழில்நுட்பமாக அமைந்தது.

இனவெறி ஜெர்மனி அணி லீக் சுற்றுடன் வெளியேறிய நிலையில் அந்த அணி வீரரான மெசட் ஓஸில் இனவெறிக்கு ஆளானார். மெசட் ஓஸில் துருக்கி வம்சாவளியைச் சேர்ந்தவர், மேலும் அவர், துருக்கி பிரத மர் டயிப் எர்டோகனுடன் இணைந்து போட்டோவுக்கு போஸ் கொடுத்ததும் பல்வேறு விமர்சனங்களுக்கு உள்ளானது. இதேபோன்று துருக்கி பாரம்பரியத்தைக் கொண்ட சுவீடன் வீரர் ஜிம்மி துர்மாஸ், இணையதளங்களில் இனவெறி சர்ச்சைக்கு உள்ளானார். ஜெர்மனி அணிக்கு எதிரான ஆட்டத்தில் துர்மாஸ் செய்த ஃபவுல் காரண மாக வெற்றியை இழந்திருந்தது. ஆனால் அவரது சக அணி வீரர்களும், கால்பந்து சங்கமும் அவருக்கு ஆதரவாக இருந்தன. 

அர்த்தமற்றவைகள் செர்பியா அணி 1-2 என்ற கோல் கணக்கில் சுவிட்சர்லாந்திடம் தோல்வியடைந்த ஆட்டத்தில் ரெப்ரீயாக செயல்பட்ட ஜெர்மனியின் பெலிக்ஸ் பிரைச்சை, போர் குற்றங்களை விசாரிக்கும் ஐ.நா. நீதிமன்றத்தின் முன்பு நிறுத்த வேண்டும் என செர்பியா கால்பந்து அணியின் பயிற்சியாளர் லேடன் கிரஸ்டஜிக் கடுமையாக விமர்சித்தார். இதனால் ஃபிபா அமைப்பு அவருக்கு அபராதம் விதித்தது.

ஜெர்மனி சுவீடன் அணிக்கு எதிரான ஆட்டத்தில் காயங்களுக்கு இழப்பீடாக வழங்கப்பட்ட நேரத்தில் வெற்றி பெற்ற ஜெர்மனி அணி, மெக்சிகோ மற்றும் தென் கொரியாவிடம் தோல்வியடைந்ததால் லீக் சுற்றுடன் வெளியேறியது. 80 வருட கால் பந்து வரலாற்றில் ஜெர்மனி அணி முதல் சுற்றுடன் வெளியேற்றப்படுவது இதுவே முதன்முறையாக அமைந்தது. பயிற்சியாளர் ஜோச்சிம் லோவ் தனது பதவியை தக்க வைத்துக் கொண்டாலும் அணியை அவரால் இனிமேல் எந்த அளவுக்கு முன்னெடுத்துச் செல்ல முடியும் மற்றும் ஜெர்மனி கால்பந்து சங்கம் அவர் மீது வைத்துள்ள நம்பிக்கை தொடருமா என்பது சந்தேகம்தான்.

மரடோனா அர்ஜென்டினா கால்பந்து அணி யின் ஜாம்பவானான டிகோ மரடோனா, மைதானத்தில் புகை பிடித்தது, மற்றும் ரசிகர்களை நோக்கி நடுவிரலை உயர்த்தி அநாகரீகமாக நடந்து கொண்டது சர்ச்சை களை ஏற்படுத்தியது.

மரண களம்: கஸான் அரினா மைதானத்தில் நடைபெற்ற ஆட்டங்களில் தான் புகழ்பெற்ற ஜெர்மனி, பிரேசில், அர்ஜென்டினா அணி கள் தோல்வியடைந்து தொடரில் இருந்து வெளியேறின. கூட்டாக 11 பட்டங்களை வென்ற இந்த அணிகளில் ஒன்று கூட அரை இறுதியை எட்டிப்பார்க்க முடியாமல் போனது.

ரகசிய இடம் அனைத்து அணிகளும் பொதுமக்கள் பார்வையில் ஒருமுறையாவது பயிற்சியில் ஈடுபட்டன. ஆனால் ரசிகர்கள் தங்களது அபிமான நட்சத்திர வீரர்களை பயிற்சிகளின் போது அரிதாகவே காண முடிந்தது. அதிலும் ஸ்பெயின் அணி பயிற்சியில் ஈடுபட்டதை அந்நாட்டு ரசிகர்கள் பார்க்க முடியாமலேயே போனது. காரணம் போட்டிகள் நடைபெற்ற மைதானங்களில் இருந்து வெகுதொலைவில் உள்ள கிரஸ் நோடார் பகுதியில் ஸ்பெயின் அணி பயிற்சியில் ஈடுபட்டது.

மிரட்டல்கள் லீக் சுற்றின் போது ஜப் பான் அணிக்கு எதிரான ஆட்டத்தில் சிவப்பு அட்டை பெற்ற கார்லோஸ் சான்செஸூக்கு சமூக வலைத்தளங்களில் கொலை மிரட்டல்கள் விடுக்கப்பட்டது. இதுதொடர்பாக கொலம்பியா போலீஸார் விசாரணை மேற்கொண்டனர். இது 1994-ம் ஆண்டு உலகக் கோப்பைத் தொடரில் ஓன் கோல் அடித்த கொலம்பியா வீரர் அன்ட்ரஸ் எஸ்கோபார், நாடு திரும்பிய சில நாட்களில் சுட்டுக்கொல்லப்பட்ட சம்பவத்தை இது கண்முன் கொண்டு வந்தது.

ஆப்பிரிக்க நாடுகள் 1982-ம் ஆண்டுக்குப் பிறகு ஆப்பிரிக்காவைச் சேர்ந்த ஒரு நாடு கூட லீக் சுற்றை கடக்காதது இதுவே முதன்முறை. நைஜீரியா, செனகல், துனீசியா, எகிப்து, மொராக்கோ ஆகிய 5 அணிகளும் கூட்டாக பெற்ற வெற்றிகள் மூன்று மட்டுமே. இதில் ஹெச் பிரிவில், ஃபேர் பிளே பாயின்டால் நாக் அவுட் சுற்றுக்கு முன்னேறும் வாய்ப்பை ஜப்பான் அணியிடம் செனகல் இழந்தது அந்த அணி நாட்டு ரசிகர்களின் மனதை நொறுங்கச் செய்தது. மிகவும் எதிர்பார்க்கப்பட்ட முகமது சாலா காயத்தால் அவதிப்பட்டது எகிப்து அணியையும் முடக்கியது.

இரு கழுகுகள் செர்பியா அணிக்கு எதிரான ஆட்டத்தில் கோல் அடித்ததும் சுவிட்சர்லாந்து வீரர் ஹெர்டான் ஷகிரி மற்றும் கிரானிட் ஸாகா ஆகியோர் சர்ச்சைக்குரிய வகையில் செய்கைகள் செய்தவாறு மகிழ்ச்சியை வெளிப்படுத்தினர். இது அல்பேனியா நாட்டு கொடியில் உள்ள இரு கழுகுகளை குறிப்பது தெரியவந்ததையடுத்து இரு வீரர்களுக்கும் ஃபிபா அபராதம் விதித்தது.

ஹெர்டான் ஷகிரியும், கிரானிட் ஸாகாவும் கோசோவோ மாகாணத்தை மையமாக கொண்டவர்கள். இந்த பகுதி முன்பு செர்பியாவின் கட்டுப்பாட்டில் இருந்தது. ஆனால் 1998-1999ம் ஆண்டு செர்பிய படைகள் மற்றும் இனவாத அல்பேனியா கொரில்லாக்கள் இடையே நடந்த மோதல்களில் கோசோவோ நாட்டைச் சேர்ந்த ஆயிரக்கணக்கான மக்கள் கொல்லப்பட்டனர். இதை மனதில் வைத்தே ஹெர்டான் ஷகிரியும், கிரானிட் ஸாகாவும் நடந்து கொண்டது தெரியவந்தது.

நெய்மரின் பல்டிகள்

பிரேசில் அணியின் நட்சத்திர வீரரான நெய்மர் உலகக் கோப்பை தொடரில் இரு கோல்கள் மட்டுமே அடித்தார்.   நாக் அவுட் சுற்றில் மெக்சிகோ அணிக்கு எதிரான ஆட்டத்தின் போது   நெய்மர், எதிரணி வீரர் காலை தட்டிவிட்டதாகக்கூறி சில அடி தூரத்துக்கு டைவ் செய்தபடி உருண்டு சென்று விழுந்தார். இது கடும் விமர்சனங்களை சந்தித்தது. மேலும் அவரது தலைமுடி அலங்காரமும், சமூக வலைத்தளங்களில் விமர்சிக்கப்பட்டது. ஸ்பெயின் நாளிதழ் ஒன்று, நெய்மால் மால் (மோசம்) என கேலி செய்திருந்தது.

சகாப்தம் முடிகிறதா?

31 வயதான அர்ஜென்டினாவின் லயோனல் மெஸ்ஸி, 33 வயதான போர்ச்சுக்கலின் கிறிஸ்டியானோ ரொனால்டோ ஆகியோர் இம்முறையும் தங்களது அணிக்காக கோப்பையை வென்று கொடுக்க முடியாமல் வெறும் கையுடன் திரும்பி உள்ளனர். அதிலும் இந்த இரு அணிகளும் நாக் அவுட் சுற்றுடன் வெளியேறியது சோகம்தான். ரொனால்டோ, ஸ்பெயின் அணிக்கு எதிரான முதல் ஆட்டத்திலேயே ஹாட்ரிக் கோல் அடித்து தொடரை சிறப்பாக தொடங்கிய போதும் அந்த உத்வேகத்தை முன்னெடுத்துச் செல்லத் தவறினார். மாறாக லயோனல் மெஸ்ஸி தனது அணியை லீக் சுற்றுடன் வெளியேறுவதில் இருந்து மட்டுமே காப்பாற்ற முடிந்தது. கோல் மழை பொழிந்த பிரான்ஸ் அணிக்கு எதிராக மெஸ்ஸியின் மந்திரம் எடுபடவில்லை. இவற்றை கருத்தில் கொண்டால் கடந்த 10 வருடங்களாக ஃபிபாவின் சிறந்த வீரர் விருதை தலா 5 முறை கைப்பற்றியுள்ள மெஸ்ஸியின் ஆதிக்கமும், ரொனால்டோவின் ஆதிக்கமும் முடிவுக்கும் வரும் கட்டத்தில் இருப்பதாகவே கருதத்தோன்றுகிறது.

https://tamil.thehindu.com/sports/article24450201.ece

Share this post


Link to post
Share on other sites

உலகக் கோப்பைத் தொடரில் சிறந்த கோல் அறிவிப்பு!

 
 

லகக் கோப்பைத் தொடரில் பிரான்ஸ் தடுப்பாட்ட வீரர் பெஞ்சமின் பாவெட் அடித்த கோல் சிறந்த கோலாக தேர்வு செய்யப்பட்டுள்ளது. 

சிறந்த கோல் அடித்த பாவெட்

அர்ஜென்டினாவுக்கு எதிரான நாக்- அவுட் ஆட்டத்தில் 57-வது நிமிடத்தில் பிரான்ஸின் இடதுபுற விங்கர் லூகாஸ் ஹெர்னான்டஸ் பந்தை கிராஸ் செய்தார். வலது புறத்தில் பெனால்டி ஏரியாவுக்கு வெளியே இருந்து பாவெட் அடித்த 'வாலி' அர்ஜென்டினா கோல் கம்பத்தின் டாப் கார்னருக்குள் நுழைந்தது. இதனால், ஆட்டம் 2-2 என்ற கோல் கணக்கில் சமன் அடைந்தது. முடிவில் பிரான்ஸ் 4-3 என்ற கணக்கில் வெற்றி பெற்று காலிறுதிக்கு முன்னேறியது. 

 

 

இந்த உலகக் கோப்பைத் தொடரில் 64 ஆட்டங்களில் மொத்தம் 169 கோல்கள் அடிக்கப்பட்டன. அதில், சிறந்த கோலாக பிரான்ஸ் தடுப்பாட்ட வீரர் 22 வயது பெஞ்சமின் பாவெட்டின் 'வாலி 'அறிவிக்கப்பட்டுள்ளது. இரண்டாவதாக ஜப்பான் அணிக்கு எதிராக கொலம்பிய வீரர் ஜூவான் குயின்ட்ரோ அடித்த கோலும் மூன்றாவதாக முதல் சுற்று ஆட்டத்தில்  அர்ஜென்டினா அணிக்கு எதிராக லூகா மாட்ரிச் அடித்த கோலும் தேர்வு செய்யப்பட்டது. 

 

 

ஃபிஃபா. காமில் ரசிகர்களே ஆன்லைன் வாக்கெடுப்பு வழியாக சிறந்த கோல்களைத் தேர்வு செய்தனர். 1930-ம் ஆண்டு முதல் உலகக் கோப்பை வரலாற்றில் இந்த விருதைப் பெறும் முதல் ஐரோப்பிய வீரர் பெஞ்சமின் பாவெட்தான். 

https://www.vikatan.com/news/sports/132090-pavard-wins-fifa-best-goal-award.html

Share this post


Link to post
Share on other sites

 

லகக் கோப்பைத் தொடரில் பிரான்ஸ் தடுப்பாட்ட வீரர் பெஞ்சமின் பாவெட் அடித்த கோல் சிறந்த கோலாக தேர்வு செய்யப்பட்டுள்ளது. 

Share this post


Link to post
Share on other sites

2018 உலகக் கிண்ணத்தின் கதைகள்

covers-696x464.jpg
 

குரோஷியாவுடனான பரபரப்பான இறுதிப் போட்டியில் வெற்றி பெற்ற பிரான்ஸ் அணி சம்பியன் கிண்ணத்தை சூடிக்கொள்ள, 21 ஆவது பிஃபா உலகக் கிண்ண கால்பந்து தொடர் முடிவுக்கு வந்தது.

உலகின் மிகப்பெரிய நிகழ்வாக இருக்கும் உலகக் கிண்ண கால்பந்து போட்டி புதிய நட்சத்திரங்களின் பிறப்பு, அற்புதமான கதைகள் மற்றும் தமது திறமைகளால் உலகளவில் பிரபலமடையும் வீரர்களை கொண்டதாக அமைவது வழக்கம். இவ்வாறு 2018 ரஷ்யாவில் கவர்ந்திழுத்த சில கதைகளை பார்ப்போம்,

ஐஸ்லாந்தின் எழுச்சி

செர்கியோ அகுவேரா பெனால்டி எல்லைக்குள் விழ, நடுவர் பெனால்டி கிக் சமிக்ஞை செய்கிறார். சந்தேகமின்றி உலகின் மிகச் சிறந்த வீரரான லியோனல் மெஸ்ஸி அந்த பெனால்டி வாய்ப்பை உதைக்க தயாரானார். மெஸ்ஸி இடது பக்கமாக உதைத்தார், கோல்காப்பாளர் ஹான்ஸ் ஹல்டேரசன் வலது பக்கம் என கணித்து பாய, மெஸ்ஸியின் உதை தடுக்கப்பட, அது ஆர்ஜன்டீனாவின் முன்னேற்றத்தையும் தடுத்தது.

 

2016 ஆம் ஆண்டிலேயே உலகின் மிகச்சிறிய நாடாகா ஐரோப்பாவில் இருந்து ஐஸ்லாந்து உலகக் கிண்ணத்திற்கு தகுதி பெற்றது. அப்போது குரோஷியா, உக்ரைன் மற்றும் துருக்கி அணியுடனான போட்டியை சமநிலை செய்தே ரஷ்யா வரை செல்ல அது தன்னை தகுதியாக்கிக் கொண்டது.  

2016 ஐரோப்பிய கிண்ணத்தில் காலிறுதிவரை முன்னேறிய அந்த அணி மேலும் நம்பிக்கை தருவதாகவே உலகக் கிண்ணம் வரை முன்னேறியது.

Iceland-Goalkeeper-Hannes-Halldorsson.jp Image Courtesy – Getty Images

வெறுமனே 330,000 மக்கள் தொகை கொண்ட அந்த நாடு, 2016 ஐரோப்பிய கிண்ணத்தில் சம்பியனான கிறிஸ்டியானோ ரொனால்டோவின் போர்த்துக்கல் அணிக்கு அந்த தொடரில் சவால் கொடுத்ததோடு, இங்கிலாந்தையும் அந்தத் தொடரில் வெளியேற்றி உலகத்தையே திரும்பிப் பார்க்கச் செய்தது.  

உலகக் கிண்ண குழுநிலையில் தனது குழுவில் கடைசி இடத்தை பெற்றாலும், 2012 ஆம் ஆண்டு உலகத் தரவரிசையில் 131 ஆவது இடத்தில் இருந்த ஐஸ்லாந்து இப்படி எழுச்சி பெறும் என்று யார் நம்பினார்கள்? அதன் சிறந்த காலம் இன்னும் வரவில்லை என்றே தோன்றுகிறது.

தந்தையைப் போல் மகன்

1998, ஜுன் 24 ஆம் திகதி டென்மார்க் கோல்காப்பாளர் பீட்டர் ஸ்ச்மைகல் வலைக்கு முன்னால் பெரும் அரணாக நின்றிருந்தார். எதிரே பிரான்ஸின் யூரி ஜோர்கைப் அந்த பெனால்டி வாய்ப்பை கொண்டு பிரான்ஸை முன்னிலை பெறச் செய்ய எதிர்பார்த்தார். தனது எதிராளியை விடவும் ஸ்ச்மைகல் உயரமாக இருந்தார்.

என்றாலும் ஜோர்கைப் வேகமாக உதைக்க பந்து ஸ்ச்மைகலை மீறி வலைக்குள் சென்றது. அப்போது உலக சம்பியனான பிரான்ஸ் கடைசி குழுநிலை போட்டியில் 1-0 என முன்னிலை பெற்றது. அந்தப் போட்டியில் பிரான்ஸ் 2-0 என வென்றது.

 

வேகமாக முன்னோக்கி வந்ததால் 2018, ஜூலை முதலாம் திகதி மற்றொரு மத்தியகள வீரர் பெனால்டி உதை ஒன்றுக்கு காத்திருந்தார். இப்போது அந்த உதைக்கு தயாரானவர் லூகா மொட்ரிக், டென்மார்க்குடனான 16 அணிகள் மோதும் சுற்று போட்டியின் மேலதிக நேரத்தில் குரோஷியா இந்த தீர்க்கமான தருணத்தை எதிர்கொண்டது. இந்த தருணத்தில் ஸ்ச்மைகல் தனது மகனான டென்மார்க் கோல்காப்பளர் கெஸ்பரை பரபரப்போடு பார்த்துக் கொண்டிருந்தார். மொட்ரிக் பந்தை உதைக்க அவர் இடது பக்கமாக பாய்ந்தார், தடுத்துவிட்டார்.

Peter-Schmeichel.jpeg Image Courtesy – @aakashbhatt97 Twitter Photo

ரசிகர்கள் தன்னிலை மறந்து ஆரவாரித்தார்கள். கஸ்பர் இரண்டு பெனால்டி ஷூட் அவுட்களை தடுத்தபோதும் கடைசியில் குரேஷியா 3-2 என வெற்றியை தன்வசமாக்கியது.

என்ன கூறுவதென்று தெரியவில்லை. எனது நாடு, எனது மகன், அவனது சக அணி வீரர்கள், அனைத்து ஊழியர்கள் மற்றும் தேசிய பயிற்சியாளர் ஏஜ் ஹரெய்ட் பற்றி அதிகம் பெருமை கொள்கிறேன். அனைத்து கண்ணீரும் வற்றிவிட்ட பின் நாம் எத்தனை சிறப்பாக ஆடினோம் என்பதை புரிந்துகொண்டோம்என்கிறார் பீட்டர் ஸ்ச்மைகல்.     

ஹர்வஜே கஸ்டிக் நினைவாக

உலகக் கிண்ணத்தின் 16 அணிகள் சுற்றில் டென்மார்க் மற்றும் குரோஷிய அணிகள் சந்தித்தபோது, நடந்த அளவுக்கு பரபரப்பு தரும் என்று எவரும் எதிர்பார்க்கவில்லை. முதல் ஐந்து நிமிடத்திற்குள் 2 கோல்கள் புகுத்தப்பட, மேலதிக நேரத்தின் கடைசி 5 நிமிடங்களில் பெனால்டி தடுக்கப்பட, அனைவரையும் இருக்கை நுணிக்கு எடுத்துச் சென்ற பெனால்டி ஷூட் அவுட்டில் முடிவு தீர்மானிக்கப்பட்டது.

கஸ்பர் ஸ்ச்மைகல் டென்மார்க் அணிக்காக தனது அனைத்து முயற்சிகளையும் செய்தபோதும் அவரையும் மீறி எதிரணி கோல்காப்பாளர் டனிஜல் சுபசிக் மூன்று பெனால்டிகளை தடுக்க குரோஷியாவுக்கு 3-2 என வெற்றி உறுதியானது.  

 

33 வயதுடைய சுபசிக் கடைசி பெனால்டி ஷூட் அவுட்டை தடுத்து குரோஷியாவின் வெற்றியை உறுதி செய்தபின் தனது ஜெர்சியை கழற்றி கொண்டாட்டத்தில் ஈடுபட்டார். உள்ளே அவர் அணிந்திருந்த டீசேர்ட்டில் அறிமுகம் இல்லாத கால்பந்து வீரர் ஒருவரின் புகைப்படம் இருந்தது. அந்த வீரரின் பெயர் ஹர்வஜே கஸ்டிக். அவர் சுபசிக்கின் முன்னாள் சக அணி வீரர். அவர் 10 ஆண்டுகளுக்கு முன் ஒரு சோகமான நிகழ்வில் உயிரிழந்தார்.

2008 மார்ச் 29 ஆம் திகதி என்.கே. சதார் அணி தனது சொந்த மைதானத்தில் எச்.என்.கே. சிபாலியா அணியை எதிர்த்தாடியது. இலக்கு இல்லாமல் வந்த பந்தை பெற்ற சதார் கோல்காப்பாளர் சுபசிக் தனது சக வீரரை நோக்கி நீண்ட தூரம் உதைத்தார்.

Croatia-Goalkeeper-Danijel-Subasic-300x1 Image Curtesy – Getty image

துள்ளி வரும் பந்து கோட்டுக்கு வெளியே செல்வதற்கு முன் அதனை பெறுவதற்கு ஹர்வஜே கஸ்டிக் அதனை நோக்கி ஓடி வந்தார். ஆனால் தடுக்கி விழுந்த அவர் கொன்க்ரீட் சுவரில் தலை பட்டு மைதானத்திற்கு வெளியே தூக்கி எறியப்பட்டார். விபத்து நிகழ்ந்து ஐந்து தினங்களில் அவர் உயிரிழந்தார்.  

பத்து ஆண்டுகள் கழித்து அந்த பந்தை உதைத்த நண்பர், உலகக் கிண்ணத்தின் முக்கியமான வெற்றித் தருணத்தில் அவரை நினைவுகூர தவறவில்லை.   

அந்தப் போட்டிக்குப் பின்னர் வெளியேறி விட்டடேன். அமெரிக்கா சென்றபோது உறக்கம் இன்றி தடுமாறினேன், பயணக்களைப்பு வேதனை தந்தது. நான் விழித்தெழும் ஒவ்வொரு நேரமும், இருண்ட பொழுதாக இருக்கும். என்ன நடந்தது என்று ஞாபகத்திற்கு வரும், நான் ஏன் அவனுக்கு பந்தை செலுத்தினேன் என்று என்னை நானே கேட்டுக்கொள்வேன், ஏன் நடுவே செலுத்தவில்லை. நான் அப்படி செய்திருந்தால் ஒருவேளை அப்படி ஏற்பட்டிருக்காது. அது நடக்க வேண்டும் என்று விதியா? எனவே, அது தொடக்கம் நான் எப்போதும் எனது மேலாடைக்கு கீழால் அவனது படத்தை அணிந்திருக்க தீர்மானித்தேன். எனது கால்பந்து வாழ்வின் ஒவ்வொரு போட்டியிலும் அதனை செய்வேன். சதாரில் அதனை நான் செய்தேன். ஹஜ்துக் ஸ்பிலிட்டுக்கு, இப்போது சம்பியன்ஸ் லீக் மற்றும் ஐரோப்பிய லீக்கில் மொனாகோவுக்கு, தொடர்ந்து ரஷ்யாவிலும் நான் அதனை செய்தேன்என்கிறார் டனிஜல் சுபசிக்.

 

 

கோல்களை தடுத்த நாடோடி

அலிரேசா பெய்ரதன்வாண்ட் ஈரானின் லோரஸ்தான் மாகாணத்தின் லரபியாவில் 1993 ஆம் அண்டு நாடோடி குடும்பம் ஒன்றில் பிறந்தவர். தனது மூத்த மகனுக்கு கால்பந்து சரிப்பட்டு வராது என்று நம்பிய அவரது தந்தை கால்பந்தை விட்டுவிட்டு உருப்படியாக வேலைக்குச் செல்லும்படி ஒரே நச்சரிப்பார். குடும்பத்தின் தொந்தரவால் கால்பந்தை விட்ட அலிரேசா நல்ல வாழ்வை தேடி தலைநகர் டெஹ்ரானுக்கு புறப்பட்டு வந்தார்.  

அலிரேசாவுக்கு தலைநகரில் வாழ்வது இலகுவாக இருப்பவில்லை. உண்பதற்குக் கூட வழியில்லாத நிலையில் பெரும்பாலான நேரங்களில் தெருவோரங்களிலும், தான் வேலை பார்க்கும் இடங்களிலுமேயே உறங்க வேண்டி ஏற்பட்டது. அந்த சிறுவன் ஆடைத்தொழிற்சாலை, கார் கழுவும் இடம், வீதியை கூட்டுபவனாகக் கூட இருந்திருக்கிறான்.   

என்றாலும் ஈரானிய கால்பந்து ஆட்டத்தில் படிப்படியாக முன்னேறிய அவர் கடைசியில் 2015 ஆம் ஆண்டு ஈரானின் முதல்நிலை கோல்காப்பளராக மாறிவிட்டார். 12 போட்டிகளில் எதிரணிக்கு எந்த கோலும் விட்டுக்கொடுக்காத அலிரேசா ஈரான் உலகக் கிண்ண போட்டிக்காக ரஷ்யா செல்ல உதவினார்.     

Iran-Goalkeeper-Alireza-Beiranvand-300x1 Image Courtesy – Getty image

அவரது இந்த கதையை மறக்கமுடியாமல் செய்யும் வகையில் போர்த்துக்கல்லுடனான உலகக் கிண்ண குழுநிலை ஆட்டம் இருந்தது. வீடியோ உதவி நடுவர் மூலம் போர்த்துக்கல்லுக்கு பெனால்டி வழங்கப்பட கிறிஸ்டியானோ ரொனால்டோ அதனை உதைக்க தயாரானார்.  

ஏற்கனவே கோல் பெற்றிருந்த ரொனால்டோ மேலும் ஆட்டத்தில் ஆதிக்கம் செலுத்த எதிர்பார்த்தபோதும் அவர் உதைத்த பந்தை அலிரேசா தடுத்து தனது அணியின் நம்பிக்கையை தக்கவைத்துக் கொண்டார்.

ஜோன் ஒபி மிகேலின் மன உறுதி

உலகக் கிண்ணம் கடைசி கட்ட குழுநிலை போட்டிகளை எதிர்கொண்டபோது, தமக்கு பாரிய சவால் இருப்பதை நைஜீரியா புரிந்துகொண்டது. 16 அணிகள் சுற்றுக்கு தகுதி பெற வேண்டுமானால் அந்த அணி லியோனல் மெஸ்ஸி மற்றும் செர்கியோ அகுவேரோ போன்ற வீரர்கள் இருக்கும் அணியை வீழ்த்த வேண்டும்.

 

 

அந்த சவாலில் வெற்றிபெற வேண்டும் என்றால் நைஜீரிய அணியின் தலைவரும் மத்தியகள வீரருமான ஜோன் ஒபி மிகேல் சோபிப்பது அவசியம். ஆர்ஜன்டீன அணியை மெஸ்ஸி முன்னிலை பெறச் செய்ய விக்டர் மோஸஸின் பெனால்டி ஆட்டத்தை சமநிலைக்கு கொண்டுவந்தது. ஆனால் கடைசி நேரத்தில் மார்கோஸ் ரோஜோவின் கோல் நைஜீரியாவை உலகக் கிண்ணத்தில் இருந்து வெளியேற்றியது.

போட்டி ஆரம்பிப்பதற்கு சில மணி நேரத்திற்கு முன்னர் தனது தந்தை கடத்தப்பட்டிருப்பது பற்றி போட்டிக்கு பின்னரே மிகேல் கூறினார். கடத்தல்காரர்கள் மீட்புப் பணம் கேட்டிருப்பதோடு அது பற்றி வெளியே கூறினால் தந்தையை சுட்டுவிடுவதாகவும் மிரட்டியிருக்கிறார்கள்.

அந்த செய்தி பெரும் அதிர்ச்சியை தரக்கூடியது, மிகேல் அது பற்றி மௌனமாக இருந்து போட்டிக்கு முன்னர் தனது அணியினருக்கு அழுத்தம் கொடுக்காமல் தவிர்த்துக் கொண்டார். நைஜீரியா அந்தப் போட்டியில் 2-1 என தோற்றபோதும் மிகேலின் தந்தையை நைஜீரிய பொலிஸாரால் பாதுகாப்பாக மீட்க முடிந்தது.

John-Obi-Mikel-in-discussion-with-the-re Image Coutesy – Getty image

நான் கலக்கமடைந்திருந்தேன், போட்டியில் ஆடுவதற்கு உளரீதியாக நான் தயாராக இருக்கிறேனா என்ற முடிவை எடுக்க வேண்டி இருந்தது. நான் குழப்பம் அடைந்திருந்தேன். எனக்கு என்ன செய்வது என்று புரியவில்லை, 180 மில்லியன் நைஜீரியர்களை கைவிட முடியாது என்பது எனக்குத் தெரியும். எனது நாட்டை முதன்மைப் படுத்தி சிந்தனையை ஒருநிலைப் படுத்தினேன். முக்கியமான போட்டியை எதிர்கொண்டிருக்கும் நேரத்தில் இதுபற்றி பயிற்சியாளருடனும் (கெர்னொட் ரோஹ்ர்) பேசி அணியினரின் நினைப்பை திசை திருப்ப நான் விரும்பவில்லைஎன்றார் ஜோன் ஒபி மிகேல்.       

சர்தார் அகதி முகாமில் இருந்து தங்கப் பந்து வரை

மைதானத்தில் களைப்பில்லாமல் ஆடிய லூகா மொட்ரிச் உலகக் கிண்ணத்தில் தங்கப் பந்து விருதை தட்டிச் சென்றார். டியாமோ சக்ரப்பில் இருந்து ரியல் மெட்ரிட் வந்து தொடர்ச்சியாக மூன்று சம்பியன்ஸ் லீக் பட்டங்களுக்குப் பின்னர் உலகக் கிண்ண இறுதிப் போட்டிக்கு முன்னேறிய மொட்ரிச்சின் பயணம் சர்தாரில் இருக்கும் அகதி முகாமில் இருந்து நெடுந்தூரம் கொண்டது. அவரது பயணம் அந்த அகதி முகாமில் இருந்தே ஆரம்பமானது.  

 

1990களின் ஆரம்பத்தில் குரோஷிய சுதந்திரப் போர் வெடித்தபோது இடம்பெயர்ந்த பல வீரர்களும் குரோஷிய அணியில் உள்ளனர். அவர்களில் இவான் ரகிடிக், மரியோ மொன்ட்சுகிக் மற்றும் டேஜான் லவ்ரேன் போன்ற வீரர்களும் அடங்குகின்றனர். செர்பியப் படை முன்னேறி வந்தபோது ஆபத்தில் இருந்து தப்ப மொட்ரிச்சின் குடும்பம் கூட சர்தார் அகதி முகாமில் அடைக்கலம் பெற்றது. மொட்ரிச்சின் தாத்தா கூட போரில் கொல்லப்பட்டார்.  

Croatia-captain-Luka-Modric-300x169.jpgஉலகக் கிண்ணத்தின் இறுதிப் போட்டிவரை முன்னேறி அதில் தோற்று ஏமாற்றம் கண்டாலும் மொட்ரிச் இத்தனை தூரம் வந்த அவரது பயணம் வேதனைகள் நிரம்பியது.    

 

தொண்டு செய்யும் அதிசய சிறுவன்

உலகக் கிண்ண இறுதிப் போட்டியில் கோல் பெற்ற இரண்டாவது பதின்ம வயது வீரர் என்ற சாதனையுடன் கைலியன் ம்பாப்பே தலை நிமிர்ந்தபடியே உலகக் கிண்ணத்தை முடித்தார். இவ்வாறு கோல் புகுத்திய முதலாமவர் பிரேசில் ஜாம்பவான் பீலே என்பது ம்பாப்பேவின் புகழை அதிகரிக்க மற்றொரு காரணம். எதிரணி தற்காப்பு அரணை முறியடித்து பந்தை வேகமாக எடுத்துச் செல்லும் அவரது ஆட்டத்திறமை உலகக் கிண்ணத்தில் அனைவராலும் கவரப்பட்டது.    

 

 

அந்த 19 வயது வீரர் போட்ட கோல் குரோஷியாவுக்கு எதிராக இறுதிப் போட்டியில் வென்று பிரான்ஸ் இரண்டாவது முறை உலகக் கிண்ணத்தை முத்தமிட பெரிதும் உதவியது.  

அவரது ஆட்டத்திறமைக்கு அப்பால் தனது பாரிஸ் செயின்ட் ஜெர்மைன் அணியின் சக வீரர் நெய்மார் போன்று மைதானத்தில் கீழே விழுந்து நாடகமாடுவது விமர்சனத்திற்கு உள்ளானது.

Kylian-Mbappe-4-300x169.jpgஇந்த விமர்சனங்களுக்கு அப்பால் அந்த பதின்ம வயது வீரர் உலகக் கிண்ணத்தில் தான் சம்பாதித்த பணத்தை பிரிமியர் டி கோர்டீ என்ற தொண்டு அமைப்புக்கு கொடுத்துவிட்டார். இந்த தொண்டு அமைப்பானது நோய்வாய்ப்பட்ட மற்றும் வலது குறைந்த சிறுவர்களுக்கு விளையாட்டு உபகரணங்களை வழங்கி தொண்டு செய்கிறது. அந்த நற்பணியில் ம்பாப்பேவும் 2017 ஜுன் தொடக்கம் ஈடுபட்டு வருகிறார்.    

ம்பாப்பே உலகக் கிண்ணத்தில் ஒவ்வொரு போட்டியிலும் 22,534 டொலர்களை ஈட்டியதாக கணிக்கப்படுகிறது. இது மேலதிக கொடுப்பனவுகளை தவிர்த்த தொகை மாத்திரமே. பிரான்ஸ் வெற்றிபெற்றதற்காக அவர் மேலும் 351,000 டொலர்களை மேலதிக கொடுப்பனவாக ஈட்டியுள்ளார்.   

ஜப்பானின் முன்மாதிரி

உலகக் கிண்ணத்தில் ஜப்பான் தனது முதல் போட்டியில் கொலம்பியாவை சந்தித்தபோது அந்த போட்டி நெருக்கடி கொண்டதாக இருக்கும் என்று நம்பியபோதும் கொலம்பியாவுக்கே அதிக வாய்ப்பு இருப்பதாக எதிர்பார்க்கப்பட்டது. ஆனால் ஜப்பான் சிறப்பாக ஆடிய போட்டியை வென்றது.

Japanese-supporters-have-cleaned-the-staபோட்டிக்கு பின்னர் அரங்கில் இருந்த ரசிகர்கள் அங்கே இருக்கும் குப்பைகளை அகற்றுவதை பார்க்க முடிந்தது. இது முதல்முறையாக இருக்கவில்லை, குழுநிலை போட்டிகள் முழுவதிலும் இதனை காண முடிந்தது. ஜப்பான் அணி தோற்ற பெல்ஜியத்துடனான ஆடத்திலும் அந்த ரசிகர்கள் தனது பண்பை விட்டுவிடவில்லை.

இது ஜப்பான் ரசிகர்களோடு மாத்திரம் நின்றுவிடவுமில்லை, அந்த அணி வீரர்களும் அந்த பணியை செய்வதை புகைப்படம் காட்டுகிறது. ஜப்பான் நட்சத்திர வீரர்களும் தமது உடைமாற்று அறையை சுத்தமாக்கிவிட்டுச் செல்வதோடு மாத்திரமன்றி தம்மை உபசரிக்கும் ரஷ்யாவுக்கு நன்றி கூறும் குறிப்பை எழுதிவிட்டுச் செல்கிறார்கள்

 

 

தோல்விக்கு பின்னர் வேகமாக அரங்கிலிருந்து வெளியேறினால் ஜப்பானியர்களை யாரும் திட்டமாட்டார்கள். ஆனால் அந்த வீரர்கள் மைதானத்தில் தொடர்ந்து இருந்தார்கள், பலரும் நின்று ஊடகங்களுக்கு பேட்டிகளையும் வழங்கினார்கள்.

கிரிஸ்மனும் உருகுவேயர்களும்

உலகக் கிண்ண இறுதிப் போட்டிக்கு பின்னர் அன்டோனியோ கிரிஸ்மன் ஊடக சந்திப்பில் பங்கேற்றார். ஆனால் அவர் தனது உடலில் போர்த்தி இருந்த தேசிய கொடி பிரான்ஸ் உடையதாக இருக்கவில்லை.

கிரிஸ்மன் உருகுவேயை விரும்புகிறார் என்பது தெரிந்தது. காலிறுதியில் பிரான்ஸ் அணி உருகுவேயை சந்தித்தபோது கிரிஸ்மன் இரண்டு கோல்களை போட்டு பிரான்ஸ் அணியை அரையிறுதிக்கு அழைத்துச் சென்றார். என்றாலும் அவர் அந்த போட்டியில் அதிகம் உணர்ச்சி பூர்வமாக வெற்றியை கொண்டாடவில்லை.

French-Striker-Antoine-Griezmann-300x172கிரிஸ்மன் 2005இல் ரியல் சொசிடாட் இளையோர் அணிக்கு தனது கால்பந்து வாழ்வை ஆரம்பித்து படிப்படியாக முன்னேறி, 2009இல் தொழில்சார் கால்பந்தில் பங்கேற்று, பின்னர் 2014இல் அட்லடிகோ அணியில் இணைந்தார். உருகுவே நாட்டு பயிற்சியாளர் மார்டின் லசார்ட்டே கிரிஸ்மனின் திறமையைக் கண்டு நேராக முதல்தர அணியில் கார்லோ புயினேவுடன் ஆடச் செய்தார். சொசிடாட் அணியில் இந்த இருவருமே கிரிஸ்மனின் கால்பந்து வாழ்வில் அதிகம் தாக்கம் செலுத்துபவர்களாக இருந்தனர்.    

அட்லடிகோவில் கிரிஸ்மனுடன் ஒன்றாக ஆடும் உருகுவேயின் பின்கள வீரர் டியாகோ கொடினை, தனது மகளின் வழிகாட்டியாகவே அவர் கருதுகிறார்

 

 

நான் அதிகம் கொண்டாடவில்லை ஏனென்றால் எனது கால்பந்து வாழ்வை ஆரம்பித்தது தொடக்கம் கால்பந்தில் நல்லது, கெட்டது பற்றி ஒரு உருகுவே நாட்டவர் தான் எனக்குக் கற்றுத் தந்தார். நான் உருகுவேயர்களை அதிகம் மதிக்கிறேன். நான் நண்பர்களுக்கு எதிராகவும் ஆடியிருக்கிறேன். எனவே, அது சாதாரணமான ஒன்று என்றும், கொண்டாட வேண்டியதல்லை என்றும் நான் நினைக்கிறேன்என்கிறார் அன்டோனியோ கிரிஸ்மன்.

தத்தெடுத்த நாட்டுக்கு எதிரான உதை

உலகக் கிண்ண போட்டிகளில் டெனிஸ் செரிசேவ் என்ற பெயர் ரசிகர்களுக்கு அதிகம் பரீட்சயம் இருக்காது. ஜூலை 15 ஆம் திகதி வந்தபோது அந்தப் பெயர் அறிமுகமானது, குறிப்பாக சவூதி அரேபியா மற்றும் எகிப்து அந்தப் பெயரை வேதனையுடன் நினைவில் வைத்திருக்கிறது.   

செரிசேவ் 1990 டிசம்பரில் நிஸ்னி நொவ்கொரோட்டில் பிறந்தார். ரஷ்ய அணியின் மத்தியகள வீரரான அவர் 5 வயதில் ஸ்பெயினுக்கு இடம்பெயர்ந்தார். அவரின் தந்தை 1996 ஆம் அண்டு ஸ்போடிங் கிஜோன் அணிக்கு ஒப்பந்தமானதே அவர் ஸ்பெயின் செல்லக் காரணம். அது தொடக்கம் அங்கு வாழ்ந்த காலத்தில் செரிசேவ், ரியெல் மெட்ரிட் கால்பந்து அகடமியில் இணைந்து தன்னை பாதி ஸ்பானியனாக மாற்றிக் கொண்டார்.

Denis-Cheryshev-300x168.jpg16 அணிகள் சுற்று வந்தபோது ஸ்பெயின் அணியை எதிர்கொள்ள வேண்டி ஏற்பட்டது செரிசேவுக்கு உணர்வுபூர்வமானதாக இருந்தது. அந்தப் போட்டியில் 120ஆவது நிமிடத்தில் பெனால்டி ஷூட் அவுட்டுக்காக கோல் கம்பத்திற்கு அருகில் வந்தபோது செரிசேவுக்கு ஒரே ஒரு நோக்கம் தான் இருந்திருக்க வேண்டும். எப்படியாவது பந்தை வலைக்குள் புகுத்த வேண்டும் என்பதுவே அவரது இலக்காக இருந்திருக்கும். அவர் அதனைச் செய்து ரஷ்யாவை 4-3 என முன்னிலைக்கு கொண்டுவந்தார். இதனைத் தொடர்ந்து இயாகோ ஆஸ்பாஸின் உதையை ரஷ்ய கோல்காப்பாளர் தடுத்ததை அடுத்து ரஷ்யா உலகக் கிண்ண காலிறுதிக்கு முன்னேறியது.

http://www.thepapare.com

Edited by நவீனன்

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now
Sign in to follow this  

  • Similar Content

    • By இசைக்கலைஞன்
      ரஷ்ய - சீன - ஈரானிய கூட்டணி
      ஏற்கனவே பூகோள அரசியல் சதுரங்கம் என்கிற கட்டுரையில் கண்டதுபோல ரஷ்யா - சீனா - ஈரான் ஆகிய நாடுகள் வெளிப்படையாக அணி சேர்ந்துவிட்டன போலத் தெரிகிறது. சிரியாவில் தமது சார்பு ஆட்சியை (பஷார் அல் ஆசாத் ஆட்சி) தக்க வைப்பதற்காக‌ ரஷ்யா தனது விமானத் தாக்குதல்களை ஆரம்பித்துவிட்டது.
      ஆசாத்துக்கு எதிரி ஐசிஸ்.. ஐசிசுக்கு எதிரி அமெரிக்கா.. அமெரிக்காவுக்கு இந்த இருவருமே எதிரி.. இவ்வாறு குழப்பமான ஒரு நிலையை ஏற்கனவே எடுத்துவிட்ட ஐக்கிய அமெரிக்கா தற்போது தடுமாறுவதுபோல் உள்ளது.
      நேரம் பார்த்திருந்த ரஷ்யா ஐசிசை நாங்கள் வழிக்கு கொண்டு வருகிறோம் பேர்வழி என்று விமானத் தாக்குதல்களை ஆரம்பித்துவிட்டது. ஈரானிய தரைப்படைகளும், சீனத்து விமானத்தாங்கிக் கப்பலும் அங்கே சென்றுள்ளதாகவும் தகவல் உள்ளது.