கடற்படை வாகனம் மோதி சிறுமி சாவு – புங்குடுதீவில் பதற்றம்

[நவீனன்]

• கடற்படை வாகனம் மோதி சிறுமி சாவு – புங்குடுதீவில் பதற்றம்

கடற்படை வாகனம் மோதி சிறுமி சாவு – புங்குடுதீவில் பதற்றம்

கடற்படை பவள் கவச வாகனம் மோதியதில் 9 வயது மாணவி உயிரிழந்தார். தரம் 4 இல் கல்வி கற்கும் திருவானந்தன் கேசனா (வயது-9) என்ற மாணவியே உயிரிழந்தார்.

மாணவியை ஏற்றிவந்தவர் காயமடைந்து யாழ்ப்பாணம் போதனா மருத்துவமனையில் சேர்க்கப்பட்டுள்ளார்.

மோட்டார் சைக்கிளில் தனது மாமனாருடன் றோமன் கத்தோலிக்க பாடசாலைக்கு சென்று கொண்டிருந்தபோதே எதிரே வந்த கவச வாகனம் கட்டுப்பாட்டை இழந்ததால் விபத்து நடந்தது என்று தெரிவிக்கப்பட்டது.

சம்பவத்துடன் தொடர்புடைய கடற்படையின் வாகன சாரதி கைது செய்யப்பட்டுள்ளார். வாகனமும் பொலிஸ் நிலையத்தில் தடுத்து வைக்கப்பட்டுள்ளது என்று தெரிவிக்கப்பட்டது.

இப் பவள் வாகனமானது கடற்படையினருக்கான உணவுப் பண்டங்களை ஏற்றியிறக்கவே பயன்படுத்தப்பட்டு வந்துள்ளது என தெரிவிக்கப்படுகிறது .

http://newuthayan.com/story/64260.html

[நவீனன்]

சிறுமி கேஷனாவின் உயிரை பறித்த கடற்படை வாகன சாரதி கைது…

 

 

யாழ்.புங்குடுதீவு பகுதியில் கடற்படையினருக்கு சொந்தமான கவச வாகனம் மோதி பாடசாலை மாணவியொருவர் சம்பவஇடத்திலேயே உயிரிழந்துள்ள சம்பவத்தில், கடற்படை கவச வாகனத்தைச் செலுத்திச் சென்றவர் கைது செய்யப்பட்டுள்ளதுடன், வாகனத்தையும் கைப்பற்றிய  ஊர்காவத்துறை பொலிஸார், மேலதிக விசாரணைகளை மேற்கொள்ளப்பட்டு வருவதாக தெரிவிக்கப்பட்டுள்ளது.

http://globaltamilnews.net/2018/62982/

[நவீனன்]

நாடொன்றின் தேசிய பாதுகாப்பின் பெயரால்! தீபச்செல்வன்

அறுக்கப்பட்ட முலைகளில்
பாலை ஊட்டப்பட்ட
எனது பிள்ளைகள் ஒரு விசித்திர தேசத்தில்
பிறந்து வளர்கிறார்கள்
அவதிப்படும் நகரத்தில்
அவர்களின் நித்திரை
குருதி பிரண்ட தோட்டாக்களை
வீதிகளில் பொறுக்கி
கணக்கிட்டு தங்கள் புலமையை
வளர்த்துக்கொள்கிறார்கள்
பீரங்கிகளின் முகங்களின் தேவைகளையும்
கவசவண்டிகளின் இரைச்சல்களின்
அதிகாரத்தையும்
அவர்கள் தினமும் பார்த்து நிற்கநேரிடும்
அடையாளங்களுக்கு கீழ்
அவர்களுக்கும் விசாரனைகள் நடக்கும்
சோதனைகள் நடக்கும்
தண்டனையும் உண்டு
புன்னகையிழந்த
எனது பிள்ளைகளின் உரிமை
துப்பாக்கிகளின் குறிக்குள்
சுருங்கிப்போயிருக்கும்
எப்போதும்போல்
பதுங்கு குழியின் மடியில்
எனது பிள்ளைகள்
கண்களை மறைத்திருக்கிறார்கள்
நாடொன்றின் தேசிய பாதுகாப்பின் பெயரால்.

http://globaltamilnews.net/2018/63130/

[பெருமாள்]

தமிழ்இன அழிப்பு எந்த வடிவிலும் நிகழ வேணும் என்பது சிங்களவனின் குறிக்கோள் .