Jump to content

அடுத்த கட்டம் என்ன?


Recommended Posts

அடுத்த கட்டம் என்ன? பி.மாணிக்கவாசகம்

what-next.jpg?resize=283%2C178

 

 
அரசியல் வட்டாரங்களில் சர்ச்சையை உருவாக்கியிருந்த ஜனாதிபதியின் கேள்விக்கு உச்ச நீதிமன்றம் அளித்துள்ள பதில் பல்வேறு உணர்வலைகளை ஏற்படுத்தியிருக்கின்றது.  கடந்த 2015 ஆம் ஆண்டு ஜனவரி மாதம் 8 ஆம் திகதி நடைபெற்ற ஜனாதிபதி தேர்தலில் வெற்றிபெற்று பதவியேற்ற ஜனாதிபதி மைத்திரிபால சிறிசேன, 6 வருடங்களுக்கு பதவியில் நீடித்திருக்க முடியுமா, என்பதற்கு சட்ட ரீதியான விளக்கம் வேண்டும் என்று உச்ச நீதிமன்றத்திடம் கேட்டிருந்தார்.
 
ஜனாதிபதியின் சட்டரீதியான பொருள்கோடல் கேள்வியைப் பரிசீலித்த உயர் நீதிமன்றம் தற்போது பதவியில் இருக்கின்ற ஜனாதிபதி 5 வருடங்கள் மாத்திரமே பதவியில் இருக்க முடியும் என்ற வியாக்கியானத்தை அளித்திருக்கின்றது. அதாவது அவர் 2020 ஆம் ஆண்டு வரையிலுமே பதவியில் இருக்க முடியும் என்று நீதிமன்றம் தெரிவித்திருக்கின்றது.
 
நாட்டில் நல்லாட்சியை உருவாக்குவேன். நிறைவேற்று அதிகாரம் கொண்ட ஜனாதிபதி ஆட்சிமுறைக்கு ஒரு முடிவுகட்டுவேன் என்பதே ஜனாதிபதி மைத்திரிபால சிறிசேனவின் தேர்தல் கால வாக்குறுதியாக இருந்தது. இந்த வாக்குறுதிக்கு ஆணை வழங்கும் வiயிலேயே, மக்கள் அவரை ஜனாதிபதியாக தேர்தலில் தெரிவு செய்திருந்தார்கள்.
 
ஜனாதிபதியின் நூறுநாள் வேலைத் திட்டத்தில் நிறைவேற்று அதிகாரம் கொண்ட ஜனாதிபதி ஆட்சி முறையை இல்லாமல் செய்வது என்ற திட்டமே முதன்மை பெற்றிருந்தது.  அது மட்டுமல்லாமல், ஜனாதிபதியாகத் தெரிவு செய்யப்பட்டதும், ஏற்கனவே அளித்திருந்த உறுதிமொழிக்கு அமைவாக ஐக்கிய தேசிய கட்சியின் தலைவர் ரணில் விக்கிரமசிங்கவை, நாட்டின் பிரதமராகப் பதவிப் பிரமாணம் செய்து வைத்தார். தொடர்ந்து, 2015 ஆம் ஆண்டு ஏப்ரல் மாதம் புதிய அரசாங்கத்தினால் கொண்டு வரப்பட்ட 19 ஆவது அரசியலமைப்பு திருத்தச் சட்டத்தின் மூலம், 1978 ஆம் ஆண்டு உருவாக்கப்பட்ட நிறைவேற்று அதிகாரமுடைய ஜனாதிபதி ஆட்சி முறையிலான அரசியலமைப்பில் புரட்சிகரமான பல மாற்றங்கள் செய்யப்பட்டன. குறிப்பாக 6 வருடங்களாக இருந்த ஜனாதிபதியின் ஆட்சிக் காலம் 5 வருடங்களாகக் குறைக்கப்பட்டது.
 
இதற்கு முன்னதாக நிiவேற்று அதிகாரமுடைய ஜனாதிபதிக்கு மேலும் அதிகாரங்களை வழங்குவதற்காக ஜனாதிபதி மகிந்த ராஜபக்ச அரசாங்கத்தினால் கொண்டு வரப்பட்ட 18 அரசியல் திருத்தச் சட்டத்தின் பல அம்சங்கள், நல்லாட்சி அரசாங்கத்தின் 19 ஆவது திருத்தச் சட்டத்தின்  மூலம் இல்லாமல் செய்யப்பட்டன என்பதும் குறிப்பிடத்தக்கது.
 
இவ்வாறு, நிறைவேற்று அதிகாரம் கொண்ட ஜனாதிபதிக்கு அதிகாரங்களை அரசியலமைப்பில் திருத்தங்களைச் செய்து, பதவியில் இருந்த ஜனாதிபதியாகிய மைத்திரிபால சிறிசேன புரட்சிகரமாகச் செயற்பட்டிருந்தார். அவ்வாறு செயற்பட்டிருந்தவரா, தான் 6 வருடங்கள் பதிவியில் இருக்க முடியுமா அதற்கு வழியிருக்கின்றதா என்ற தோரணையில் உச்ச நீதிமன்றத்திடம் விளக்கம் கோரியிருந்தார் என்ற கேள்வி அரசியல் வட்டாரங்களில் எழுந்து சர்ச்சைகளை ஏற்படுத்தியிருந்தன.
 
ஜனாதிபதி ஆட்சி முறையை இல்லாமல் செய்து நாடாளுமன்றத்தில் பிரதமருக்கு அதிகார வலிமையை அதிகரிக்க நடவடிக்கை எடுக்கப்படும் என்ற அதி முக்கிய கொள்கையைக் கொண்டிருந்த ஜனாதிபதி மைத்திரிபால சிறிசேன ஏன் 6 வருடங்கள் பதவியில் இருக்க முடியுமா என்று நீதிமன்றத்திடம் ஆலோசனை கேட்டார் என்பதற்கு சரியான அரசியல் ரீதியான விளக்கம் இன்னும் வெளியாகியாதாகத் தெரியவில்லை.
 
ஆனால் இதற்குப் பல்வேறு காரணங்கள் பலராலும் தெரிவிக்கப்பட்டிருந்தன. முக்கியமாக 2020 ஆம் ஆண்:டு நடைபெறவுள்ள பொதுத்தேர்தல் தான் பதவியில் இருக்கும் போதே நடத்தப்பட வேண்டும் என்ற அரசியல் உள்நோக்கத்தை அடிப்படையாகக் கொண்டே ஜனாதிபதி மைத்திரிபால சிறிசேன, நீதிமன்றத்திடம் தனது பதவிக்காலம் 6 வருடங்களா அல்லது 5 வருடங்களா என்ற கேள்வியைக் கேட்டிருந்தார் என்று ஒரு காரணம் கூறப்பட்டிருந்தது.
 
சிக்கலான நிலைமை
 
ஜனாதிபதி ஆட்சி முறையில் உள்ள நிறைவேற்று அதிகார வலிமையை மேலும் அதிகரித்து தனது குடும்ப ஆட்சி முறைகொண்ட ஓர் அரசியல் பாரம்பரியத்தை உருவாக்குவதற்காகச் செயற்பட்ட முன்னைய ஜனாதிபதி மகிந்த ராஜபக்சவைத் தோற்கடித்து நாட்டில் ஜனநாயகத்தையும், நல்லாட்சியையும் ஏற்படுத்துவதற்காகவே ஐக்கிய தேசிய கட்சியும் சிறிலங்கா சுதந்திரக்கட்சியும் இணைந்து 2015 ஆம் ஆண்டு பொதுத்தேர்தலில் போட்யிட்டு வெற்றியீட்டின.
 
இந்த நல்லாட்சி அரசாங்கத்திற்காக இரண்டு கட்சிகளுக்கும் இடையில் செய்து கொள்ளப்பட்ட ஒப்பந்தம் கடந்த டிசம்பர் மாதம் 31 ஆம் திகதியுடன் முடிவுக்கு வந்தது. இருப்பினும் இரண்டு கட்சிகளும் ஆட்சியில் தொடர்ந்து இணைந்திருக்கின்றன. நாட்டில் நல்லாட்சி அரசாங்கம் தொடர்ந்து அரசோச்ச வேண்டிய தேவையை இரண்டு கட்சிகளினதும் தலைவர்களும் உணர்ந்திருக்கின்றனர்.
 
எனினும், ஐக்கிய தேசிய கட்சி தனித்து ஆட்சியை நடத்த வேண்டும் என்று அந்தக் கட்சியின் முக்கிய உறுப்பினர்கள் பலர் முனைப்புடன் செயற்பட்டு வருவதைக் காணக் கூடியதாக உள்ளது. அதேபோன்று சிறிலங்கா சுதந்திரக் கட்சியினரிடமும் தனித்து ஆட்சியை நடத்த வேண்டும் என்ற அரசியல் முனைப்பு காணப்படுகின்றது.
 
இரண்டு ஆண்டுகால ஒப்பந்தத்துடன் உருவாக்கப்பட்ட நல்லாட்சி அரசாங்கத்தை இரண்டு கட்சிகளும் பல்வேறு தடைகள் முட்டுக்கட்டைகள் எதிர்ப்புகளுக்கு மத்தியிலும் முழுமையாகக் கொண்டு நடத்துவற்கான முயற்சிகளும் முன்னெடுக்கப்பட்டிருக்கின்றன. ஆயினும் இந்த அரசாங்கத்தின் ஆட்சிக்காலம் வரையிலும், இந்த முயற்சி வெற்றியளித்தாலும்கூட, அடுத்த பொதுத் தேர்தலில் இரண்டு கட்சிகளும் இணைந்து ஆட்சி அமைப்பதற்கான சாத்தியக்கூறுகள் காணப்படவில்லை. அதற்கான தேவை இருப்பதாகவும் தெரியவில்லை.
 
இத்தகைய ஒரு பின்னணியிலேயே பிணைமுறி விசாரணை அறிக்கை வெளிவந்து பிரதமர் ரணில் விக்கிரமசிங்கவை ஒரு சிக்கலான நிலைமைக்குள் தள்ளியிருக்கின்றது. பிணை முறி விவகாரத்தில் மத்திய வங்கியின் செயற்பாடுகள் ஊழல்கள் நிறைந்ததான தோற்றத்தை வெளிப்படுத்தியிருக்கின்றது. பிரதமர் ரணில் விக்கிரமசிங்கவுக்கு நெருங்கியவரும், அவரால் மத்திய வங்கியின் ஆளுனராக நியமிக்கப்பட்டவருமாகிய அர்ஜுன மகேந்திரன் இந்த விவகாரத்தில் பெருந் தொகையான நிதி மோசடியில் ஈடுபட்டிருந்ததாக விசாரணைக்குழு அறிக்கையில் தெரிவிக்கப்பட்டிருப்பதாக ஜனாதிபதி மைத்திரிபால சிறிசேன வெனியிட்டுள்ள அறிக்கையொன்றில் குறிப்பிட்டிருக்கின்றார்.
 
அத்துடன் பதவியில் இருந்து தூக்கி எறியப்பட்ட ஐக்கிய தேசிய கட்சியின் உபதலைவரும், முன்னாள் நிதி அமைச்சருமாகிய ரவி கருணாநாயக்கவும் இந்த விவகாரத்தில் பொய்ச்சாட்சியம் அளித்ததாகவும், நிதிமோசடிக்குத் துணைபோனதாகவும் பிணைமுறி விவகார விசாரணையில் தெரியவந்துள்ளதை அந்த அறிக்கையின் மூலம் ஜனாதிபதி வெளிப்படுத்தியிருந்தார்;. முன்னாள் நிதி அமைச்சர் ரவி கருணாநாயக்க ஐக்கிய தேசிய கட்சியின் முக்கிய பிரமுகர்களில் ஒருவர் என்பது குறிப்பிடத்தக்கது. அந்தக் கட்சியின் உப தலைவராக இருந்த அவரே, ஐக்கிய தேசிய கட்சியின் கொழும்பு மாநகரத் தலைவராகவும் மற்றும் வடகொழும்பு பிரதேசத்தின் ஐக்கிய தேசிய கட்சி அமைப்பாளராகவும் செயற்பட்டிருந்தார்.
 
ரவி கருணநாயக்க பிணை முறி விவகாரத்தில் தொடர்புபட்டிருந்தார் என்பது ஐக்கிய தேசிய கட்சிக்கு அரசியல் ரீதியாக ஏற்பட்டுள்ள களங்கமாகவும் அதன் செல்வாக்கைப் பாதிப்பதாகவும் அமைந்துள்ளது என்பது குறிப்பிடத்தக்கது.
 
அடுத்த பொதுத் தேர்தலின் முக்கியத்துவம்
 
அதேவேளை, பிரதமர் ரணில் விக்கிரமசிங்க, மத்திய வங்கியின் ஆளுனராக, தனக்கு வேண்டியவரும் நெருங்கியவருமாகிய அர்ஜுன மகேந்திரனை நியமித்தபோது, சிங்கப்பூர் குடியுரிமை பெற்ற ஒருவரை எவ்வாறு மத்திய வங்கியின் ஆளுனராக நியமிக்கலாம் என்ற சர்ச்சை எழுந்தது. அப்போது அவர் நல்லவர் அவரை நம்பலாம். நம்புங்கள். அவருக்கு நான் உத்தரவாதம் என பிரதமர் ரணில் விக்கிரமசிங்க உறுதியளித்திருந்தார். ஆனால் பிணைமுறி விவகார விசாரணை அறிக்கையில் அர்ஜுன மகேந்திரன் நிதிமோசடியில் ஈடுபட்டிருந்தார் என்று வெளிப்படுத்தப்பட்டிருப்பது பிரதமர் ரணில் விக்கிரமசிங்கவுக்கு அரசியல் ரீதியாக சிக்கலை ஏற்படுத்தியிருக்கின்றது.
 
பிணை முறி விவகார விசாரணை அறிக்கை ஜனாதிபதியிடம் கையளிக்கப்பட்டதையடுத்து, ஜனாதிபதி மைத்திரிபால சிறிசேனவுக்கும் பிரதமர் ரணில் விக்கிரமசிங்கவுக்கும் இடையிலான நெருக்கத்தில் இடைவெளி தோன்றியது. இதனையடுத்து, ஜனாதிபதியின் செயற்பாடுகள் பிரதமருக்குத் தெரியாத வகையில் இரகசியமாகக் கையாளப்பட்டமை குறித்து ஐக்கிய தேசிய கட்சியினர் கவலையும் கரிசனையும் கொண்டிருந்தனர். ஜனாதிபதியிடம் விசாரணை அறிக்கை கையளிக்கப்பட்டதையடுத்து, அது பிரதமருக்குக்கூட வெளிப்படுத்தப்படவில்லை. இது ஐக்கிய தேசிய கட்சிக்கு ஒரு சிக்கலான விடயமாக மாறியிருந்தது.
 
இத்தகைய ஒரு நிலையிலேயே, 6 வருடங்களுக்கு பதவியில் இருக்க முடியுமா என்று ஜனாதிபதி மைத்திரிபால சிறிசேன நீதிமன்றத்திடம் விளக்கம் கோரியிருந்தார். ஜனாதிபதியின் இந்த நடவடிக்கை அரசியல் ரீதியாக உள்நோக்கம் கொண்ட ஒரு செயற்பாடாகக் கருதிய ஐக்கிய தேசிய கட்சியின் முக்கிய தலைவர்கள் ஒன்றுகூடி நிலைமைகளை ஆராய்ந்திருக்கின்றனர்.
 
ஊழல்களை இல்லாமல் செய்வதும், ஊழல்களுக்கு இடமளிக்கப் போவதில்லை என்பதும் ஜனாதிபதி மைத்திரிபால சிறிசேனவின் நல்லாட்சி அரசாங்க உருவாக்கத்திற்கான முக்கிய  நோக்கங்களில் ஒன்று. பிணை முறி விவகாரத்தில் ஐக்கிய தேசிய கட்சி சார்ந்த முக்கியஸ்தர்கள் தொடர்புபட்டுள்ள பின்னணியில் அந்தக் கட்சியுடனான அரசியல் செயற்பாடுகளைக் கைவிட்டு, அடுத்த பொதுத் தேர்தலில் சிறிலங்கா சுதந்திரக் கட்சி தனித்து ஆட்சி அமைப்பதற்குரிய அத்திவாரமாகவே தனது பதவிக்காலத்தில் அடுத்த பொதுத் தேர்தலை நடத்த வேண்டும் என்ற நோக்கத்துடன் ஜனாதிபதி மைத்திரிபால சிறிசேன 6 வருட பதவி குறித்த சந்தேகத்திற்கு உச்ச நீதிமன்றத்திடம் விளக்கம் கோரியிருந்ததாக அரசியல் வட்டாரங்களில் கருதப்படுகின்றது.
 
கட்சி அரசியல் நலன் சார்ந்து, தனது பதவிக்காலம் குறித்து ஜனாதிபதி மைத்திரிபால சிறிசேன நீதிமன்றத்திடம் விளக்கம் கோரியிருந்ததாகக் கருதப்பட்டாலும்கூட, மறுபக்க அரசியல் தரப்பில் அவருடைய செயற்பாடு போற்றத்தக்கதாகக் கருதப்படுகின்றது. நல்லாட்சி அரசாங்கத்தை உருவாக்கிய ஜனாதிபதி மைத்திரிபால சிறிசேனவின் ஆட்சிக்காலத்தில் 3 வருடங்கள் கழிந்துவிட்டன. மிஞ்சியிருக்கின்ற காலம் எவ்வளவு என்பதை உறுதிப்படுத்திக் கொண்டு அதற்கேற்ற வகையில் தனது செயற்பாடுகளை முன்னெடுப்பதற்காக வெளிப்படையாக அவர் மேற்கொண்ட இந்த நடவடிக்கை பாராட்டுக்குரியதாகவே அந்தத் தரப்பினரால் நோக்கப்படுகின்றது.
 
பதவியில் இருக்கின்ற ஜனாதிபதி ஒருவர் தனக்கு ஏற்படுகின்ற சந்தேகம் குறித்து தெளிவு பெறுவதற்காக நீதிமன்றத்தை நாடுவது ஒன்றும் புதிதல்ல. முன்னாள் ஜனாதிபதி மகிந்த ராஜபக்ச இரண்டு வருடங்கள் முன்னதாகவே ஜனாதிபதி தேர்தலை நடத்துவதற்காக உச்ச நீதிமன்றத்தின் ஆலோசனையைப் பெற்றிருந்தார் என்பதை அந்தத் தரப்பினர் சுட்டிக்காட்டியிருக்கின்றார்கள் . அந்த வகையில் ஜனாதிபதி மைத்திரிபால சிறிசேன நீதிமன்றத்தின் உதவியை நாடியதென்பது இயல்பானதொரு நடவடிக்கை என்றே அவர்கள் சுட்டிக்காட்டுகின்றார்கள்.
 
வியாக்கியானம் என்ன?
 
கடந்த 2015 ஆம் ஆண்டு ஜனவரி மாதம் 8 ஆம் திகதி நடைபெற்ற ஜனாதிபதி தேர்தலில் வெற்றிபெற்ற மைத்திரிபால சிறிசேன மறுநாள் 9 ஆம் திகதி ஜனாதிபதியாகப் பதவிப் பிரமாணம் செய்து கொண்டார். இதனடிப்படையில் 6 வருடங்கள் பதவி வகிக்க முடியுமானால் அவர் 2021 ஜனவரி மாதம் வரையில் அதிகாரத்தில் இருக்க முடியும். ஆனால் நாடாளுமன்றத்தின் ஆயுட்காலம் ஐந்து வருடங்கள் மாத்திரமே என்பது குறிப்பிடத்தக்கது.
 
கடந்த 2015 ஆகஸ்ட் மாதம் நடைபெற்ற பொதுத்தேர்தலையடுத்து, அடுத்த பொதுத் தேர்தல் 2020 ஆம் ஆண்டு நடத்தப்பட வேண்டும். ஜனாதிபதியாக மைத்திரிபால சிறிசேன 6 வருடங்கள் பதவியில் இருக்க முடியுமானால், 2021 ஆம் ஆண்டு வரையில் அதிகாரத்தில் அவர் இருக்கும்போது அடுத்த பொதுத்தேர்தலை 2020 ஆம் ஆண்டு நடத்த முடியும். அவ்வாறு பதவியில் இருக்கும்போது நடத்தப்படும் தேர்தலில் அவருடைய கட்சி வெற்றி பெறுவதற்கான வாய்ப்பு அதிகம் என்பது இந்த நாட்டின் அரசியல் ரீதியான ஐதீகம்.
 
ஜனாதிபதியின் பதவிக்காலம் குறித்த நீதிமன்றத்தின் கேள்விக்கு சட்டமா அதிபர் ஜயந்த ஜயசூரிய 6 வருடங்கள் அவர் பதவியில் இருக்க முடியும் என தெரிவித்திருந்தார். ஜனாதிபதி மைத்திரிபால சிறிசேன 2015 ஆம் ஆண்டு ஜனவரி மாதம் 8 ஆம் திகதி,  6 வருடங்களுக்கு ஜனாதிபதியாக மக்களால் தெரிவு செய்யப்பட்டிருந்தார். அவருடைய பதவிக்காலத்தில் மாற்றம் செய்வது என்பது அவரைத் தெரிவு செய்த மக்களுடைய இறைமையை மீறுகின்ற ஒரு செயலாகும் என அவர் வாதிட்டிருந்தார்.
 
ஆனால் அரசியலமைப்பின் 19 ஆவது திருத்தச் சட்டம் ஜனாதிபதியின் பதவிக்காலம் 5 வருடங்கள் என்றே வரையறுத்திருக்கின்றது. அது குறித்து சட்ட வாதம் செய்த சட்டமா அதிபர் 19 ஆவது திருத்தச் சட்டத்தில் சுயபரிசோதனை நடவடிக்கைகளை மேற்கொள்ளலாம் என்ற விதப்புரைகளோ அல்லது சட்டவிதிகளோ அதில் உள்ளடக்கப்படவில்லை. சுயபரிசோதனைச் செயற்பாடுகளை உள்ளடக்கி அரசியலமைப்பில் திருத்தங்கள் செய்யப்படுவதில்லை என சுட்டிக்காட்டியிருந்தார்.
 
இருப்பினும் ஜனாதிபதியின் பதவிக்காலம் 5 வருடங்கள் என்றே உச்ச நீதிமன்றம் நீதியரசர் பிரியசத் டெப் தலைமையில் நீதியரசர்கள் இவா வணசுந்தர, புவனிக்கா அலுவிஹார, சிசிர டி அப்று, கே.சித்திரசிறி ஆகிய ஐவர் அடங்கிய நீதியரசர் குழுhமை உள்ளடக்கிய அமர்வின் பின்னர் தெரிவித்திருக்கின்றது.
 
ஜனாதிபதியின் ஆட்சிக் காலத்தை 5 வருடங்களாகக் குறைப்பதற்காக நல்லாட்சி அரசாங்கத்தினால் கடந்த 2015 ஆம் ஆண்டு ஏப்ரல் 22 ஆம் திகதி கொண்டு வரப்பட்ட 19 ஆவது அரசியலமைப்பு திருத்தச் சட்டத்தில் ஜனாதிபதி மைத்திரிபால சிறிசேன எழுப்பியுள்ள கேள்விக்குப் பதிலளிக்கும் வகையில் விளக்கமளிக்கப்பட்டுள்ளது. இந்தச் சட்டத்தில் செய்யப்படுகின்ற திருத்தம் தொடர்பில் எழும் சந்தேங்களை நிவர்த்திப்பதற்காக பின்வருமாறு பிரகடனப்படுத்தப்படுகின்றது. ஜனாதிபதியாகவும் பிரதமராகவும் 2015 ஏப்ரல் 22 ஆம் திகதிக்கு முந்திய தினத்தன்று, பதவி வகிப்பவர்கள், இந்த திருத்தச் சட்டத்தில் செய்யப்படுகின்ற சட்டவிதிகளுக்கு அமைய இந்தத் திகதிக்குப் பின்னரும் தொடர்ந்து பதவி வகிப்பார்கள் என தெரிவித்துள்ளது.
 
இந்த விடயம் மாற்றுக்கொள்கைக்கான நிலையம் போன்ற அரசியல் மற்றும் அரசியலமைப்பு விடயங்கள் தொடர்பாக பொதுமக்களுக்கு விளக்கமளிக்கும் பணிகளை மேற்கொண்டுள்ள நிறுவனங்களினால் சுட்டிக்காட்டப்பட்டிருக்கின்றது என்பதும் குறிப்பிடத்தக்கது.
 
எனவே, 19 ஆவது திருத்தச் சட்டத்தின் அடிப்படையில் உச்ச நீதிமன்றம் தனது வியாக்கியானத்தை ஜனாதிபதிக்கு வெளிப்படுத்தி, அவர் ஐந்து வருடங்கள் மாத்திரமே பதவியில் இருக்க முடியும் என்பதை கூறியிருக்கின்றது.
 
ஆயினும் ஜனாதிபதியின் 5 வருட பதவிக்காலம் என்பது இரண்டு முக்கிய கட்சிகள் ஒன்றிணைந்து அமைத்துள்ள நல்லாட்சி அரசாங்கத்தின் அடுத்த கட்டச் செயற்பாடுகள் என்னவாக இருக்கும், என்பது குறித்து பல கேள்விகளையும் சந்தேகங்களையும் எழுப்பியிருக்கின்றது என்றே கூற வேண்டும்.

http://globaltamilnews.net/2018/61917/

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

    • இலங்கை இராணுவம் பலவீனமாக்கப்பட்டு, இலங்கையரசு செயலிழந்துபோவதை இந்தியா ஒருபோதும் அனுமதிக்காது - போராளித் தலைவர்களிடம் விளக்கிய ரோ அதிகாரி    இந்தியாவின் இலங்கைக்கு ஆதரவான நிலைப்பாடு போராளித் தலைவர்களைச் சினங்கொள்ள வைத்திருந்தது. இந்தியாவுக்கும் இலங்கைக்கும் இடையே ஏற்பட்டிருந்த இந்த இணக்கப்பாடு இலங்கையைப் பொறுத்தவரையில் ஒரு வெற்றியென்று போராளிகள் கருதினர்.  ஊடகங்களுடன் பேசிய பாலசிங்கம், "நாம் யுத்த நிறுத்தத்திற்கு இணங்கவேண்டுமென்றால், இலங்கை அரசாங்கம் நாம் முன்வைக்கும் நிபந்தனைகளை ஏற்றுக்கொள்ளவேண்டும். வடக்கு கிழக்கு மாகாணங்களில் செயற்பட்டுவரும் தமது இராணுவத்தினரை அவர்களது முகாம்களுக்குள் முடக்க வேண்டும். எமது பிரதேசங்களில் சில பகுதிகளில் ஏற்படுத்தப்பட்டிருக்கும் சுதந்திரமான மக்கள் நடமாட்டத்திற்கான தடையினை அவர்கள் நீக்க வேண்டும். தடைசெய்யப்பட்ட பிரதேசங்கள் என்று அவர்களால் அறிவிக்கப்பட்ட பகுதிகளை விடுவிப்பதோடு, சகட்டுமேனிக் கைதுகளையும் அவர்கள் நிறுத்திக்கொள்ள வேண்டும்" என்று கோரிக்கை விடுத்தார்.  தொடர்ந்து பேசிய பாலசிங்கம், தென்பகுதி எதிர்க்கட்சிகளினதும், பெளத்த பிக்குகளினதும் அனுமதியுடன் உருவாக்கப்பட்ட அரசியல்த் தீர்வினையே அரசாங்கம் பேச்சுவார்த்தை மேசையில் முன்வைக்க வேண்டும் என்றும் கூறினார். பிரபாகரனுடன் அன்டன் மற்றும் அடேல் பாலசிங்கம் இலங்கையரசாங்கம் தனது இராணுவத்தினருக்கான கால அவகாசத்தை வழங்கவே பேச்சுவார்த்தையில் ஈடுபடுவதாகக் கூறுகின்றது என்பதை ஈழத் தேசிய விடுதலை முன்னணியின் தலைவர்கள் உணர்ந்துகொண்டுள்ளார்கள் என்றும் பாலசிங்கம் கூறினார். "சிங்கள மக்களைப் பாதுகாக்கத் தவறியிருக்கும் ஜெயவர்த்தன அரசின் கையாலாகாத் தனத்தை பார்க்கத் தவறியிருக்கும் சிங்கள மக்கள் ஏமாற்றப்பட்டிருக்கிறார்கள். இச்சந்தர்ப்பத்தைப் பாவித்து தனது பதவியைப் பலப்படுத்திக்கொள்ளவும், தனது இராணுவத்தைப் பலப்படுத்திக்கொள்ளவும் ஜெயார் முயல்கிறார். இது ஒரு பொறி" என்றும் அவர் கூறினார். தமிழீழ விடுதலைப் போராளிகள் கொண்டிருந்த நிலைப்பாடு சரியென்பதை எதிர்க்கட்சித் தலைவியாகவிருந்த சிறிமாவின் கூற்றும் உறுதிப்படுத்தியிருந்தது. சிங்கள பெளத்தர்களின் புனித நகரான அநுராதபுரத்தையும், திருகோணமலையில் வசிக்கும் சிங்களவர்களையும் பாதுகாக்கத் தவறியமைக்காக அரசாங்கத்தை சிறிமா கடுமையாக விமர்சித்திருந்தார். அரசியல் தீர்விற்கான ஆதரவினை தனது கட்சி வழங்கும், ஆனால் அவர்கள் கேட்பவை எல்லாவற்றையும் வழங்க நாம் அனுமதிக்கமாட்டோம் என்றும் அவர் கூறினார். சிங்கள மக்களிடையே ஒருமித்த கருத்துருவாக்கத்தை ஏற்படுத்துவதற்குப் பதிலாக, சிங்களவரிடையே மேலும் பிளவினை உருவாக்க நினைத்த அவர், சிறிமாவின் சிவில் உரிமைகளை இரத்துச் செய்ததுடன், பாராளுமன்ற நடவடிக்கைகளிலிருந்தும் அவரை தடைசெய்தார். ஜெயாரின் இந்த நடவடிக்கைகளால் சிறிமா சிங்கள‌ தீவிரவாத பெளத்த பிக்குகளை நோக்கித் தள்ளப்பட்டார். சிறிமாவை தீவிரவாத சிங்கள பெளத்தர்களை நோக்கித் தள்ளி, அரசிற்கெதிரான நிலைப்பாட்டினை எடுக்கவைத்து, உள்நாட்டில் சமாதானப் பேச்சுக்களுக்கு எதிரான சிங்களவர்களினதும், பெளாத்த மகாசங்கத்தினதும் எதிர்ப்பு தீவிரமடைந்து வருவதாகக் கூறி,  ரஜீவ் காந்தி கேட்டுக்கொண்ட மாகாண சபை அலகை தன்னால் தரமுடியாது என்றும், மாவட்ட சபையே தன்னால் வழங்க இயலுமான அதிகப‌ட்ச  அதிகார அலகு என்றும் இந்தியாவிற்கும், சர்வதேசத்திற்கும் ஜெயார் அறிவித்தார்.  சிங்களக் கட்சிகளில் எது ஆட்சியில் இருந்தாலும்,  தமிழர்களுக்கான தீர்வென்று வரும்போது, ஆளும்கட்சி கொண்டுவருவதை எதிர்க்கட்சி எதிர்ப்பதென்பது, தமிழர்களுக்கான தீர்வினை வழங்குவதைத் தவிர்க்கும் தந்திரம் என்பதைத் தமிழ் மக்கள் 50 களிலிருந்தே கண்டுவருகின்றனர்.அதனாலேயே, சிங்கள மக்களின் ஆதரவு அரசியல்த் தீர்வு விடயத்தில் நிச்சயம் இருக்கவேண்டும் என்பதனை ஈழத்தேசிய விடுதலை முன்னணியினர் ஒரு நிபந்தனையாக முன்வைத்தனர். சிங்களத் தலைவர்களின் தந்திரத்தை நன்கு அறிந்து வைத்திருந்த பிரபாகரன், சிங்கள மக்களின் ஆதரவின்றி கொண்டுவரப்படும் எந்தத் தீர்வும் இறுதியில் தூக்கியெறியப்பட்டுவிடும் என்பதால், சிங்களத் தலைவர்களின் தந்திரத்தினை முடக்க, சிங்கள மக்களின் ஆதரவு நிச்சயம் தேவை என்பதை இந்திய அதிகாரிகளிடம் வலியுறுத்தினார்.    ஈழத் தேசிய விடுதலை முன்னணியினரின் கூட்டத்தின் பின்னரே பாலசிங்கம் பத்திரிக்கையாளர்களிடம் பேசியிருந்தார். தில்லியில் ரஜீவிற்கும், ஜெயாரிற்கும் இடையே செய்துகொள்ளப்பட்ட ஒப்பந்தம் குறித்துப் பேசுவதற்காக ஆனி 4 ஆம் திகதி ஈழத்தேசிய விடுதலை முன்னணியினர் சந்திப்பொன்றினை நடத்தியிருந்தனர். அங்கு பேசிய பிரபாகரன், ஜெயவர்த்தன விரித்த வலையில் ரஜீவ் காந்தியும், பண்டாரியும் முற்றாக வீழ்ந்துவிட்டனர் என்று கூறினார். "தமிழர்களின் சுதந்திர விடுதலைப் போராட்டத்தை அழித்துவிட கிழவன் (ஜெயவர்த்தன)  உறுதிபூண்டிருக்கிறான். இந்தியாவிற்கும் எமக்கும் இடையே ஆப்பொன்றினைச் சொருகுவதன் மூலம் இதனைச் செய்யலாம் என்று அவன் எண்ணுகிறான். நாம் இதனை அனுமதிக்கக் கூடாது" என்று கூறினார். ஜெயாரின் தந்திரத்தை உடைக்க போராளிகளும் தமது பாணியில் ஒரு திட்டத்தினை வகுத்தனர். அதன்படி இந்திய அரசியல்வாதிகளிடமிருந்து, இந்திய உளவுத்துறை அதிகாரிகளிடமிருந்தும் மேலதிக தகவல்களும், அறிவித்தல்களும் வரும்வரை காத்திருப்பது என்று முடிவெடுத்தனர். யுத்த நிறுத்தம் தொடர்பாக தமக்கிடையே ஒருமித்த இணக்கப்பாடு ஒன்றினை ஏற்படுத்தி அதன்படி அனைத்து அமைப்புக்களும் நடப்பதென்று அவர்கள் தீர்மானித்தனர். ஆனி 18 ஆம் திகதி, தனது அமெரிக்க, ரஸ்ஸிய விஜயத்தினை வெற்றிகரமாக  முடித்துக்கொண்டு நாடு திரும்பவிருக்கும் ரஜீவ் காந்தியின் தலையில் இலங்கையில் நடக்கவிருக்கும் யுத்தநிறுத்தம் தொடர்பான விடயங்களைச் சுமத்துவது குறித்து பண்டாரியும், ஏனைய அதிகாரிகளும் தயக்கம் காட்டினர். மேலும், அதற்கு முன்னர் யுத்தநிறுத்தம் தொடர்பான தனது நிலைப்பாட்டினை மேலும் பலப்படுத்த பண்டாரியும் விரும்பியிருந்தார்.  தமிழ்ப் போராளிகளுடன் இக்காலத்தில் தொடர்புகொண்டிருந்த ரோ அதிகாரியான சந்திரசேகரன், இந்தியாவின் திட்டத்திற்கு அமைய போராளிகளை பணியவைப்பதில் தீவிரமாக ஈடுபட்டிருந்தார். ஆனி 5 ஆம் திகதி, சந்திரசேகரன் போராளிகளின் தலைவர்களை சென்னையில் சந்தித்தார். பிரபாகரன், சிறீசபாரட்ணம், பாலகுமார், பத்மநாபா ஆகியோருடன் இன்னும் சில போராளிகளும் இதில் பங்குபற்றினர். சந்திரசேகரனைச் சந்தித்த போராளித் தலைவர்களின் அமைப்பின் தலைமைப்பொறுப்பை பிரபாகரனே எடுத்திருந்தார். யுத்த நிறுத்தம் மூலம் தமிழ்ப் போராளிகளுக்குப் பாதகமான நிலைமையே ஏற்படும் என்று அவர் கூறினார். ஏனெனில், இராணுவத்தினரை அவர்களது முகாம்களுக்குள் முடக்கும் நடவடிக்கைகளில் போராளிகள் தீவிரமாக அப்போது ஈடுபட்டிருந்தார்கள். இந்த முயற்சியில் வெற்றிபெறும் நிலையினை அவர்கள் எட்டவிருந்தார்கள். ஜெயவர்த்தனவும், இராணுவ தளபதிகளும் இதனை நன்கு அறிந்தே வைத்திருந்தனர். சுமார் ஒரு வாரகாலத்திற்கு முன்னதாக, வடமாகாண இராணுவத் தளபதி ஹமில்ட்டன் வணசிங்க வெளிநாட்டுச் செய்தியாளர் ஒருவருக்கு வழங்கிய செவ்வியயினை மேற்கோள் காட்டிப் பேசினார் பிரபாகரன்.  ஜெயார் காலத்து போர்க்குற்றவாளி  - ஜெனரல் ஹமில்ட்டன் வணசிங்க வணசிங்க தனது செவ்வியில், "பயங்கரவாதிகள் முன்னரை விடவும் துணிவாகப் போராடுகிறார்கள். எமக்கெதிரான தாக்குதல்களின்போது பல அமைப்புக்கள் ஒன்றாக இணைந்து வந்து மோதுகிறார்கள். வீதிகளில் கண்ணிகளைப் புதைத்து வைக்கிறார்கள். வீதிகள் ஒவ்வொன்றையும் சல்லடை போட்டுத் தேடியபின்னரே இராணுவத்தினரால் நடமாட முடிகிறது. அவர்களைச் சமாளிப்பதே கடுமையாக இப்போது இருக்கிறது" என்று கூறியிருந்தார்.  வணசிங்கவின் கருத்தினை அடிப்படையாக வைத்தே பிரபாகரன் பேசியிருந்தார். "எம்மால் எமது இலக்குகளை விரைவில் அடைந்துகொள்ள முடியும். நாம் அதனைச் செய்யுமிடத்து, இலங்கையரசின் நிலை பலவீனமாகிவிடும். அதனைத் தடுக்கவே யுத்தநிறுத்ததினை ஜெயவர்த்தன கோருகிறார்" என்று அவர் வாதிட்டார். "யுத்த நிறுத்தத்தினைப் பயன்படுத்தி இராணுவம் தம்மை மீள் ஒருங்கிணைக்கவும், ஆயுதங்களைப் பெருக்கிக் கொள்ளவும், தமது போரிடும் திறணைப் புதுப்பித்துக் கொள்ளவும் முயலப்போகிறது. மேலும், யுத்த நிறுத்தம் போராளிகளிடையே போரிடும் திறணைக் குலைத்துவிடும். இலங்கை இராணுவத்திற்கெதிரான செயற்பாடுகளில் போராளிகளின் கை ஓங்கியிருக்கிறது. இந்த நிலையில் அவர்களை போரிடுவதை நிறுத்துங்கள் என்று கேட்பதன் மூலம் அவர்களை விரக்தியடைய வைக்கப்போகிறோம்" என்றும் அவர் கூறினார். ஆனால், வழமையாக தமிழ்ப் போராளிகளின் கருத்துக்களைச் செவிமடுத்துவரும் சந்திரசேகரன், அன்றோ, பிரபாகரனின் வாதங்களை கேட்கும் மனோநிலையில் இருக்கவில்லை என்று போரும் சமாதானமும் எனும் தனது புத்தகத்தில் பாலசிங்கம் எழுதுகிறார். யுத்த நிறுத்தத்தினை எப்படியாவது நடைமுறைப்படுத்தவேண்டும் என்று விடாப்பிடியாகப் பேசிய சந்திரசேகரன், போராளிகளை யுத்தநிறுத்தத்தம் ஒன்றிற்குள் கொண்டுவரும் இந்தியாவின் முயற்சியின் பின்னால் இருக்கும் காரணத்தையும் விளக்கினார். இதுகுறித்து பாலசிங்கம் இவ்வாறு கூறுகிறார்,  "இலங்கை இராணுவத்தினர் மீது மிகக்கடுமையான இழப்புக்களை நீங்கள் ஏற்படுத்தி விட்டிருக்கிறீர்கள். இதற்குமேலும் நீங்கள் இராணுவத்தின் மீது தாக்குதல் நடத்தினால், அது இலங்கையரசைப் பலவீனப்படுத்திவிடும். இலங்கையரசு பலவீனப்பட்டு, செயலிழப்பதை இந்தியா ஒருபோது அனுமதிக்காது" என்று சந்திரசேகரன் போராளிகளின் தலைவர்களிடம் கூறியிருக்கிறார். (2000 இல் ஆனையிறவு கைப்பற்றப்பட்டு, புலிகள் யாழ்நகர் நோக்கி முன்னேறும்போது இந்தியா தலையிட்டு அம்முன்னேற்றத்தைத் தடுத்து நிறுத்தியதாகக் கூறப்பட்டது. மேலும், பலாலியில் இருக்கும் இராணுவத்தினரைப் பாதுகாக்கவும், தேவைப்படின் அவர்களைப் பத்திரமாக கொழும்பிற்கு அழைத்துவரவும் அது முன்வந்திருந்தது. அதுமட்டுமல்லாமல், இலங்கைக் கடற்படைக் கப்பல்கள் தமது கடற்பாதையினை இந்தியக் கடற்பகுதியூடாகவே நடத்தியும் வந்தனர் என்பதும் குறிப்பிடத் தக்கது). அன்றிருந்த இந்தியாவின் வெளியுறவுக் கொள்கையென்பது, ஜெயவர்த்தனவைப் பலவீனப்படுத்தி தனது விருப்பத்திற்கேற்ப ஒழுகப் பண்ணுவதேயன்றி, அரசை செயலிழக்கப்பண்ணுவதல்ல. இலங்கையரசு செயலிழந்துபோனால், இந்தியாவின் நலன்களுக்கெதிரான சக்திகள் இலங்கைக்குள் நுழைந்துவிடும், அது இந்தியாவின் நலன்களையும், பாதுகாப்பையும் வெகுவாகப் பாதிக்கும் என்று இந்திய அதிகாரிகள் தொடர்ச்சியாகக் கூறி வந்தார்கள். தமிழரின் விடுதலைப் போராட்டத்தின்மீது இந்தியா கட்டுப்பாடுகளை விதிப்பதை விளக்கிய சந்திரசேகரன், போராளித் தலைவர்கள் இதன்போது அதிருப்தியடைவதையும் கண்டுகொண்டார். ஆகவே , சூழ்நிலையினைத் தணிக்கும் விதமாக ஒரு விடயத்தைக் கூறினார். அதுதான், ரஜீவும், பண்டாரியும் ஜெயவர்த்தன மீது  கடுமையாக அழுத்தம் கொடுத்து, அவர் போராளித் தலைவர்களுடன் நேரடியாகப் பேசுவதற்கு இணக்கவைத்திருக்கிறார்கள் என்று கூறினார்.  அதாவது, தமிழ் மக்களின் பிரதிநிதிகள் என்கிற தகைமையினை பேச்சுவார்த்தையில் இந்தியா போராளிகளுக்குப் பெற்றுக்கொடுத்திருக்கிறது என்று சந்திரசேகரன் கூறினார். "உங்களுக்கான அங்கீகாரத்தை நாம் பெற்றுத்தந்திருக்கிறோம் " என்று அவர்களைப் பார்த்து சந்திரசேகரன் கூறினார்.  யுத்தநிறுத்தத்திற்கு எப்படியாவது சம்மதியுங்கள் என்று போராளிகளைத் தலைவர்களுடன் கெஞ்சிய சந்திரசேகரன், பேச்சுவார்த்தைகளில் ஏற்றுக்கொள்ளப்படும் விடயங்களை ஜெயவர்த்தன நிறைவேற்ற மறுக்கும் தறுவாயில், இந்தியா நிச்சயமாகப் போராளிகளுக்கு மீண்டும் உதவும் என்றும் உறுதியளித்தார்.
    • கந்தையர் எப்பவும் முதல்வர் பதவியிலைதான் கண்ணும் கருத்துமாய் திரியுறார்....ஏதாவது புதிசாய் யோசியுங்கப்பா 🤣
    • இந்தக் காலத்திலை கலியாணம் பேசிச்செய்யிறதை விட பேஸ்புக்கிலை ஆரையாவது பாத்து புடிக்கிறது சுகம் 😂
    • இப்போது உள்ள‌ சூழ‌லில் ஈழ‌ உண‌ர்வு ம‌ன‌சில் இருக்க‌னும் அதை ஊரில் வெளிக் காட்டினால் அடுத்த‌ க‌ன‌மே ஆப்பு வைப்பாங்க‌ள்   ஊரில் ந‌ட‌க்கும் மாவீர‌ நாளுக்கு இன்னும் அதிக‌ ம‌க்க‌ள் க‌ல‌ந்து கொள்ளுபின‌ம் ஆனால் பின்விலைவுக‌ளை நினைச்சு வீட்டிலையே மாவீர‌ர் ப‌ட‌த்துக்கு பூ வைச்சு வில‌க்கு ஏற்றி விட்டு ம‌ன‌சில் இருக்கும் க‌வ‌லைக‌ளை க‌ண்ணீரால் போக்கி விட்டு அந்த‌ நாள் அதோடையே போய் விடும்   பெத்த‌ தாய் மாருக்கு தான் பிள்ளைக‌ளின் பாச‌ம் நேச‌ம் அன்பு ம‌ழ‌லையில் இருந்து வ‌ள‌ந்த‌ நினைவுக‌ள் தாய் மாரின் ம‌ன‌சை போட்டு வாட்டி எடுக்கும் என்ன‌ செய்வ‌து 2009க‌ளில் இழ‌க்க‌ கூடாத‌ எல்லாத்தையும் இழ‌ந்து விட்டோம்😞..............................
  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 20 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 7 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 46 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.