Jump to content

உணவு ஸ்கேனர், டிஜிட்டல் ஷவர், டிரான்ஸ்லேட்டர்... 2018-ன் டெக் புதுவரவுகள்! #CES2018


Recommended Posts

உணவு ஸ்கேனர், டிஜிட்டல் ஷவர், டிரான்ஸ்லேட்டர்... 2018-ன் டெக் புதுவரவுகள்! #CES2018

 
 

ருட்டு.

மின்சாரம் இல்லை.

 

வெளியில் மழை இரண்டு மணி நேரம் விடாமல் பெய்ததால், ஷார்ட் சர்க்யூட் ஏற்பட்டு அந்த அரங்கம் முழுவதும் வெளிச்சமின்றி தவித்தது. ஜன்னல் வழியாகச் சிக்கனமாக வந்த வெளிச்சத்தை வைத்துக் குழுமியிருந்த பெருநிறுவனங்களின் எலெக்ட்ரானிக்ஸ் பொருள்களை சரியாகக் காட்சிப்படுத்த முடியவில்லை. மக்கள் மட்டும் அரங்கம் எங்கும் நடக்க பேட்டரியால் இயங்கும் வழிகாட்டிகள் பொருத்தப்பட்டிருந்ததால் சிரமம் இன்றி சுற்றிவந்தனர். இந்தச் சம்பவம், அமெரிக்கா போன்ற ஒரு வளர்ந்த நாட்டில், இருட்டிலும் ஓய்ந்து விடாத லாஸ் வேகாஸ் நகரத்தில், ஒரு மாபெரும் எலெக்ட்ரானிக்ஸ் கண்காட்சியில் நடந்துவிட, அந்தக் கண்காட்சியில் அறிமுகப்படுத்தப்பட்ட நவீன தொழில்நுட்பங்களை எல்லாம் ஓரங்கட்டிவிட்டு, இது ஒரு பரபரப்புப் செய்தியாகிப் போனது. உலகின் மிகப் பெரிய எலெக்ட்ரானிக்ஸ் வர்த்தக கண்காட்சி அமெரிக்காவின் லாஸ் வேகாஸ் நகரில் ஜனவரி 9-ம் தேதி முதல் நடைபெற்றுவருகிறது. உலக அரங்கில் ஒரு மேடை, நான்கு திசைகளில் இருந்தும் மக்கள் வருவார்கள். இந்தக் காரணங்கள் போதாதா? முன்னணி டெக் ஜாம்பவான்கள் அனைவரும் தங்களிடம் உள்ள அதி நவீன தொழில்நுட்பத்தை மக்களுக்கு அறிமுகப்படுத்த இதைவிட ஒரு சிறந்த மேடை கிடைக்காது என்று தங்கள் தளவாடங்களுடன் களம் இறங்கிவிட்டனர். அப்படி அறிமுகப்படுத்தப்பட்ட சில நவீன தொழிநுட்பங்கள் உங்கள் பார்வைக்கு…

Lenovo Smart Display

லெனோவா ஸ்மார்ட் டிஸ்ப்ளே டெக்னாலஜி

லெனோவா நிறுவனம் அறிமுகப்படுத்தியுள்ள இந்த ஸ்மார்ட் டிஸ்பிளே ஒரு ஹோம் அசிஸ்டன்ட். தற்போது இருக்கும் ஹோம் அசிஸ்டன்ட்களை எல்லாம் ஓரங்கட்டும் வகையில், பல அட்டகாசமான அம்சங்கள் இடம்பெற்றுள்ளன. கூகுள் அசிஸ்டன்ட் கொண்டு செயல்படும் இதை எழுப்ப “ஹே கூகுள்!” என்று அழைத்தால் போதும். அமேசான் எக்கோ ஷோ (Amazon Echo Show) கேட்ஜெட்டைவிட அசுர பாய்ச்சலில், துரிதமாகச் செயல்படும் இதைக் கொண்டு காபி தயாரிக்கச் சொல்லலாம், குழந்தைகளை எழுப்பச் சொல்லலாம், போக்குவரத்து நெரிசல், வானிலை குறித்த தகவல்களைப் பெறலாம், அலாரம், ரிமைண்டர்கள் வைக்கலாம், வீடியோ மற்றும் ஆடியோ கால் கூடச் செய்யலாம். பிரைவசிக்காக, அவசியமில்லாத நேரத்தில் இது எதையும் ரெகார்ட் செய்துவிடக் கூடாது என்பதற்காக, முழுவதும் செயல்படாமல் இருக்கக் கூடுதலாக ஒரு சுவிட்ச் சேர்த்திருக்கிறார்கள். அப்போது நீங்கள் “ஹே கூகுள்!” சொன்னால்கூட செயல்படாது. கேமரா கூட ஆன் ஆகாது.

விலை:

10.1 அங்குல டிஸ்பிளே - $249,

8 அங்குல டிஸ்பிளே - $199

Travis the Translator

Travis the Translator

ஆம், சரிதான். இது கூகுள் ட்ரான்ஸ்லேட்டரின் கேட்ஜெட் வெர்ஷன். ஒரு ஃபிலிப் அளவே இருக்கும் இது சிம் கார்டு மற்றும் வைஃபை கனெக்ஷன் இருந்தால் போதும். 80 மொழிகள் வரை ரியல் டைமில் மொழிபெயர்த்துத் தருகிறது. இன்டர்நெட் கனெக்ஷன் இல்லையென்றால் கூட 20 மொழிகளை மொழிபெயர்க்கும் திறன்கொண்டதாய் இருக்கிறது. இதன் டச்பேடில் இரண்டு மொழிகளைத் தேர்ந்தெடுத்தவுடன், அதில் ஏதேனும் ஒரு மொழியில் நீங்கள் பேச வேண்டும். உதாரணமாக நீங்கள் யாரோ ஒருவருடன் ஆங்கிலத்தில் பேச வேண்டும் என்றால், நீங்கள் தமிழில் பேசியதை அது மொழிபெயர்க்கும். அதை அவர்களுக்குப் பேசியும் காட்டும். பின்பு அவர் ஆங்கிலத்தில் பதிலளிப்பதையும் பதிவுசெய்து அதை உங்களுக்குத் தமிழிலும் மொழிபெயர்த்துக் கொடுக்கும்.

விலை: $199

Dreamlight Sleep Mask

photo credit: Engadget

Dreamlight Sleep Mask

நமக்கு இது நிச்சயம் ஒரு வித்தியாசமான ஒன்றாகத்தான் தோன்றும். ஆமாம், நம்மைத் தூங்க வைக்க ஒரு LED மாஸ்க். இதைக் கண்களில் மாட்டிக்கொண்டால், பாதி முகத்தை மறைத்து விடுகிறது. இப்போது உங்கள் கண்களுக்கு முன் ஆரஞ்சு நிற LED பல்பின் வெளிச்சம் மட்டும் ஆட்டம் காட்டும். இந்த மாஸ்க்கை அணிந்துகொண்டால் ஒளிரும் வெளிச்சத்தில் உறக்கம் தானாக வந்துவிடும் என்கிறது இந்த நிறுவனம்.

விலை: $100

LinkSquare

அடிக்கடி உங்களுக்கு ஃபுட் பாய்சன் ஆகிவிடுகிறதா? இந்த கேட்ஜெட் உங்களுக்கு நிச்சயம் உதவும். ஒரு மார்க்கர் பேனா அளவே இருக்கும் இந்தச் சாதனத்தைக் கொண்டு சாப்பிடும் பொருள்களை ஸ்கேன் செய்யலாம். மாமிசம் கெட்டுப் போய்விட்டதா? பாக்டீரியாக்கள் உணவில் குடியேறிவிட்டனவா? இந்த மதுபானம் அசலானது தானா? - இப்படி பல கேள்விகளுக்கு இது நொடியில் பதில் தருகிறது. உணவு என்று மட்டுமல்ல, ஒரு மாத்திரை சரியானதுதானா? இந்தப் பணம் கள்ள நோட்டா? என்றெல்லாம்கூட இது ஆராய்ந்து சொல்லும் என்கிறார்கள். உங்கள் ஸ்மார்ட்போனிலிருக்கும் ஓர் ஆப்புடன் சேர்ந்து செயல்படும் இது, பலருக்கு மிகவும் பயனுள்ளதாக இருக்கும்.

விலை: $299

Moen's bathroom technology

Our most innovative shower is now compatible with Amazon Alexa. Check out U By Moen at #KBIS2018 (or #CES2018) to learn more. #smarthome pic.twitter.com/PlpKsNPiCW

— Moen (@moen) January 8, 2018

பாத்ரூமுக்கும் கொண்டு வந்துவிட்டார்கள் ஒரு அதி நவீன கேட்ஜெட்டை! குளியலறையில் சுவரில் இருக்கும் கண்ணாடி, டிஜிட்டல் தொழில்நுட்பத்தில் இயங்கும் ஷவர், இந்த இரண்டும் சேர்ந்ததுதான் இந்த பாத்ரூம் டெக்னாலஜி. இதனுடன் வரும் கண்ணாடி உள்ளிருந்து ஒளிரும் லைட்டுடன் வருகிறது. செய்யும் வேலைக்கு ஏற்ப, இந்தக் கண்ணாடியின் வெளிச்சத்தை வெறும் கட்டளைகள் கொடுத்துக் கட்டுப்படுத்திக் கொள்ளலாம். உதாரணமாக, ஷேவிங் போன்ற வேலைகளுக்கு மிதமான வெளிச்சம், ட்ரிம் செய்யும்போது அதீத மற்றும் அடர்த்தியான வெளிச்சம் என்று தேவைக்கேற்ப அதுவே மாற்றிக்கொள்ளும். நாம் கட்டளைகள் கொடுத்தால் போதுமானது. டிஜிட்டல் ஷவர் தொழில்நுட்பம் என்பதால், “98 டிகிரியில் சுடுதண்ணீர் வேண்டும்” என்று கட்டளை கொடுத்தால் போதும், அதை உடனே செய்து காட்டும். தண்ணீர் சூடாகும் வரை காத்திருக்க வேண்டிய அவசியமில்லை. மின்சார செலவும் மிச்சமாகும் என்கிறார்கள்.

விலை: $1,200

இது வெறும் சாம்பிள்தான். தானாக இயங்கும் கார்கள், 8K தொலைக்காட்சிகள், ரோபோ உதவியாளர்கள் என்று மொத்தம் 4000 நிறுவனங்கள் தங்கள் புது வரவுகளை அடுக்கியிருக்கின்றன. இதில் பல கேட்ஜெட்கள் வெறும் ப்ரோட்டோடைப் (மாதிரிகள்) மட்டுமே. நிறைய பொருள்கள் ஆராய்ச்சி நிலையில் இருப்பவை, சந்தைக்கே வருமா என்பதும் தெரியாது. நிறுவனங்கள் தங்கள் முத்திரையைப் பதிக்க, விளம்பரதாரர்களைக் கவர இது வருடா வருடம் நடக்கும் நிகழ்வுதான் என்றாலும் பின்னாளில் வரப்போகும் பல அதிசய தொழில்நுட்பங்களை இப்போதே இங்கு கண்டு ரசிக்கலாம்.

https://www.vikatan.com/news/information-technology/113410-gadgets-which-are-introduced-in-consumer-electronic-show-2018.html

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 19 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 4 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 37 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.