• advertisement_alt
  • advertisement_alt
  • advertisement_alt
Sign in to follow this  
நவீனன்

வார இறுதி ஐரோப்பிய கால்பந்தாட்ட போட்டி செய்திகள்

Recommended Posts

வார இறுதி ஐரோப்பிய கால்பந்தாட்ட போட்டி செய்திகள்

 

வென்றது மன்செஸ்டர் சிற்றி
 

image_fa23a52a1c.jpgimage_5fc6d46eab.jpg

இங்கிலாந்து கால்பந்தாட்டக் கழகங்களுக்கிடையிலான விலகல் முறையிலான தொடரான இங்கிலாந்து கால்பந்தாட்ட லீக் (ஈ.எவ்.எல்) கிண்ணத் தொடரின் அரையிறுதிப் போட்டியொன்றின் முதலாவது சுற்றுப் போட்டியில் மன்செஸ்டர் சிற்றி வென்றுள்ளது.

மன்செஸ்டர் சிற்றியின் மைதானத்தில், இலங்கை நேரப்படி இன்று அதிகாலை இடம்பெற்ற போட்டியில், மாற்று வீரராகக் களமிறங்கிய சேர்ஜியோ அகுரோ, போட்டியின் இறுதிக் கணங்களில் பெற்ற கோல் காரணமாகவே, ஆரம்பத்தில் ஒரு கோல் பின்தங்கியிருந்தபோதும் மன்செஸ்டர் சிற்றி வெற்றிபெற்றது.

காலிறுதிப் போட்டியில், மன்செஸ்டர் யுனைட்டெட்டை வென்று அரையிறுதிக்கு வந்த பிறிஸ்டல் சிற்றி, இப்போட்டியில், அதிலும் முதற்பாதியில் மிகச் சிறப்பாக விளையாடியது.

முதற்பாதி முடிவடைய இருக்கும் நேரத்தில், மன்செஸ்டர் சிற்றியின் பின்கள வீரர் ஜோன் ஸ்டோன்ஸால், பிறிஸ்டல் சிற்றியின் மத்தியகள வீரர் பொபி றீட் வீழ்த்தப்பபட அவ்வணிக்கு பெனால்டி வழங்கப்பட்டது. அப்பெனால்டியை பொபி றீட் கோலாக்க முதற்பாதி முடிவில் பிறிஸ்டல் சிற்றி முன்னிலையிலிருந்தது.

எனினும், மன்செஸ்டர் சிற்றியின் கோல் காப்பாளர் கிளாடியோ பிராவோவிடமிருந்து பந்தைப் பெற்ற மத்தியகள வீரர் கெவின் டி ப்ரூனே, பந்தை பெனால்டி பகுதியை நோக்கி கொண்டு வந்து முன்கள வீரர் ரஹீம் ஸ்டேர்லிங்கிடம் வழங்க, அவர் அப்பந்தை கெவின் டி ப்ரூனேயிடம் வழங்க, கோல் கம்பத்திலிருந்து 16 அடி தூரத்திலிருந்து இரண்டாவது பாதி ஆரம்பமான 10ஆவது நிமிடத்தில் கோலைப் பெற்ற கெவின் டி ப்ரூனே கோல் எண்ணிக்கையை சமப்படுத்தினார். 

இந்நிலையில், இப்போட்டியை சமநிலையுடன், எதிரணியின் மைதானத்தில் பெற்ற கோலுடனும் தமது மைதானத்தில் நடைபெறவுள்ள இரண்டாவது சுற்று அரையிறுதிப் போட்டிக்கு பிறிஸ்டல் சிற்றி செல்லப் போகின்றது என எதிர்பார்க்கப்பட்டது.

எனினும், மன்செஸ்டர் சிற்றி இப்பருவகால போட்டிகளை வென்றது போல, போட்டியின் இறுதிக் கணத்தில், மத்தியகள வீரர் பெர்ணார்டோ சில்வா கொடுத்த பந்தை தலையால் முட்டி முன்கள வீரர் சேர்ஜியோ அகுரோ கோலாக்க, 2-1 என்ற கோல் கணக்கில் மன்செஸ்டர் சிற்றி வெற்றிபெற்றது.

 
 
 
இவ்வாரயிறுதியில் சிற்றியில் அலெக்சிஸ் சந்தேஸ்?
 

image_4e5770065b.jpg

இங்கிலாந்து பிறீமியர் லீக் கழகங்களான மன்செஸ்டர் சிற்றியும் ஆர்சனலும் ஒப்பந்தமொன்று தொடர்பாக பேச்சுவார்த்தைகளை ஆரம்பித்துள்ள நிலையில், ஆர்சனலின் முன்கள வீரரான அலெக்ஸிஸ் சந்தேஸ், மன்செஸ்டர் சிற்றிக்குச் செல்வதை இவ்வாரயிறுதியில் பூர்த்தி செய்வார் எனத் தெரிவிக்கப்படுகிறது.

சிலி தேசிய கால்பந்தாட்ட அணியினதும் முன்கள வீரரான அலெக்ஸிஸ் சந்தேஸின் ஆர்சனலுடனான ஒப்பந்தம் இப்பருவகாலத்துடன் முடிவடைகின்ற நிலையில், 29 வயதான அலெக்ஸிஸ் சந்தேஸை புதிய ஒப்பந்தத்தில் கைச்சாத்திட வைக்கும் முயற்சிகளை ஆர்சனல் கைவிட்டுள்ளதாகக் கூறப்படுகிறது.

இந்நிலையிலேயே, மன்செஸ்டர் சிற்றியின் முகாமையாளர் பெப் குவார்டிலோவுடன் இணைய அலெக்ஸிஸ் சந்தேஸ் விருப்பம் தெரிவித்துள்ள நிலையில், பருவகால முடிவில் இலவசமாக செல்ல அனுமதிப்பதிலும் பார்க்க, தற்போது வீரர் பரிமாற்றக் கட்டணமொன்றை பெற ஆர்சனல் தீர்மானித்துள்ளதாகத் தெரிவிக்கப்படுகிறது.

 
 
லா லிகா: வென்றது பார்சிலோனா
 

image_b0ebc80bbf.jpg

ஸ்பானிய கால்பந்தாட்டக் கழகங்களுக்கிடையிலான லா லிகா தொடரில், நேற்று இடம்பெற்ற லெவன்டே அணியுடனான போட்டியில், 3-0 என்ற கோல் கணக்கில் பார்சிலோனா வென்றது. பார்சிலோனா சார்பாக, லியனல் மெஸ்ஸி, லூயிஸ் சுவாரஸ், போலின்ஹோ ஆகியோர் தலா ஒவ்வொரு கோலைப் பெற்றனர்.

இதேவேளை, றியல் மட்ரிட், செல்டா விகோ அணிகளுக்கிடையிலான போட்டியில், இரண்டு அணியும் தலா 2 கோல்களைப் பெற்ற நிலையில் போட்டி சமநிலையில் முடிவடைந்தது. றியல் மட்ரிட் சார்பாகப் பெறப்பட்ட இரண்டு கோல்களையும் கரித் பேல் பெற்றார். செல்டா விகோ சார்பாக, டானியல் வஸ், மக்ஸி கோமிஸ் ஆகியோர் தலா ஒவ்வொரு கோலைப் பெற்றனர்.

 
 
 
வெளியேறியது நடப்புச் சம்பியன் ஆர்சனல்
 

image_d59a5ce4cf.jpg

இங்கிலாந்து கால்பந்தாட்டக் கழகங்களுக்கிடையிலான விலகல் முறையிலான இங்கிலாந்து கால்பந்தாட்ட சங்க கிண்ணத் தொடரிலிருந்து நடப்பு சம்பியன் ஆர்சனல் வெளியேற்றப்பட்டுள்ளது.

நேற்று  இடம்பெற்ற மூன்றாவது சுற்றுப் போட்டியொன்றில் நொட்டிங்ஹாம் பொரெஸ்ட் அணியிடம் தோல்வியடைந்ததைத் தொடர்ந்தே இத்தொடரிலிருந்து ஆர்சனல் வெளியேற்றப்பட்டுள்ளது.

தமது மைதானத்தில் இடம்பெற்ற போட்டியில், கோல் கம்பத்துக்கு அருகிலிருந்து எரிக் லிசாய் தலையால் முட்டி போட்டியின் 20ஆவது நிமிடத்தில் பெற்ற கோலின் மூலம் நொட்டிங்ஹாம் பொரெஸ்ட் முன்னிலை பெற்றது. எனினும் அடுத்த மூன்றாவது நிமிடத்தில் றொப் ஹோல்டிங் தலையால் முட்டிய பந்து கோல் கம்பத்தில் பட்டு வர அதனை பியர் மேர்துஸாக்கர் கோலாக்க கோல் எண்ணிக்கை சமமானது.

எவ்வாறெனினும் பெனால்டி பகுதி எல்லையிலிருந்து முதற்பாதி முடிவடைய ஒரு நிமிடம் இருக்க எரிக் லிசாய் பெற்ற அபாரமான கோல் காரணமாக முதற்பாதி முடிவில் நொட்டிங்ஹாம் பொரெஸ்ட் முன்னிலை பெற்றிருந்தது. பின்னர் போட்டியின் 64ஆவது நிமிடத்தில் கிடைத்த பெனால்டியை பென் பெரெட்டன் கோலாக்க தமது முன்னிலையை மேலும் நொட்டிங்ஹாம் பொரெஸ்ட் அதிகரித்துக் கொண்டது. தொடர்ந்து போட்டியின் 79ஆவது நிமிடத்தில் டனி வெல்பக் பெற்ற கோலின் காரணமாக, நொட்டிங்ஹாம் பொரெஸ்டின் முன்னிலையை ஒரு கோலாக ஆர்சனல் குறைத்தது.

எவ்வாறெனினும் போட்டியின் 85ஆவது நிமிடத்தில் கிடைத்த பெனால்டியொன்றை கீரல் டெளல் கோலாக்க, 4-2 என்ற கோல் கணக்கில் இறுதியில் நொட்டிங்ஹாம் பொரெஸ்ட் வென்றது. அந்தவகையில், 1996ஆம் ஆண்டு ஜனவரிக்குப் பின்னர் முதற்தடவையாக, இங்கிலாந்து கால்பந்தாட்ட சங்க மூன்றாவது சுற்றுப் போட்டியில் ஆர்சனல் தோற்றது. குறித்த போட்டியில் ஆர்சனலின் இரண்டாம் தர அணியே விளையாடியிருந்தமை குறிப்பிடத்தக்கது.

image_9adb023f74.jpg

இதேவேளை, தமது மூன்றாவது சுற்றுப் போட்டியில், 3-0 என்ற கோல் கணக்கில் ஏ.எப்.சி விம்பிள்டன் அணியை வென்ற டொட்டென்ஹாம் ஹொட்ஸ்பர், நான்காவது சுற்றுக்குத் தகுதிபெற்றது. டொட்டென்ஹாம் ஹொட்ஸ்பர் சார்பாக, ஹரி கேன் 2 கோல்களையும் ஜன் வெர்டோங்கன் ஒரு கோலையும் பெற்றனர்.

 
 
லிவர்பூலிருந்து கோச்சினியோவை கைச்சாத்திடுகிறது பார்சிலோனா
 

image_b79c83c750.jpg

இங்கிலாந்து பிறீமியர் லீக் கழகமான லிவர்பூலின் மத்தியகள வீரரான பிலிப் கோச்சினியோவை, 142 மில்லியன் ஸ்டேர்லிங் பவுண்ஸ்கள் ஒப்பந்தமொன்றில், ஸ்பானிய லா லிகா கழகமான பார்சிலோனா கைச்சாத்திடவுள்ளனது.

அந்தவகையில், 25 வயதான பிலிப் கோச்சினியோவை பார்சிலோனா கைச்சாத்திடுவதன் மூலம் உடனடியாக 105 மில்லியன் ஸ்டேர்லிங் பவுண்ஸ்களை லிவர்பூல் பெறவுள்ளதுடன், மிகுதியை பிலிப் கோச்சினியோவின் திறமை வெளிப்பாட்டின் அடிப்படையில் பெறவுள்ளது.

பிரேஸில் தேசிய கால்பந்தாட்ட அணியினதும் மத்தியகள வீரரான பிலிப் கோச்சினியோவை, இத்தாலிய சீரி ஏ கழகமான இன்டர் மிலனிடமிருந்து 8.5 மில்லியன் ஸ்டேர்லின் பவுண்ஸ்களுக்கு, 2013ஆம் ஆண்டு ஜனவரியில் இன்டர் மிலன் ஒப்பந்தம் செய்திருந்தது. லிவர்பூலுடன் புதிய ஐந்தாண்டு ஒப்பந்தமொன்றை கடந்தாண்டு ஜனவரியிலேயே பிலிப் கோச்சினியோ கைச்சாத்திட்டிருந்தார். எவ்வாறெனினும், குறித்த ஒப்பந்தமானது, வேறு கழகமொன்றால் ஒப்பந்தம் செய்யப்படுவதற்கான தொகையைக் கொண்டிருக்கவில்லை.

இந்நிலையில், பார்சிலோனாவுடன் ஐந்தரை ஆண்டுகள் ஒப்பந்தமொன்றில் கைச்சாத்திடவுள்ள பிலிப் கோச்சினியோ, அவரை வேறு கழகங்கள் ஒப்பந்தம் செய்வதென்றால் 355 மில்லியன் ஸ்டேர்லிங் பவுண்ஸ்களை செலுத்த வேண்டுமென்ற நிபந்தனையையும் தனது ஒப்பந்தத்தில் கொண்டிருக்கவுள்ளார்.

இச்சந்தர்ப்பத்தில், ஐரோப்பிய கால்பந்தாட்டக் கழகங்களுக்கிடையிலான சம்பியன்ஸ் லீக் தொடரின் இப்பருவகாலத்தில் ஏற்கெனவே லிவர்பூலுக்காக விளையாடியதால், இப்பருவகாலத்தில் பார்சிலோனாவுக்காக சம்பியன்ஸ் லீக்கில் பிலிப் கோச்சினியோ விளையாட முடியாது என்பது குறிப்பிடத்தக்கது.

இங்கிலாந்து பிறீமியர் லீக்கின் கடந்த கோடை கால வீரர்கள் ஒப்பந்தம் செய்யும் காலப் பகுதியில், பிலிப் கோச்சினியோவை பார்சிலோனா ஒப்பந்தம் செய்வதற்கான மூன்று கோரிக்கைகளை லிவர்பூல் நிராகரித்ததோடு, பார்சிலோனாவுக்கு செல்வதற்காக பிலிப் கோச்சினியோவால் முன்வைக்கப்பட்ட கோரிக்கையும் லிவர்பூல் நிராகரித்திருந்தது.

http://www.tamilmirror.lk

  • Like 1

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now
Sign in to follow this