• advertisement_alt
  • advertisement_alt
  • advertisement_alt
Sign in to follow this  
நவீனன்

சாம்சங் கேலக்ஸி S9 சீரிஸ்: வெளியீட்டு தேதி மற்றும் முழு தகவல்கள்

Recommended Posts

சாம்சங் கேலக்ஸி S9 சீரிஸ்: வெளியீட்டு தேதி மற்றும் முழு தகவல்கள்

சாம்சங் நிறுவனத்தின் கேலக்ஸி S9 சீரிஸ் ஸ்மார்ட்போன்களின் வெளியீட்டு தேதி சார்ந்த தகவல்கள் இணையத்தில் கசிந்துள்ளது.

 
சாம்சங் கேலக்ஸி S9 சீரிஸ்: வெளியீட்டு தேதி மற்றும் முழு தகவல்கள்
 
புதுடெல்லி:

சாம்சங் நிறுவனத்தின் அதிகம் எதிர்பார்க்கப்படும் S9 சீரிஸ் ஸ்மார்ட்போன் சர்வதேச நுகர்வோர் விழாவில் அறிமுகம் செய்யப்படலாம் என கூறப்பட்ட நிலையில், தற்சமயம் வெளியாகியுள்ள தகவல்களில் சர்வதேச மொபைல் காங்கிரஸ் விழாவில் அறிமுகம் செய்யப்பட வாய்ப்புகள் இருப்பதாக கூறப்படுகிறது.

2018-ம் ஆண்டின் பிப்ரவரி மாதத்தில் நடைபெற இருக்கும் சர்வதேச மொபைல் காங்கிரஸ் விழாவில் அறிமுகமாக இருக்கும் கேலக்ஸி S9 சீரிஸ் விற்பனை ஏப்ரல் மாத வாக்கில் துவங்கும் என எதிர்பார்க்கப்படுகிறது. சர்வதேச மொபைல் காங்கிரஸ் விழாவில் ஒவ்வொரு நிறுவனமும் தனது ஃபிளாக்ஷிப் சாதனங்களை அறிமுகம் செய்வது வாடிக்கையான ஒன்றாக இருக்கிறது.

கேலக்ஸி S9 மற்றும் S9 பிளஸ் ஸ்மார்ட்போன்கள் பிப்ரவரி 27-ம் தேதி அறிமுகம் செய்யப்படலாம் என தென் கொரியாவை சேர்ந்த நிறுவனம் தெரிவித்துள்ளது. தென் கொரியாவில் இதே தேதியில் அறிமுகம் செய்யப்படும் பட்சத்தில் ஐரோப்பியா மற்றும் வட அமெரிக்க பகுதிகளில் பிப்ரவரி 26-ம் தேதி வாக்கில் அறிமுகம் செய்யப்படலாம் என எதிர்பார்க்கப்படுகிறது.
 
201712171134006971_1_Samsung-Galaxy-S8-Plus-1._L_styvpf.jpg

2018 சர்வதேச மொபைல் காங்கிரஸ் விழா பிப்ரவரி 26-ம் தேதி துவங்கி மார்ச் 1-ம் தேதி வரை நடைபெற திட்டமிடப்பட்டுள்ளது. சர்வதேச சந்தையில் ஐபோன் X தொடர்ந்து நல்ல வரவேற்பை பெற்று வரும் நிலையில், கேலக்ஸி S8 சீரிஸ் ஸ்மார்ட்போன்களை விட ஒரு மாதம் முன்னதாக அறிமுகம் செய்ய திட்டமிடப்பட்டுள்ளதாக கூறப்படுகிறது.

சமீபத்தில் வெளியாகியுள்ள தகவல்களின் படி சாம்சங் கேலக்ஸி S9 மற்றும் S9 பிளஸ் ஸ்மார்ட்போன்களில் சூப்பர் AMOLED இன்ஃபினிட்டி டிஸ்ப்ளே, முறையே 5.8 மற்றும் 6.2 இன்ச் அளவு கொண்டிருக்கும் என கூறப்படுகிறது. இரண்டு ஸ்மார்ட்போன்களிலும் அமெரிக்காவில் குவால்காம் ஸ்னாப்டிராகன் 845 பிராசஸர், சர்வதேச சந்தையில் எக்சைனோஸ் 9810 சிப்செட் கொண்டிருக்கும் என கூறப்படுகிறது.

இத்துடன் ஆப்பிள் ஃபேஸ் ஐடிக்கு போட்டியாக புதிய கேலக்ஸி சீரிஸ் ஸ்மார்ட்போன்களின் ஐரிஸ் ஸ்கேனர் மேம்படுத்தப்படலாம் என்றும் கூறப்படுகிறது. புதிய கேலக்ஸி S9 சீரிஸ் ஸ்மார்ட்போன்களின் தயாரிப்பு பணிகள் இம்மாத இறுதியில் துவங்கும் என கூறப்படுகிறது. எனினும் இது குறித்து சாம்சங் சார்பில் எவ்வித அறிவிப்பும் வெளியிடப்படவில்லை. 

http://www.maalaimalar.com/News/TopNews/2017/12/17113357/1135074/Samsung-Galaxy-S9-series-Rumoured-to-launch-for-MWC.vpf

Share this post


Link to post
Share on other sites

சாம்சங் கேலக்ஸி S9 வெளியீட்டு தேதி அறிவிப்பு

 
அ-அ+

சாம்சங் நிறுவனத்தின் கேலக்ஸி S9 சீரிஸ் ஸ்மார்ட்போன்களின் வெளியீடு குறித்த தகவலை அந்நிறுவன தலைவர் அறிவித்துள்ளார்.

 
சாம்சங் கேலக்ஸி S9 வெளியீட்டு தேதி அறிவிப்பு
 
லாஸ் வேகாஸ்:
 
சாம்சங் நிறுவனத்தின் 2018 முதல் ஃபிளாக்ஷிப் ஸ்மார்ட்போனின் வெளியீடு சார்ந்த அதிகாரப்பூர்வ தகவலை சாம்சங் மொபைல் பிரிவு தலைவர் டி.ஜெ. கோ அறிவித்துள்ளார். 
 
அதன்படி சாம்சங் நிறுவனத்தின் கேலக்ஸி S9 சீரிஸ் ஸ்மார்ட்போன் பிப்ரவரி மாதம் நடைபெற இருக்கும் சர்வதேச மொபைல் காங்கிரஸ் (MWC 2018) விழாவில் அறிமுகம் செய்யப்படுகிறது. வெளியீடு குறித்த அதிகாரப்பூர்வ அறிவிப்பு மட்டும் வெளியாகியுள்ள நிலையில், ஸ்மார்ட்போன் சார்ந்த தகவல்கள் ரகசியமாக வைக்கப்பட்டுள்ளன.
 
ஸ்பெயின் நாட்டின் பார்சிலோனா நகரில் பிப்ரவரி 26-ம் தேதி முதல் மார்ச் 1-ம் தேதி வரை சர்வதேச மொபைல் காங்கிரஸ் விழா நடைபெற இருக்கிறது. கடந்த ஆண்டு சாம்சங் கேலக்ஸி S8 மற்றும் S8 பிளஸ் ஸ்மார்ட்போன்கள் வெளியிடப்பட்ட நிலையில், இந்த ஆண்டும் கேலக்ஸி S9 மற்றும் S9 பிளஸ் என இரண்டு ஃபிளாக்ஷிப் ஸ்மார்ட்போன்கள் வெளியிடப்படலாம் என எதிர்பார்க்கப்படுகிறது.
 
 
201801110955492851_1_Galaxy-S9-patent-1._L_styvpf.jpg
 
முன்னதாக வெளியான தகவல்களில் புதிய ஸ்மார்ட்போன்களின் கேமரா வன்பொருள் அம்சங்களில் அதிகளவு மாற்றங்கள் மேற்கொள்ளப்படலாம் என தெரிவிக்கப்பட்டது. இத்துடன் டூயல் கேமரா லென்ஸ் வழங்காமல் இம்முறை ஒற்றை கேமரா யூனிட் மட்டும் வழங்கப்படலாம் என கூறப்பட்டது. 
 
மேலும் புதிய ஸ்மார்ட்போன்களின் எட்ஜ்-டூ-எட்ஜ் டிஸ்ப்ளேவினுள் கைரேகை சென்சார் பொருத்தப்பட்டிருக்கலாம் என எதிர்பார்க்கப்படுகிறது. சமீபத்தில் எக்சைனோஸ் 9810 சிப்செட் அறிவிக்கப்பட்டுள்ள நிலையில் புதிய ஸ்மார்ட்போன்களின் வெளியீடு தாமதமாகாது என்றே எதிர்பார்க்கப்படுகிறது.

http://www.maalaimalar.com/Technology/TechnologyNews/2018/01/11095550/1139625/Samsung-chief-confirms-Galaxy-S9-launch-at-MWC-this.vpf

Share this post


Link to post
Share on other sites

சாம்சங் வலைத்தளத்தில் லீக் ஆன கேலக்ஸி நோட் 9 ஸ்மார்ட்போன்

 
அ-அ+

சாம்சங் நிறுவனத்தின் கேலக்ஸி நோட் 9 ஸ்மார்ட்போன் அந்நிறுவனத்தின் வெவ்வேறு நாட்டு வலைத்தளங்களில் லீக் ஆகியுள்ளது.

 
 
 
சாம்சங் வலைத்தளத்தில் லீக் ஆன கேலக்ஸி நோட் 9 ஸ்மார்ட்போன்
கோப்பு படம்
புதுடெல்லி:
 
சாம்சங் கேலக்ஸி நோட் 9 ஸ்மார்ட்போன் அந்நிறுவனத்தின் வெவ்வேறு நாட்டு வலைத்தளங்களின் அதிகாரப்பூர்வ சப்போர்ட் பக்கத்தில்  லீக் ஆகியுள்ளது. புதிய தகவல்களின் படி கேலக்ஸி நோட் 9 ஸ்மார்ட்போன் SM-N960U என்ற குறியீட்டு பெயர் கொண்டிருப்பது தெரியவந்துள்ளது.
 
முன்னதாக வெளியான தகவல்களில் நோட் 9 ஸ்மார்ட்போன் இதே குறியீட்டு பெயர் கொண்டிருந்தது குறிப்பிடத்தக்கது. பென்ச்மார்க்கிங் வலைத்தளங்களில் கேலக்ஸி நோட் 9 ஸ்மார்ட்போன் ஸ்னாப்டிராகன் 845 சிப்செட் கொண்டிருக்கும் என்றும் இதன் சர்வதேச மாடலில் எக்சைனோஸ் 9810 சிப்செட் கொண்டிருக்கும் என கூறப்படுகிறது.
 
சமீபத்திய தகவல்கள் Androidu.ro வலைத்தளம் மூலம் வெளியாகியுள்ளது. அதன்படி நோட் 9 ஸ்மார்ட்போன் சாம்சங் நிறுவனத்தின் வட ஆப்ரிக்கா மற்றும் தென்னாப்ரிக்கா வலைத்தளங்களில் பதிவிடப்பட்டு இருந்தது என தெரிவிக்கப்பட்டுள்ளது. இந்த பக்கங்களில் கேலக்ஸி நோட் 9 ஸ்மார்ட்போன் SM-N960U குறியீட்டு பெயர் கொண்டிருக்கிறது. இதில் 'U' என்ற வார்த்தை புதிய ஸ்மார்ட்போனில் ஸ்னாப்டிராகன் 845 சிப்செட் வழங்கப்படுவதை உணர்த்தும் வகையில் உள்ளது.
 
201803311410548443_1_Samsung-Galaxy-Note-8-pic._L_styvpf.jpg
கோப்பு படம்
 
சாம்சங் அதிகாரப்பூர்வ சப்போர்ட் பக்கங்களில் கேலக்ஸி நோட் 9 ஸ்மார்ட்போனின் சிறப்பம்சங்கள் சார்ந்து எவ்வித தகவலும் வெளியாகவில்லை. எனினும் கீக்பென்ச் வலைத்தளத்தில் வெளியான தவல்கள் புதிய ஸ்மார்ட்போனில் ஸ்னாப்டிராகன் 845 சிப்செட், 6 ஜிபி ரேம் மற்றும் ஆன்ட்ராய்டு 8.1 ஓரியோ இயங்குதளம் கொண்டிருக்கும் என தெரிவிக்கப்பட்டது.
 
கேலக்ஸி எஸ்9 ஸ்மார்ட்போன் போன்றே புதிய ஸ்மார்ட்போனும் சிங்கிள் கோரில் 2190 புள்ளிகளையும், மல்டி-கோர்களில் 8806 புள்ளிகளை பெற்றிருக்கும் என கூறப்படுகிறது. முந்தைய தகவல்களின் படி கேலக்ஸி நோட் 9 ஸ்மார்ட்போன் எதிர்பார்க்கப்படுவதை விட முன்னதாக வெளியிடப்படும் என தெரிவிக்கப்பட்டது. 
 
இத்துடன் புதிய கேலக்ஸி நோட் ஸ்மார்ட்போன் 6.3 இன்ச் சூப்பர் AMOLED டிஸ்ப்ளே கொண்டிருக்கும் என கூறப்படுகிறது. இதே போன்ற டிஸ்ப்ளே முந்தைய கேலக்ஸி நோட் 8 ஸ்மார்ட்போனிலும் வழங்கப்பட்டது குறிப்பிடத்தக்கது. இத்துடன் புதிய கேலக்ஸி நோட் ஸ்மார்ட்போனில் இன்-டிஸ்ப்ளே கைரேகை சென்சார் வழங்கப்படலாம் என கூறப்பட்டது.
 

https://www.maalaimalar.com/Technology/TechnologyNews/2018/03/31141054/1154264/Samsung-Galaxy-Note-9-Spotted-on-Company-Site.vpf

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now
Sign in to follow this