Jump to content

FIFA உலகக் கிண்ணத்தில் ஆடும் 32 அணிகளும் இவைதான்


Recommended Posts

FIFA உலகக் கிண்ணத்தில் ஆடும் 32 அணிகளும் இவைதான்

fifa-2018-696x464.jpg
 

நியூசிலாந்துடனான இரண்டாவது கட்ட பிளே ஓப் (play-off) போட்டியை 2-0 என்ற கோல்கள் வித்தியாசத்தில் வெற்றியீட்டிய பெரு அணி ரஷ்யாவில் அடுத்த ஆண்டு நடைபெறும் FIFA உலகக் கிண்ண கால்பந்து போட்டிக்கு கடைசி அணியாக தேர்வாகியுள்ளது.

இதன்மூலம் கடந்த இரண்டரை ஆண்டுகளாக உலகெங்கும் 206 நாடுகளுக்கு இடையே நடைபெற்ற 869 போட்டிகளுக்குப் பின் உலகக் கிண்ணத்தில் ஆடும் 32 அணிகளும் தேர்வாகியுள்ளன. 

 

இதில் உலகக் கிண்ணத்திற்கான கடைசி தகுதிகாண் போட்டி நியூசிலாந்து மற்றும் பெரு அணிகளுக்கு இடையில் இலங்கை நேரப்படி இன்று (16) நடைபெற்றது.   

மண்டலங்களுக்கு இடையிலான பிளே ஓப் போட்டியாகவே தென் அமெரிக்காவின் பெரு அணியும், ஓசியானியா மண்டலத்தின் நியூசிலாந்து அணியும் இதில் மோதின. இந்த இரு அணிகளும் கடந்த சனிக்கிழமை மோதிய முதலாம் கட்ட பிளோ ஓப் போட்டி கோலின்றி சமநிலையில் முடிந்த நிலையில் இன்றைய போட்டியில் வெற்றிபெறும் அணி உலகக் கிண்ணத்திற்கு முன்னேறும் என்ற நிலையிலேயே களமிறங்கின.  

சொந்த மண்ணில் களமிறங்கிய பெரு அணி 27ஆவது நிமிடத்தில் கோல் புகுத்தி முன்னிலை பெற்றது. முன்கள வீரர் ஜெப்பர்சன் பார்பன் உதைத்த பந்து நியூசிலாந்து கோல் காப்பாளர் ஸ்டபன் மரினோவிக் மேலால் சென்று கோலாக மாறியது.  

முதல் பாதியில் முழுமையாக ஆதிக்கம் செலுத்திய பெரு அணி 1-0 என முன்னிலை பெற்றது.

முதல் பாதி: பெரு 1 – 0 நியூசிலாந்து

பதில் கோல் தேடிய நியூசிலாந்து இரண்டாவது பாதியில் பதில் வீரராக கிறிஸ் வுட்டை களமிறக்கியபோதும் அதனால் அவ்வணியினருக்கு மைதானத்தில் ஆக்கிரமிப்பு செலுத்த முடியவில்லை. 

 

பெருவின் பின்கள வீரர் கிறிஸ்டியன் ரமோஸ் கோணர் கிக் மூலம் கிடைத்த பந்தை கோல் கம்பத்தின் நெருங்கிய தூரத்தில் இருந்து உதைக்க அந்தப் பந்து கோல் வலையத்தின் மேல் பகுதியில் பட்டு கோலாக மாறியது. 64ஆவது நிமிடத்தில் அவர் அந்த கோலை போட்டார்.   

நியூசிலாந்து அணி கடைசி வரை கோலொன்றை புகுத்த தடுமாறிய நிலையில் பெரு அணியால் போட்டியில் இலகுவாக வெல்ல முடிந்தது.

முழு நேரம்: பெரு 2 – 0 நியூசிலாந்து  

இந்த வெற்றியின் மூலம் பெரு அணி 36 ஆண்டுகளுக்குப் பின்னரே உலகக் கிண்ண கால்பந்து போட்டியில் ஆட தகுதி பெற்றுள்ளது. எனினும் அந்த அணி தற்போதைய FIFA தரவரிசையில் 10ஆவது இடத்தில் உள்ளது. இது உலகக் கிண்ண போட்டிக்கான குழுநிலை பிரிப்பதில் அந்த அணிக்கு சாதகமாக அமைந்துள்ளது.

மறுபுறம் நியூசிலாந்து அணி தனது மூன்றாவது உலகக் கிண்ண போட்டியில் ஆடும் வாய்ப்பை இழந்தது. அந்த அணி கடைசியாக 2010ஆம் ஆண்டு தென்னாபிரிக்காவில் நடந்த உலகக் கிண்ணப் போட்டியில் ஆடியது.

இதேவேளை, சிட்னியில் நேற்று (16) நடைபெற்ற தகுதிகாண் போட்டியில் ஹொன்டுராஸ் அணியை 3-1 என்ற கோல்கள் வித்தியாசத்தில் வீழ்த்திய அவுஸ்திரேலியா தொடர்ச்சியாக நான்காவது உலகக் கிண்ணத்திற்கு தகுதி பெற்றுக்கொண்டது.   

இதன்படி கடைசியாக 2014ஆம் ஆண்டு நடந்த உலகக் கிண்ண போட்டியில் முதல் நான்கு இடங்களுக்குள் வந்த நான்கு அணிகளில் நடப்புச் சம்பியன் ஜெர்மனி, இறுதிப் போட்டிக்கு வந்த ஆர்ஜன்டினா மற்றும் நான்காவது இடத்தை பிடித்த பிரேசில் அணிகள் அடுத்த உலகக் கிண்ணத்திற்கு தகுதி பெற்றுள்ளன. எனினும், அந்த தொடரில் மூன்றாவது இடத்தை பெற்ற நெதர்லாந்து அணி ரஷ்யா செல்ல தகுதி இழந்தது.  

அதேபோன்று இத்தாலி அணி 60 ஆண்டுகளில் முதல் முறை உலகக் கிண்ணத்திற்கு தகுதி பெறாமல் வெளியேறி அதிர்ச்சி அளித்தது. பலம்மிக்க சிலி, அமெரிக்கா ஆகிய அணிகளும் 2018 உலகக் கிண்ணத்திற்கு தகுதி பெறவில்லை.  

குழுநிலையில் யார்?

உலகக் கிண்ணத்திற்கு கடைசி அணியாக பெரு தேர்வு செய்யப்பட்டதை அடுத்து போட்டித் தொடரின் குழு நிலை பிரிப்பதற்கான அணிகள் வரிசை பூர்த்தி அடைந்துள்ளது. இந்த குழுநிலை பிரிப்பதற்கான தேர்வு முறை வரும் டிசம்பர் 1ஆம் திகதி ரஷ்யாவில் நடைபெறவுள்ளது.

இதில் நான்கு சாடிகளில் தலா எட்டு அணிகள் வீதம் பெயரிடப்பட்டுள்ளன. ஒவ்வொரு சாடியில் இருந்தும் எடுகோள் முறையில் பெறப்படும் அணிகளே குழு நிலைகளாக பிரிக்கப்படவுள்ளன. இதன்படி 2017 ஒக்டோபர் மாதத்தில் FIFA தரவரிசையின் இறங்கு வரிசை அடிப்படையிலேயே  நான்கு சாடிகளிலும் அணிகள் பிரிக்கப்பட்டுள்ளன. இதன் கடைசி மூன்று சாடிகளிலும் ஐரோப்பா தவிர்த்து ஒரே கண்டத்தைச் சேர்ந்த இரு அணிகள் குழுநிலைக்கு தேர்வாவதும் தவிர்க்கப்பட்டுள்ளது.   

இதில் ஒவ்வொரு சாடியில் இருந்தும் ஒவ்வொரு அணி எடுக்கப்பட்டே குழுநிலை பிரிக்கப்படும்.

உலகக் கிண்ண கால்பந்து போட்டி 2018 ஜுன், ஜுலை மாதங்களில் நடைபெறும்.

நான்கு சாடிகளிலும் இடம்பிடிக்கும் அணிகள் விபரம்,

    சாடி 1      சாடி 2      சாடி 3      சாடி 4
ரஷ்யா ஸ்பெயின் டென்மார்க் செர்பியா
ஜெர்மனி பெரு ஐஸ்லாந்து நைஜீரியா
போர்த்துக்கல் சுவிட்சர்லாந்து கொஸ்டாரிக்கா அவுஸ்ரேலியா
பிரேசில் இங்கிலாந்து சுவீடன் ஜப்பான்
ஆர்ஜன்டினா கொலம்பியா துனீசியா மொரோக்கோ
பெல்ஜியம் மெக்சிகோ எகிப்து பனாமா
போலந்து உருகுவே செனகல் தென் கொரியா
பிரான்ஸ் குரோஷியா ஈரான் சவூதி அரேபியா
 

http://www.thepapare.com/

Link to comment
Share on other sites

  • 3 weeks later...

புதிய மற்றும் மீள் வருகை தரும் அணி­க­ளுக்கு பர­ப­ரப்பை ஏற்­ப­டுத்­தப்­போகும் குலுக்கல்

ரஷ்­யாவில் அடுத்த வருடம் நடை­பெ­ற­வுள்ள பீபா உலகக் கிண்ண கால்­பந்­தாட்ட இறுதிச் சுற்றில் பங்­கு­பற்­ற­வுள்ள 32 நாடுகள் (அணிகள்) எந்­தெந்த குழுக்­களில் இடம்­பெறப் போகின்­றன என்­ப­தற்­கான குலுக்கல் மொஸ்கோ, க்ரெம்ளின் மாளிகை மண்­ட­பத்தில் இன்று நடை­பெ­ற­வுள்­ளது.

Untitled-2.jpg

உலகக் கிண்ண கால்­பந்­தாட்ட இறுதிச் சுற்று வர­லாற்றில் முதல் தட­வை­யாக பங்­கு­பற்­ற­வுள்ள ஐஸ்­லாந்து, பனாமா ஆகிய நாடு­க­ளுக்கும் சுமார் இரண்டு தசாப்­தங்­களின் பின்னர் மீண்டும் விளை­யாட தகு­தி­பெற்­றுள்ள எகிப்து, மொரோக்கோ, பேரு ஆகிய நாடு­க­ளுக்கும் இந்தக் குலுக்கல் பர­ப­ரப்பை ஏற்­ப­டுத்தப் போகின்­றது.

208 நாடு­க­ளுக்கு இடையில் நடத்­தப்­பட்ட 871 தகு­திகாண் போட்­டி­களின் முடிவில் இறுதிச் சுற்றில் விளை­யா­ட­வுள்ள 31 நாடுகள் தெரி­வா­கின. போட்­டி­களை முன்­னின்று நடத்தும் வர­வேற்பு நாடு என்ற வகையில் ரஷ்யா நேரடி தகு­தியைப் பெற்­றி­ருந்­தது.
ரஷ்ய நேரப்­படி இன்று மாலை 6.00 மணிக்கு நாடு­க­ளுக்­கான குலுக்கல் வைபவம் ஆரம்­ப­மாகும்.

இங்­கி­லாந்தின் முன்னாள் கால்­பந்­தாட்ட வீரரும் மெக்­சிகோ 1986 உலகக் கிண்ணப் போட்­டி­களில் தங்கப் பாத­ணியை வென்­ற­வ­ரு­மான கெறி லினேக்கர், ரஷ்ய ஊட­க­வி­ய­லாளர் மரியா கோமண்ட்­நயா ஆகியோர் கூட்­டாக நெறி­யாள்கை செய்­ய­வுள்­ளனர்.
அத்­துடன் எட்டு முன்னாள் கால்­பந்­தாட்ட விற்­பன்­னர்­க­ளான லோரென்ட் ப்ளான்க் (பிரான்ஸ்), கோர்டன் பாங்க்ஸ் (இங்­கி­லாந்து), காஃபு (பிரேஸில்), ஃபேபியோ கெனா­வரோ (இத்­தாலி), டியகோ ஃபோர்லான் (உரு­குவே), டியகோ மர­டோனா (ஆர்­ஜன்­டீனா), கார்ல் புயோல் (ஸ்பெய்ன்), நிக்­கிட்டா சிமோ­னியன் (ரஷ்யா) ஆகியோர் நாடு­க­ளுக்­கான குலுக்­கலை நடத்­த­வுள்­ளனர்.

பீபா தர­வ­ரி­சைப்­படி 32 நாடு­களும் நிரல்­ப­டுத்­தப்­பட்டு நான்கு சாடி­களில் தலா எட்டு நாடுகள் வீதம் உள்­ள­டக்­கப்­பட்­டுள்­ளன. ஒவ்­வொரு சாடி­யிலும் உள்ள நாடுகள் ஏ முதல் எச் வரை­யான எட்டு குழுக்­க­ளுக்கு குலுக்கல் மூலம் தெரி­வு­செய்­யப்­படும்.
நிரல்­ப­டுத்­தலின் முன்­னிலை வகிக்கும் வர­வேற்பு நாடான ரஷ்யா, நடப்பு உலக சம்­பியன் ஜேர்­மனி, ஐந்து தட­வைகள் உலக சம்­பி­ய­னான பிரேஸில், போர்த்­துக்கல், முன்னாள் உலக சம்­பியன் ஆர்­ஜன்­டீனா, பெல்­ஜியம், போலந்து, முன்னாள் உலக சம்­பியன் பிரான்ஸ் ஆகிய நாடுகள் முத­லா­வது சாடியில் இடம்­பெ­று­கின்­றன.

இரண்­டா­வது சாடி: முன்னாள் உலக சம்­பியன் ஸ்பெய்ன், பெரு, சுவிட்­சர்­லாந்து, முன்னாள் உலக சம்­பியன் இங்­கி­ல­ாந்து, கொலம்­பியா, மெக்­ஸிகோ, உரு­குவே, குரோஏ­ஷியா.

மூன்­றா­வது சாடி: டென்மார்க், ஐஸ்­லாந்து, கொஸ்டா ரிக்கா, சுவீடன், டியூ­னி­சியா, எகிப்து, செனகல், ஈரான்.
நான்­கா­வது சாடி: சேர்­பியா, நைஜீ­ரியா, அவுஸ்­தி­ரே­லியா, ஜப்பான், மொரோக்கோ, பனாமா, தென் கொரியா, சவூதி அரே­பியா.
ஒவ்­வொரு சாடி­யிலும் உள்ள நாடுகள் குலுக்கல் முறையில் எடுக்கப்பட்டு எட்டு குழுக்களிலும் உள்ளடக்கப்படும். ஒரே பிராந்தியத்தை சேர்ந்த இரண்டு நாடுகளுக்கு மேல் ஒரு குழுவில் இடம்பெறமாட்டாது. ஆனால் ஐரோப்பிய பிராந்தியத்துக்கு இது பொருந்தாது.

 

http://metronews.lk/?p=18188

 

GR A: Russia, Saudi arabia, Egypt, Uruguay

GR B: Portugal, Spain, Morokko, Iran

GR C: France, Australia, Peru, Denmark

GR D: Argentina, Iceland, Crotia, Nigeria

GR E: Brazil, Switzerland, Costa Rica, Serbia

GR F: Germany, Mexico, Sweden, South korea

GR G: Belgium, Panama, Tunisia, England

GR H: Poland, Senagal, Colombia, Japan

Link to comment
Share on other sites

  • கருத்துக்கள உறவுகள்

தொடர்ந்து பகிருங்கள்....! நல்ல போட்டியாகத்தான் போகும் போல .யார் வேண்டாலும் பரவாயில்லை, எனக்கென்னன்டால் பிரான்ஸ்சும் ஜெர்மனும் மோதுர நிலையில் வரவேண்டும்......!  tw_blush:

இணையவன் முதல் சாடிகளை பார்த்திட்டு கணக்க யோசிச்சிட்டார் போல, குறூப்புகளை பார்க்கும்போது பிரான்ஸ் அடி பின்னும் போல கிடக்கு....!  tw_blush:  tw_blush:

Link to comment
Share on other sites

  • கருத்துக்கள உறவுகள்
3 minutes ago, suvy said:

தொடர்ந்து பகிருங்கள்....! நல்ல போட்டியாகத்தான் போகும் போல .யார் வேண்டாலும் பரவாயில்லை, எனக்கென்னன்டால் பிரான்ஸ்சும் ஜெர்மனும் மோதுர நிலையில் வரவேண்டும்......!  tw_blush:

இணையவன் முதல் சாடிகளை பார்த்திட்டு கணக்க யோசிச்சிட்டார் போல, குறூப்புகளை பார்க்கும்போது பிரான்ஸ் அடி பின்னும் போல கிடக்கு....!  tw_blush:  tw_blush:

நாங்க ஜேர்மனி  பக்கம்  ஜேர்மனி வெல்லும் என்று கூறி tw_blush:

Link to comment
Share on other sites

FIFA உலகக் கிண்ண குழு நிலை அணிகள் அறிவிப்பு

pic-FIFA-696x464.jpg
 

ரஷ்யாவில் அடுத்த ஆண்டு நடைபெறும் FIFA உலகக் கிண்ண கால்பந்து போட்டியில் 2010 உலக சம்பியன் ஸ்பெயின் அணியும் ஐரோப்பிய சம்பியனான கிறிஸ்டியானோ ரொனால்டோவின் போர்த்துக்கல் அணியும் ஒரே குழுவில் இடம்பிடித்திருப்பதோடு, இங்கிலாந்து அணி பலம்மிக்க பெல்ஜியத்தை எதிர்கொள்ளவுள்ளது.

2018 உலகக் கிண்ணத்தில் ஆட தேர்வாகி இருக்கும் 32 அணிகளையும் எட்டு குழுக்களாக பிரிக்கும் வண்ணமயமான நிகழ்வு ரஷ்யாவில் நேற்று (01) நடைபெற்றது. இதில் நெய்மரின் பிரேசில் அணி இருக்கும் குழுவில் சுவிட்சர்லாந்து, கொஸ்டா ரிகா மற்றும் செர்பிய அணிகள் இடம்பெற்றுள்ளன. பிரேசில் ஆறாவது உலகக் கிண்ணத்தை வெல்லும் நோக்குடனேயே களமிறங்கவுள்ளது.

 

நடப்பு சம்பியன் ஜெர்மனி அணி மெக்சிகோ, சுவீடன் மற்றும் தென் கொரிய அணிகள் இருக்கும் குழுவில் இடம்பிடித்துள்ளது. ஜோசிம் லொவேஸ் பயிற்சியில் ஆடும் ஜெர்மனி 1962இல் பிரேசில் நிகழ்த்திய சாதனைக்கு பின் தொடர்ச்சியாக இரண்டாவது முறை உலகக் கிண்ணத்தை கைப்பற்ற எதிர்பார்த்துள்ளது.  

எவ்வாறாயினும் கடந்த இரு உலகக் கிண்ண போட்டிகளிலும் நடப்பு சம்பியன்கள் முதல் சுற்றிலேயே வெளியேறின. 2010இல் நடப்பு சம்பியன் இத்தாலி மற்றும் 2014 நடப்புச் சம்பியன் ஸ்பெயின் அடுத்த சுற்றுக்கு முன்னெறவில்லை.  

உலகக் கிண்ணத்திற்கு தகுதி பெறவே பெரும் போராட்டம் நிகழ்த்திய லியோனல் மெஸ்ஸியின் ஆர்ஜென்டீன அணி முதல் முறை உலகக் கிண்ணத்தில் ஆடவிருக்கும் ஐஸ்லாந்து, அதேபோன்று அபாய அணியாக பார்க்கப்படும் குரோஷியா மற்றும் நைஜீரிய அணிகள் இருக்கும் குழுவில் இணைக்கப்பட்டுள்ளது.  

11 நகரங்களில் 64 போட்டிகள்

கிரெம்ளின் மாளிகையில் நடைபெற்ற குழுக்களை பிரிக்கும் நிகழ்வு முந்தைய நிகழ்வுகள் போலன்று மிக விரைவாக முடிவுற்றது. ரஷ்ய ஜனாதிபதி விளாடிமிர் புடின் மற்றும் FIFA தலைவர் கியன்னி இன்பன்டினோவின் உரைகளுக்கு பின் நான்கு சாடிகளிலும் வைக்கப்பட்ட 32 அணிகளின் பெயர்களை குலுக்கல் முறையில் தேர்வு செய்யும் நிகழ்வு விரைவாக ஆரம்பிக்கப்பட்டது.

இந்த குலுக்கல் செயல்முறைக்கு ஆர்ஜென்டீன முன்னாள் கால்பந்து ஜாம்பவான் டியாகோ மரடோனா மற்றும் பிரான்சின் 1998ஆம் ஆண்டு அணித் தலைவர் லோரென்ட் ப்ளான்க் உதவியாக செயற்பட்டனர்.

போட்டியை நடத்தும் ரஷ்யாவின் முதல் சுற்று எதிர் அணிகள் தேர்வாவதற்கு சற்று முன்னர் உரையாற்றிய புட்டின், அதிகம் போராடும் திறன் கொண்ட அணியே அதிகம் விரும்பப்படும் கிண்ணத்தை வெல்லும். வெற்றி பெறுவதற்கு அனைத்து அணிகளுக்கும் நான் வாழ்த்து தெரிவிப்பதோடு விசுவாசமான அனைத்து ரசிகர்களும் ரஷ்யாவுக்கு வந்து 2018 உலகக் கிண்ணத்தை கண்டுகளிக்க நான் அழைப்பு விடுக்கிறேன் என்று புடின் இந்நிகழ்வில் குறிப்பிட்டார்

2018, ஜூன் 14 ஆம் திகதி தொடக்கம் ஒரு மாதம் நீடிக்கும் உலகக் கிண்ண போட்டிகள் ரஷ்யாவின் 11 நகரங்களில் நடைபெறவுள்ளன. நாட்டின் மேற்கில் கலிங்கார்ட் தொடக்கம் கிழக்கில் 2,500 கிலோமீற்றர் தொலைவில் இருக்கும் எகடெரின்போர்க் நகர் வரை போட்டிகள் இடம்பெறும்.  

ஒட்டுமொத்தமாக 64 போட்டிகள் நடைபெறவிருப்பதோடு இதன் இறுதிப் போட்டி தலைநகர் மொஸ்கோவின் லுஸ்னிக்கி அரங்கில் ஜுலை 15ஆம் திகதி நடைபெறும்.

முதல் போட்டியில் ரஷ்யாசவூதி

போட்டியை நடத்தும் அணி என்பதால் இம்முறை உலகக் கிண்ணத்திற்கு ரஷ்யா தகுதிகாண் போட்டி இன்றியே தேர்வானது. எனினும் தாம் ஸ்பெயினை எதிர்கொள்ள விரும்பவில்லை என்று ரஷ்ய அணியின் பயிற்சியாளர் ஸ்டெனிஸ்லேவ் செர்சசோவ் குறிப்பிட்டிருந்தார்.

அவர் எதிர்பார்த்தது போல் ஸ்பெயின் இருக்கும் குழுவில் ரஷ்யா இடம்பெறாதபோதும் அந்த அணி சவால் கொண்ட A குழுவிலேயே இடம்பெற்றுள்ளது. அந்த குழுவில் பார்சிலோனாவின் லுயிஸ் வச்ரேஸ் தலைமையிலான உருகுவே, லிவர்பூல் முன்கள வீரர் மொஹமது சலாஹ்வின் எகிப்து அணிகள் இடம்பெற்றுள்ளன. ஆசிய மண்டலத்தில் இருந்து தேர்வான சவூதி அரேபியாவும் A குழுவில் உள்ளது.

மொஸ்கோ நகரில் உலகக் கிண்ணத்தை ஆரம்பித்து வைக்கும் முதல் போட்டியில் ஜூன் 14 ஆம் திகதி ரஷ்யா மற்றும் சவூதி அரேபியா அணிகள் பலப்பரீட்சை நடத்தும்.

எனவே, உலகக் கிண்ண ஆரம்ப போட்டி ஒன்றில் ஆசிய அணி பங்கேற்பது முதல்முறையாக அமையவுள்ளமை குறிப்பிடத்தக்கது.  

உலகக் கிண்ணத்தை நடத்தும் நாடு ஒரே ஒரு தடவை மாத்திரமே இரண்டாவது சுற்றுக்கு முன்னேறாமல் இருந்துள்ளது. 2010 உலகக் கிண்ணத்தை நடத்திய தென்னாபிரிக்கா குழு நிலை போட்டிகளோடு வெளியேறியது. சுமார் 30 வீதமான உலகக் கிண்ணத்தை, போட்டியை நடத்திய நாடே வென்றமை குறிப்பிடத்தக்கது

 

B குழுவில் ஸ்பெயின் மற்றும் போர்த்துக்கல் என்ற பலம்மிக்க போட்டியாளர்களுடன் மொரோக்கொ மற்றும் ஈரானும் இடம்பெற்றுள்ளன. ஈரான் அணி ஆசிய மண்டல உலகக் கிண்ண தகுதிகாண் போட்டிகளில் 10 போட்டிகளில் தோல்வியுறாத அணியாகவே உலகக் கிண்ணத்திற்கு முன்னெறியது. அதேபோன்று ஆபிரக்க மண்டலத்தில் பலம் கொண்ட ஐவொரி கோஸ்ட் அணியை பின்தள்ளியே மொரோக்கோ உலகக் கிண்ணத்திற்கு முன்னேறியது.   

வலுவான முன்கள வீரர்களான அன்டொயினே கிரியஸ்மான் மற்றும் பதின்ம வயது வீரர் கைலியன் ம்பப்பே ஆகியோரை கொண்டிருக்கும் பிரான்ஸ் C குழுவில் ஆஸ்திரியா, பெரு மற்றும் டென்மார்க் அணிகளை எதிர்கொள்ளும்.

ஆர்ஜென்டீனா மோதும் D குழுவில் அண்மைக் காலமாக சோபிக்கும் இரு ஐரோப்பிய அணிகளான ஐஸ்லாந்து, குரோஷியா இடம்பெற்றிருப்பதோடு எதிர்வுகூற முடியாத அணியாக கருதப்படும் நைஜீரியாவும் இந்த குழுவிலேயே உள்ளது.  

இதில் H குழு குறிப்பிடத்தக்கதாகும். இந்த குழுவில் முன்னணி அணியாக போலந்துடன் ஆபிரிக்காவின் செனகல், தென் அமெரிக்காவின் கொலம்பியா மற்றும் ஆசியாவின் பலம்கொண்ட அணியான ஜப்பான் இடம்பெற்றுள்ளன. எனினும் கால்பந்து அரங்கில் மிகப்பெரிய கிண்ணங்களை வெல்லாத அணிகளை கொண்ட குழுவாகவே இது உள்ளது.

உலகக் கிண்ண குழுநிலை போட்டிகள் முடிவில் ஒவ்வொரு குழுவிலும் முதல் இரு இடங்களை பிடிக்கும் அணிகள், நொக் அவுட் சுற்றான (knockout) 16 அணிகள் மோதும் சுற்றுக்கு தேர்வாகும்.   

குழு நிலை அணிகள்

A குழு ரஷ்யா, சவூதி அரேபியா, எகிப்து, உருகுவே
B குழு போர்த்துக்கல், ஸ்பெயின், மொரோக்கோ, ஈரான்
C குழு பிரான்ஸ், அவுஸ்திரேலியா, பெரு, டென்மார்க்
D குழு ஆர்ஜென்டீனா, ஐஸ்லாந்து, குரோஷியா, நைஜீரியா
E குழு பிரேசில், சுவிட்சர்லாந்து, கோஸ்டா ரிகா, செர்பியா
F குழு ஜெர்மனி, சுவீடன், மெக்சிகோ, தென் கொரியா
G குழு பெல்ஜியம், பனாமா, துனீஷியா, இங்கிலாந்து
H குழு போலந்து, செனகல், கொலம்பியா, ஜப்பான்

http://www.thepapare.com

Link to comment
Share on other sites

உலகக் கோப்பை கால்பந்து திருவிழா தொடருக்கான அட்டவணை வெளியீடு: முதல் ஆட்டத்தில் ரஷ்யா - சவுதி அரேபியா மோதல்

 

 
03CHPMUFIFAWORLDCUP

ரஷ்யாவில் அடுத்த ஆண்டு நடைபெறும் உலகக் கோப்பை கால்பந்து தொடருக்கான அட்டவணை வெளியிடப்பட்டுள்ளது.

உலகக் கோப்பை கால்பந்து தொடர் ரஷ்யாவில் அடுத்த ஆண்டு ஜூன் 14-ம் தேதி முதல் ஜூலை 15-ம் தேதி வரை கோலாகலமாக நடைபெற உள்ளது. 32 நாடுகள் கலந்து கொள்ளும் இந்த கால்பந்து திருவிழாவில் போட்டியை நடத்தும் நாடு என்ற முறையில் ரஷ்யா நேரடியாக தகுதி பெற்றது. மீதம் உள்ள 31 அணிகளும் தகுதிச் சுற்று மூலம் தேர்வாகி உள்ளன. இம்முறை பலம் வாய்ந்த இத்தாலி, நெதர்லாந்து அணிகள் தகுதி பெறவில்லை.

இந்நிலையில் மாஸ்கோவில் நேற்று முன்தினம் இரவு குலுக்கல் முறையில் ஒவ்வொரு அணியும் இடம் பெறும் பிரிவு தேர்வு செய்யப்பட்டது. இதில் ‘ஏ’ பிரிவில் ரஷ்யா, உருகுவே, எகிப்து, சவுதி அரேபியா அணிகளும் ‘பி’ பிரிவில் ஸ்பெயின், போர்ச்சுக்கல், ஈரான், மொராக்கோ அணிகளும், ‘சி’ பிரிவில் பிரான்ஸ், பெரு, டென்மார்க், ஆஸ்திரேலியா அணிகளும், ‘டி’ பிரிவில் அர்ஜென்டினா, குரோஷியா, ஐஸ்லாந்து, நைஜீரியா அணிகளும் இடம் பெற்றுள்ளன.

‘இ’ பிரிவில் பிரேசில், சுவிட்சர்லாந்து, கோஸ்டா ரிகா, செர்பியா அணிகளும், ‘எஃப்’ பிரிவில் நடப்பு சாம்பியன் ஜெர்மனி, மெக்சிகோ, சுவீடன், தென் கொரியா அணிகளும். ‘ஜி பிரிவில் பெல்ஜியம், இங்கிலாந்து, துனிசியா, பனாமா அணிகளும், ஹெச் பிரிவில் போலந்து, கொலம்பியா, செனகல், ஜப்பான் அணிகளும் இடம் பெற்றுள்ளன. கால்பந்து திருவிழாவின் முதல் ஆட்டத்தில் போட்டியை நடத்தும் ரஷ்யா ஜூன் 14-ம் தேதி சவுதி அரேபியாவை சந்திக்கிறது. இந்த ஆட்டம் இரவு 8.30 மணிக்கு மாஸ்கோவில் நடைபெறுகிறது. இந்தத் தொடரின் அனைத்து ஆட்டங்களும் ரஷ்யாவில் உள்ள 11 நகரங்களில் உள்ள 12 மைதானங்களில் நடத்தப்பட உள்ளது.

லீக் சுற்றில் ஒவ்வொரு அணியும் தங்களது பிரிவில் இடம் பெற்றுள்ள மற்ற அணிகளுடன் தலா ஒரு முறை மோதும். இதில் புள்ளிகள் அடிப்படையில் ஒவ்வொரு பிரிவில் இருந்தும் முதல் இரு இடங்களை பிடிக்கும் அணிகள் என மொத்தம் 16 அணிகள் நாக் அவுட் சுற்றுக்கு முன்னேறும். லீக் ஆட்டங்கள் ஜூன் 14-ம் தேதி முதல் ஜூன் 28 வரை நடைபெறுகிறது. நாக் அவுட் சுற்று ஜூன் 30-ம் முதல் தொடங்குகிறது. நாக் அவுட் சுற்றில் வெற்றி காணும் 8 அணிகள் கால் இறுதிக்கு முன்னேறும்.

கால் இறுதி ஆட்டங்கள் ஜூலை 6, 7-ம் தேதிகளிலும் அரை இறுதி ஆட்டங்கள் 10 மற்றும் 11-ம் தேதிகளிலும் நடைபெறுகிறது. 14-ம் தேதி 3-வது இடத்துக்கான ஆட்டம் நடைபெறுகிறது. சாம்பியன் யார் என்பதை தீர்மானிக்கும் இறுதி போட்டி 15-ம் தேதி மாஸ்கோவில் இரவு 8.30 மணிக்கு நடைபெறுகிறது.

அர்ஜென்டினா, ஸ்பெயின் அணிகள் லீக் சுற்றில் தங்களது பிரிவில் முதலிடம் பிடிக்கும் பட்சத்தில் இரு அணிகளும் கால் இறுதியில் நேருக்கு நேர் மோத வாய்ப்பு உள்ளது. ஆனால் ஸ்பெயின் இடம் பெற்றுள்ள பிரிவில் வலுவான போர்ச்சுக்கல் அணியும் இடம் பிடித்துள்ளது. இதேபோல் நடப்பு சாம்பியனான ஜெர்மனி கால் இறுதிக்கு முந்தைய சுற்றில் பிரேசில் அணியை சந்திக்கக்கூடும். இந்த நிலைமை பிரேசில் அணி தனது பிரிவில் 2-வது இடம் பிடித்தால் மட்டுமே ஏற்படும்.

11jpg
12jpg
5jpg

http://tamil.thehindu.com/sports/article21250618.ece

Link to comment
Share on other sites

On 1.12.2017 at 6:08 PM, suvy said:

தொடர்ந்து பகிருங்கள்....! நல்ல போட்டியாகத்தான் போகும் போல .யார் வேண்டாலும் பரவாயில்லை, எனக்கென்னன்டால் பிரான்ஸ்சும் ஜெர்மனும் மோதுர நிலையில் வரவேண்டும்......!  tw_blush:

இணையவன் முதல் சாடிகளை பார்த்திட்டு கணக்க யோசிச்சிட்டார் போல, குறூப்புகளை பார்க்கும்போது பிரான்ஸ் அடி பின்னும் போல கிடக்கு....!  tw_blush:  tw_blush:

நீங்கள் விரும்புவதுக்கு சந்தர்ப்பம் வருமோ தெரியாது..:unsure: காரணம் கால்இறுதி போட்டியில் ஜெர்மனி பிரேசிலை சந்திக்க வேண்டி வரும்போல இருக்கு.

பிரான்ஸ்  ஆர்ஜென்டீனாவை கால்இறுதி போட்டியில் சந்திக்கவேண்டும். அதன் பிறகுதான் மிச்சம்..:rolleyes:

Link to comment
Share on other sites

  • கருத்துக்கள உறவுகள்

போட்டி என்றால் விளையாடுபவர்களுக்கும் நாடுகளுக்கும் மட்டுமல்ல எங்களுக்கும் இருந்தால்தான் சுவாரஸ்யம். அந்தவகையில் எனது மச்சான்ஸ் மருமோன்ஸ் மற்றும் களத்தில் அநேக உறவுகள் நீங்கள் உட்பட ஜெர்மனிதான். அதுதான் மோதி பார்க்கிறேன்....ஹா .....ஹா .....ஹா....!  tw_blush:

Link to comment
Share on other sites

Archived

This topic is now archived and is closed to further replies.



×
×
  • Create New...

Important Information

By using this site, you agree to our Terms of Use.