Jump to content

கூகுள் க்ரோம் vs மொஸில்லாவின் குவான்டம்... எது சாம்பியன்? #FirefoxQuantum


Recommended Posts

கூகுள் க்ரோம் vs மொஸில்லாவின் குவான்டம்... எது சாம்பியன்? #FirefoxQuantum

 
 

ந்தயத்தில் அத்தனை பேரையும் முந்தி, முதல் ஆளாக ஓடிக்கொண்டிருந்த கூகுளின் க்ரோம் பிரவுசருக்கு திடீர் ஷாக் கொடுத்துள்ளது மொஸில்லா. க்ரோமுக்குப் போட்டியாக, ஃபயர்பாக்ஸ் குவான்டம் பிரவுசரை வெளியிட்டிருக்கிறது அந்நிறுவனம். இத்தனை நாள்கள், கொஞ்சம் கொஞ்சமாக பட்டி டிங்கரிங் பார்த்து அப்டேட்ஸ் விட்டுக்கொண்டிருந்த மொஸில்லா, இந்தமுறை ஃபயர்பாக்ஸை A டு Z முழுமையாக மாற்றியிருக்கிறது. இதன் பெயர்தான் 'ஃபயர்பாக்ஸ் குவான்டம்'.

மொஸில்லா குவான்டம்

 

என்ன ஸ்பெஷல்?

பிரவுசரின் டிசைனில் இருந்து வேகம் வரைக்கும் எல்லா ஏரியாவிலும் இறங்கி வேலை செய்திருக்கிறது மொஸில்லா. பழைய ஃபயர்பாக்ஸைப் பயன்படுத்தியவர்களுக்கும் சரி, க்ரோமை பயன்படுத்துபவர்களுக்கும் சரி; இருவருக்குமே அசத்தல் அனுபவத்தைத் தருகிறது குவான்டம் பிரவுசரின் யூசர் இன்டர்ஃபேஸ். க்ரோமில் இருப்பது போலவே, பேக் பட்டன் டிசைன், கஸ்டமைஸ்டு டூல்பார் போன்றவை புதிய அம்சங்கள். இதுதவிர, இன்னும் சில விஷயங்களைப் புதிதாக சேர்த்துள்ளது மொஸில்லா.

லைப்ரரி:

பிரவுசரில் நாம் எடுக்கும் ஸ்க்ரீன்ஷாட்ஸ், புக்மார்க்ஸ், பிரவுசிங் ஹிஸ்டரி அனைத்தையும் ஒருங்கிணைத்து லைப்ரரி மெனுவுக்குக் கீழே வைக்க முடியும். வழக்கமான புக்மார்க்ஸ் வசதியைத் தவிர்த்து 'பாக்கெட்' வசதியையும் கூடுதலாக இணைத்துள்ளது மொஸில்லா. இதன்மூலம், நாம் சேமிக்கும் அனைத்து இணைய இணைப்புகளையும் ஒரே அக்கவுன்ட்டில் சேமிக்கமுடியும். பாக்கெட் ஆப்பை மொபைலில் இன்ஸ்டால் செய்துகொண்டால், மொபைலிலும் இவற்றை எடுத்துக்கொள்ளலாம். கிளவுடில் பதிவாவதால், எந்த கேட்ஜெட்டில் இருந்தும் இவற்றை எடுக்கமுடியும். இதுதான் 'பாக்கெட்' வசதியின் ப்ளஸ். இதற்கு முன்பு எக்ஸ்டென்ஷனில் மட்டுமே கிடைத்துக்கொண்டிருந்த இந்த வசதியை டிஃபால்ட்டாகவே மாற்றிவிட்டது மொஸில்லா.

ஸ்க்ரீன்ஷாட்:

பிரவுசரில் இருந்து நேரடியாக ஸ்க்ரீன்ஷாட் எடுப்பதற்காக ஒரு புதிய ஆப்ஷன் இதில் சேர்க்கப்பட்டுள்ளது. இதன்மூலம் எளிதாக ஸ்க்ரீன்ஷாட் எடுத்து, அதனை டவுன்லோடு செய்துகொள்ள முடியும்.

screenshot feature

வேகம்:

"குவான்டம் பிரவுசர் குரோமை விடவும் 30 % குறைவான மெமரியையே பயன்படுத்துகிறது" என்கிறது மொஸில்லா நிறுவனம். இணையத்தின் வேகம் என்பது பொதுவாக இணைய இணைப்பு, கணினியின் திறன் மற்றும் பிரவுசரின் வேகம் ஆகியவற்றைப் பொறுத்தே அமையும். இந்த விஷயத்தில் குவான்டம் பிரவுசர் கில்லி என்பதால், பயன்படுத்த ஸ்மூத்தாக இருக்கிறது. இவைதவிர, கூகுளில் இருப்பது போலவே ஆட்டோ கம்ப்ளீட் (Auto complete) வசதியும் இருக்கிறது. 

மொஸில்லா Vs குரோம் 

 

யாஹூவை கழட்டிவிட்ட மொஸில்லா:

கடந்த 2014-ம் ஆண்டு யாஹூ நிறுவனத்துடன் மொஸில்லா நிறுவனம் போட்ட ஒப்பந்தத்தின்படி, 2019-ம் ஆண்டு வரைக்கும் ஃபயர்பாக்ஸ் பிரவுசரில் யாஹூதான் டிஃபால்ட் சர்ச் ஆக இருக்கவேண்டும் (அமெரிக்கா உள்ளிட்ட சில நாடுகளில்). இந்தமுடிவுக்கு மக்களிடம் இருந்து பெரிய ஆதரவில்லை. பெரும்பாலானோர் கூகுளையே அதிகம் விரும்பியதால், ஃபயர்பாக்ஸ்க்கும் சிக்கல் வந்தது. இந்நிலையில், தற்போதைய குவான்டம் பிரவுசரில் டிஃபால்ட் சர்ச் இன்ஜினாக கூகுளை மாற்றிவிட்டது மொஸில்லா. இந்த மாற்றம் குறித்தும், ஒப்பந்தம் குறித்தும் பதிலளித்துள்ள மொஸில்லா நிறுவனத்தின் தலைமை சட்ட அதிகாரி, "இதற்குப் பல காரணங்கள் இருக்கின்றன. மக்களுக்கு சரியான தேடுதல் முடிவுகளை வழங்குவது, மொஸில்லாவின் எதிர்காலம் போன்றவற்றையெல்லாம் கருத்தில் கொண்டோம். இந்த சர்ச் இன்ஜினைத் தவிர்த்தும் வெரிசானுடன் எங்களால் பல வகைகளில் இணைந்து செயல்படமுடியும்.  புதிய குவான்டம் பிரவுசரில் கூகுள் மட்டுமின்றி, மேலும் 60 சர்ச் இன்ஜின்களை இணைத்துள்ளோம்" எனக் கூறியிருக்கிறார்.

 

இதனைப் பயன்படுத்த, ஏற்கெனவே இருக்கும் ஃபயர்பாக்ஸ் பிரவுசரை அப்டேட் செய்தாலே போதும். இல்லையெனில் டவுன்லோடு செய்துகொள்ளலாம். ஆண்ட்ராய்டின் ஆதிக்கத்தாலும், அருமையான செயல்பாட்டினாலும், க்ரோம்தான் உலகின் முன்னணி பிரவுசர். அந்த இடத்தில் குவான்டம் நிச்சயம் அதிர்வை ஏற்படுத்தும்.

https://www.vikatan.com/news/information-technology/107925-mozillas-new-quantum-browser-and-its-features.html

Link to comment
Share on other sites

  • கருத்துக்கள உறவுகள்

மொஸில்லா குவாண்டம் உலாவியை கடந்த இரு தினங்களாக பயன்படுத்துகிறேன்..

பழைய மொஸில்லா உலாவியை விட மொஸில்லா குவாண்டம் வடிவமைப்பில், வேகத்தில் சிறந்ததுதான். ஆனால் கூகிள் குரோமை விட அதிக வேகம் என சொல்ல இயலவில்லை. தற்பொழுது இரண்டும் ஏறக்குறைய ஒரேவித வேகத்தில் இருக்கிறதென உணர்கிறேன்.

Link to comment
Share on other sites

பழைய மொஸில்லா அதிகமான மெமொறியை எடுத்துக் கொண்டு வேகம் குறைவாக வேலை செய்தது. குவாண்டம் தரவிறக்கம் செய்து பதிந்துள்ளேன். ஆரம்பத்தில் மிகக் குறைவான மெமொறியையே பாவிக்கின்றது. பாவித்துப் பார்க்கலாம்.

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 19 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 4 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 37 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.