Jump to content

இணையத்தைக் கலக்கும் இலங்கை பந்துவீச்சாளர்!


Recommended Posts

இணையத்தைக் கலக்கும் இலங்கை பந்துவீச்சாளர்!

 
 

இலங்கை ஜூனியர் கிரிக்கெட் அணியின் பந்துவீச்சாளர் கெவின் கோத்திகோடா, தனது வித்தியாசமான பந்துவீச்சு முறையால் இன்டர்நெட் சென்சேஷன் ஆகியிருக்கிறார். 

Kevin_16288.jpg

 

Photo Credit: Asian Cricket Council


கிரிக்கெட் உலகம் வித்தியாசமான பந்துவீச்சு முறைகொண்ட பல்வேறு பந்துவீச்சாளர்களைக் கண்டிருக்கிறது. அவர்களில் குறிப்பிடத்தக்கவர் தென்னாப்பிரிக்காவின் முன்னாள் வீரர் பால் ஆடம்ஸ். சைனா மேன் முறையில் பந்துவீசிய பால் ஆடம்ஸ், தலையைச் சுற்றி பந்துவீசுவது கிரிக்கெட் உலகில் பலரையும் புருவம் உயர்த்தச் செய்தது. இடது கை சுழற்பந்துவீச்சாளரான பால் ஆடம்ஸ், தென்னாப்பிரிக்க அணி சார்பாக சர்வதேச டெஸ்ட் போட்டிகளில் பங்கேற்றிருக்கிறார். அதேபோல், வித்தியாசமான பந்துவீச்சு முறைகொண்ட முத்தையா முரளிதரன் மற்றும் அஜந்தா மெண்டிஸ் போன்ற சுழற்பந்து வீச்சாளர்களைக் கிரிக்கெட் உலகுக்கு அளித்த இலங்கை மண்ணிலிருந்து மேலும் ஒரு வித்தியாசமான பந்துவீச்சு முறைகொண்ட பந்துவீச்சாளர் அறிமுகமாகியுள்ளார். 

 

மலேசியால் நடைபெற்று வரும் 19 வயதுக்குட்பட்டோருக்கான ஆசியக் கோப்பை போட்டியில் இலங்கை அணி சார்பில் அறிமுகமாகியிருக்கும் கெவின், பால் ஆடம்ஸைப்போல் வித்தியாசாமான முறையில் பந்துவீசக்கூடியவர் என்பதால் கிரிக்கெட் உலகின் கவனத்தை ஈர்த்துள்ளார். ஆப்கானிஸ்தான் அணிக்கெதிரான போட்டியில் அறிமுகமான கெவின், வலதுகை சுழற்பந்து வீச்சாளராவார். 18 வயதான கெவின், இலங்கையின் காலே மைதானத்துக்கு அருகில் உள்ள உனாவட்டுனா பகுதியைச் சேர்ந்தவர். ஆப்கானிஸ்தானுக்கு எதிரான கெவின், அறிமுகமான போட்டியில் இலங்கை அணி 61 ரன்கள் வித்தியாசத்தில் வென்றது. லெக் ஸ்பின்னரான கெவின் அந்த போட்டியில் ஒரு விக்கெட் வீழ்த்தினார். வித்தியாசமான பந்துவீச்சில் கவனம் ஈர்த்த அவர், இலங்கை சீனியர் அணிக்காகவும் விளையாடுவார் என்று எதிர்பார்க்கலாம்.    

https://www.vikatan.com/news/sports/107664-sri-lanka-have-a-new-mystery-spinner-kevin-koththigoda.html

Link to comment
Share on other sites

வித்தியாசமான சுழல் வீரரை கிரிக்கெட் உலகிற்கு அறிமுகப்படுத்தும் இலங்கை

Untitled-1-12-696x464.jpg
 

இலங்கை கனிஷ்ட அணியில் விளையாடும் வலதுகை சுழல் வீரர்களில் ஒருவரான கெவின் கொத்திகொடவின் வித்தியாசமான பந்துவீச்சுப் பாணி சமூக வலைதளங்களில் தற்போது அனைவரதும் கவனத்தை ஈர்த்துள்ளது.

18 வயதாகும் கெவின் தற்போது மலேசியாவில் நடைபெறும் 19 வயதுக்கு உட்பட்டோருக்கான ஆசியக் கிண்ணத் தொடரில் இலங்கை சார்பாக விளையாடிவருகின்றார். இத்தொடர் மூலமாகவே இலங்கை கனிஷ்ட அணிக்கு அறிமுகமாயிருக்கும் இவர் வித்தியாசமான சுழல் பந்துவீச்சுப்பாணியைக் கொண்ட தென்னாபிரிக்க அணியின் முன்னாள் இடதுகை சைனமன் பந்துவீச்சாளர் போல் அடம்சை (Paul Adams) ஒத்த விதத்தில் பந்துவீசுவது குறிப்பிடத்தக்கது. இதனால், இவரை போல் அடம்சின் வலதுகைப் பிரதி என தற்போது அனைவரும் அழைக்கின்றனர்.

Paul-Adams-Getty-Images.jpg Courtesy – Getty Images

இளையோர் ஆசியக் கிண்ணத்தில் ஆப்கானிஸ்தான் உடனான போட்டியில் கெவின் விக்கெட் ஒன்றையும் கைப்பற்றி 61 ஓட்டங்களால்  இலங்கையை வெற்றி பெறச் செய்யவும் உதவியிருந்தார்.

காலி சர்வதேச கிரிக்கெட் மைதானத்தில் இருந்து ஐந்து கிலோமீட்டர்கள் தொலைவிலிருக்கும் உனவட்டுனவைப் பிறப்பிடமாகக் கொண்ட கெவின் காலி றிச்மண்ட் கல்லூரியில் தனது ஆரம்ப கல்வியைப் பெற்றிருந்தார்.

இலங்கை A அணியின் முன்னாள் ஆரம்ப துடுப்பாட்ட வீரர் தம்மிக்க சுதர்ஷனவினால் பயிற்றுவிக்கப்பட்ட கெவின்  13 வயதுக்கு உட்பட்ட றிச்மண்ட் கல்லூரி அணியில் இருந்து கிரிக்கெட் போட்டிகளில் விளையாட ஆரம்பித்திருந்தார்.

 

 

எனினும் சில காரணங்களுக்காக பின்னர் காலி மஹிந்த கல்லூரிக்கு மாறியிருந்த அவர் அக்கல்லூரியின் 19 வயதுக்கு உட்பட்ட அணியை கடந்த காலங்களில் பிரதிநிதித்துவம் செய்து தற்போது தேசிய அணிக்காக (Sri Lanka U-19s) கடமை புரியும் வாய்ப்பை பெற்றிருக்கின்றார்.

அவரிடம் வழமைக்கு மாறான பந்துவீச்சுப் பாணி அமைந்துள்ளது. அது போல் அடம்சின் பந்துவீச்சை ஒத்ததாக காணப்படுகின்றது. இந்த பந்துவீச்சுப்பாணி யாரும் பயிற்றுவித்தோ அல்லது வேறுவிதமாகவோ அவருக்கு கிடைக்கவில்லை. இது அவருக்கு இயற்கையாகவே வந்திருக்கின்றது. பந்துவீசும் வேளைகளில் மைதானத்தை அவருக்கு பார்க்க இயலாததன் காரணமாக முன்னர் சில சிரமங்களை எதிர்கொண்டிருந்தார். எனினும், தற்போது அவற்றை அவர் திருத்தி சிறந்த விதத்தில் செயற்படுகின்றார் என கெவினின் பயிற்சியாளர் சுதர்சன அவர் பற்றி கிரிக்பஸ் (Cricbuzz) செய்தி நிறுவனத்துக்கு தெரிவித்திருந்தார்.

அவரது பந்துவீச்சுப்பாணி வித்தியாசமாக அமைந்திருப்பதனால், துடுப்பாட்ட வீரர்கள் குழப்பமடைகின்றனர். த்தோடு அவர் துடுப்பாட்டத்திலும், களத்தடுப்பிலும் சிறந்த விதமாக செயற்படுவது, அவருக்கு பிரகாசமான எதிர்காலம் இருக்கின்றது என்பதனை உறுதிப்படுத்துகின்றதுஎன மேலும் சுதர்ஷன கெவின் பற்றி கருத்து தெரிவித்திருந்தார்.

1995 ஆம் ஆண்டு தென்னாபிரிக்காவுக்கும் இங்கிலாந்துக்கும் நடைபெற்ற ஐந்து போட்டிகள் கொண்ட டெஸ்ட் தொடரில் இரு அணிகளும் வெற்றிகளில் சமநிலை அடைந்ததை அடுத்து போர்ட் எலிசபெத் நகரில் நடைபெற்ற போட்டியில் 18 வயதேயான போல் அடம்சை தென்னாபிரிக்கா அறிமுகம் செய்திருந்தது.

தென்னாபிரிக்க அணிக்காக தான் பங்குபற்றிய அத்தொடரின் இறுதி இரண்டு டெஸ்ட் போட்டிகளிலும் 8 விக்கெட்டுகளை சாய்த்த அடம்ஸ் அந்த டெஸ்ட் தொடரின் வெற்றியாளராக தனது தரப்பு மாற உதவி செய்திருந்தமை குறிப்பிடத்தக்கது.

http://www.thepapare.com

Link to comment
Share on other sites

Archived

This topic is now archived and is closed to further replies.



×
×
  • Create New...

Important Information

By using this site, you agree to our Terms of Use.