''பத்து வருடங்களில் மூன்றரை இலட்சம் விபத்துக்கள்''

[நவீனன்]

''பத்து வருடங்களில் மூன்றரை இலட்சம் விபத்துக்கள்''

 

(ஆர்.ராம், எம்.எம்.மின்ஹாஜ்)

நாட்டில் பத்து வருட காலத்தில் 3 இலட்­சத்து 66 ஆயி­ரத்து 137 விபத்­துகள் இடம்­பெற்­றுள்­ளன. இந்த விபத்­து­க­ளினால் 25 ஆயி­ரத்து 624 பேர் உயி­ரி­ழந்­துள்­ளனர். இதன்­படி யுத்த காலப்­ப­கு­தியில் கூட இவ்­வா­றான உயி­ரி­ழப்­புகள் ஏற்­பட்­டி­ருக்­காது என போக்­கு­வ­ரத்து மற்றும் சிவில் விமான சேவைகள் அமைச்சர் நிமல் சிறி­பால டி சில்வா சபையில் தெரி­வித்தார்.

பாரா­ளு­மன்­றத்தில் நேற்று வெள்­ளிக்­கி­ழமை மோட்டார் வாகன சட்­டத்தின் கீழ் ஒழுங்கு விதிகள் மீதான விவா­தத்தில் கலந்து கொண்டு உரை­யாற்­று­கை­யி­லேயே அவர் மேற்­கண்­ட­வாறு தெரி­வித்தார்.

அவர் மேலும் உரை­யாற்­று­கையில், நாட்டில் விபத்­துகள் இடம்­பெறும் எண்­ணிக்கை பெரு­ம­ளவில் அதி­க­ரித்­துள்­ளது. இதன்­படி சுமார் 10 வருட காலப்­ப­கு­தியில் விபத்­துக்­களை பார்க்கும் போது அது தெட்ட தெளி­வாக விளங்கும். விபத்து அதி­க­மா­கு­வ­தனை அடிப்­ப­டை­யாகக் கொண்டு பாதை­களில் விளம்­பர பதா­கை­க­ளுக்கு கட்­டு­ப்பா­டு­களை விதிக்­க­வுள்ளோம்.  

கடந்த பத்து வரு­டங்­களில் விபத்­து­களை பற்றி பார்க்கும் போது , 2007 ஆம் ஆண்டு 31,980 விபத்­து­களும் 2402 உயி­ரி­ழப்­பு­களும், 2008 இல் 29864 விபத்­து­களும் 2328 உயி­ரி­ழப்­பு­களும் , 2009 இல் 33,904 விபத்­து­களும் 2413 உயிரிழப்பு­களும், 2010 இல் 37,653 விபத்­து­களும் 2721 உயி­ரி­ழப்­பு­களும், 2011 இல் 40,250 விபத்­து­களும் 2677 உயி­ரி­ழப்­பு­களும், 2012 இல் 42,145 விபத்­து­களும் 2444 உயி­ரி­ழப்­பு­களும், 2013 இல் 37,877 விபத்­து­களும் 2362 உயி­ரி­ழப்­பு­களும், 2014 இல் 35,969 விபத்­து­களும் 2440 உயி­ரி­ழப்­பு­களும், 2015 இல் 38,105 விபத்­து­களும் 2817 உயி­ரி­ழப்­பு­களும்,2016 இல் 39,200 விபத்­து­களும் 3020 உயி­ரி­ழப்­பு­களும் நடந்­துள்­ளன.

இதன்­படி நாட்டில் பத்து வருட காலத்தில் 3 இலட்­சத்து 66 ஆயி­ரத்து 137 விபத்­துகள் இடம்­பெற்­றுள்­ளன. இந்த விபத்துகளினால் 25 ஆயிரத்து 624 பேர் உயிரிழந்துள்ளனர். இதன்படி யுத்த காலப்பகுதியில் கூட இவ் வாறான உயிரிழப்புகள் ஏற்பட்டிருக்காது என்றார்.

http://epaper.virakesari.lk/newspaper/Daily/main/2017-10-21#page-2