• advertisement_alt
  • advertisement_alt
  • advertisement_alt
Sign in to follow this  
நவீனன்

நாடோடி மக்களின் உணவு வகைகள்!

Recommended Posts

நாடோடி மக்களின் உணவு வகைகள்!

அபூர்வம்இந்த ரெசிப்பிக்களை வழங்கியவர் ‘சேர்வராய்ஸ்’ கதிரவன்

 

ந்தக் காலத்தில் வாழ்ந்த நாடோடி மக்களின் பிரசித்திப் பெற்ற உணவுகளின் தொகுப்பு இது. தற்போதும் தமிழ்நாடு (ஊட்டி, ஏற்காடு), அருணாச்சலப்பிரதேசம், ஒரிசா, நாகலாந்து, ஏற்காடு போன்ற மாநிலங்களில், இந்த உணவுகள் நடைமுறையில் சமைத்து பரிமாறப்படுகின்றன.

தேன் அடை

தேவையானவை: பொட்டுக்கடலை - 100 கிராம், தேன் - 100 மில்லி, உப்பு  தேவையான அளவு

p17.jpg

செய்முறை: பொட்டுக்கடலையை நன்றாக இடித்து, அதனுடன் உப்பு , தேன் சேர்த்துப் பிசைந்து கொள்ளவும். இதை சிறு சிறு உருண்டைகளாக உருட்டி, வெயிலில் காயவைத்து எடுத்தால், சுவையான தேன் அடை தயார்.

புஃலின்

தேவையானவை: அரிசி மாவு - 200 கிராம், வெல்லம் - 100 கிராம், உப்பு  தேவையான அளவு,எண்ணெய் சிறிதளவு

p17b.jpg

செய்முறை: வெல்லத்தை சிறிதளவு தண்ணீரில் கொதிக்கவைத்து வடிகட்டவும். அரிசிமாவை சலித்து, அதில் உப்பு சேர்த்துக் கலந்து வெல்லத் தண்ணீரில் சேர்த்துப் பிசைந்து கொள்ளவும். இவற்றை சிறு சிறு உருண்டைகளாக உருட்டி எண்ணெயில் இட்டு பொரித்தெடுக்கவும்.

களிமண் கோழி வறுவல்

தேவையானவை: கோழிக் கறி  அரை கிலோ, வெங்காயம் - 100 கிராம், தக்காளி - 50 கிராம், இஞ்சி - 10 கிராம், பூண்டு - 20 கிராம், பட்டை -2, லவங்கம் - 2, ஏலக்காய் - 2, கறிவேப்பிலை  சிறிதளவு, கொத்தமல்லித்தழை  கால் கட்டு, உப்பு  தேவையான அளவு, வாழை இலை - 2, பச்சை களிமண் - 1 கிலோ

p18.jpg

செய்முறை: கோழிக்கறியை சுத்தம் செய்து, சிறு சிறு துண்டுகளாக நறுக்கிக் கொள்ளவும். கறிவேப்பிலை, கொத்தமல்லித்தழை, களிமண் மற்றும் வாழையிலை தவிர மற்ற பொருட்களை நன்றாக இடித்து அந்தக் கலவையை கோழியுடன் சேர்த்துக் கலக்கவும். நன்றாக கலந்தவுடன் அதில் கறிவேப்பிலை மற்றும் கொத்தமல்லித்தழையைச் சேர்த்து வாழையிலையில் வைத்து மடித்துக் கொள்ளவும். இதனை பச்சை களிமண்ணில் வைத்து முழுவதுமாக மூடி நெருப்பின் மேல் வைக்கவும். சூட்டில் களிமண் பானை போல இறுகி உள்ளே உள்ள கோழிக்கறி நன்கு வெந்துவிடும்.அரை மணி நேரம் கழித்து களிமண்ணை உடைத்தால் உள்ளே சுவையான கோழிக்கறி தயாராக இருக்கும்.

மூங்கில் பிரியாணி

தேவையானவை: பச்சை மூங்கில் - 1, அரிசி - 200 கிராம், பட்டை -  2, லவங்கம் - 2, ஏலக்காய் - 2, வெங்காயம் - 50 கிராம், தக்காளி -  50 கிராம், இஞ்சி - 10 கிராம், பூண்டு - 10 கிராம், உப்பு  தேவையான அளவு, கொத்தமல்லித்தழை  சிறிதளவு, புதினா இலை  சிறிதளவு, வாழை இலை - 2

p19.jpg

செய்முறை: அரிசியை நன்றாகக் கழுவி, ஊற வைத்து தண்ணீரை வடிக்கவும். வாழை இலை மற்றும் மூங்கிலைத் தவிர மற்ற பொருட்களை நன்றாக இடித்து, ஊற வைத்த அரிசியில் கலந்து கொள்ளவும். மூங்கிலினுள் வாழை இலையைச் சுருட்டி வைத்து, அதில் அரிசிக் கலவையை வைத்து மேற்பகுதியை வாழை இலையால் அடைத்து நெருப்புக் கனல் மீது வைக்கவும். 30 நிமிடங்களுக்கு பின் மூங்கிலை தனியாக எடுத்து பிளந்தால் உள்ளே புட்டு போல தயார் நிலையில் இருக்கும் பிரியாணியை எடுத்துப் பரிமாறவும்.

அவித்த உருளைச் சோள இலை

தேவையானவை: உருளைக் கிழங்கு - 2, சோளக் கதிர் - 1, வெங்காயம் - 1, பச்சை மிளகாய் - 1, எலுமிச்சைச்சாறு  அரை டேபிள் ஸ்பூன், உப்பு  தேவையான அளவு, கொத்தமல்லித்தழை  சிறிதளவு

p20.jpg

செய்முறை: தோலுரித்த சோளக்கதிரை நெருப்பு கனலின் மேல் பாதியளவு வேகும் வரை வைத்து எடுத்து, முத்துக்களை தனியே உதிர்த்து எடுக்கவும். இதேபோல உருளைக் கிழங்கையும் தீயில் வைக்கவும். கருகியதும் வெளியே எடுத்து நன்றாக ஆறவைத்து, கருகிய பகுதியை மட்டும் நீக்கிவிட்டு உள்ளே வெந்த பகுதியை தனியாக எடுத்து அதனை மசித்து உதிர்த்த சோளம், நறுக்கிய வெங்காயம், பச்சை மிளகாய், கொத்தமல்லித்தழை, எலுமிச்சை சாறு மற்றும் உப்பு சேர்த்து ஒன்றாகப் பிசைந்து கொள்ளவும் .பின்னர் இதனை சோளக்கதிரின் தோலில் வைத்து நன்றாக சுற்றி மீண்டும் நெருப்புக்கனலில் சிறிது நேரம் காட்டி சில நிமிடங்களில் எடுத்து விடவும்.

http://www.vikatan.com/

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now

Sign in to follow this