எமக்குத் தெரிந்த வேலை வாய்ப்புக்கள்

[Athavan CH]

வேலை தேடுபவர்களையும் , வேலைவாய்ப்பு மற்றும் தொழிற்கல்விகள் தொடர்பான விபரங்கள் தெரிந்தவர்களையும் மற்றும் வேலைவாய்ப்பு தொடர்பான ஆலோசனைகளை வழங்கக் கூடியவர்களையும் இணைக்கும் பாலமாக இத்திரியினைத் தொடர்வோம் உறவுகளே. எமக்குத் தெரிந்த தகவல்களை நாம் பகிர்வதன் மூலம் புலத்து உறவுகளுக்கு எம்மாலான உதவிகளை வழங்குவோம்.

[Athavan CH]

Sitzwache

அண்மையில் எனது நண்பன் ஒருவரை சந்தித்த பொழுது , அவர் தற்சமயம் தான் செய்யும் ஒரு பகுதி நேர வேலை தொடர்பாகச் சொன்னார். அதன் விபரங்களை நான் உங்களுடன் பகிர்கிறேன் .

வைத்தியசாலைகளில் நோயாளர் பராமரிப்பு இல்லை கண்கானிப்பு எனச் சொல்வது பொருத்தமாக இருக்கும்.

உங்கள் வேலை
நோயாளரை கண்கானித்தல், அவர் ஏதும் உங்களுடன் கதைத்தால் நீங்கள் கதைக்க வேண்டும், அவர் நீர் ஏதாவது கேட்டால் அவருக்குக்  கொடுக்க வேண்டும் , நோயாளர் ஏதும் அமைதியின்மையாக இருந்தால் தாதிகளுக்கு அறிவிக்க வேண்டும். மற்றும் படி , நோயாளருக்கு மல சலம் துப்பரவு செய்தல் ஒன்றும் உங்கள் வேலை இல்லை அதனை தாதிகள் செய்வார்கள், நீங்கள் நோயாளரை தொடுவதற்கு அனுமதியில்லை .

இவ்வேலையை ஏஜன்சி மூலம் தான் நீங்கள் பெறலாம், நேரடியாக வைத்தியசாலையூடாகப் பெறமுடியாது, ஏஜன்சியில் நீங்கள் உங்களைப் பதிந்து உங்களால் வரக்கூடிய நேர எல்லையையும் கொடுத்தால் அவர்கள் தேவைப் படும் போது உங்களை அழைப்பார்கள்.
நண்பர் கூறினார் நல்ல வேலை என , வேலை நேரத்தில் நீங்கள் புத்தகம் வாசிக்கலாம்,  i padஅல்லது phone இல் படம் பார்க்கலாம், இயர் போனை ஒரு காதில் மட்டும் தான் கொழுவ அனுமதி மற்றய காது free  ஆக இருக்க வேண்டும் நோயாளர் சத்தம் ஏதும் போட்டால் அது உங்களுக்கு கேட்க வேண்டும்.நோயாளர் ஆழ்ந்து உறங்கும் போது நீங்களும் லைட்டா தூங்கி வழியலாம்,  (உங்களைப் போலவே வேலை செய்யும் சக Sitzwache ஐ நண்பர் ஆக்கினால் எல்லமே எளிது).

பல பல்கலைக்கழக மாணவர்கள் இந்த தொழிலைச் செய்வதாகச் சொன்னார், அவர்கள் பணத் தேவயை பூர்த்தி செய்யும் அதே நேரத்தில் அந்த அமைதியான இடத்தில் படித்துக் கொண்டும் இருப்பார்களாம் நண்பர் அங்கே வைத்து தனது மகனுக்கு  ரீயுசன் சொல்லித்தர ஒரு பல்கலை மாணவனையும் ஒழுங்கு செய்து விட்டார்(  கவனியுங்கள் வல்லவிகளுக்கு தான் இந்த உலகம்)

மேலதிக விபரங்களுக்கு கீழே அந்த ஏஜன்சியின் விபரம் தந்துள்ளேன் தொடர்பு கொண்டு விபரம் அறியுங்கள்

வேலை நேரம்

ஒரு நாளின் 24 மணித்தியாலமும் ( உங்கள் வசதிப்படி)

சம்பளம்
மணித்தியால சம்பளம்

ஒரு மணித்தியாலத்திற்கு 25/பிராங்கள், (ஞாயிற்றுகிழமைகளில் 30 பிராங்கள்/ஒரு மணித்தியாலம்)

https://www.phsag.ch/

https://www.phsag.ch/care-jobs/stellenvermittlung.html?L=0

சூரிச்சில்

PHS AG
Buckhauserstrasse 36
Postfach
8048 Zürich

Telefon 058 204 70 70
Telefax 058 204 70 71
zuerich@phsag.ch

அறோவில் (Argau)

PHS AG
Steinackerstrasse 15
8957 Spreitenbach

Telefon 058 204 74 74
Telefax 058 204 74 75
aargau@phsag.ch

அவர்களுடன் தொலை பேசியிலும் கதைக்கலாம், நேரே அலுவலகத்திற்கும் செல்லலாம், உங்களிடம் நோயாளர் பராமரிப்பு அனுபவம் ஏதும் இருக்கா எனக் கேட்பார்களாம், நீங்கள் உங்கள் வயது முதிர்ந்த பெற்றோரைப் பராமர்த்த அனுபவம் இருந்தால் அதனைக் குறிப்பிடலாம் எனச் சொன்னார்

Sitzwache இந்த சொல்லுக்குரிய சரியான ஆங்கில மொழிப்பெயர்ப்பு தெரியவில்லை , மற்றய நாடுகளில் உள்ளவர்கள் ,இப்படி ஏஜன்சிகளைத் தேடிப் பாருங்கள், அல்லது வைத்தியசலை ரிசப்சனில் இந்த ஏஜன்சிகள் தொடர்பாக கேட்டு பாருங்கள். அவர்களுக்குத் தெரிந்திருக்கும்.

[தமிழ் சிறி]

மேலுள்ள வேலை...  வசதியான நேரத்தில், நல்ல சம்பளத்துடன்  செய்யக் கூடிய வேலை போலுள்ளது.
நல்ல பதிவு ஆதவன்.

[தனிக்காட்டு ராஜா]

இலங்கைக்குள்ள ஏதாவது பகுதி நேர வேலை கிடைக்குமா  சும்மா பகிடிக்கு 

வெளிநாட்டில் வேலை இல்லமல் திரிபவர்களுக்கு உதவலாம் நல்லது இணையுங்கோ ஆதவன் சார் 

[தமிழ் சிறி]

26 minutes ago, தனிக்காட்டு ராஜா said:

இலங்கைக்குள்ள ஏதாவது பகுதி நேர வேலை கிடைக்குமா  சும்மா பகிடிக்கு 

வெளிநாட்டில் வேலை இல்லமல் திரிபவர்களுக்கு உதவலாம் நல்லது இணையுங்கோ ஆதவன் சார் 

இலங்கையில்... பகுதி நேர வேலை செய்பவர்களைப்  பற்றி, நான் இது வரை அறியவில்லை.
சிலர்...  வேறு உத்தியோகம் பார்த்துக் கொண்டு, தமது சொந்தத்  தோட்டம் போன்றவற்றை  பராமரிப்பார்கள்.
ஆனால்... அதனை, இங்கு செய்யும் பகுதி நேர வேலையுடன் ஒப்பிடுவது சரியல்ல என நினைக்கின்றேன். 

[தனிக்காட்டு ராஜா]

18 hours ago, தமிழ் சிறி said:

இலங்கையில்... பகுதி நேர வேலை செய்பவர்களைப்  பற்றி, நான் இது வரை அறியவில்லை.
சிலர்...  வேறு உத்தியோகம் பார்த்துக் கொண்டு, தமது சொந்தத்  தோட்டம் போன்றவற்றை  பராமரிப்பார்கள்.
ஆனால்... அதனை, இங்கு செய்யும் பகுதி நேர வேலையுடன் ஒப்பிடுவது சரியல்ல என நினைக்கின்றேன். 

தற்போது பகுதி நேர வேலைகள் பலவற்றை ஆரம்பித்து விட்டார்கள் அண்ண கொழும்பில் சாதாரணம் வ்ட கிழக்கில் இன்னும் சில காலங்களில் நடக்கும்  வருமானம் பெற சிலர் தோட்டங்கள் , மற்றும் பகுதி நேர கடை வியாபாரங்களில் போய் நிற்பது போல் கொஞ்சமாக மாறி வருகிறது 

[Athavan CH]

On 10/2/2017 at 6:00 PM, தனிக்காட்டு ராஜா said:

இலங்கைக்குள்ள ஏதாவது பகுதி நேர வேலை கிடைக்குமா  சும்மா பகிடிக்கு

நீங்கள் பகிடிக்கு கேட்டாலும் நான் சீரியசாகத் தான் பதில் சொல்வேன்.

ஐந்தாறு பேர் சேர்ந்து ஒரு சிறிய கடையை நடாத்தலாம் அல்லது ஒரு பேக்கரியைத் திறக்கலாம் சென்னையில் தரமான ,குறுகிய கால பேக்கரி பயிற்சி வகுப்புகள் உள்ளன , வித்தியாசமாக சோளமா பாண், குரக்கன் பாண் ,பணிஸ் என அசத்தலாம்.

வேலைக்குச் செல்லாத நாட்களில் ஆட்டோ ஒன்றைச் சொந்தமாக வாங்கினால் வீட்டில் வைத்தே ஒடலாம்.

Driving school வைத்து கார் பழக்கலாம் ஏன் மொட்டார் சயிக்கிள் கூட பழக்கலாம் போக்குவரத்துத் திணைக்களத்தில் பதிந்து முறையாக பயிற்சி பெற்று வடிவாகச் செய்யலாம்

வெளிநாட்டுக்காரர் பெருமளவில் ஊருக்கு வரும் ஜுலை, ஆகஸ்ட் மாதங்களில் ஆட்டு இறைச்சி நல்ல விலையாமே, அந்தக் காலப் பகுதியை குறி வைத்து கிடாய் ஆடுகள், குட்டிகளை வாங்கி வளர்க்கலாம்

கொண்டாட்டங்களுக்கு மணவறை, பந்தல்கள் வாடகைக்கு விடலாம்

உங்கள் பகுதிகளில் கிடைக்கும் விளை பொருட்களை வெளி மாவட்டங்களில் விற்கலாம் (மீன் ,கருவாடு, தேன்.......) ஊரில் எமது வீட்டில் பாக்கு வாங்குவது ஒரு பல்கலைக்கழக மாணவன் தான்.

வெளிநாட்டினர் கூடுமிடங்களில் கைப்பணிப் பொருட்கள் விற்கலாம்

saree secondhand shop :இங் கே வெளிநாடுகளில் பல குடும்பங்களிடம் ஏராளமான பாவித்த சாறிகள் உள்ளன கேட்டால் இலவசமாகவே தருவார்கள் , அனேகமானவை ஒரு சில தடவைகள் தான் கட்டப்பட்டிருக்கும், பார்த்தால் புத்தம் புதிதாகவே இருக்கும், பெறுமதியான சாறிகள் , பிளவுஸ் துணி மட்டும் இருக்காது , அதற்குரிய பிளவுஸ் துணிகளை அங்கே ஒழுங்கு செய்து வடிவாகச் secondhand shop செய்யலாம் நடாத்தலாம்.........

பேர்ணில் அகர்வால் எனும் இந்தியப் பெடியன் 84, 85 களில் (அப்போது அவருக்கு ஒரு இருபது வயது கூட இருக்காது) பெருமளவில் எம்மவர் குடியேறிய ஆரம்பக் காலப்பகுதியில் தான் நண்பர்களுடம் தங்கியிருந்த ஒரு சிறிய அறையில் ஒரு மூலையில் சிறிய தட்டடித்து இந்தியாவிலிருந்து தபால் மூலம் எடுத்து மிளகாய்த்தூள், சீரகம், வெந்தயம் விற்கத் தொடங்கியவர் ..... இன்று சுவிஸ் யோகற் கம்பனிகளுக்கே இந்தியாவிலிருந்து  தொன் கணக்கில் பழக்கூழ்கள், பழக்கழிகள் கொடுக்கிறார், பல ஆசியன் கடைகள் ,கிந்தி திரைப்படம் எடுக்க வருபவர்களுக்கு சகலவசதிகளும் செய்து கொடுக்கும் சேவை வியாபாரம், hotel கூட சொந்தமாக  வைத்திருக்கிறார் என நினைக்கிறேன் .....,

இப்படிக் கணக்க எழுதலாம்.....!