உதைபந்தாட்டமும் இடக்குமுடக்கான கேள்விகளும் நடுவரின் சரியான தீரப்புக்களும்

[வாத்தியார்]

உதைபந்தாட்டமும் இடக்குமுடக்கான கேள்விகளும்
நடுவரின் சரியான தீரப்புக்களும்

உதைபந்தாட்ட விதிமுறைகள் பலதும் மேலெழுந்தவாரியாக  எப்போதும் ஒரேமாதிரியாக இருந்தாலும்

உள்ளே சென்று பார்த்தால் அவ்வப்போது  பல சிறிய திருத்தங்கள் செய்யப்பட்டிருக்கும்.

அவற்றை விளங்கிக்கொள்ளவும்  அறிந்துகொள்ளவும்

இந்திரியை ஒரு கேள்வி பதில் திரியாக ஆரம்பித்துள்ளேன்.

உங்களிடம் இருக்கும் கேள்விகளையும்  இங்கே முன்வைக்கலாம்.
நகைச்சுவையாகவும் மற்றவர்களுக்கு உதவும் வகையிலும்

இத்திரியைக் கொண்டுசெல்வதற்கு உங்கள் ஆதரவை வேண்டுகின்றேன்.

கேள்வி
தண்டனை உதை

சாதாரண 90  நிமிட விளையாட்டு நேரத்தில்  விளையாட்டுவீரர்  இலக்கம் 9 இனால்  சரியானமுறையில்  உதைக்கப்பட்ட தண்டனை உதை இலக்கு கம்பத்தில் பட்டு மீண்டும் மைதானத்திற்குள்  வருகின்றது.

அப்போது  இலக்கு காப்பாளரும் தண்டனை உதையை உதைத்தவரும் (9 )  அந்தப் பந்தை நோக்கி ஓடி வருகின்றனர். இலக்கம் 9 . பந்தை மீண்டும் இலக்குக்குள் உதைப்பதற்கு முன்னர் இலக்கு காப்பாளர் அவரைத்  தனது கைகளால் பிடித்து இழுத்து விட்டார்.
மத்தியஸ்த்தர் விளையாட்டை இடைநிறுத்துகின்றார்.
அடுத்து ஏன், எப்படி விளையாட்டைத் தொடர வேண்டும் ? 

[வாத்தியார்]

On 17.8.2017 at 1:08 PM, வாத்தியார் said:

உதைபந்தாட்டமும் இடக்குமுடக்கான கேள்விகளும்
நடுவரின் சரியான தீரப்புக்களும்

 

கேள்வி
தண்டனை உதை

சாதாரண 90  நிமிட விளையாட்டு நேரத்தில்  விளையாட்டுவீரர்  இலக்கம் 9 இனால்  சரியானமுறையில்  உதைக்கப்பட்ட தண்டனை உதை இலக்கு கம்பத்தில் பட்டு மீண்டும் மைதானத்திற்குள்  வருகின்றது.

அப்போது  இலக்கு காப்பாளரும் தண்டனை உதையை உதைத்தவரும் (9 )  அந்தப் பந்தை நோக்கி ஓடி வருகின்றனர். இலக்கம் 9 . பந்தை மீண்டும் இலக்குக்குள் உதைப்பதற்கு முன்னர் இலக்கு காப்பாளர் அவரைத்  தனது கைகளால் பிடித்து இழுத்து விட்டார்.
மத்தியஸ்த்தர் விளையாட்டை இடைநிறுத்துகின்றார்.
அடுத்து ஏன், எப்படி விளையாட்டைத் தொடர வேண்டும் ? 

விளக்கம்
பனால்ட்டியை அடித்தவர் இரண்டாவதுமுறையும் அந்தப்பந்தை அடிப்பது தவறு. இடையில் இன்னொருவீரர் மீது பந்து முட்டியிருக்க வேண்டும்.
இவ்வாறு தொடர்ந்து இரண்டாவது முறையாக உதைக்கப்படும் பந்து இலக்கை எட்டினாலும் அது இலக்காகச் சேர்த்துக்கொள்ளப்படமாட்டாது.
ஒன்பதாம் இலக்க வீரர் பந்தை அடிக்கவில்லை என்பது கவனத்தில் கொள்ளவேண்டும் அடிக்க முயற்சி மட்டுமே செய்தார். அது தவறல்ல.

ஆனால் பந்தை அடிக்க முன்னரே
பந்தை அடிக்கவரும் வீரரை அவர்  யாராக இருந்தாலும்  தடுப்பாளர் இழுத்துப்பிடித்தது  தவறு.

இந்தத் தவறுக்காக இலக்குத்  தடுப்பாளருக்கு மஞ்சள் அட்டை மூலம்   எச்சரிக்கை வழங்கப்படும் .
அத்துடன் மீண்டும் 9  ஆம் இலக்க வீரரின்  அணிக்கு சார்பாகத்   தண்டனை உதை அளிக்கப்பட்டு விளையாட்டுத் தொடரும்  

[வாத்தியார்]

உலகளாவியரீதியில் விளையாடப்படும் ஒரு உதைபந்தாட்ட மைதானத்தின் நீளம் எத்தனை மீற்றர்? அகலம் எத்தனை மீற்றர்?