Recommended Posts

 
 

பாக்கி

 

‘‘என்னங்க, ஏதோ அன்பா எங்க அம்மாவை அழைச்சுட்டு வந்திருப்பீங்கனு நினைச்சேன். ‘வரதட்சணையா தர வேண்டிய பாக்கிப் பணத்தை எடுத்து  வையுங்க... இல்லாட்டி எங்க வீட்ல வந்து வேலைக்காரியா இருந்து அதைக் கழிச்சுடுங்க’னு சொல்லிக் கூட்டிட்டு வந்தீங்களாமே..?
5.jpg
எங்க அம்மாவை வேலைக்காரியா நினைக்கிற உங்களுக்கு நான் எப்படி பொண்டாட்டியா இருக்க முடியும்? இனி எனக்கும் இந்த வீட்ல வேலை இல்லை.  நாங்க ரெண்டு பேருமே கிளம்புறோம்!’’ - கணவன் சித்தேஷிடம் பத்மா எகிறிக் குதித்தாள்.அவளைத் தனியே அறைக்குள் அழைத்துப் போய்ப்  பேசினான் சித்தேஷ்.

‘‘நமக்கு கல்யாணமாகி ரெண்டு வருஷத்துக்கு மேல ஆகிடுச்சு. வரதட்சணை பாக்கியிருக்குறதால இந்த வீட்டுப் பக்கமே வராம இருக்காங்க உங்க  அம்மா. ஒண்டிக்கட்டையா கஷ்டப்படுற அவங்களை நாம வீட்டுல வச்சி பார்த்துக்கறதுதான் முறை. ஆனா, அவங்க வரதட்சணை பாக்கியைக்  கொடுக்கறதுக்காக ஊர்ல ஒரு ஃபேக்டரி வேலைக்குப் போய் கஷ்டப்படுறதா கேள்விப்பட்டேன்.

மக வீட்டுக்கு வந்துடுங்கனு கூப்பிட்டா அதுக்கு அவங்க தன்மானம் இடம் தராதுனு தெரியும். அதனாலதான் இப்படி சொல்லிக் கூப்பிட்டேன். இனி,  அவங்களை நல்லா கவனிச்சிக்க வேண்டியது உன் பொறுப்பு!’’ என்ற சித்தேஷ், பத்மா மனதில் உயர்ந்து நின்றான்.

kungumam.co.

Share this post


Link to post
Share on other sites

இந்த பத்மாவுக்கு எப்பவும் கண்ணை கசக்கத்தான் தெரியும், ஒரு புரிதலுமில்லை....! tw_blush:

எங்கயாவது மாமி மருமகன், மாமா மருமகள்,அத்தான் மச்சினிச்சி சண்டை நடக்குதா.....!

Share this post


Link to post
Share on other sites
3 hours ago, suvy said:

இந்த பத்மாவுக்கு எப்பவும் கண்ணை கசக்கத்தான் தெரியும், ஒரு புரிதலுமில்லை....! tw_blush:

எங்கயாவது மாமி மருமகன், மாமா மருமகள்,அத்தான் மச்சினிச்சி சண்டை நடக்குதா.....!

சுவியர்,

ஒரு விசயத்தைச் கவனிச்சியளோ?

நம்மூரில மாப்பிள தான் மாமியார் வீட்ட வாழப்போவார். கேரளாவிலும் அப்படித்தானாம்.

தமிழகத்தில் மாறி. நாங்கள் சேரப்பாட்டன்ற ஆக்கள் போல...

:grin: 

  • Like 1

Share this post


Link to post
Share on other sites
1 hour ago, Nathamuni said:

நம்மூரில மாப்பிள தான் மாமியார் வீட்ட வாழப்போவார். கேரளாவிலும் அப்படித்தானாம்

மாமியார் வீட்டில செட்டிலாகிறது ஒரு சுகம் தான்  பாருங்க:10_wink:

Share this post


Link to post
Share on other sites
25 minutes ago, தனி ஒருவன் said:

மாமியார் வீட்டில செட்டிலாகிறது ஒரு சுகம் தான்  பாருங்க:10_wink:

மாமியாருக்கு இன்னொரு இளைய மகள் இருந்தால்.... அந்த மாதிரி... :10_wink:

Share this post


Link to post
Share on other sites

சித்தேஷ்! பயங்கர புத்திசாலி........

ஒரு எறியில் பல மாங்காய்கள் பறித்து உண்ணும் வல்லமை கொண்டவன்.

Share this post


Link to post
Share on other sites
6 hours ago, தனி ஒருவன் said:

மாமியார் வீட்டில செட்டிலாகிறது ஒரு சுகம் தான்  பாருங்க:10_wink:

ஐயையோ...அவசரப் பட்டு...அபிப்பிராயத்தைச் சொல்லீட்டீங்கோ...!

அனுபவம் இல்லாத பிள்ளை...!

Share this post


Link to post
Share on other sites
5 hours ago, புங்கையூரன் said:

ஐயையோ...அவசரப் பட்டு...அபிப்பிராயத்தைச் சொல்லீட்டீங்கோ...!

அனுபவம் இல்லாத பிள்ளை...!

அனுபவம் இல்லை தான் ஆனால் சொன்னது சந்தோஷத்தை  சொன்னன் மச்சாள்  மார் இருந்தால் இன்னும் நல்ல சந்தோஷம் :10_wink::10_wink:

  • Haha 1

Share this post


Link to post
Share on other sites
Sign in to follow this  

  • Similar Content

    • By நவீனன்
      ஒரு நிமிடக் கதை பார்ட்டிக்குப் பாட்டியா?   பார்ட்டிக்குப் பாட்டியா?
      ‘‘என்னங்க, சொன்னா கேளுங்க. நாளைக்கு நியூ இயர் பார்ட்டிக்கு உங்கம்மாவையெல்லாம் கூட்டிட்டுப் போக வேணாம். அவங்களும், அவங்க கண்டாங்கிப் புடவையும், தொளதொள ரவிக்கையும், இழுத்து இழுத்துப் பேசும் கிராமத்துத் தமிழும்... நம்ம மானமே போயிடும்!’’
      ஜானகி தீர்மானமாகச் சொல்ல, கணவர் வாயடைத்து நிற்க, ‘‘ஆமாப்பா! அம்மா சொல்றது சரிதான். ஸ்டார் ஓட்டல், நியூ இயர் பார்ட்டி இதுக்கெல்லாம் பாட்டி சரிப்பட்டு வரமாட்டாங்க’’ என்றான் அவர்களின் மகன் ஸ்ரீராம்.
      ‘‘சரியாச் சொன்னேடா, ஸ்ரீராம்!’’ என்று மகிழ்ந்தாள் ஜானகி.
      ‘‘ஆமாம்மா! நாளைக்கே நான் பெரியவனா னதும், என்கூட நியூ இயர் பார்ட்டிக்கு உன்னை எல்லாம் கூட்டிட்டுப் போனா எனக்கும் அசிங்கமாதானே இருக்கும்!’’
      ஜானகிக்குச் சுருக்கென தைத்தது!
      - வரலொட்டி ரெங்கசாமி
       
       
        கா தலைச் சொல்லிவிடுவதென்று முடிவுசெய்துவிட்டு, செல்போன் மெஸேஜில் ‘ஐ லவ் யூ’ என்று டைப் செய்தான். அனுப்புவதற்கு முன், செல்போன் மெமரி யில் உள்ள பெயர்களை ஒவ்வொன்றாக வாசிக்கத் தொடங்கினான், யாருக்கு அனுப்பலாம் என்று!
      - அ.ரியாஸ்
      http://www.vikatan.com
    • By நவீனன்
      ஒரு நிமிடக் கதை சாட்டிங்
       
      சாட்டிங்கில் நண்பனைத் தொடர்புகொண்டான் பரத்.
      ‘‘டே சிவா, பிஸியா?’’
      ‘‘இல்லை பரத், சொல்லு!’’
      ‘‘இன்னும் டெல்லியிலதான் வேலை பாக்குறியா?’’
      ‘‘ஆமா!’’

      ‘‘எனக்கொரு ஹெல்ப்...’’
      ‘‘சொல்லுடா?’’
      ‘‘வீட்டுல பொண்ணு பார்த்திருக்காங்க...’’
      ‘‘நைஸ்... கங்கிராட்ஸ்!’’

      ‘‘பொண்ணு ெடல்லிலதான் இருக்கா, பேரு ஸ்நேஹா.’’
      ‘‘நீயும் டெல்லிக்கு டிரான்ஸ்பர் ஆகப்போறியா?’’
      ‘‘இல்லை... அவ சென்னைக்கு வந்துடுவா!’’
      ‘‘நான் என்ன பண்ணணும்?’’

      ‘‘அவ ஆபீஸ் வரைக்கும் போய் கொஞ்சம் விசாரிக்கணும்!’’
      ‘‘டன். அட்ரஸ், ஃபோட்டோ மெயில் பண்ணிடு!’’
      ‘‘டன்!’’
      ஒரு வாரம் கழித்து...
      ‘‘என்னடா ஆச்சு? ஸ்நேஹாவைப் பார்த்தியா?’’
      ‘‘ம்...’’
      ‘‘எப்படி இருக்கா?’’
      ‘‘சூப்பர். ஆனா உனக்கு சரிப்பட்டு வரமாட்டா!’’
      ‘‘என்னடா சொல்றே?’’

      ‘‘அவளுக்கு டெல்லிதான் பிடிச்சிருக்கு. இங்கேயே செட்டில் ஆக விரும்புறா. பேரன்ட்ஸ் கட்டாயப்படுத்துறதனாலதான் உன்னைக் கல்யாணம் செய்துக்க சம்மதிச்சிருக்கா... அப்புறம் ஒரு விஷயம்...’’‘‘என்ன?’’
      ‘‘அவ இங்கே ஒரு பையனை லவ் பண்றா. இன்னிக்குதான் எனக்குத் தெரியும். பையன் சுமாராதான் இருக்கான், ஆனா அவளுக்குப் புடிச்சிருக்கு!’’
      ஒரு மாதம் கழித்து, சிவா-சிநேஹா கல்யாணப் பத்திரிகை பரத் கைக்கு வந்தது.      
      kungumam.co.
    • By நவீனன்
      ஒரு நிமிடக் கதை செல்லங்கள்
       
      நம்ம மிதுனுக்குப் புதுசா ஒரு ஜாதகம் கொண்டு வந்திருக்கேன். ஜோடிப் பொருத்தம் அபாரம்!’’ என்றபடி தரகர் அய்யாசாமி, மிதுனின் புகைப்படத்துடன் பெண்ணின் படத்தையும் ஜோடி சேர்த்து அவன் தாயாரிடம் நீட்டினார். முகத்தில் பரவசம் பரவ தாயார் கேட்டார், ‘‘என்ன படிச்சிருக்கா?’’
      ‘‘நம்ம பையனுக்கு சமமான படிப்புத்தான். எம்.ஏ., எம்.ஃபில்!’’
      ‘‘வசதி எப்படி?’’ - மிதுனின் தந்தை சேனாபதி கேட்டார்.
      ‘‘பொண்ணோட அப்பா பெரிய பஸ் கம்பெனி அதிபர். நாலஞ்சு பெட்ரோல் பங்க் இருக்கு. பத்துப் பதினைஞ்சி டேங்கர் லாரி ஓடுது. பொக்லைன் அது இதுனு நம்ம அந்தஸ்துக்குச் சமமானவங்கதான்!’’



      ‘‘பொண்ணு கூடப் பிறந்தவங்க எத்தனை பேர்?’’
      ‘‘ஒரே பொண்ணுதாங்க. ரொம்பச் செல்லமா வளர்த்திருக்காங்க!’’
      ‘‘அப்ப இந்த இடம் தோதுப்படாது தரகரே!’’
      ‘‘ஏனுங்க?’’
      ‘‘மிதுனும் எங்களுக்கு ஒரே பையன். ரொம்பச் செல்லம். செல்லமா வளர்ந்த பிள்ளைங்க நல்லபடியா வாழணும்னா அவங்க வாழ்க்கைத்துணை கொஞ்சம் அனுசரித்துப் போற கேரக்டரா இருக்கணும். ஆனா, இங்க பையன் பொண்ணு ரெண்டு பேருக்கும் விட்டுக்கொடுத்துப் போற மனப்பக்குவம் இருக்காது. எல்லாத்திலும் நானா நீயானு போட்டி போடுவாங்க. நிம்மதி இருக்காது. அண்ணன் தம்பி, அக்கா தங்கச்சிகளோட வளர்ந்த பொண்ணா பாருங்க!’’ என்றார் சேனாபதி.  
      kungumam.co
    • By நவீனன்
      ஒரு நிமிடக் கதை தங்கக் கோடாலி!
       
        தங்கக் கோடாலி!
      ஏ ழை விறகுவெட்டி ஒருவன் காட்டுக்குச் சென்று, ஒரு மரத்தை வெட்டிக்கொண்டு இருந்தபோது, அவன் கையிலிருந்த கோடாலி கை நழுவிப் பக்கத்தில் இருந்த கிணற்றில் விழுந்தது.
      ‘‘கடவுளே! இனி நான் பிழைப்புக்கு என்ன செய்வேன்? என் கோடாலி எனக்குத் திரும்பக் கிடைக்கும்படி செய் யுங்கள்’’ என்று கண்ணீர் மல்க வேண்டினான்.
      ஒரு தேவதை அவன் முன் தோன்றி, ‘‘கவலைப் படாதே! நான் எடுத்துத் தருகிறேன்’’ என்று அந்தக் கிணற்றில் மூழ்கி, ஒரு தங்கக் கோடாலியுடன் வெளியே வந்து, அவனிடம் நீட்டியது.
      ‘‘இல்லை. இது என் கோடாலி இல்லை. என்னுடையது இரும்புக் கோடாலி’’ என்றான் விறகுவெட்டி.
      ‘‘உன் நேர்மையை மெச்சினேன். பரவாயில்லை. இதை வைத்துக்கொள்! இந்தத் தங்கத்தைக் கொண்டு வேறு தொழில் செய்து பிழைத்துக்கொள். மழை தரும் மரங்களை இனி வெட்டாதே!’’ என்று புன்னகையோடு சொல்லிவிட்டு மறைந்தது தேவதை.
      - எஸ்.ரவி
       
      http://www.vikatan.com
    • By நவீனன்
      டிப்ஸ் தர்மம்!
      வ ழக்கமாக புதன்கிழமையன்று எனக்கும், மேனேஜருக்கும் ஃபீல்ட் வொர்க் நாள் முழுவதும் இருக்கும். இந்த மேனேஜர் புதியவர்.
      பத்து மணி சுமாருக்கு ஓட்டல் ஒன்றில் இரு வரும் டிபன் சாப்பிட்டோம். பில்லை வைத்த சர்வர் தலையைச் சொறிந்தான். வேறென்ன, டிப்ஸ் வேண்டுகோள்தான்! பர்ஸை எடுத்த என்னைத் தடுத்த மேனேஜர், ‘‘என்னப்பா... சம்பளம் வாங்கா மலா வேலை செய்யறே? போ, போ!’’ என மறுத்து விட்டார். எனக்குச் சங்கடமாக இருந்தது. இவ்வளவு பெரிய பதவியில் இருப்பவர்கள் ஜஸ்ட் இரண்டு ரூபாய், மூன்று ரூபாய் விஷயங்களில் இப்படிக் கடுமையாக நடந்துகொள்கிறார்களே என்றிருந்தது எனக்கு. இருந்தும் என்ன செய்வது... ஒன்றும் சொல்ல முடியாது. மேனேஜராச்சே!
      மதிய சாப்பாட்டுக்கு இன்னொரு ஓட்டல். சொல்லிவைத்தாற்போல அங்கு சாப்பாட்டுக்கு டோக்கன் சிஸ்டம் இல்லை. பில்தான். இன்னொரு டிப்ஸ் மறுப்பு காத்திருக்கிறது.
      அந்தத் தர்ம சங்கட தருணமும் வந்தே விட்டது. ஆனால், இந்த முறை ஆச்சர்யம்! பில் பணத்தோடுகூட ஐந்து ரூபாய் நாணயம் ஒன்றை டிப்ஸாகத் தட்டில் வைத்துவிட்டு எழுந்தார் மேனேஜர். என் கண்களில் தொக்கி நின்ற வியப்பு நிறைந்த கேள்விக் குறியைக் கவனித்துவிட்டுச் சொன்னார்...
      ‘‘...டிப்ஸுக்காகத் தலையைச் சொறிந்த அந்த ஓட்டல் சர்வர் மிகவும் இளைஞன்! அவனுக்கு இதுலேயே திருப்தி வந்துடக் கூடாது. அப்பத்தான் இன்னும் முயற்சி பண்ணி முன்னேறணும்னு நினைப்பான். ஆனால், பாவம்... இவர் வயசானவர். என்ன இயலாமையோ, என்ன தோல் வியோ... இந்த வயசுலேயும் சர்வராக வேலை பார்க்கிறார். இவருக்கு டிப்ஸ் தர்றதுல தப்பு இல்ல!’’ என்றார்.
      நான் ஆமோதிப்புடன், ‘‘இந்த விளக்கம் எனக்கு நல்ல டிப்ஸ் சார்!’’ என்றேன்.
      - பரிமேலழகன்
      http://www.vikatan.com
    • By நவீனன்
        அப்பா முகத்தில்...
      வீடு எப்படி அமைய வேண்டும் என்று அண்ணன், அண்ணி, தம்பிகள், தங்கைகள் எல்லோருடைய கருத்துகளையும் சேர்த்து ஒரு பிளான் வரைந்தார்கள். கடைசியாக அப்பாவிடம் கொண்டு காட்டி, ‘‘அப்பா, இது சரியான்னு பாருங்க. ஏதாவது மாற்றம் இருந்தால் செஞ்சுக்கலாம்’’ என்றார் அண்ணன்.
      அப்பா சிறிது நேரம் பார்த்துவிட்டு, ‘‘எல்லாம் சரிதான். முன் பக்கத்தில் மட்டும் முடிந்தால் கொஞ்சம் கார்டன் போட இடம் விடுங்கள். பூச்செடிகள் வைத்து, சாமிக்குப் பறிச்சுப் போடலாம்’’ என்றார்.
      ‘‘சரிப்பா! அப்படியே பண்ணிடலாம்!’’- அண்ணன்.
      தனிமையில் அண்ணனிடம் தம்பிகள் கேட்டார்கள்... ‘‘ஏன் அண்ணா, அப்பாகிட்ட கேட்டது ரொம்ப அவசியமா? செய்ய முடியாதபடி ஏதாவது மாற்றம் சொல்லியிருந்தா என்ன பண்ணியிருப்பே?’’
      ‘‘செய்யறோம், செய்யலே... அது முக்கியம் இல்லே! அப்பாவை கன்சல்ட் பண்ணும்போது அவர் முகத்திலே ஒரு சந்தோஷத்தைப் பார்த்தியா... அதுதான் முக்கியம்!’’ என்றார் அண்ணன்.
      - எம்ஆர்எல்
      http://www.vikatan.com
    • By நவீனன்
       
       
      முதலாளி முருகேசன் தன் மகன் கார்த்தியுடன் குடோனுக்கு ரவுண்ட்ஸ் வந்துகொண்டிருந்தார். மூட்டை தூக்கும் தொழிலாளி ஒருவன் தன் ஆறு வயது மகனை அழைத்து வந்திருந்ததைப் பார்த்ததும் முருகேசன் டென்ஷன் ஆகிவிட்டார். ‘‘எதுக்குய்யா வேலை செய்யிற இடத்துக்கெல்லாம் பையனை கூட்டிட்டு வர்றே..?’’ என்று அந்தத் தொழிலாளியை அதட்டிவிட்டு அலுவலகம் திரும்பினார். அங்கே... மேனேஜர் அழைத்து வந்திருந்த அவருடைய ஆறு வயது மகன் அமர்ந்திருந்தான். புன்னகைத்தபடி அவனிடம் கொஞ்சிவிட்டு தன் அறைக்குள் நுழைந்தார். கார்த்திக்கு கோபம். உயர் பதவியில் இருப்பவனுக்கு ஒரு சட்டம்... அடிமட்டத் தொழிலாளிக்கு ஒரு சட்டமா? இதை தந்தையிடம் நேரடியாகவே கேட்டான்.



      ‘‘அது அப்படியில்லப்பா... ஒவ்வொருத்தனுக்கும் அவனுடைய அப்பா தெரிஞ்சோ, தெரியாமலோ, ரோல் மாடல் ஆயிடறார்... உனக்கு நானும், மேனேஜர் அவர் மகனுக்கும் ரோல் மாடல் ஆகறது நல்ல விஷயம். மூட்டை தூக்கறவன் தன் மகனுக்கு ரோல் மாடல் ஆகறது அப்படி இல்லை... நம்மகிட்ட இருக்கிறவங்க எதிர்காலம் நல்லா இருக்கணுமில்லையா!’’ என்றார் முருகேசன். ‘‘அதை அப்படிப் பார்க்காதீங்கப்பா! அப்பா மூட்டை தூக்கித்தான் தன்னைப் படிக்க வைக்கிறார் அப்படிங்கற உணர்வு அந்தப் பையனை நிச்சயமா உயர்ந்த நிலைக்கு ஆளாக்கும் இல்லையா?’’ என்ற மகனின் நம்பிக்கையில் உயிர் இருப்பதாக உணர்ந்தார் முருகேசன். 
      kungumam.co