கொண்டைக்கடலை குருமா

[தமிழரசு]

தேவையான பொருள்கள்:

 

 

வெள்ளை கொண்டைக்கடலை - 100 கிராம் 

தக்காளி - 1

மிளகாய் தூள் - 1 தேக்கரண்டி 

மல்லித்தூள் - 2 தேக்கரண்டி 

மஞ்சள் தூள் - 1/ 2 தேக்கரண்டி 

சென்னா மசாலா தூள் - 1 தேக்கரண்டி 

இஞ்சி பூண்டு விழுது - 1 தேக்கரண்டி 

கரம் மசாலா பொடி - 1 தேக்கரண்டி 

மேத்தி இலை - சிறிது (காய்ந்த வெந்தய இலை)

கொத்தமல்லி - சிறிது 

உப்பு - தேவையான அளவு 

 

அரைக்க தெவையான பொருட்கள்:

 

தேங்காய் துருவல் - 100 கிராம் 

முந்திரிப்பருப்பு - 5 

 

தாளிக்க தேவையான பொருட்கள்:

 

எண்ணெய் - 3 மேஜைக்கரண்டி 

பட்டை - 2  

கிராம்பு - 2

பெருஞ்சீரகம் (சோம்பு) - 1 தேக்கரண்டி 

பெரிய வெங்காயம் - 1

பச்சை மிளகாய் - 2
 

 

செய்முறை:

 

கொண்டைக்கடலையை 8 மணி நேரம் ஊற வைத்து சிறிது உப்பு சேர்த்து குக்கரில் 4 அல்லது 5 விசில் வைத்து எடுத்து கொள்ளவும். பெரிய வெங்காயத்தை நீளவாக்கிலும், தக்காளியை பொடியாகவும், பச்சை மிளகாயை இரண்டாகவும் கீறி வைக்கவும். தேங்காய் துருவல், முந்திரிப்பருப்பு இரண்டையும் மிக்ஸ்சியில் அரைத்துக் கொள்ளவும்.

 

அடுப்பில் கடாயை வைத்து எண்ணெய் ஊற்றி சூடானதும் பட்டை, கிராம்பு, பெருஞ்சீரகம் போடவும். பெருஞ்சீரகம் பொரிந்ததும்  பச்சை மிளகாய், வெங்காயம், இஞ்சி பூண்டு விழுது சேர்க்கவும். பச்சை வாடை போகும்வரை வதக்கி பிறகு தக்காளியை சேர்க்கவும். பின்னர் மிளகாய் தூள், தனியா தூள், மஞ்சள் தூள், சென்னா மசாலா தூள், கரம் மசாலா பொடி சேர்த்து ஒரு  நிமிடம் கிளறி அதோடு அவித்து வைத்துள்ள கொண்டைக்கடலையை சேர்த்து கிளறவும்.

பிறகு அதனுடன் ஒரு கப் தண்ணீர்  வேக வைத்து மசாலா வாடை அடங்கியதும், தேங்காய் கலவை மற்றும் உப்பு சேர்த்து கொத்தமல்லி, மேத்தி இலை சேர்த்து  கிளறி அடுப்பை அணைக்கவும். சுவையான கொண்டைக்கடலை குருமா தயார்.

 

http://tamil.webdunia.com/article/indian-food-recipes/do-you-know-kondai-kadalai-kuruma-117072000027_1.html

[suvy]

ஞ<பகப் படுத்தி விட்டிர்கள் தமிழரசு,  முந்தாநாள் ஆடிப்பிறப்புக்கு வந்த கொண்டல்கடலை நிறையக் கிடக்கு. குருமா போட்டுட வேண்டியதுதான்.....!   

[தனிக்காட்டு ராஜா]

1 hour ago, suvy said:

ஞ<பகப் படுத்தி விட்டிர்கள் தமிழரசு,  முந்தாநாள் ஆடிப்பிறப்புக்கு வந்த கொண்டல்கடலை நிறையக் கிடக்கு. குருமா போட்டுட வேண்டியதுதான்.....!   

குருமாவிக்கு  துருச்சாமி பரோட்டா சூப்பரு  

[தமிழரசு]

ஈசி கடலை குருமா

 

 

தேவையான பொருட்கள் :

கொண்டைக்கடலை - ஒரு கப்...
வெங்காயம் - 2
தக்காளி - ஒன்று
பச்சை மிளகாய் - 2
இஞ்சி, பூண்டு விழுது - ஒன்றரை தேக்கரண்டி
கறிவேப்பிலை
கொத்தமல்லித் தழை
மிளகாய் தூள் - ஒன்றரை தேக்கரண்டி
பிரியாணி மசாலா - ஒரு தேக்கரண்டி
உப்பு - தேவையான அளவு

அரைக்க:

தேங்காய் துருவல் - 3 மேசைக்கரண்டி
வேகவைத்த கொண்டைக்கடலை - 10
முந்திரி - 3

தாளிக்க:

எண்ணெய் - ஒரு மேசைக்கரண்டி
சோம்பு - அரை தேக்கரண்டி
பட்டை - ஒரு துண்டு
கிராம்பு - 2

செய்முறை :

தேவையான பொருட்களை தயாராக எடுத்துக் கொள்ளவும். கொண்டைக்கடலையை ஊறவைத்து, உப்பு சேர்த்து வேகவைத்து தண்ணீருடன் எடுத்து வைக்கவும். வெங்காயம், தக்காளி மற்றும் பச்சை மிளகாயை நீளமாக நறுக்கிக் கொள்ளவும். அரைக்க கொடுத்துள்ள பொருட்களை அரைத்து வைக்கவும்.

கடாயில் எண்ணெய் ஊற்றி காய்ந்ததும், தாளிக்க வேண்டியவற்றை தாளித்து, வெங்காயம், பச்சை மிளகாய், கறிவேப்பிலை சேர்த்து வெங்காயம் நிறம் மாறும் வரை வதக்கவும்.

பிறகு இஞ்சி, பூண்டு விழுது, தக்காளி சேர்த்து வதக்கவும்.

தக்காளி குழைய வதங்கியதும் அரைத்து வைத்துள்ள விழுதை சேர்த்து பச்சை வாசனை போக வதக்கவும்.

வதங்கியதும் தூள் வகைகள், உப்பு சேர்த்து வதக்கவும்.

அதனுடன் கொண்டைக்கடலையை தண்ணீருடன் சேர்த்து சிறிது நேரம் வேகவிட்டு கொத்தமல்லித் தழை தூவி இறக்கவும்.

டேஸ்டி & ஈசி கடலை குருமா தயார். சப்பாத்தி, பூரி, பரோட்டா ஆகியவற்றிற்கு ஏற்ற ஜோடி.

FB