1 post in this topic

ஜோக்

 

மகள் காயத்ரியின் குரல் போனில் உற்சாகமாய் ஒலித்தது.‘‘அம்மா... நான் எழுதுன ஜோக் ஒண்ணு பத்திரிகையில வந்துருக்கும்மா. படிச்சிப் பார்த்துட்டு எப்படி இருக்குனு சொல்லேன்!’’ - போனை வைத்துவிட்டாள்.
4.jpg
கமலாவிற்கு சந்தோஷம் தாங்கவில்லை. ‘‘இது எவ்வளவு பெரிய பெருமை. இதுக்காகவே அவ புகுந்த வீட்டுல அவளைக் கொண்டாடுவாங்க. எனக்குத்தான் மருமகளா ஒண்ணு வந்து வாய்ச்சிருக்கே... ஒண்ணும் தெரியாது!’’ - எரிச்சலாய் சொல்லிக்கொண்டே சமையலறை பக்கம் திரும்பி குரல் கொடுத்தாள்.

மருமகள் வந்ததும் விஷயத்தைச் சொல்லி, தெருமுனைக் கடையில் அந்தப் பத்திரிகையை வாங்கி வரச் செய்தாள். ‘‘என் மகளைப் பார்த்து நீயும் இது மாதிரி விஷயத்தை எல்லாம் கத்துக்க. புரியுதா? எங்கே அந்த ஜோக்கை சட்டுன்னு உரக்கப் படி பார்க்கலாம். காதாரக் கேப்போம்!’’ - பரபரத்தாள் கமலாம்மாள்.பக்கம் புரட்டி தேடி கண்டுபிடித்துப் படித்தாள்.

‘‘என்ன கலா திடீர்னு ஸ்வீட் தர்றே?’’‘‘என் மாமியார் பாத்ரூம்ல வழுக்கி விழுந்துட்டாங்க!’’‘‘நீ அதிர்ஷ்டக்காரிடி!’’ேஜாக் முடிந்து பத்து ரூபா பரிசு என்றிருந்தது.பத்திரிகையை மாமியார் கையில் திணித்துவிட்டு, நமுட்டுச் சிரிப்புடன் நகர்ந்தாள் மருமகள். மீண்டும் காயத்ரியிடமிருந்து போன்... எடுத்தாள்.‘‘ஜோக் எப்படிம்மா?’’‘‘நல்லாயில்லே’’ - போனை வைத்து விட்டாள் கமலா.                    

kungumam.co.

Share this post


Link to post
Share on other sites
Sign in to follow this  
Followers 0