உள்ளதும் போச்சடா நொள்ளைக் கண்ணா.

[Nathamuni]

உள்ளதும் போச்சடா நொள்ளைக் கண்ணா.

உலகம் முழுவதும், வரலாறு எங்கணும் உள்ள ஒரே படிப்பினை (அரசியல்) யுத்தத்தில் தோல்வி என்பது, தனது பலம் மீதான பெரும் நம்பிக்கையினால் அல்ல, எதிரியின் பலவீனம் தொடர்பான அதீத நம்பிக்கையினால் உண்டாவது.

மகிந்தர் தனது அரசியல் எதிரி ரணில் பலவீனம் மீதான அதீத நம்பிக்கையில் இரண்டு வருடங்கள் முன்னதாக தேர்தலை வைக்க பிரகடனத்தில் கை எழுத்தினை வைத்தார். 

பலவீனமான எதிரி, ரணில் புத்திசாலித்தனமான வேலையால், மைத்திரியுடன் சேர்ந்து மகிந்தரை வீட்டுக்கு அனுப்பி வைத்தார்.

இதே போன்ற ஒரு பெரும் கூத்து இந்த வாரம் பிரித்தானியாவில் நடந்து முடிந்திருக்கிறது.

இன்னும் மூன்று வருடங்கள் அசைக்க முடியாத பெரும்பான்மையுடன் அரசமைக்கும் உரிமை இருந்தும், இன்னும் பலத்தினை அதிகரிக்கலாம் என்று நினைத்தார் தெரேசா மே அம்மையார்.

இந்த நோக்கத்துக்கு காரணம் அவரது அரசியல் எதிரி ஜெரமி கோர்பின் பலவீனம் தொடர்பான அதீத நம்பிக்கை.

தொழில் கட்சியின் தலைவர் ஜெரமி கோர்பின் ஒரு கொம்யூனிச சிந்தனை உள்ளவர். இவர் உண்மையிலே ஒரு பலவீனமான தலைவராக அரசியல் உலகில் கருதப்பட்டார்.

இங்கிலாந்தில் உள்ள 164 அதி சிறந்த பாடசாலைகளுக்கு (கிரம்மர் பாடசாலைகள்) கடும் போட்டி உள்ள பரீட்ச்சை மூலமாகவே மாணவர்கள் தெரிவாவர். இந்த வகையான பாடசாலை ஒன்றில் பயின்ற ஜெரமி, பல்கலைக் கழகம் சென்றவரில்லை. ஒரு முறையான வேலை செய்யவில்லை. ஆனாலும் பாராளுமன்ற உறுப்பினராக பல ஆண்டுகள் இருந்துள்ளார்.  பல ஆண்டுகளுக்கு முன்னர் இவரது விரிவுரையாளர் மனைவி, மிக்க கடுமையாக முயன்று மகனை வடக்கு லண்டன் ராணி எலிசபெத் கிராமர் பாடசாலை பரீட்ச்சையில் சித்தி பெற்று அனுமதி பெற வைக்கிறார்.

பொதுவுடைமை கருத்தியல் கொண்ட ஜெரமியோ, அங்கே மகனை அனுப்பாமல், பக்கத்தில் இருக்கும் சாதாரண பாடசாலைக்கு அனுப்பி மாறு சொல்லிவிட்டார். விளைவு, உமது அரசியலுக்காக எமது மகனின் கல்வியினை விலையாக்க முடியாது என மனைவி விவாகரத்து செய்து விட்டார்.

அவரை சுற்றி உள்ள சக அரசியல் வாதிகள், தருணம் பார்த்து, இவரை தலைமைப் பதவியில் இருந்து கவிழ்க்க முயன்றாலும், தலைமைத்துவ தேர்வில் தொழில் கட்சியின் அடிப்படை உறுப்பினர்களான தொழிலாளர் சங்கங்கள், ஆதரவின் காரணமாக இவரை அசைக்க முடியவில்லை.

ஆனால், இவரை போட்டுத்தாக்குவதே டேவிட் கமரோன் முதல், தெரசா மே வரை வாடிக்கையாக இருந்தது. பதிலுக்கு அவரோ தனிமனித தாக்குதலை தவிர்த்து வந்தார். இதனை பலவீனமாக கருதி வந்தனர் எதிர் தரப்பினர், மட்டுமல்ல அவரது சொந்த கடசியினர் கூட.

ஐரோப்பிய ஒன்றியத்தில் இருந்து விலகுவது தொடர்பான குடியொப்ப முடிவில் டேவிட் கமரோன் வீடு செல்ல, பதவிக்கு வந்தவர் தெரேசா மே அம்மையார்.

இந்த ஜெரமி கோர்பின் ரொம்ப நாளைக்கு இருக்க மாட்டார். அவரது கடசியினரே அவரை அனுப்பி விடுவார்கள் ஆகையால் ஆள் இருக்கும் போதே, தேர்தலை வைத்தால், நம்ம பலத்தினை கூட்டி, 'ஸ்ட்ரோங்' ஆக இன்னும் 5 வருசம் அப்படியே ஒக்காந்திரலாம் என்று கணக்கு போட்டார் அம்மணி.  

நம்ம ஜெரமி கோர்பின் மிக கவனமாக செய்த ஒரே வேலை, தேர்தல் விஞ்ஞாபனத்தில், பல்கலைக்கழக மாணவர்களுக்கு இப்போது கிடைக்கும் கல்விக் கடன், அரச மான்யமாகும் என்று அறிவித்தார். 

அது மட்டுமல்ல. தனியார்மயமாகும் வைத்திய சேவை துறையினை தடுத்து அரச சேவையாக வைத்திருப்பேன் என்றார்.

பிரித்தானியாவின் மிகப் பெரிய தொழில் தருணரான, வைத்திய சேவை துறையும், பல்கலைக்கழக மாணவர்களும், அவர்களது வேண்டுதலின் அவர் தம் தாய், தந்தை, தாத்தா பாட்டி என்று எல்லோருமாக கிளப்ப ஜெரமி கோர்பின் கொடி பறக்க, முன்னரிலும் பார்க்க 26 சீட்டுக்கள் அதிகமாக, அம்மணியிடம் இருந்து ஆட்டையை போட்டு விட்டார்.

அம்மணி இப்போது 'உள்ளதும் போச்சடா நொள்ளைக் கண்ணா' நிலை. 

பெருபான்மையில் இருந்த அரசு இன்று தேவையான பெருபான்மை பெற, 10 சீட்டுகளை வைத்திருக்கும் வட அயர்லாந்தின் சிறிய கட்சி ஒன்றினை நாட வேண்டிய கேவலமான நிலை.

தொழில் கட்சி அரசியல் வாதிகள் கடாசி விட்ட கத்திகளை தூக்கி விட்டனர் கான்செர்வ்டிவ் கடசியினர். வெல்வேன் என்ற இறுமார்ப்பில், TV விவாதங்களுக்கு போகாமல், தேர்தல் விஞ்ஞாபனத்தில் அக்கறை இல்லாமல், பத்திரிக்கையாளர்கள் கேள்விகளுக்கு சரியான பதிலை சொல்லாமல் எடுத்தெறிஞ்சு கதைத்த அம்மணி ரொம்ப நாளுக்கு இருக்கப் போவதில்லை.

மறுபக்கம் அசைக்க முடியாத தலைவராக உருவெடுத்து விட்டார் ஜெரமி கோர்பின். அவருக்கு பின்னால் இருந்து கத்தியை தயார் படுத்தியவர்கள் அனைவரும் தடாலடியாக கத்தியை சுழட்டி கடாசி விட்டு, ஆகா, ஓகோ என்று நிலைப்பாடு எடுப்பதை பார்க்க வேண்டுமே.  

ஸ்காட்லாந்தின் முதலமைச்சர் நிக்கோலா

தேவையில்லாமல் லொள்ளு பண்ணிய இன்னுமொரு அம்மணிக்கும் மண்டையில் அடி விழுந்து இருக்கிறது.

இரு வருடங்களுக்கு முன்னர் தான் குடியொப்பத்தில் ஸ்காட்லாந்து   மக்கள், பிரிந்து செல்வதை மறுத்து இருந்தனர். அதுமட்டுமல்ல, பிரிவினையினை முன் நிறுத்திய ஸ்காட்லாந்து தேசியவாத கடசியினரின், தலைவர் அலெக்ஸ் உட்பட 50 பேரை (மொத்தம் 56 தொகுதியில்) அடுத்த வருடமே நடந்த பொது தேர்தலில் வெஸ்ட்மினிஸ்டர்  தேசிய பாராளுமன்றத்துக்கு அனுப்பி இருந்தனர்.

அதற்கு அடுத்தவருடம் நடந்த ஐரோப்பிய ஒன்றியத்தில் இருந்து விலகுவது தொடர்பான குடியொப்ப முடிவில் மொத்த பிரித்தானியாவின் 6% மக்கள் தொகை கொண்ட ஸ்காட்லாந்து பிரிந்து போவதை 62% மக்கள் ஆதரிக்க வில்லை. ஆனாலும் பிரித்தானியாவின்  மிகுதி 94% மக்கள் விலக தீர்மானித்தனர்.

இதனால், வெகுண்ட நிக்கோலா அம்மையார் மீண்டும் ஸ்காட்லாந்து   மக்கள், பிரிந்து செல்வதை தீர்மானிக்கும் இன்னுமொரு குடியொப்பம் நடாத்தப் பட வேண்டும் என அறிவித்தார்.

இந்த தேர்தலில், அவர்களது உறுப்பினர்கள் 50 ல் இருந்து 26 க்கு குறைந்து விட்டது. அது மட்டுமல்ல, தேசியவாத கடசியினரின் முன்னாள் தலைவர் அலெக்ஸ் கூட வீட்டுக்கு அனுப்பி வைக்கப் பட்டார்.  இவர் தான் ஸ்காட்லாந்து பிரிந்து செல்லும் முதல் குடியொப்பத்தின் பிதாமகர்.

மக்கள் சொல்ல வருவதை சரியாக புரிந்து கொள்ளாமல், மீண்டும் குடியோப்பம் என்று தேவை இல்லாமல் அதிகமாக லொள்ளு பண்ணிய நிக்கோலா அம்மையார் மண்டையில் சம்மட்டி அடி வாஙகி பம்மிக் கொண்டு இருக்கிறார்.

இங்கே முக்கியமான விடயம் என்னெவென்றால், இவரது கட்சி இழந்த சீட்டுகளை பிடித்தது, ஸ்காட்லாந்தில் பெரிதாக மக்களைக் கவராத, இரண்டாவது குடியொப்பத்துக்கான தேர்தலுக்கு இப்போது இல்லை என அனுமதி மறுத்த பிரதமர் தெரசா அம்மையாரின் கட்சி.

மக்கள் தெளிவாக உள்ளனர்.

** யாழுக்காக... எனது பகிர்வு.

[Nathamuni]

Alex Salmond