சப்பாத்திக்கு சூப்பரான சைடிஷ் சிக்கன் நெய் ரோஸ்ட்

[நவீனன் 7,534]

சப்பாத்திக்கு சூப்பரான சைடிஷ் சிக்கன் நெய் ரோஸ்ட்

 

சப்பாத்தி, பூரி, நாண் புலாவ், சாதத்திற்கு தொட்டு கொள்ள சூப்பரானது சைடிஷ் சிக்கன் நெய். இதை எப்படி சிக்கன் ரோஸ்ட்டை எப்படி செய்வது என்று பார்க்கலாம்.

 

 

தேவையான பொருட்கள் :

சிக்கன் - 1/2 கிலோ ( தோல் நீக்கியது)
இஞ்சி பூண்டு பேஸ்ட் - 2 டீஸ்பூன்
உப்பு - தேவையான அளவு
மிளகுத் தூள் - 2 டீஸ்பூன்
கரம் மசாலா - 1 டீஸ்பூன்
சீரகப் பொடி - 2 டீஸ்பூன்
மல்லித் தூள் - 2 டீஸ்பூன்
மிளகாய் தூள் - 1 டீஸ்பூன்
வரமிளகாய் - 3
எலுமிச்சை சாறு - 2 ஸ்பூன்
அரைத்த தக்காளி - 1 கப்
நெய் - 7 டேபிள் ஸ்பூன்
கொத்தமல்லி - 1/2 கப்
கறிவேப்பிலை - சிறிது



செய்முறை :

* கொத்தமல்லியை பொடியாக நறுக்கி கொள்ளவும்.

* சிக்கனை நன்றாக கழுவி துண்டுகளாக வெட்டி வைக்கவும்.

* ஒரு கடாயை அடுப்பில் வைத்து, அதில் நெய் ஊற்றி காய்ந்ததும், கறிவேப்பிலை, வரமிளகாய், சீரகப் பொடி, இஞ்சி பூண்டு பேஸ்ட் சேர்த்து குறைவான தீயில் வைத்து தாளிக்க வேண்டும்.

* பின்னர் அதில் அரைத்து தக்காளியை சேர்த்து 5 நிமிடம் நன்கு வதக்கி, பின் கொத்தமல்லித் தூள், மிளகாய் தூள் சேர்த்து, நெய் தனியாக பிரியும் வரை நன்கு வதக்க வேண்டும்.

* நெய்யானது பிரிய ஆரம்பித்தால், அதில் சிக்கன் துண்டுகள், உப்பு, கரம் மசாலா மற்றும் மிளகுத் தூள் சேர்த்து நன்கு கிளறி விட வேண்டும். அடுப்பை மிதமான தீயில் வைக்க வேண்டும்.

* பிறகு அதில் கொத்தமல்லி தழையை சேர்த்து பிரட்டி, மூடி வைத்து குறைவான தீயில் 10 நிமிடம் வேக வைக்க வேண்டும்.

* பின் மூடியைத் திறந்து, அதில் எலுமிச்சை சாறு சேர்த்து, மீண்டும் மூடி வைத்து 5 நிமிடம் சிக்கனை நன்கு வேக வைக்க வேண்டும்.

* சிக்கனானது நன்கு வெந்ததும், அதனை இறக்கி, அதில் மீதமுள்ள கொத்தமல்லியைத் தூவி இறக்கி பரிமாறவும்.

* சூப்பரான சிக்கன் நெய் ரோஸ்ட் ரெடி!!

* இந்த சிக்கன் நெய் ரோஸ்ட் சாப்பிட்டால் உடல் எடை நன்றாக அதிகரிக்கும். எனவே உடல் எடையை அதிகரிக்க விரும்புபவர்கள் சிக்கன் நெய் ரோஸ்ட் அடிக்கடி சாப்பிடலாம்.

http://www.maalaimalar.com