அரசுக்குள்ளிருந்து தலைதூக்கி வரும் பிரளயத்துக்கான தீப்பொறிகள்

[நவீனன்]

அரசுக்குள்ளிருந்து தலைதூக்கி வரும் பிரளயத்துக்கான தீப்பொறிகள்

 

 

இலங்­கை­யின் முத­லா­வது நாடா­ளு­மன்­றத் தேர்­த­லில் அதி­கா­ரத்­தைக் கைப்­பற்­றிய டி.எஸ். சேனா­நா­யக்­க­வின் அர­சில் நிதி­ய­மைச்­ச­ராக நிய­மிக்­கப்­பட்­ட­வர் ஜே.ஆர்.ஜெய­வர்த்­தன ஆவார். டி.எஸ். சேனா­நா­ய­க­வின் திடீர்ச் சாவை­ய­டுத்து தலைமை அமைச்­ச­ராக ஆன டட்லி சேன­நா­ய­கா­வும் நிதி­ய­மைச்­ச­ராக ஜே.ஆரையே நிய­மித்­தார்.

1952 ஆம் ஆண்­டுப் பொதுத் தேர்­த­லில் அதி­கா­ரத்தை மீண்­டும் கைப்­பற்­றிய டட்லி, ஜே. ஆரையே தமது அர­சின் நிதி அமைச்­ச­ராக்­கி­னார். அந்­த­வே­ளை­யில் டட்­லிக்­கும் ஜே.ஆருக்­கு­மான உற­வில் விரி­சல் ஏற்­பட்­டி­ருந்­த­போ­தி­லும், 1953 ஆம் ஆண்­டின் வரவு செல­வுத் திட்­டம் சமர்ப்­பிக்­கப்­பட்­ட­தை­ய­டுத்து இரு­வ­ரி­டை­யே­யான உறவு பெரிய அள­வில் விரி­சல் கண்­டது. 1951 இல் இலங்கை 345 மில்­லி­யன் ரூபா அபி­ரி­மித நிதி வளத்­தைக் கொண்­டி­ருந்தபோதி­லும் 1953 இல் அது 200 மில்­லி­யன் ரூபா பற்­றாக்­கு­றை­யாக ஆகி­யி­ருந்­தது.

இத­னால் ஜே.ஆர் 1953 ஆம் ஆண்டு ஜுலை மாதத்­தில் நாடா­ளு­மன்­றில் முன்­வைத்த வரவு செல­வுத் திட்­டத்­தில் துண்டு விழும் தொகையை ஈடு­கட்ட புதிய வரி­களை நாட்டு மக்­கள் மீது சுமத்த வேண்டி ஏற்­பட்­டது. நாட்­டின் பொரு­ளா­தா­ரப் பின்­ன­டைவை ஈடு­கட்ட மேற்­கு­நா­டு­கள் உத­வு­மென ஜே.ஆர் நம்­பி­னார். அமெ­ரிக்­கா­வி­டம் 50 மில்­லி­யன் டொலர் உத­வி­பெற ஜே.ஆர் மேற்­கொண்ட முயற்சி வெற்­றி­ய­ளிக்­க­வில்லை.

அந்த வேளை­யில் உலக வங்­கி­யின் ஆலோ­ச­னை­க­ளுக்கு எடு­பட்டு ஜே.ஆர் தயா­ரித்து முன்­வைத்த வரவு செல­வுத் திட்­டம் கடை­சி­யில் டட்­லி­யின் தலை­மை­யி­லான அர­சைப் பத­வி­யி­லி­ருந்து விலக வைக்­கக் கார­ண­மா­யிற்று.
அது­வரை நாட்டு மக்­க­ளுக்கு அரசு வழங்கி வந்த பல நிவா­ரணங் களை நிறுத்­திய ஜே.ஆர், அவற்­றுக்கு மேல­தி­க­மாக பல சேவைக்­கட்­ட­ணங்­களை உயர்த்­தி­ய­தன் மூலம் நாட்டு மக்­க­ளது அதி­ருப்­தி­யை­யும் எதிர்ப்­பை­யும் சம்­பா­தித்­துக் கொண்­டார்.

அரிசி விலையை அதிகரித்த ஐ.தே.கட்சி அரசு

ஐ.தே.கட்சி அரசு பத­வி­யி­லி­ருக்­கும் வரை ஒரு கொத்து அரி­சியை 25 சதத்­துக்கு வழங்­கு­மென வாக்­கு­றுதி வழங்­கிப் பொது மக்­க­ளது ஆத­ரவை ஈட்டித் தேர்­த­லில் வெற்றி பெற்ற ஐ.தே.கட்சி அரசு, குறித்த அந்த வரவு செல­வுத் திட்­டத்­தின் மூலம் ஒரு கொத்து அரி­சி­யின் விலையை 70 சத­மாக உயர்த்­தி­ய­தன் மூலம் நாட்டு மக்­க­ளது கடும் எதிர்ப்­பைச் சம்­பா­தித்­துக் கொண்­டது.

நிதி அமைச்­ச­ரான ஜே.ஆரின் அந்த முடிவுக்கு எதிராக அந்த ஆண்டு ஆகஸ்ட் மாதம் 12 ஆம் திகதி முன்­னெ­ டுக்­கப்­பட்ட ஹர்த்­தால் கார­ண­மாக அர­சுக்கு எதி­ரான எதிர்ப்­பு­ணர்வு தீவி­ர­ம­டைய நேர்ந்­தது. அர­சுக்கு எதி­ரான அந்­தத் தீவிர எதிர்ப்­புக் கார­ண­மாக கடை­சி­யில் டட்லி சேன­நா­யக தனது தலைமை அமைச்­சர் பத­வி­யி­லி­ருந்து தாமாக வில­கிக் கொள்ள வேண்டி ஏற்­பட்­டது.

ஜே.ஆர். தனது திட்­ட­மொன்றை இதன் மூலம் நிறை­வேற்­றிக் கொண்­டுள்­ளார் என அந்த வேளை­யில் ஒரு சிலர் விமர்­சித்­த­துண்டு. பின்­னர் தலைமை அமைச்­ச­ரா­கப் பத­வி­யைக் கையேற்ற சேர்.ஜோன்.கொத்­த­லா­வலை, முதன்­மு­த­லில் மேற்­கொண்ட நட­வ­டிக்கை, ஜே.ஆரை, நிதி அமைச்­சர் பத­வி­யி­லி­ருந்து அகற்றி அவருக்கு வேறு அமைச்­சுப் பத­வி­யொன்றை வழங்­கி­ய­யமை ஆகும். ஆனால் அந்த வேளை­யில் குதிரை லாயத்தை விட்டு வெளி­யே­றிச் சென்று விட்­டி­ருந்­தது.

1956 ஆம் ஆண்­டுப் பொதுத் தேர்­த­லில் ஐ.தே.கட்சி படு­தோல்­வி­யைச் சந்­திக்க நேர்ந்­தது. ஜே.ஆர். கூட தேர்­த­லில் தோல்­வி­யைச் சந்­திக்க நேர்ந்­தி­ருந்­தது. ஆயி­னும் பின்­னா­ளில் ஜே.ஆர்.நாட்­டின் அரச தலை­வ­ராகி நாட்டை நிர்­வ­கித்த போதி­லும், 1956 ஆம் ஆண்­டில் டட்லி சேனா­நா­ய­க­வின் அர­சைப் பத­வி­யி­ழக்க வைத்­த­தில் அந்­த­வே­ளைய எதிர்க்­கட்­சி­யி­னரை விட ஜே.ஆரே பெரும் பங்­காற்­றி­ய­தாக விமர்­ச­னங்­கள் வெளி­வந்­த­துண்டு.

1956 ஆம் ஆண்­டுப் பொதுத் தேர்­த­லில் வெற்­றி­யீட்­டிய எஸ்.டபிள்யூ ஆர்.டி. பண்­டா­ர­நா­யகா தலை­மை­யி­லான சுதந்­தி­ரக்­கட்சி களனி ராஜ­ம­கா­வி­கா­ரை­யில் மேற்­கொண்ட மத­வ­ழி­பா­டு­க­ளின் பின்­னர், பஞ்ச மகா சக்தி மூலம் நிறு­வப்­பட்ட புதிய அர­சைப் பொறுப்­பேற்­றுக் கொண்­டது. அந்த அர­சின் நிதி அமைச்­ச­ராக ஸ்ரான்லி டி.சொய்சா நிய­ மிக்­கப்­பட்­டார்.

பண்­டா­ர­நா­யகா படு­கொலை செய்­யப்­பட்ட சம்­ப­வத்­தில் அதற்கு திட்­ட­மிட்­ட­தா­ கக் கூறப்­பட்ட பிர­திப் பொலிஸ் மா அதி­பர் சிட்னி டி சொய்­சா­வின் சகோ­த­ரரே இந்த ஸ்ரான்லி டி.சொய்சா ஆவார். தம் மீதான கடும் விமர்­ச­னங்­க­ளை­ய­டுத்து 1959 நவம்­பர் மாதம் 23 ஆம் திக­தி­யன்று ஸ்ரான்லி டி சொய்சா தமது பத­வி­யி­லி­ருந்து தாமாக வில­கிக் கொண்­டார். அதன் தொடர்ச்­சி­யாக அர­சும் பத­வி­யி­ழந்­தது.

மீண்டும் மீண்டும் ஐ.தே.கட்சி அரசின் நிதி அமைச்சர் ஜே.ஆரே

1960 மார்ச் மாதம் இடம்­பெற்ற நாடா­ளு­மன்­றத் தேர்­த­லில் டட்லி சேனா­நா­ய­க­வின் தலை­மை­யி­லான ஐ.தே.க அரசு ஆட்சி அமைத்த வேளை அதன் நிதி அமைச்­ச­ராக ஜே.ஆர் நிய­மிக்­கப்­பட்­டார். சிம்­மா­ச­னப் பிர­சங்க வாக்­கெ­டுப்­பில் தோல்­வி­யுற்ற அரசு, 30 நாள்­க­ளில் பத­வி­இ­ழந்­தது.

தொடர்ந்து அதே ஆண்­டின் ஜுலை மாதத் தேர்­த­லில் சிறி­மா­வோ­வின் தலை­மை­யி­லான அரசு பத­வி­யேற்­ற­வேளை பீலிக்ஸ்­ட­யஸ் பண்­டா­ர­நா­யகா அந்த அர­சின் நிதி அமைச்­ச­ராக நிய­ம­ன­மா­னார். அர­சுக்­குள் தமக்­கெ­தி­ராக உரு­வான எதிர்ப்­புக்­க­ளை­ய­டுத்து 1962 ஆம் ஆண்­டில் பீலிக்ஸ் டயஸ் தமது நிதி­ய­மைச்­சர் பத­வி­யைக் கைவிட்­டார். 1960 ஜுலை முதல் 1964 ஆம் ஆண்டுவரை நாட்­டின் நிதி அமைச்­ச­ர்களாக ஐவர் பணி­யாற்­றி­யி­ருந்­த­னர் என்­பது சுவா­ரஸ்­ய­மான ஒன்­றா­கும்.

அந்த வகை­யில் இலங்கை அர­சி­யல் வர­லாற்­றில் பத­வி­யி­லி­ருந்த அர­சுக்­கள் கவிழ்க்­கப்­ப­டப் பெரும்­பா­லும் கார­ண­மாக அமைந்­தது அந்­தந்த அர­சுக்­க­ளது நிதி அமைச்­சர் பத­வி­களே. ஒரு அர­சின் அர­சுத்­த­லை­வர், தலைமை அமைச்­சர் என்ற பத­வி­நி­லை­க­ளு­டன் ஒப்­பி­டும்­போது நிதி அமைச்­சின் செயற்­பா­டு­க­ளி­லேயே நல்­ல­தும் கெட்­ட­தும் அமைந்து, அதுவே அந்த அர­சின் செயற்­பா­டுக்கு பாதிப்­பா­க­வும், பாராட்டாகவும் அமை­கி­றது. அந்த வகை­யில் மிக அண்­மை­யில் இடம்­பெற்ற அமைச்­ச­ரவை மாற்­றம் அர­சின் வீழ்ச்­சி­யின் ஆரம்­ப­மாக அர­சி­யல் அவ­தா­னி­க­ளால் விமர்­சிக்கப்படுகிறது.

தாம் தமது நிதி அமைச்­சின் செயற்­பா­டு­களை நாட்­டின் பொரு­ளா­தார முன்­னேற்றத்தை நோக்கி இட்­டுச் சென்­ற­தா­லேயே தமக்கு உல­கின் சிறந்்த நிதி அமைச்­சர் என்ற கௌர­வம் கிடைத்­த­தா­கக் கூறி­வந்த ரவி கரு­ணா­நா­யக, தாம் அந்­தப் பத­வியை ஒரு­போ­தும் கைவி­டத் தயா­ரில்லை என­வும் கூறி வந்­தி­ருந்­தார். ஆயி­னும் நிதி அமைச்­சர் பத­விக்கு அவர் பொருத்­த­மா­ன­வ­ரல்ல என அமைச்­ச­ரவை உறுப்­பி­னர்­கள் பலர் குற்­றம் சாட்டி வந்­த­னர்.

அமைச்­ச­ரவை மாற்­றம் மேற்­கொள்­ளப்­ப­டு­வ­தன் நோக்­கம், ஊழல் பேர் வழி­களை வெளி­யேற்­று­வ­தா­கும் என­வும் அவர்­க­ளில் பலர் கூறி வந்­த­னர்.
அதே­வேளை அமைச்­சர்­க­ளான சஜித் பிரே­மதாச மற்­றும் ஹரீன் பெர்­னாண்டோ ஆகியோர் நிதி அமைச்­சர் என்ற வகை­யில் ரவி கரு­ணா­நா­யக தமது அமைச்­சுக்­க­ளுக்­கான நிதி ஒதுக்­கீட்­டில் குறைப்­புச் செய்­வ­தா­கக் குற்­றம் சாட்­டி­யி­ருந்­த­னர். ஆயி­னும் அவர்­க­ளுக்­கும் ரவிக்­கும்­இ­டை­யில் கட்­சிக்­குள்­ளான பிர­ப­லத்­து­வம் குறித்த அதி­கா­ரப் போட்­டியே இத்­த­கைய குற்­றச்­சாட்­டுக்­க­ளுக்­கான பின்­னணி என­வும் ஒரு தரப்­பி­னர் சுட்­டிக் காட்­டி­யி­ருந்­த­னர்.

அதே­வேனை நல்­லாட்சி அரசு பதவி இழப்­ப­தற்கு ரவி கரு­ண­ாநா­யக்க பெரும் உதவி புரிந்து வரு­வ­தாக கூட்டு எதி­ர­ணித்­த­ரப்­பின் ஒரு­சி­லர் தெரி­வித்­துள்­ள­னர். ரவி­யி­ட­மி­ருந்து எடுக்­கப்­பட்ட நிதி அமைச்­சர் பதவி மங்­கள சம­ர­வீ­ர­வுக்கு வழங்­கப்­பட்­டுள்­ளமை, வெளி­யு­றவு அமைச்­ச­ராக தமது கைவ­ரி­சை­யைக் காட்டி வந்த மங்­க­ள­ச­ம­ர­வீ­ர­வுக்கு ஒரு தடுப்­புக்­கட்டை போடும் விதத்­தி­லேயே தற்­போது நிதி அமைச்­சின் பொறுப்­புக்­கள்­அ­வ­ரி­டம் கைய­ளிக்­கப்­பட்­டுள்­ள­தாக மற்­றொரு தரப்­பி­னர் கரு­து­கின்­ற­னர்.

வெளி­யு­ற­வுத் துறை­யைச் சிறப்­பாக முன்­னெ­டுத்த மங்­களவிட­மி­ருந்து அந்த அமைச்­சின் பொறுப்பை மீளப்பெற்று அதனை ரவி கரு­ணா­நா­ய­க­வுக்கு வழங்­கி­யி­ருப்­பது கேலிக்கு இட­மா­ன­தொன்­றெ­ன­வும் அந்­தத் தரப்­பி­னர் விமர்­சித்­துள்­ள­ னர். ஆயி­னும் அண்­மைய அமைச்­ச­ரவை மாற்­றத்­தின் பின்­னர் அர­சுக்­குள் நீறு பூத்த நெருப்­பாக இருந்த கருத்து வேறு­பா­டு­கள், வெளியே பகி­ரங்­க­மா­கத் தலை­காட்­டத் தொடங்­கி­யுள்­ளன என்­பது மட்­டும் மறுக்க இய­லாத உண்­மையே.

அதே­வேளை அண்­மைய அமைச்­ச­ரவை மாற்­றம், அமைச்­ச­ரவை உறுப்­பி­னர்­கள் மத்­தி­யில் மட்­டு­மின்றி, அமைச்­சர் மற்­றும் ராஜாங்க அமைச்­சர் பத­வி­யொன்றை ஈட்­டும் முனைப்­பில் எதிர்ப்­பார்­பு­க்களுடன் காத்­தி­ருந்த அரச தரப்பு நாடா­ளு­மன்ற உறுப்­பி­னர்­கள் மத்­தி­யி­லும் ஒரு அதி­ருப்­தி­யை­யும் அர­சுக்கு எதி­ரான ஒரு மனப்­பொ­ரு­மல் நிலை­யை­யும் தோற்­று­வித்­துள்­ளது. மொத்­தத்­தில் இவர்­க­ளில் பலர் ஒரு குழப்ப நிலைக்கு உட்­பட்­டுள்­ள­தா­கக் கரு­த­மு­டி­கி­றது.

அமைச்­ச­ரவை மாற்­றம் கார­ண­மா­கச் சூடா­கிப் போயுள்ள அரச தரப்­புக்­குள், எதிர்­வ­ரும் நாள்­க­ளில் எத்­த­கைய சிக்­கல்­கள் தலை­தூக்­கப் போகின்­றன என்­பதை எவ­ரா­லும் நிச்­ச­யிக்க இய­லாது போயி­ருப்­பி­னும், அர­சுக்­கும் ஏதோ­வொரு பிர­ள­யம் தலை­தூக்­கவே வாய்­பி­ருப்­ப­தாக அர­சி­யல் நோக்­கர்­கள் கரு­து­கின்­ற­னர்.

அந்த வகை­யில் முன்­னைய மகிந்த அர­சைப் பத­வி­யி­லி­ருந்து அகற்றி, நல்­லாட்சி அர­சைப் பத­விக்­குக் கொண்டு வந்து பெரும் அர­சி­யல் மாற்­ற­மொன்றை ஏற்­ப­டுத்­திய தரப்­புக்­கள் இன்­றைய நல்­லாட்சி அர­சைப் பதவி கவிழ்க்க முய­ல­மாட்டா என எவ­ரா­லும் உறுதி கூற இய­லாது.

http://uthayandaily.com/story/4313.html