Jump to content

தூதுவருக்குத் தவறான தகவல் வழங்கினார் வடக்கு முதல்வர் எதிர்க்கட்சித் தலைவர் சபையில் சாடல்


Recommended Posts

தூதுவருக்குத் தவறான தகவல் வழங்கினார் வடக்கு முதல்வர்

எதிர்க்கட்சித் தலைவர் சபையில் சாடல்

 
தூதுவருக்குத் தவறான தகவல் வழங்கினார் வடக்கு முதல்வர்
 

சுன்னாகம் நிலத்தடி நீரில் கழிவு ஒயில் கலந்தமை குறித்து முறையாக ஆய்வு செய்யாதவர்களின் பொய்யான கதையைக் கேட்டு பிரிட்டன் தூதுவருக்கு, ஒயிலின் அளவு குறைவாகவே உள்ளதால் அபாயம் இல்லை எனத் தவறான கருத்தைச் சொல்லியுள்ளீர்கள் என்று வடக்கு முதலமைச்சரைச் சபையில் சாடினார் எதிர்க்கட்சித் தலைவர் சி.தவராசா.

சுன்னாகம் நீரில் ஒயில் கலந்தமை தொடர்பில் பிரிட்டன் தூதுவரிடம் முதலமைச்சர் கூறிய விடயங்கள் தொடர்பாக நேற்றைய அமர்வில் முதலமைச்சரிடம் வாய்மூலமான வினாக்களைக் கோரினார் எதிர்க்கட்சித் தலைவர் சி.தவராசா.

கடந்த வருடம் ஜூன் மாதம் பிரிட்டன் தூதுவர் யாழ்ப்பாணத்துக்கு வருகை தந்திருந்தபோது தங்களைச் சந்தித்து யாழ்ப்பாண மாவட்டத்தில் நீர் மாசடைந்துள்ளமை தொடர்பான கரிசனையை வெளிப்படுத்தினாரா?, அவ்வாறு வெளிப்படுத்தியிருந்தால் வெளிநாடுகளில் நீர்ப் பரிசோதனைகளை செய்தவர்கள் யார்?, அவ்வாறு நீர் பரிசோதனைக்குப் பணிப்புரை வழங்கியது யார்? அவ்வாறு பரிசோதனைக்கு உட்படுத்திய நீர் மாதிரிகள் எத்தனை?, அந்தப் பரிசோதனை அறிக்கையைச் சபையில் சமர்ப்பிக்க முடியுமா?அதற்கான செலவு எவ்வளவு? வழங்கியவர்கள் யார்? என முதலமைச்சரிடம் அடுக்கடுக்காக வினாக்களை முன்வைத்தார்.

இதற்குப் பதிலளித்த முதலமைச்சர், பிரிட்டன் தூதுவர் யாழ்ப்பாணத்தில் நீர் மாசடைந்துள்ளமை தொடர்பில் அவர் தனது கரிசனையை வெளியிட்டிருந்தார்.அதன்போது நான் சுன்னாகம் நிலத்தடி நீரில் கலந்துள்ள ஒயிலின் அளவு அபாய நிலையிலும் குறைவாகவே இருக்கின்றது எனக் கூறினேன். வடக்கு மாகாண சபையின் விவசாய அமைச்சின் நிபுணர் குழுவின் அறிக்கையில் விவரம் உள்ளது. பரிசோதனை நிறுவனத்துக்கு பணிப்புரை வழங்கவில்லை. முழு விவரங்களும் நிபுணர்குழு அறிக்கையில் உள்ளது-என்றார்.

இதன்போது கருத்துரைத்த தவராசா,எவ்வித முறையான அனுமதியும் இல்லாமல் யாரோ 5 பேர் கொண்ட குழு சொன்னதை வைத்துக்கொண்டு ஒரு நாட்டின் தூதுவருக்கு நீர் மாசு தொடர்பில் எந்தப் பிரச்சினையும் இல்லை எனக் கூறலாமா? யாரும் அனுமதிக்காத நிபுணர் குழு அங்குள்ள 12 கிணறுகளை மட்டும் ஆய்வு செய்துவிட்டு முடிவுக்கு வரமுடியாது-என்றார்.

http://uthayandaily.com/story/4163.html

Link to comment
Share on other sites

Archived

This topic is now archived and is closed to further replies.



×
×
  • Create New...

Important Information

By using this site, you agree to our Terms of Use.