நுவரெலியாவில் அடை மழை : நீர்த்தேக்கங்களின் வான்கதவுகள் திறப்பு : குடியிருப்புகளுக்கு பாதிப்பு! (படங்கள்)

[நவீனன்]

நுவரெலியாவில் அடை மழை : நீர்த்தேக்கங்களின் வான்கதவுகள் திறப்பு : குடியிருப்புகளுக்கு பாதிப்பு! (படங்கள்)

 

நுவரெலியா மாவட்டத்தில் பெய்து வரும் அடை மழையினால்  பல பகுதிகளில் மண்சரிவுகள் ஏற்பட்டுள்ளதுடன் நீர்தேக்கங்களின் நீர்மட்டம் அதிகரித்து வான்கதவுகளும்  திறந்துவிடப்ட்டுள்ளது.

நேற்று மாலை முதல் பெய்துவரும் கடும் மழையில்  போக்குரவத்து தடைப்பட்டுள்ளதுடன் குடியிருப்புகளுக்கும் சேதமேற்பட்டுள்ளது. 

இன்று அதிகாலை ஹட்டன் ஸ்டெதண் தோட்டத்தில் ஏற்பட்ட மண்சரிவில் குடியிருப்பின் ஒருபகுதி சேதமாகியுள்ள நிலையில் குடியிருப்பிலுள்ள 5 பேர் உறவினகளின் வீடுகளில் தங்கவைக்கப்பட்டுள்ளனர்.

அதேவேளை மஸ்கெலியா நோட்டன் பிரதான வீதியில் அப்புகஸ்தனை பகுதியில் ஏற்பட்ட மண்சரிவினால் போக்குவத்து தடைப்பட்டது.  லக்ஷபான நோட்டன் பிரதான வீதியில் 2ம் கட்டை பகுதியில் பாரிய மரமொன்று வீதியில் முறிந்து வீழ்ந்தமையினால் லக்சபான நோட்டன், ஹட்டன், கினிகத்தேனை பகுதிகளுக்கான போக்குவரத்து அதிகாலைமுதல் 7.30 மணிவரை தடைப்பட்டது.  மேலும் நீரேந்தும் பகுதிகளில் நீர்மட்டம் அதிகரித்துள்ள நிலையில் நோட்டன் பிரிட்ஜ் நீர்த்தேக்த்தில் நீர் நிறம்பியுள்ளது.  மேலும் லக்ஷபான, கெனியன் நீர்தேக்கங்களில் தலா இரண்டு வான்கதவுகள் திறந்துவிடப்பட்டுள்ளது. 

நீர்தேக்கங்களில் வான்கதவுகள் திறந்துவிடப்பட்டுள்ளமையினால் களனி கங்ககையின் நீர்மட்டம் அதிகரித்துள்ளதாக மின்சாரசபை அதிகாரிகள் தெரிவித்தனர்.  சீரற்ற காலநிலையால்97 வாகன சாரதிகள் அவதானத்துடன் வாகனத்தை செலுத்துமாறு பொலிஸார் வேண்டுகோள் விடுக்கின்றனர்.

 

Tags

http://www.virakesari.lk/article/20380