Jump to content

ஐ.என்.எஸ் சென்னை கப்பலுக்கு அ.தி.மு.கவால் கிடைக்கவிருக்கும் ‘அடடே’ பெருமைகள்!


Recommended Posts

ஐ.என்.எஸ் சென்னை கப்பலுக்கு அ.தி.மு.கவால் கிடைக்கவிருக்கும் ‘அடடே’ பெருமைகள்!

 

ஐ.என்.எஸ் சென்னை ( INS Chennai) போர்க்கப்பலை சென்னைக்கு அர்ப்பணிக்கும் விழா நேற்று நடைபெற்றது. இந்தப் போர்க்கப்பல் 7500 டன் எடை மற்றும் 164 டன் நீளம் கொண்டது. மணிக்கு 60 கி.மீ வேகத்தில் செல்லும் ஆற்றல் கொண்டது. ஏவுகணைகளை இடைமறித்துத் தாக்கும் திறன் கொண்ட போர்க் கப்பல் இது. கடலின் மேற்பரப்பு, கடலின் அடிப் பரப்பு, ஆகாயம் என மூன்று நிலைகளில் தாக்குதல் நடத்தும் வகையில் இந்தக் கப்பல் தயாரிக்கப்பட்டுள்ளது. இவற்றை எல்லாம் விட இன்னும் பல பெருமைகளை அ.தி.மு.க-வின் மூலம் அடையப்போகிறது ஐ.என்.எஸ் சென்னை போர்க்கப்பல். இந்தப் போர்க்கப்பலைப் பார்வையிடுவதற்காகத்தான் அ.தி.மு.க எம்.எல்.ஏ-க்கள் அனைவரும் அழைக்கப்பட்டிருக்கிறார்கள். போர்க்கப்பலில் அணிப் பேச்சுவார்த்தையா... இது பெரும் அக்கப்போராக அல்லவா இருக்கிறது? என ஆதங்கப்படாமல் மேலே படியுங்கள். 

INS chennai - ஐ.என்.எஸ்

பொதுவாக, விருதுகள் வழங்கும்போது 'விருது பெறும் பிரபலத்தால் அந்த விருது பெருமை கொள்கிறது' எனச் சொல்வார்கள். அதேபோலத்தான் பல பெருமை வாய்ந்ததாகக் கருதப்படும் ஐ.என்.எஸ் போர்க்கப்பல் தற்போது ஒரு மாநிலக் கட்சியின் ஒரு மந்தையிலிருந்து பிரிந்த இரண்டு ஆடுகள் சந்தித்துக் கொள்வதற்குப் பாலமாக இருக்கப் போகிறது. அதுமட்டுமல்லாது, ஒரே நேரத்தில் ஒரு மாநிலத்தின் ஆட்சியிலிருக்கும் முக்கிய நிர்வாகிகளைச் சுமக்கும் பாக்கியத்தையும் பெற்றிருக்கிறது ஐ.என்.எஸ் போர்க்கப்பல். 

தமிழக மீனவர்களுக்குப் பெரும் துயரமாக நீடித்துக் கொண்டிருப்பது கச்சத்தீவு விவகாரம். இன்று கப்பலில் நடக்கும் பேச்சுவார்த்தை முடிந்ததும் அ.தி.மு.க நிர்வாகிகள் அப்படியே கச்சத்தீவுக்குப் புறப்பட்டுச் சென்று அதையும் மீட்டு இந்தியாவோடு சேர்க்கலாம் என எதிர்பார்க்கப்படுகிறது. அப்படி ஒன்று நடந்தால் அந்தப் பெருமையும் ஐ.என்.எஸ் போர்க்கப்பலுக்கே சென்று சேரும். 

அப்படியே அவர்கள் ஸ்ட்ரைட்டாக சிலோனுக்குப் போய், இலங்கை கடற்படையோடு பேச்சுவார்த்தை நடத்தினால், இரு நாட்டு உறவுகளைப் பலப்படுத்திய மொத்தப் பெருமையும் கப்பலுக்கே வந்து சேரும். 

கப்பலில் ஆலோசனை நடத்தி முடித்துத் திரும்பும் அமைச்சர்கள் 'தர்மம் மறுபடி வென்றது' எனச் சூளுரைப்பார்கள். 'தர்மத்தைக் காத்த கப்பலே' என ரத்தத்தின் ரத்தங்கள் பேனர் வைப்பார்கள்.

இந்த ஆலோசனைக்குப் பிறகு இரு அணிகளும் இணக்கமாகச் செயல்பட முடிவெடுத்தால் பல பஞ்சாயத்துகளுக்கும் தீர்வு ஏற்படும். ஜெயலலிதா மரணத்தில் இருந்துவந்த மர்மம் விலகி அது இயற்கையான மரணம் எனும் செய்தி பரவும். அப்போலோ மருத்துவமனையின் மீது ஏற்பட்டுள்ள களங்கம் தெளியும். மரணத்தில் சந்தேகம் இருக்கிறது என்பதால் தொடங்கப்பட்ட பல கட்சிகள் சர்ச்சை தீர்ந்தபின்பு கட்சியைக் கலைக்கவும் வாய்ப்புள்ளது. 

ஐ.என்.எஸ் விக்ராந்த் போர்க்கப்பலின் சாதனைகளின் நினைவாக 'விக்ராந்த்' பைக் உற்பத்தி செய்து விற்பனை செய்யப்பட்டதைப் போல, இந்தப் பேச்சுவார்த்தை வெற்றிபெற்று அ.தி.மு.க காக்கப்பட்டால் அதன் நினைவாக இந்தக் கப்பலையே கொண்டுவந்து அ.தி.மு.க தலைமை அலுவலகத்தில் பார்வைக்காக நிறுத்தி வைக்கப்படலாம். வெளியூரிலிருந்து வரும் எம்.ஜி.ஆரின் தொண்டர்கள் அவரது சமாதியில் காதை வைத்து கடிகாரச் சத்தம் கேட்பதைப் போல அ.தி.மு.க தொண்டர்கள் கப்பலை குலதெய்வமாகக் கொண்டாடுவார்கள்.

துரோகிகள் என மாற்றி மாற்றிச் சொல்லிக்கொண்ட இரு அணியினரும் ஆரத்தழுவிக் கட்டிக்கொண்டால், ஆரோக்கியமான அரசியல் என தமிழக மக்கள் புளகாங்கிதம் அடைந்து கொள்ளலாம். இந்தியாவிலேயே... ஏன் உலகிலேயே... ஆட்சியைக் காப்பாற்ற போர்க்கப்பலில் ஆலோசனை செய்த இனம் தமிழினம் என நாளைய வரலாறு பேசும். 

http://www.vikatan.com/news/miscellaneous/86782-a-satirical-article-on-the-admk-party-meet-happening-on-ins-chennai.html

Link to comment
Share on other sites

உல்லாச பயணம்!
கப்பலில் உல்லாச பயணம்:
கரைபுரண்டது உற்சாகம்!
 
 
 

சென்னை வந்துள்ள போர்க் கப்பலில், சசிகலா அணி எம்.எல்.ஏ., மற்றும் எம்.பி.,க்கள், நேற்று உல்லாச பயணம் மேற்கொண்டனர்.

 

Tamil_News_large_175418420170419004555_318_219.jpg

இந்தியாவில் தயாரிக்கப்பட்ட, 'ஐ.என்.எஸ்., சென்னை' போர் கப்பல், சென்னையின் பெயரை தாங்கியுள்ளதால், பாரம்பரிய முறைப்படி, மூன்று நாள் பயணமாக இங்கு வந்துள்ளது. அதை, முதல்வர் பழனிசாமி மற்றும் அமைச்சர் கள், நேற்று முன் தினம் பார்வையிட்டனர். தமிழக எம்.பி., - எம்.எல்.ஏ.,க்கள் பார்வையிட வரும்படி, கடற்படை அழைப்பு விடுத்திருந்தது.

இதற்கிடையே, அ.தி.மு.க.,வில் இரு அணி களும் இணைவதற்கான முயற்சி துவங்கி யுள்ளது. இதனால், பன்னீர் அணி எம்.எல்.ஏ.,க் களும் வருவர் என எதிர்பார்க்கப் பட்டது; ஆனால், வரவில்லை.மேலும், தேர்தல் கமிஷனுக்கு லஞ்சம் கொடுத்த விவகாரத்தில், தினகரன் சிக்கியுள்ளதால், சசி அணியினர் வர மாட்டார்கள் என கருதப்பட்டது.

ஆனால், நேற்று காலை, 7:00 மணி முதல், எம்.எல்.ஏ.,க்களும், அமைச்சர்களும், குடும்பத் தினருடன் வந்திறங்கினர். அவர்களில், தங்க தமிழ்செல்வன் உள்ளிட்ட சில எம்.எல்.ஏ.,க் கள்; நவநீதகிருஷ்ணன் உள்ளிட்ட சில எம்.பி.,க்கள், 'ஐ.என்.எஸ்., சுமேதா' கப்பலில் சென்றனர்.

ஜெயக்குமார், ராஜு, ஓ.எஸ்.மணியன், விஜய பாஸ்கர், நிலோபர் கபில் உள்ளிட்ட, 14க்கும் மேற்பட்ட அமைச்சர்கள் மற்றும், 106 எம்.எல்.ஏ.,க்கள், நான்கு எம்.பி.,க்கள் வந்திருந்தனர்.

இக்கப்பல்களுடன், 'ஐ.என்.எஸ்., ரன்வீர்' போர்க் கப்பலும் சேர்ந்து கொண்டது.இது, நீர்மூழ்கி கப்பலை தாக்கி அழிக்கும் ராக்கெட்களை செலுத்துவது, துப்பாக்கியால் சுடுவது என, சாகசங் களை செய்தபடியே பின்தொடர்ந்தது. ஐ.என்.எஸ்., சென்னை கப்பலும், தன் பங்கிற்கு சாகசங்கள் செய்தது.

 

உற்சாக வெள்ளம்:


பெரும்பாலான எம்.எல்.ஏ.,க் கள் மற்றும் அமைச்சர்கள், ஐ.என்.எஸ்., சென்னை கப்பலில் பயணம் செய்தனர். அவர்கள், மகன், மகள், பேரன், பேத்தி என, குடும்பத்தினருடன் உற்சாகமாக பொழுதை கழித்தனர். அவர்களுக்காக, இரு கப்பல் களிலும் பிரம்மாண்ட பந்தல் போடப்பட்டு இருந்தது.

நடுக்கடலுக்கு சென்ற பின், கப்பல்வேகமாக, அசைந்து அசைந்து சென்ற போது, கடற்படை யினர் ஆசையாக கொடுத்த ரொட்டி, பிஸ்கெட், ஜூஸ் எல்லாம் அடிவயிற்றில் இருந்து மேலே வர துடித் தன. இதனால், பலர், கப்பல் கரையை அடையும் வரை, கீழ்தளத்தில் இருந்த கழிப்பறைக்கு போவதும், வருவதுமாக இருந்தனர்.ஒரு வழியாக, கடலில், 20 கடல் மைல் சென்ற பின், மாலை, 4:00 மணிக்கு, கப்பல் கரை திரும்பியது.
 

கப்பலில் கடத்தலா?


கப்பலில் பயணம் செய்த எம்.எல்.ஏ.,க்களுக்கு, ரகசிய கூட்டம் நடக்க இருப்பதாக, 'வாட்ஸ் ஆப்' மூலமாக தகவல் வந்தது. இதனால், கப்பலில் திட்டமிட்டு கடத்தப்படுகிறோமோ என்ற பயம் தெரிந்தது.அப்படி எதுவும் இல்லை என தெரிந்த பின், நிம்மதி பெருமூச்சு விட்டனர்.
சில எம்.எல்.ஏ.,க் கள் கூறும்போது, 'கப்பலில் பிரம்மாண்ட அறையில் ஆலோசனை நடக்கும் என நினைத்தோம். இங்கே வெட்டவெளியில் உட்கார வைத்து விட்டனர். எனினும், போர்க் கப்பல் அனுபவம் புதிது' என்றனர்.
 

விஜயபாஸ்கர் வருத்தம்!


கடைசி நேரத்தில், சுகாதார துறை அமைச்சர் விஜயபாஸ்கர், குடும்பத்துடன் வந்து ஏறினார். செய்தியாளர்களிடம் மனம் திறந்து பேசினார். அப்போது, 'என் பெயருக்கு களங்கம் ஏற்பட்டு விட் டது. அதை கடுமையாக உழைத்து, சரி செய்வேன். வருமான வரி சோதனையில் கைப்பற்றிய ஆவணங்கள் போலியானவை. நான் திருமணத் துக்கு போனால், ஓடியாடி வேலை செய்யும் ரகம். கட்சியிலும் ஓடியாடி வேலை செய்தேன். அதனால் தான், இலக்காக ஆகியுள்ளேன்' என்றார்.
 

இணைப்புக்கு ஆதரவு!:


அமைச்சர்கள், ராஜு, ஜெயகுமார், உதயகுமார் உள்ளிட்டோர் பேசுகை யில்,இரட்டை இலை சின்னத்தை மீட்க வேண்டியது அவசியம்.

 

இரு தரப்பும் இணைவது தான், கட்சியின் எதிர்காலத்திற்கு உகந்தது. மக்களும், அதை தான் விரும்புகின்றனர். இது அண்ணன் - தம்பி பிரிவைப் போன்றதே. இரு தரப்பும் இணைய அமைக்கப்பட்ட குழு, விரைவில் பேச்சு வார்த்தை நடத்தும் என நம்புகிறோம்' என்றனர்.

பெண் எம்.எல்.ஏ.,உடல்நிலை பாதிப்பு


கப்பல் குலுங்க துவங்கியதும், மண்ணச்ச நல்லுார் எம்.எல்.ஏ., பரமேஸ்வரிக்கு வாந்தி, மயக்கம் ஏற்பட்டது. அவருக்கு சோர்வு அதிகரித்ததால், தனி அறையில் ஓய்வு எடுத் தார். பின், அவருக்கு மாத்திரை வழங்கப் பட்டது. ரத்த அழுத்த பரிசோதனையும் செய்யப்பட்டது.
 

மனைவியை இழந்த சோகம்...


கப்பலில் உற்சாகமாக பயணம் செய்து கொண்டிருந்த, சீர்காழி எம்.எல்.ஏ., பாரதிக்கு, அவரது மனைவி மாரடைப்பால் உயிரிழந்த தகவல் தெரிவிக்கப்பட்டது. இதனால், அவர் கடும் அதிர்ச்சி அடைந்தார். அவரை சுற்றி அமர்ந்திருந்த எம்.எல்.ஏ.,க்களும், சோகம் அடைந்தனர்.
 

தி.மு.க., - காங்.,அழைப்பு இல்லை!


கடற்படை அழைப்பிதழ்கள், முதல்வர் அலுவலகத்தில் தரப்பட்டுள்ளன. ஆனால், அவை, சசிகலா அணிக்கு மட்டும் வழங்கப் பட்டதாக தெரிகிறது. இதனால், பன்னீர் அணி, தி.மு.க., - காங்கிரஸ் எம்.எல்.ஏ.,க்கள் வர வில்லை. அத்துடன், அ.தி.மு.க., 'மாஜி' அமைச் சர் செந்தில் பாலாஜி போன்றோரும் புறக்கணித்தனர்.
- நமது சிறப்பு நிருபர் -

http://www.dinamalar.com/news_detail.asp?id=1754184

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

    • பல்லைக் காட்டியது யார், வெள்ளைக் குடை பிடித்தது ஏன்? - தமிழ்நாடு தேர்தல் களத்தில் என்ன நடக்கிறது? பட மூலாதாரம்,X/UDHAY/ANI 28 மார்ச் 2024, 05:54 GMT தமிழகத்தில் தேர்தல் பிரச்சாரம் சூடு பிடிக்க தொடங்கியுள்ளது. நாடாளுமன்றத் தேர்தல் பரப்புரைகளை கிட்டத்தட்ட அனைத்து கட்சிகளும் தொடங்கிவிட்ட நிலையில், திமுக அதிமுக இடையிலான புது மாதிரியான போட்டோ விவாதம் பரபரப்பாக நடைபெற்று வருகிறது. பிரச்சாரத்தின் முக்கிய அங்கமாக சமூக ஊடகங்கள் மாறியுள்ள நிலையில், களத்தில் நடைபெறும் பரப்புரைகள் சமூக வலைதளங்களிலும், எதிரொலிக்கின்றன. தமிழக விளையாட்டுத்துறை அமைச்சர் உதயநிதி ஸ்டாலின், தனது பிரச்சாரங்களில் போட்டோக்களை பயன்படுத்தி பரப்புரை செய்து வருகிறார். அதிமுகவும் பாஜகவும் ஒரே கூட்டணி என்பதை காட்ட, பிரதமர் மோதியும் அதிமுக பொதுச் செயலாளர் எடப்பாடி பழனிசாமியும் பொது நிகழ்வுகளில், சந்திப்புகளில் எடுத்துக் கொண்ட புகைப்படங்களை கையில் கொண்டு வந்து மக்கள் மத்தியில் எடுத்துக் காட்டி பரப்புரை செய்கிறார். இதற்கு பதிலடியாக எடப்பாடி பழனிசாமி தனது பரப்புரைக் கூட்டங்களில் திமுக தலைவரும் முதல்வருமான மு.க.ஸ்டாலினும் பிரதமர் மோதியும் அரசு நிகழ்வுகளில், விழாக்களில் அருகில் நின்று சிரித்து பேசிக் கொண்ட புகைப்படங்களை எடுத்துக் காட்டி, திமுகவும் பாஜகவும் கள்ளக் கூட்டணி கொண்டுள்ளனர் என்று சுட்டிக் காட்டுகிறார்.   பட மூலாதாரம்,X/UDHAY 'கல்லு பல்லு' என நீளும் விமர்சனம் அதே போன்று, உதயநிதி ஸ்டாலின், மதுரை எய்ம்ஸ் கட்டுமானப் பணிகள் பல ஆண்டுகளாக நிலுவையில் உள்ளது என்பதை சுட்டிக் காட்டும் வகையில் கடந்த தேர்தலில், ஒற்றை செங்கலைக் காட்டி பரப்புரை செய்தார். இந்த முறையும் அதே போன்ற பரப்புரையை மேற்கொண்ட போது, “ஸ்கிரிப்டை மாத்து பா” என்று எடப்பாடி தனது பிரச்சாரத்தில் பதில் கொடுத்துள்ளார். “செங்கலை தூக்கிக் கொண்டு வித்தை காட்டுகிறாயா” என்று கேள்வி எழுப்பிய எடப்பாடி பழனிசாமி, திமுகவின் நாடாளுமன்ற உறுப்பினர்கள் மக்களவையில் அழுத்தம் கொடுத்திருந்தால் எய்ம்ஸ் கட்டுமானத்துக்கு உதவியாக இருந்திருக்கும் என்றார். இந்த விவாதங்கள் பிரச்சாரக் களத்தில் மட்டுமல்லாமல், சமூக ஊடகங்களில் இடம் பெற்றுள்ளன. “நானாவது எய்ம்ஸ் -ல் வைத்த கல்லை காட்டினேன். இவர் பல்லை காட்டுகிறார் பாருங்கள்” என எடப்பாடி மோதியுடன் எடப்பாடி பழனிசாமி சிரித்துக் கொண்டு நிற்கும் புகைப்படத்தைக் காட்டி உதயநிதி ஸ்டாலின் பேசியது சமூக ஊடகங்களில் கல்லு பல்லு என்ற புதிய ஹேஷ் டேக்கை உருவாக்கிவிட்டது. இரு தரப்பினரும் மாறி மாறி, கல்லு பல்லு என்று பல உதாரணங்களை எடுத்து விமர்சித்து கேலி செய்து வருகின்றனர்.   பட மூலாதாரம்,X/EPSTAMILNADU மேலும் உதயநிதி ஸ்டாலின் பிரதமர் நரேந்திர மோதியை சந்தித்த போது எடுத்த புகைப்படத்தை காட்டி, “இவர் சிரிச்சா தப்பு இல்ல, நான் சிரிச்சா தப்பா. சிரிச்சா என்ன தெரியுது, பல்லு தானே” என்று மீண்டும் இந்த விவகாரத்தை கையில் எடுத்தார் எடப்பாடி பழனிசாமி. அந்தப் புகைப்படம் கேலோ இந்தியா நிகழ்வுகள் குறித்து பேசும் போது எடுத்தது என்று பதிலளித்தப் உதயநிதி, எடப்பாடி பழனிசாமி சசிகலாவின் காலில் விழும் போட்டோவை காண்பித்து, “நான் இப்படி ஒருவர் காலில் விழும் புகைப்படத்தை காண்பித்தால் நான் அரசியலை விட்டு விலகிவிடுகிறேன்” என சவால் விடுத்துள்ளார்.   பட மூலாதாரம்,X/ANI பிரதமர் நரேந்திர மோதி சென்னை வந்த போது கருப்பு குடைக்கு பதிலாக வெள்ளை குடை பிடித்ததை விமர்சனம் செய்து பேசிய எடப்பாடி பழனிசாமி, “நடிகர் வடிவேலுவின் 23ம் புலிகேசி திரைப்படத்தில், எதிரி நாட்டவர்கள் படை எடுத்து வரும் போது வெள்ளை கொடி எடுத்து செல்வார். அதே போல, கருப்பு குடை பிடித்தால் பிரதமருக்கு கோபம் வரும் என்பதால், அவர் சென்னை வரும் போது, வெள்ளை குடை பிடிக்கப்பட்டது. வெள்ளை குடை ஏந்தும் பொம்மை வேந்தர் என்று முதல்வரை மக்கள் சொல்கிறார்கள்” என்று கூறியிருந்தார்.   பட மூலாதாரம்,X/ANNAMALAI_K 'கோட்டா அரசியல்' - விமர்சனத்தில் சிக்கியுள்ள அண்ணாமலை அண்ணாமலை கோவையில் செய்தியாளர் சந்திப்பில் பேசும் போது,தன்னை எதிர்த்து போட்டியிடும் அதிமுக வேட்பாளரான சிங்கை ராமச்சந்திரன், சட்டமன்ற உறுப்பினராக இருந்த அவரது தந்தை கோவிந்தராசுவின் உதவியால் தான் உயர்படிப்பு படித்தார் என்றும் விமச்சித்திருந்தார். “2002ம் ஆண்டு எம் எல் ஏ கோட்டாவின் கீழ் கல்லூரியில் இடம் பெற்றவர் அவர், வாரிசு அரசியலில் வந்தவர் அவர். ஆனால் நான், எனது தந்தையுடன் கிராமத்திலிருந்து மூன்று பேருந்துகள் மாறி, தகரப்பெட்டியுடன் இந்த நகரத்துக்குள் நுழைந்தேன். கோட்டா அரசியலில் வரவில்லை நான்.” என்று அண்ணாமலை தெரிவித்திருந்தார். பட மூலாதாரம்,X/RAMAAIADMK இதற்கு பதிலளித்த சிங்கை ராமச்சந்திரன், “எனக்கு 11 வயது இருக்கும் போதே என் தந்தை இறந்துவிட்டார். நான் பெற்ற மதிப்பெண்கள் காரணமாகவே எனக்கு பொறியியல் கல்லூரியில் இடம் கிடைத்தது. அவர்களுடைய மோதியின் குஜராத்-ல் உள்ள ஐஐஎம்-ல் மீண்டும் மதிப்பெண்கள் மூலமாகவே இடம் பெற்றிருந்தேன். அவருக்காவது தகரப்பெட்டியை உடன் தூக்கி வர அப்பா இருந்தார், ஆனால் எனக்கு அதுவும் இல்லை. இது போன்ற கஷ்டங்களை அனைவரும் தங்கள் வாழ்வில் சந்தித்திருப்பார்கள். எனவே நான் தான் துன்ப்பப்பட்டேன் என்று கூறிக் கொள்ள எதுவும் இல்லை” என்று பதில் கூறியிருந்தார். இதை அடுத்து கோட்டா அரசியல், இட ஒதுக்கீடு குறித்த விவாதம் சமூக ஊடகங்களில் பரப்பரப்பாக நடைபெற்று வருகின்றன. திருவள்ளூர் தொகுதி காங்கிரஸ் வேட்பாளர் சசிகாந்த் செந்தில், அண்ணாமலை தான் வளர்ந்து வந்த பாதையை மறந்துவிடக் கூடாது என்று கூறியுள்ளார். இதற்கிடையில், முன்னாள் அமைச்சர் சிவி சண்முகம் விழுப்புரம் தொகுதியில் பேசும் போது அதிமுக போட்ட பிச்சை தான் தமிழகத்தில் பாஜகவுக்கு இருக்கும் நான்கு சட்டமன்ற உறுப்பினர்கள் என்று காட்டமாக கூறியிருந்தார். தேனி தொகுதியில் பாஜக கூட்டணியில் போட்டியிடும் அம்மா மக்கள் முன்னேற்றக் கழகத்தின் டிடிவி தினகரன், பாஜகவின் சாதனைகளை குறித்தோ அல்லது காங்கிரஸ் மீதுள்ள விமர்சனங்கள் குறித்து குறிப்பிட்டு எதையும் பேசுவதில்லை. தனது கட்சியிலிருந்து விலகிச் சென்றவர்களை மறைமுகமாக தாக்கிப் பேசும் அவருக்கு, பிரதான அரசியல் பிரச்னைகள் குறித்து பேசுவதை விட தனது குக்கர் சின்னத்தை மக்களிடம் கொண்டு சேர்ப்பதே முக்கியத்துவம் பெறுகிறது.   பட மூலாதாரம்,X/DRARAMADOSS பாமக மாறி மாறி கூட்டணி வைத்துக் கொள்வதை விமர்சித்து பேசிய எடப்பாடி பழனிசாமி, “நீர் இருக்கும் இடத்தை தேடிச் செல்லும் வேடந்தாங்கல் பறவை போல் பா.ம.க.,வினர் தேவைக்கேற்ப சென்று விடுவர். பா.மக., கூட்டணி வைக்காத கட்சிகளே இல்லை” என்று கூறியிருந்தார். தருமபுரியில் வேட்பாளர் சௌம்யா அன்புமணியை அறிமுகம் செய்து பேசிய அன்புமணி ராமதாஸ் “நாங்கள் வேடந்தாங்கல் பறவை அல்ல, சரணாலயம்” என்று பதில் கூறியுள்ளார். “யார் வந்தாலும் பாதுகாப்பு கொடுப்போம். வெற்றி பெற செய்வோம். எங்களை நம்பி வருபவர்களை வாழ வைப்போம். யாருக்கும் துரோகம் செய்ய மாட்டோம்” என்று தெரிவித்திருந்தார். https://www.bbc.com/tamil/articles/cjkd7v517z2o
    • 😀..... உங்களுக்காக 'கோப்பிக் கணக்கு' என்ற தலைப்பில் ஒன்று எழுத வேண்டும்....🤣 நீங்கள் இலகுவாக கடந்து விடுகிறீர்கள்........👍
    • உங்களின் சிறுகதைப் புத்தகம் வந்தவுடன் சொல்லுங்கள், நான் வாசிப்பில் கொஞ்சம் ஆர்வம் உள்ளவன். நீங்கள் அகரமுதல்வனின் எழுத்துகளை பற்றி இன்னொரு திரியில் எழுதியிருந்ததை பார்த்தேன். எனக்கும் அவரின் எழுத்துகளை பற்றி சில அபிப்பிராயங்கள் இருக்கின்றது. ஆனால், இந்த மாதம் தான் இங்கே களத்தில் இணைந்தேன், அதனால் உடனேயே எல்லா இடமும் போய் கருத்து எழுத ஒரு சின்ன தயக்கமாக இருக்கின்றது. போகப் போக தயக்கம் போய்விடும்.........😀 கலிபோர்னியாவின் பெரும் நகரங்களில் நீங்கள் கண்ட விடயம் மிகச் சாதாரண ஒரு நிகழ்வு. அமெரிக்காவின் பல பெரு நகரங்களிலும் இதே நிலையே.  மினசோட்டாவிற்கு வந்திருக்கின்றேன். அந்த நாட்களில் Kevin Garnett அங்கு கூடைப்பந்து விளையாடும் போது, அது பிடித்த அணிகளில் ஒன்றாக இருந்தது. இந்த வருடம் மீண்டும் ஒரு நல்ல அணி மினசோட்டாவில் உருவாகியுள்ளது. Vikings அணியும் பிடித்த ஒரு அணியே.
    • நன்றி... நாங்கள் அழகிய ஏரிகள் சூழ்ந்த மினசோட்டாவில் வசிக்கின்றோம். மிகவும் பிடித்தமான மகிழ்வான வாழ்வுக்குரிய இடம். தொடக்கத்தில் பனி கொஞ்சம் சிரமமாக இருந்தாலும் குழந்தைகளுடன் குழந்தையாக அதையும் ரசித்து வாழப் பழகி விட்டோம்.  இந்த இடத்தில் இன்னொன்றும் சொல்ல வேண்டும், போன வருடம் வட அமெரிக்க பேரவையின் தமிழ் பெரு விழாவுக்காக சாக்கிரமென்டோ போயிருந்தேன். இடையில் சான்பிரான்ஸ்சிஸ்கோவில் இரண்டு நாட்களை களித்தோம், கோல்டன் கேட் பாலத்துக்கு அருகில் கார் கண்ணாடிகளை உடைத்து பட்டப்பகலில் கொள்ளையர் புரியும் அட்டகாசத்தை நேரில் கண்டு பயந்தேன். இது பற்றி "தங்க வாசல்" என்ற தலைப்பில் ஒரு சிறுகதை எழுதியுள்ளேன், இன்னும் ஓரிரு மாதங்களில் வரவுள்ள எனது சிறுகதை புத்தகத்தில் அது இடம்பெறுகிறது.   
    • நாமெல்லாம் இதற்குள் வரமாட்டோம் ராசாக்கள்.........ஏதோ கடையில் கோப்பி குடிக்கும்போது ஒரு ஈரோ டிக்கட் வாங்கி சுரண்டிபோட்டு அங்கேயே வீசிப்போட்டு போறதுதான் அதிகம்......!  😂
  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 19 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 4 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 37 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.