Jump to content

“தினகரனுக்கு கொடுத்த டைம் முடிந்துவிட்டது”- பொங்கிய அமைச்சர்!


Recommended Posts

“தினகரனுக்கு கொடுத்த டைம் முடிந்துவிட்டது”- பொங்கிய அமைச்சர்!

 
 

DIna_new_1_03486.jpg

“சித்தியிடம் கேட்டு முடிவு சொல்கிறேன்” என அமைச்சர்களிடம் தினகரன் தரப்பு சொன்ன கால அவகாசம் முடிந்தது தான் தங்கமணி வீட்டில் நடந்த அவசர கூட்டத்துக்கு முக்கிய காரணம் என்கிறார்கள்.

ஆர்.கே.நகர் தேர்தல் களத்தில் இருந்தே தினகரன் மீது அமைச்சர்கள் சிலர் வருத்ததில் இருந்துள்ளார்கள். மக்கள் செல்வாக்கும் இல்லை, கட்சியினர் செல்வாக்கும் இல்லை, எதற்காக இவர் கட்சியை கைப்பற்ற துடிக்கின்றார் என்று மூத்த அமைச்சர்கள் சிலரே முணுமுணுத்தனர். அடுத்து இரட்டை இலைச் சின்னம் முடக்கப்பட்டதும் அ.தி.மு.கவில் அடித்தளத்துக்கே ஆபத்து வந்ததை அக்கட்சியின் அனைத்து நிர்வாகிகளும் உணரத்துவங்கினார். சின்னத்தை முடக்கிய மத்திய அரசு அடுத்த அதிரடியைக் காட்டியது. சசிகலாவைத் துாக்கி பிடித்தால் இதுதான் நிலை என்பதை சொல்லாமல் சொல்லியது மத்திய அரசு. 

ஆர்.கே நகர் தேர்தல் ரத்தான பிறகு கடந்த வாரம் தினகரனை அவரது வீட்டில் முக்கிய அமைச்சர்கள் சந்தித்தனர். அப்போது, “அ.தி.மு.க என்ற கட்சியை அம்மா உயிரை கொடுத்து வளர்த்தார். ஆனால் அந்த கட்சி இப்போது அழிவுப்பாதைக்கு செல்லும் நிலை வந்துவிட்டது. இதற்கு முக்கிய காரணமே உங்கள் குடும்பம் தான், மக்களிடமும் செல்வாக்கு இல்லாமல், கட்சியிலும் செல்வாக்கு இல்லாமல் நீங்கள் தொடர்ந்து எதற்கு இந்தப் பதவியில் இருக்க வேண்டும்” என்று தினகரனைப் பார்த்து  தங்கமணி கேட்டதும், அதிர்ச்சியடைந்த தினகரன் “நீங்கள் சொல்வது எனக்குப் புரிகிறது. நான் விலகி இருந்தால் கட்சி நன்றாக இருக்கும் என்று நீங்கள் நினைத்தால் நான் ஒப்புக்கொள்கிறேன். ஆனால் சித்தியிடம் கேட்காமல் நான் எந்த முடிவும் எடுக்க முடியாது. 17-ம் தேதி சித்தியை சந்திக்கிறேன். அதன்பிறகு அடுத்தக் கட்ட நடவடிக்கை பற்றி பேசலாம்” என்று டைம் வாங்கித் தான் அன்று அமைச்சர்களை தனது வீட்டில் இருந்து அனுப்பியுள்ளார். 

Ops_and_thambi_1_400_03006.jpg

அதன்பிறகு, மத்திய அரசிடம் இருந்து தம்பிதுரையை தொடர்பு கொண்டுள்ளார்கள். கட்சியின் சின்னம் தினகரன் தரப்புக்கு கிடைப்பது கடினம், அவர் சின்னத்தைப் பெறுவதற்கு குறுக்குவழியை தேர்ந்தெடுத்துள்ளார். அந்த தகவல் எங்களிடம் உள்ளது. இனியும் நீங்கள் சசிகலா தரப்பு பின்னால் நிற்க வேண்டாம்” என்று கொஞ்சம் மிரட்டலாகவே சொல்லியுள்ளார்கள். மத்திய அரசு சொன்னது போலவே தினகரன் மீது லஞ்ச வழக்கு இன்று அதிரடியாக பதிவாகியது. இதை சற்றும் எதிர்பார்க்காத தம்பிதுரை அதன் பிறகு சில அமைச்சரகளை தொடர்பு கொண்டு பேசியுள்ளார். பேசியவர்களிடம் அடுத்து என்ன செய்யலாம் என்று கேட்டதற்கு, “பன்னீர் பக்கம் மத்திய அரசு இருக்கிறது. மக்கள் செல்வாக்கும் இருக்கிறது. தினகரன் கையில் கட்சி தொடர்ந்து இருந்தால் நாளை ஆட்சிக்கே ஆபத்து வந்துவிடும். எனவே பன்னீர் தரப்புடன் இணைந்து போவதுதான் இப்போது நல்லது” என்று கூற, அதன்பிறகு தான் முதல்வரை சந்திக்க கோட்டை வந்தார் தம்பிதுரை.

கோட்டையில் முதல்வரிடமும் இதைப் பற்றி பேசியுள்ளார். முதல்வரும் அதே கருத்தை ஒப்புக்கொண்டதும் வெளியே செய்தியாளர்களிடம், “இரண்டு அணிகளும் இணைவதற்கு வாய்ப்புள்ளது” என்று தம்பிதுரை கருத்து தெரிவித்தார். தம்பிதுரையின் கருத்து வெளியானதும் தினகரன் தரப்பில் இருந்து முக்கிய அமைச்சர்களைத் தொடர்பு கொண்டு அவசரப்பட வேண்டாம் என்று சொல்லியுள்ளார்கள்.

இந்த தகவல் தங்கமணி காதுக்கு வந்ததும், “அவருக்குக் கொடுத்த டைம் இன்றோடு முடிந்துவிட்டது. இனியும் அவர் சொல்வதை கேட்டுக்கொண்டு இருக்க முடியாது” என்று பொங்கியுள்ளார். அதன்பிறகு தான் அமைச்சர்களை தனது வீட்டுக்கு அழைத்து ஆலோசனைக் கூட்டம் நடத்த முடிவு செய்தார். முதலில் ஒத்தக் கருத்துடைய சில அமைச்சர்களுக்கு மட்டுமே அழைப்பு போனது, ஆனால்  செய்திகள் வேறு மாதிரி வெளியானதும் லிஸ்டில் இல்லாத அமைச்சர்களும், தினகரனுக்கு ஆதரவாக இருந்த அமைச்சர்களும் தங்கமணி வீட்டுக்கு படையெடுத்தனர். 

தங்கமணி வீட்டில் பன்னீர் தரப்புடன் யார் பேசுவது என்றும், அமைச்சரவை பற்றி பன்னீர் தரப்பிடம் என்ன டிமாண்ட் வைப்பது என்பது பற்றியும் பேசியுள்ளார்கள். இந்த இணைப்புக்கு தினகரன் முட்டுக்கட்டை போட்டால் அவரையே கட்சியில் இருந்து நீக்கும் முடிவை எடுத்துவிடலாம் என்று பேசியுள்ளனர். பன்னீர் தரப்புடன் இணைந்து ஆட்சி அமைக்கும்போது தற்போதைய அமைச்சர்களில் ஐந்து பேருக்கு வாய்ப்பு மறுக்கப்படும் என தெரிகிறது. தங்கமணியின் மூலமே பன்னீர் தரப்புடன் இன்று பேச்சுவார்த்தை நடைபெறும் என்று தங்கமணிக்கு நெருக்கமானவர்கள் தகவல்களை கசிய விடுகிறார்கள்.

http://www.vikatan.com/news/tamilnadu/86764-the-time-given-to-dinakaran-has-ended-fumes-a-minister.html

Link to comment
Share on other sites

Archived

This topic is now archived and is closed to further replies.



×
×
  • Create New...

Important Information

By using this site, you agree to our Terms of Use.