Sign in to follow this  
Followers 0
நவீனன்

டிரான்ஸ்பர் தொகை 808 கோடி ரூபாய்: கால்பந்து வரலாற்றில் சரித்திரம் படைப்பாரா பவுலோ டைபாலா?

2 posts in this topic

டிரான்ஸ்பர் தொகை 808 கோடி ரூபாய்: கால்பந்து வரலாற்றில் சரித்திரம் படைப்பாரா பவுலோ டைபாலா?

அர்ஜென்டினாவின் இளம் வீரரான பவுலோ டைபாலாவை 808 கோடி ரூபாய் டிரான்ஸ்பர் தொகை கொடுத்து வாங்க கால்பந்து கிளப் அணிகள் தயாராக உள்ளன.

 
டிரான்ஸ்பர் தொகை 808 கோடி ரூபாய்: கால்பந்து வரலாற்றில் சரித்திரம் படைப்பாரா பவுலோ டைபாலா?
 
ஐரோப்பிய சாம்பியன்ஸ் லீக் கால்பந்து தொடரில் நேற்று நள்ளிரவு நடைபெற்ற காலிறுதி போட்டியில் பார்சிலோனாவை யுவான்டஸ் 3-0 என வீழ்த்தியது. இதற்கு அர்ஜென்டினா அணியின் முன்கள வீரரான பவுலோ டைபாலா முக்கிய காரணமாக இருந்தார். முதல் இரண்டு கோல்களையும் இவர்தான் அடித்தார்.

23 வயதான டைபாலா அர்ஜென்டினாவின் இன்ஸ்டிட்யூடோ டி கோர்டோபா கிளப்பில் 2011-ம் ஆண்டு தனது கால்பந்து வாழ்க்கையை தொடங்கினார். 2012-ம் ஆண்டு வரை அந்த கிளப்பிற்காக விளையாடிய அவர், பின்னர் இத்தாலியின் பாலிர்மோ அணிக்கு மாறினார். 2015-ம் ஆண்டு வரை அந்த அணிக்காக விளையாடிய அவர், அதன்பின் இத்தாலியின் முன்னணி அணியான யுவான்டஸ் அணிக்கு மாறினார். தற்போது அந்த அணியின் முன்னணி வீரராக திகழ்ந்து வருகிறார். 58 போட்டிகளில் 27 கோல்கள் அடித்துள்ளார்.

இந்த சீசனில் சிறப்பாக விளையாடி வரும் டைபாலாவை இந்த டிரான்ஸ்பர் நேரத்தில் மான்செஸ்டர் சிட்டி, மான்செஸ்டர் யுனைடெட் மற்றும் செல்சியா ஆகிய அணிகள் குறிவைத்துள்ளன.

201704121905542924_bybala1-s._L_styvpf.g

23 மில்லியன் பவுண்டுக்கு யுவான்டஸ் அணி டைபாலாவை வாங்கியது. தற்போது இவருக்கு 100 மில்லியன் பவுண்டு (சுமார் 808 கோடி ரூபாய்) நிலை நிர்ணயம் செய்யப்படும் என்று தெரிகிறது. இந்த விலை கொடுத்து வாங்க கிளப்புகள் தயாராக உள்ளன. ஒருவேளை 100 மில்லியன் பவுண்டுக்கு டைபாலா விற்கப்பட்டால் கால்பந்து கிளப் வரலாற்றில் இதுதான் அதிகப்படியான டிரான்ஸ்பர் தொகையாகும்.

இதற்கு முன் மான்செஸ்டர் யுனைடெட் அணி போக்பாவை 89.3 மில்லியன் பவுண்டு கொடுத்து வாங்கியதுதான் சாதனையாக உள்ளது.

http://www.maalaimalar.com/News/Sports/2017/04/12190546/1079651/Paulo-Dybala-may-become-first-100m-Pound-player-in.vpf

1 person likes this

Share this post


Link to post
Share on other sites

பவுலோ டைபாலாவின் ஒப்பந்தத்தை 2022 வரை நீட்டித்தது யுவான்டஸ்

அர்ஜென்டினா கால்பந்து அணியின் முன்கள வீரரான பவுலோ டைபாலாவின் ஒப்பந்தத்தை 2022 வரை நீட்டித்து டிரான்ஸ்பர் யூகத்திற்கு முற்றுப்புள்ளி வைத்தது யுவான்டஸ்.

 
 
 
 
பவுலோ டைபாலாவின் ஒப்பந்தத்தை 2022 வரை நீட்டித்தது யுவான்டஸ்
 
அர்ஜென்டினாவைச் சேர்ந்த முன்கள கால்பந்து வீரரான பவுலோ டைபாலா இத்தாலியின் முன்னணி கிளப்பான யுவான்டஸ் அணிக்காக விளையாடி வருகிறார். 23 வயதாகும் டைபாலா சமீப காலமாக சிறப்பான ஆட்டத்தை வெளிப்படுத்தி வருகிறார். ஐரோப்பிய சாம்பியன் லீக் காலிறுதி முதல் லெக்கில் பார்சிலோனாவை யுவுான்டஸ் 3-0 என வீழ்த்த முக்கிய காரணமாக இருந்தார். இந்த போட்டியில் டைபாலா இரண்டு கோல்கள் அடித்தார்.

யுவான்டஸ் உடனான ஒப்பந்தத்தை டைபாலா நீட்டிக்காமல் இருந்தார். இதனால் பார்சிலோனா, ரியல் மாட்ரிட், மான்செஸ்டர் சிட்டி மற்றும் செல்சியா அணிகள் டைபாலாவிற்கு வலை விரித்தது. அவருக்காக 100 மில்லியன் பவுண்டு டிரான்ஸ்பர் தொகையாக கொடுக்க இந்த கிளப்புகள் தயாராக இருந்தது.

201704131808484878_dybala1-s._L_styvpf.g

இந்நிலையில் யுவான்டஸ் அணி மேலும் ஐந்து வருடத்திற்கு, அதாவது 2022 வரை டைபாலா உடனான ஒப்பந்தத்தை யவான்டஸ் அணி நீட்டித்துள்ளது. இந்த ஒப்பந்தத்தில் டைபாலா கையெழுத்திட்டுள்ளார். இதனால் டைபாலா அணி மாறுவாரா? என்ற யூகத்திற்கு முற்றுப்புள்ளி வைக்கப்பட்டது.

http://www.maalaimalar.com/News/Sports/2017/04/13180838/1079849/Paulo-Dybala-renews-Juventus-contract-until-2022.vpf

Share this post


Link to post
Share on other sites
Sign in to follow this  
Followers 0