Sign in to follow this  
Followers 0
நவீனன்

நம்ப முடிகிறதா!!! 4 பந்தில் 92 ரன்கள் விட்டுக்கொடுத்த வங்காளதேச பந்து வீச்சாளர்

3 posts in this topic

நம்ப முடிகிறதா!!! 4 பந்தில் 92 ரன்கள் விட்டுக்கொடுத்த வங்காளதேச பந்து வீச்சாளர்

 

மோசமான தீர்ப்புகளை வழங்கிய நடுவர்களை பழிவாங்குவதற்காக வங்காள தேச பந்து வீச்சாளர் 4 பந்தில் 92 ரன்கள் விட்டுக்கொடுத்து மோசமான சாதனையை படைத்துள்ளார்.

 
 
நம்ப முடிகிறதா!!! 4 பந்தில் 92 ரன்கள் விட்டுக்கொடுத்த வங்காளதேச பந்து வீச்சாளர்
 
வங்காள தேசத்தில் டாக்கா 2-வது டிவிசன் கிரிக்கெட் லீக் தொடர் நடைபெற்று வருகிறது. இதன் ஒரு போட்டியில் ஆக்சியோம் - லால்மதியா அணிகள் மோதின. முதலில் பேட்டிங் செய்த லால்மதியா அணி 14 ஓவரில் 88 ரன்களில் சுருண்டது. ஆனால், நடுவர்கள் மோசமான தீர்ப்பு வழங்கியதால்தான் நாங்கள் 88 ரன்னில் சுருண்டோம் என்று அந்த அணி பேட்ஸ்மேன் குற்றம்சாட்டினார்கள்.

இதுகுறித்து அந்த அணியின் பொது செயலாளர் அட்னான் டிபோன் கூறுகையில் ‘‘டாஸ் போட்டதில் இருந்ததே இந்த பிரச்சினை தொடர்ந்தது. டாஸ் சுண்டப்பட்ட நாணயத்தை பார்க்க எங்கள் அணியின் கேப்டனை நடுவர் அனுமதிக்கவில்லை. நாங்கள் பேட்டிங் செய்ய சென்றபோது, நாங்கள் எதிர்பார்த்ததுபோல், நடுவர்களின் முடிவு எங்களுக்கு எதிராக அமைந்தது’’ என்றார்.

பின்னர் லால்மதியா அணி பந்து வீச வந்தது. முதல் ஓவரை சுஜோன் மெஹ்முத் வீசினார். தங்கள் அணிக்கு எதிராக தீர்ப்பு வழங்கிய நடுவர்களுக்கு எதிர்ப்பு தெரிவிக்க நினைத்த அவர், தொடர்ந்து வைடாகவும், நோபாலாகவும் வீச ஆரம்பித்தார். முறையாக நான்கு பந்துகள் வீசுவதற்குள் 65 வைடு, 15 நோபாலை வீசினார். இந்த நான்கு பந்திலும் எதிரணி பேட்ஸ்மேன் 12 ரன்கள் அடித்தார். இதனால் அந்த அணி 92 ரன்கள் எடுத்து வெற்றி பெற்றது.

நான்கு பந்தில் 92 ரன்கள் விட்டுக்கொடுத்தது கிரிக்கெட் வரலாற்றில் இதுவே அதிகபட்ச ஸ்கோராகும். 92 ரன்கள் விட்டுக்கொடுத்தது குறித்து அட்னான் டிபோன் கூறுகையில் ‘‘எங்கள் அணியின் இளம் வீரர்கள் அனைவரும் 17 வயது முதல் 19 வயதுடையவர்கள். அவர்களால் அநியாயத்தை பொறுத்துக் கொள்ள முடியவில்லை. அதன்விளைவாக 92 ரன்கள் விட்டுக் கொடுத்துள்ளனர்” என்றார்.

http://www.maalaimalar.com/News/Sports/2017/04/12163333/1079614/92-runs-off-4-balls-Bangladeshi-bowler-creates-unique.vpf

Share this post


Link to post
Share on other sites

நான்கே பந்துகளில் 92 ரன்களை அள்ளிக்கொடுத்த `வள்ளல்"

 

ஒரு கிரிக்கெட் ஓவரில் 20 ரன்கள் (ஓட்டங்கள்) எடுப்பதே எளிதான காரியம் இல்லை. ஆனால், நான்கே பந்துகளில் 92 ரன்கள் குவிக்கப்பட்டு ஆட்டம் முடிவடைந்தது என்பதை நம்ப முடிகிறதா?

நான்கே பந்துகளில் 92 ரன்கள்: வாரி வழங்கிய பந்துவீச்சாளர்படத்தின் காப்புரிமைFACEBOOK.COM/LALMATIACRICKETCLUB

ஆனால், நான்கு பந்துகளில் 92 ரன்கள் குவிக்கப்பட்டது பேட்ஸ்மேனின் பங்களிப்பால் நிகழ்ந்தது அல்ல; பந்துவீச்சாளர் விட்டுக் கொடுத்ததே இந்த ரன் மழைக்குக் காரணம்.

வங்கதேசத்தில் நடைபெற்று வரும் டாக்கா இரண்டாம் பிரிவு கிரிக்கெட் லீக் போட்டி ஒன்றில்தான் இந்த அதிசயம் நிகழ்ந்தது. சிட்டி கிளப் கிரிக்கெட் மைதானத்தில் எக்ஸ்சியோம் மற்றும் லால்மாட்டியா கிளப்களுக்கு இடையே நடந்த போட்டி பலரையும் வியப்பில் ஆழ்த்தியுள்ளது.

லால்மாட்டியா அணியின் சார்பாக முதலில் பந்துவீசிய சுஜன் மஹ்மூத், வீசிய ஓவரில் நான்கே பந்துகளில் 92 ரன்கள் குவிக்கப்பட்டன. இதில் 13 வைட் பால்கள் (wide balls), மூன்று நோ-பால்கள் (no-balls) வீசப்பட்டன. வைட் பால்கள் மூலம் 65 ரன்கள் குவிக்கப்பட்டன. மூன்று நோ பால்களில் 15 ரன்கள் எடுக்கப்பட்டன.

மேலும் பேட்ஸ்மேன் 12 ரன்களை குவிக்க, 92 ரன்களை நான்கே பந்துகளில் எடுத்த எக்ஸ்சியோம் 10 விக்கெட்டுகள் வித்தியாசத்தில் வெற்றி பெற்றது. முன்னதாக, 50 ஓவர்கள் கொண்ட இந்த போட்டியில் முதலில் பேட் செய்த லால்மாட்டியா அணி 14 ஓவர்களில் 88 ரன்களை மட்டுமே பெற்றது.

 

ஆனால், களத்தில் இருந்த நடுவர்கள் நியாயமான முடிவுகளை எடுக்கவில்லை என்று லால்மாட்டியா அணி புகார் தெரிவித்துள்ளது.

நான்கே பந்துகளில் 92 ரன்கள்: வாரி வழங்கிய பந்துவீச்சாளர்படத்தின் காப்புரிமைइमेज कॉपीरइटGETTY IMAGES

இது குறித்து லால்மாட்டியா அணியின் பொது செயலாளர் அட்னான் ரஹ்மான் டிப்போன் கூறுகையில், ''ஆட்டத்தின் துவக்கத்தில் டாஸ் போடப்பட்டதில் இருந்தே தவறுகள் நடந்தன. எங்கள் அணியின் கேப்டன் டாஸ் போட பயன்படுத்தப்பட்ட நாணயத்தை பார்க்க அனுமதிக்கப்படவில்லை'' என்று தெரிவித்தார்.

மேலும், அவர் கூறுகையில், ''ஆட்ட நடுவர்களின் முடிவுகள் எங்களுக்கு எதிராகவே அமைந்தது. 17, 18 அல்லது 19 வயதாகும் மிக இளம் வயது வீரர்களை கொண்ட எங்கள் அணியினரால் இந்த அநீதியை தாங்கிக் கொள்ள முடியவில்லை. அதனால், நான்கே பந்துகளில் அவர்கள் 92 ரன்களை கொடுத்து விட்டனர்'' என்று குறிப்பிட்டார்.

http://www.bbc.com/tamil/sport-39579970

1 person likes this

Share this post


Link to post
Share on other sites

%E0%AE%B5%E0%AF%86%E0%AE%B1%E0%AF%81%E0%AE%AE%E0%AF%8D+%E0%AE%A8%E0%AE%BE%E0%AE%A9%E0%AF%8D%E0%AE%95%E0%AF%81+%E0%AE%AA%E0%AE%A8%E0%AF%8D%E0%AE%A4%E0%AF%81%E0%AE%95%E0%AE%B3%E0%AF%81%E0%AE%95%E0%AF%8D%E0%AE%95%E0%AF%81+92+%E0%AE%93%E0%AE%9F%E0%AF%8D%E0%AE%9F%E0%AE%99%E0%AF%8D%E0%AE%95%E0%AE%B3%E0%AF%88+%E0%AE%B5%E0%AE%BF%E0%AE%9F%E0%AF%8D%E0%AE%9F%E0%AF%81%E0%AE%95%E0%AF%8D%E0%AE%95%E0%AF%8A%E0%AE%9F%E0%AF%81%E0%AE%A4%E0%AF%8D%E0%AE%A4+%E0%AE%AA%E0%AE%A8%E0%AF%8D%E0%AE%A4%E0%AF%81%E0%AE%B5%E0%AF%80%E0%AE%9A%E0%AF%8D%E0%AE%9A%E0%AE%BE%E0%AE%B3%E0%AE%B0%E0%AF%8D%21

இதுதான் அந்த வள்ளல்கள் வாரி வழங்கிய நோபோல், வைட்போல் ஸ்கோர்காட்

Share this post


Link to post
Share on other sites
Sign in to follow this  
Followers 0