வருக வருக திரு ரஜனிகாந் அவர்களே

[Elugnajiru]

வருக வருக திரு ரஜனிகாந் அவர்களே, தமிழர்தேசம் உங்களை வரவேற்கிறது

தமிழகத்தின் பிரபல திரைப்பட நடிகர் திரு ரஜனிகாந் அவர்கள் விரைவில் இலங்கைத்தீவில் ஈழப்பகுதிக்குப் பயணம்செய்து அங்கு யுத்தம் காரணமாக இடம்பெயர்ந்து மீழ்குடியேறிய மக்களுக்காகத் தொண்டுநிறுனம் ஒன்று அமைத்துக்கொடுக்கும் குடியிருப்பை, உரிய பயணாளிகளுக்கு கையளிக்கும் நிகழ்சியில் கலந்துகொள்வதாகச் செய்திகள் வந்ததிலிருந்தே தமிழகத்தின் ஈழ ஆதரவாளர்கள் (?) எனச்சொல்லப்படுவோரால் பலத்த கண்டனச்சொற்பிரயோகங்கள் இதுபற்றி வெளியிடப்படுகின்றது.

இவ்விடையம் ஒருபுறம் இருக்க

இலங்கைத்தீவின் வடக்குக் கிழக்கில் வாழும் தமிழ்மக்களையிட்டு உலகில் வாழும் எந்த இனமக்களுக்கும் ஏதோ ஒருவகையில் இனம்காணப்படாத அது சரியோ தவறோ ஒரு சந்தேகத்துடன் கூடியதும் நிறைய கேள்விகளை உள்ளடக்கியதானதுமான புரிதல் இருக்கும். அதை உள்ளடக்கியதே விடுதலைப்புலிகளுடன் கலந்துரையாடல்களை மேற்கொண்டிருந்த வேளையில் அமெரிக்காவின் அப்போதைய சிறீலங்காவுக்கான உயர்ஸ்தானிகர் கேட்டிருந்தார்

"நீங்கள் எதற்காக இலங்கைத் தமிழர்களாக இருப்பதுபற்றி சிறப்பான பெருமைகொள்கிறீர்கள்" என.

இப்போ மறுபடியும் விசையத்துக்கு வருவோம்

தெரிந்தோ தெரியாமலோ நாம் அறியாத சில பண்புகளைக் கொண்டுள்ள ஒரு இனக்குழுமமாக இலங்கைத்தீவில் நாம் இருக்கின்றோம் அப்பண்புகள் சில வேளை சிறந்ததாக இருக்கலாம் இல்லையேல் ஏனையவர்களால் விரும்பக்கூடியதான அல்லது விரும்பத்தகாததான இல்லையேல் அந்தமான் நிக்கோபார் மற்றும் அமேசன் காடுகளில் வாழும் பழங்குடியினருக்கான உல்லாசப்பயணம் செய்யக்கூடியவர்களுக்கான சுற்றுலா மனநிலையை கொண்டுவரக்கூடியதான இயல்புள்ளவர்களாக நாங்கள் இருக்கலாம்.

இப்படியாக நான் குறிப்பிட்டவயோ இல்லையேல் நான் குறிப்பிடாத ஏதோ ஒரு விடையத்தை உள்ளடக்கியவர்களாகவோ நாம் இருக்கலாம்.

எது எப்படியோ, நாம் ஏதோ ஒருவகையில், சிறப்பானவர்கள் என உலகில் பட்டியலிடக்கூடிய இனங்களில் முதன்மையானவர்கள்.

ஆகவே தமிழகத் திரைப்பட நடிகர் திரு ரஜனிகாந் அவர்கள் எமது தேசத்துக்கு வந்து எம்முடன் அளவலாவுவதால் எமக்கு எந்தக்குறையும் வந்துவிடப்போவதில்லை தவிர எந்தப்பெருமையும் வந்துவிடப்போவதில்லை. இருப்பினும் திரு ரஜனிகாந் அவர்கள் கூறியிருக்கிறார் தமது தேசத்தின் மீட்பிற்காய் தமது இன்னுயிர்களையும் இரத்ததையும் அத்தேசத்தின் காற்றிலும் மண்ணிலும் கலந்துவிட்டு மிகப்பெரிய வீரம்செறிந்த வரலாற்றை இலங்கைத்தீவில் வாழக்கூடிய தமிழினத்துக்கு மேலும் சிறப்புச்சேர்த்த அந்த மாவீரர்களது எச்சங்களைத் தரிசிப்பதற்கும் அவ்வீரர்கள் சுவாசித்த காற்றில் மீதமிருக்கும் உயிர்வாழ்வதற்கான ஆக்சிசன் துகள்களை சுவாசிப்பதற்கும் ஆவலாகவே நான் தமிழ்மண் செல்ல எத்தனித்தேன் எனக்கூறியிருப்பதில் உண்மை இருக்கிதோ இல்லையோ

தமிழர் மரபில் பண்டைய அரசர்களின் எதிரிப்படைக் ஒற்றன் அரசவையில் உள்நுளைவதற்காக வாயிற்காவலனிடம் போலியாகத் தயாரித்த அரசனின் அடையாளக் கணையாழியைக் காட்டுவதைக் காவலன் புரிந்துகொண்டாலும் அது அரசனது முகாந்தரம் கூறும் அடையாளம் என்பதனால் உள்ளெபோக அனுமதியளிப்பான்,

அதுபோல் எனது தேசத்தின் மீட்புக்காய் தனது இன்னுயிரை அதேசத்துக்கே ஆகுதியாக்கிய மாவீரர்செல்வங்களது பெயரை எவராது சொல்வார்களாயிருந்தால் அவர்களது பெயர் சொல்லி யாரும் எம்தேசத்தில் காலடி எடுத்துவைக்க விரும்பினாலும் கண் இமைக்கும் நேரத்தின்,

நாம் வருக வருக என அழைக்க நாம் கடமைப்பட்டிருக்கிறோம்.

தில்லைவாழ் அந்தணர்தம் அடியார்க்கும் அடியேன் எனச் சுந்தரமூர்திநாயனார் கூறியதுபோல். மாவீரர்களது ஈகம், அவர்களது மாவீரம் இவற்றின்பால் எதைச்சொல்லி யார் எதைக்கூறுகிறார்களோ அது எதுவாக இருப்பினும் அதற்குநாம் மதிப்புக்கொடுத்தே தீரல்வேண்டும்.

தென்னகத்தின் முதன்மையான திரைப்படநடிகர் திரு ரஜனிகாந் அவர்களை என் தேசத்துக்கு வருக வருகவென வரவேற்கிறேன்.