Jump to content

அதிபராக பதவியேற்ற பிறகு ட்ரம்ப் அடைந்து வரும் தொடர் பின்னடைவுகள்: ஓர் அலசல்


Recommended Posts

அதிபராக பதவியேற்ற பிறகு ட்ரம்ப் அடைந்து வரும் தொடர் பின்னடைவுகள்: ஓர் அலசல்

 
 
அமெரிக்க அதிபர் ட்ரம்ப், துணை அதிபர் மைக் பென்ஸ், சுகாதாரம் மற்றும் மனித சேவைகள் துறை அமைச்சர் டாம் பிரைஸ். | படம்.| ஏ.எஃப்.பி.
அமெரிக்க அதிபர் ட்ரம்ப், துணை அதிபர் மைக் பென்ஸ், சுகாதாரம் மற்றும் மனித சேவைகள் துறை அமைச்சர் டாம் பிரைஸ். | படம்.| ஏ.எஃப்.பி.
 
 

அதிபர் தேர்தலில் எதிர்பாராத வெற்றியைப் பெற்ற டொனால்ட் ட்ரம்ப், பதவியேற்ற பிறகு தனது திட்டங்களில் தொடர் தோல்விகளைச் சந்தித்து வருகிறார்.

ஒபாமா கேர் என்ற ஆரோக்கியம் குறித்த ஒரு பெரும் காப்பீட்டுத் திட்டத்தை ஒழித்து விடுவேன் என்ற சபதத்துடன் அவர் வெற்றி பெற்றார், அவர் வெற்றிக்கு இந்த அறிவிப்பும் பிரதான காரணம் என்று அமெரிக்க ஊடகங்கள் தெரிவித்திருந்தன, இந்நிலையில் அவரது குடியரசுக் கட்சியைச் சார்ந்தவர்களே ஒபாமா கேரை ஒழிக்க முடியாமல் செய்து விட்டனர்.

2 மாத கால ஆட்சியில் அவர் அடைந்த பின்னடைவுகள் வருமாறு:

முஸ்லிம் பயணிகள், அகதிகள் தடை விவகாரம்:

7 முக்கியமான முஸ்லிம் நாடுகளிலிருந்து பயணம் மேற்கொள்பவர்களுக்குத் தடை விதித்து செயல் உத்தரவு பிறப்பித்தார் ட்ரம்ப். முன் எச்சரிக்கை இல்லாது அறிவித்ததனால் ஆங்காங்கே பலரும் விமான நிலையங்களில் அதிகாரிகளிடத்தில் கடுமையைச் சந்தித்தனர், பெரும்குழப்பம் ஏற்பட்டது. உலகம் முழுதும் ட்ரம்புக்கு எதிரான கருத்துகள் உக்கிரமடைந்தன.

இதை விட கொடுமையாக அதிபரின் உத்தரவுக்கு வாஷிங்டன் கோர்ட் தடை விதித்தது, அதாவது மத ரீதியாக பாகுபாடு பார்ப்பது அமெரிக்க அரசியல் சட்டமைப்புக்கு விரோதமானது என்று கூறி ட்ரம்ப் தடைக்கு தடை விதித்தது. ட்ரம்ப் தரப்பு மேல்முறையீடு செய்தனர், ஆனால் அதிலும் தோல்வி, மீண்டும் சிர்திருத்தப்பட்ட முஸ்லிம் பயணிகள், அகதிகள் தடை உத்தரவு பிறப்பிக்கப்பட்டது, ஆனால் இதையும் கோர்ட் தோற்கடித்தது. இரண்டாவது திருத்தப்பட்ட உத்தரவும் முஸ்லிம்களுக்கு எதிராக பாரபட்சமான உத்தரவாகவே பார்க்கப்பட்டது.

ரஷ்யா..

அதிபர் தேர்தலில் ட்ரம்ப் பக்கம் சாதகமாகத் திரும்பியதற்கு ரஷ்யாவே காரணம் என்று அமெரிக்க உளவு அமைப்புகள் குற்றம்சாட்டின. ரஷ்யாவின் பங்கு குறித்து குறைந்தது 4 விசாரணைகள் நடைபெற்று வருகின்றன. ஜனநாயகக் கட்சி அதிபர் வேட்பாளர் ஹிலாரி கிளிண்டன் மின்னஞ்சல்களை ஹேக் செய்து தகவல்களைக் கசியவிட்டது ட்ரம்புக்குச் சாதகமாக அமைந்ததாகக் குற்றச்சாட்டு எழுந்தது.

மேலும் ட்ரம்பின் தேசிய பாதுகாப்பு ஆலோசகர் மைக்கேல் ஃபிளின் ரஷ்ய தூதர் செர்ஜி கிஸ்லியாக் என்பவரை அவர் பொறுப்பு எடுத்துக் கொள்வதற்கு முன்னால் சந்தித்தார் என்றும் இது தொடர்பாக அவர் வெள்ளை மாளிகையை தவறான புரிதலுக்கு இட்டுச் சென்றார் என்றும் குற்றச்சாட்டு எழுந்த நிலையில் பிளின் ராஜினாமா செய்தார். இது ட்ரம்புக்கு மிகப்பெரிய பின்னடைவை ஏற்படுத்தியுள்ளது.

இதனையடுத்து ரஷ்யா தொடர்பான விசாரணைகளிலிருந்து அட்டர்னி ஜெனரல் ஜெஃப் செஷன்ஸ் தன்னை விடுவித்துக் கொண்டார். காரணம் இவரும் ரஷ்ய தூதரைச் சந்தித்ததாக அமெரிக்க உளவுத்துறை தகவல் வெளியிட்டதே.

இந்நிலையில் திங்களன்று பொது விசாரணை நடைபெற்ற போது எஃப்.பி.ஐ. இயக்குநர் ஜேம்ஸ் கோமி, ட்ரம்பின் தேர்தல் பிரச்சாரத்திற்கு அமெரிக்க தேர்தலில் ரஷ்யா தன் செல்வாக்கைச் செலுத்த உதவியதா என்ற கோணத்தில் விசாரணை நடைபெறுவதாக அறிவித்தார். அதாவது ட்ரம்பின் தேர்தல் பிரச்சாரம் ரஷ்யா ஹேக் செய்து வெளியிட்ட ஜனநாயகக் கட்சிப் பற்றிய தகவல்களா என்ற கோணத்தில் விசாரணை நடைபெற்று வருகிறது என்றார். மேலும் பராக் ஒபாமா தனது பேச்சுகளை ஒட்டுக் கேட்டார் என்ற குற்றச்சாட்டையும் எஃப்.பி.ஐ. இயக்குநர் ஏற்கவில்லை.

இதனையடுத்து இந்த விவகாரத்தில் ட்ரம்ப் வசமாகச் சிக்கியுள்ளதாகவே தெரிகிறது. நாடாளுமன்றம், செனட் புலனாய்வு கமிட்டிக்கள் மேலும் சில பொது விசாரணைகளை வரும் வாரங்களில் மேற்கொள்ளவிருக்கிறது.

ஒபாமா கேர் விவகாரம்:

இந்நிலையில் முன்னாள் அதிபர் ஒபாமா உருவாக்கிய ஒபாமா கேர் துன்பங்களிலிருந்து மக்களை விடுவிப்பேன் என்ற உறுதி மொழியுடன் ஆட்சிக் கட்டிலில் ஏறிய ட்ரம்ப், குடியரசு ஹெல்த் கேர் என்பதை முன் மொழிந்தார். ஆனால் இதுவும் தோல்வியில் முடிய அவர் குடியரசு ஹெல்த் கேர் திட்டத்தை வாபஸ் பெற வேண்டிய நிலைக்குத் தள்ளப்பட்டார்.

காப்பீட்டுத் துறையை சுதந்திர சந்தைப் போட்டிக்குக் கொண்டு வரும் முயற்சியை ட்ரம்ப் மேற்கொண்டார். அமெரிக்கர்களுக்கு பிரிமியம் தொகைச் செலவை குறைப்பது என்று திட்டமிட்டார், ஆனால் இதனால் வேலை வழங்கும் நிறுவனங்களிடமிருந்து ஹெல்த் கவரேஜ் இல்லாமல் போய் விடும் அடுத்த ஆண்டில் சுமார் 1 கோடியே 40 லட்சம் மக்கள் தங்கள் காப்பீட்டை இழப்பார்கள் என்று கணிப்புகள் வெளியாக ட்ரம்பின் திட்டம் தோற்கடிக்கப்பட்டது.

பில்லியனர், ரியல் எஸ்டேட் ஜாம்பவான் முதலாளியான ட்ரம்ப் வெள்ளைமாளிகையில் எந்த ஒரு அரசியல் அனுபவமோ அரசு நிர்வாக அனுபவமோ இல்லாது அதிபராகியுள்ளார். தற்போது இவரது ஹெல்த் கேர் மசோதா இறந்து விட்டது என்றே கூற வேண்டும்.

அடுத்ததாக வரிச் சீர்த்திருத்தம் என்று கூறியிருக்கிறார் ட்ரம்ப், இதுவும் குடியரசுக்கட்சியின் நீண்ட கால லட்சியம், ஆனால் இதிலும் சொதப்பி ட்ரம்ப் தோல்வியடையாமல் இருக்க குழு ஒன்றே அவருக்காக பணியாற்றி வருகிறது.

http://tamil.thehindu.com/world/அதிபராக-பதவியேற்ற-பிறகு-ட்ரம்ப்-அடைந்து-வரும்-தொடர்-பின்னடைவுகள்-ஓர்-அலசல்/article9601124.ece?homepage=true

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

    • Published By: RAJEEBAN   29 MAR, 2024 | 03:40 PM   அதிகாரபகிர்வு உரிய முறையில் சரியான விதத்தில் இடம்பெற்றால்தான் பொருளாதார வளர்ச்சி சாத்தியம் என்பதை சிங்கள மக்கள் புரிந்துகொள்ள வேண்டும் என அரசியல் செயற்பாட்டாளர் ராஜ்குமார் ரஜீவ்காந்  வேண்டுகோள் விடுத்துள்ளார். கொழும்பில் தூய்மையான அரசியல் கலாச்சாரத்தை ஏற்படுத்துவதற்காக மார்ச் 12 இயக்கம் ஏற்பாடு செய்திருந்த தூய்மையான அரசியலுக்காக ஒன்றிணைவோம் என்ற நிகழ்வில் உரையாற்றுகையில் அவர் இதனை தெரிவித்தார். அவர் தனது உரையில் மேலும் தெரிவித்துள்ளதாவது, தூய்மையான ஒரு எதிர்காலத்தினை  தூய்மையான அரசியலிற்கான ஒரு தேவைப்பாட்டினை அரசிடமிருந்து மக்கள் நீண்டகாலமாக  எதிர்பார்க்கின்றனர். இலங்கைதொடர்ந்து பல வருடங்களாக பொருளாதார ரீதியில் பின்னடைவுகளை சந்தித்துவந்தாலும் 2022ம் ஆண்டு மிக மோசமான அடியை சந்தித்தது 2022 பொருளாதார பிரச்சினை என்பது வெறுமனே 2022 ம் ஆண்டு வந்தது அல்ல இது மிகநீண்டகாலமாக தீர்க்கவேண்டிய பிரச்சினைகளை தீர்க்காமல் அந்த பிரச்சினைகளை மையமாக வைத்து அதன் ஊடாக அரசியல் இலாபம் தேடிக்கொண்டிருந்தவர்களால் எடுத்துக்கொண்டுவரப்பட்டு பின்னர் அது ஒரு பூகம்பமாக வெடித்தது. அதுதான் நாங்கள் அனைவரும் எதிர்நோக்கிய மோசமான பொருளாதார  நெருக்கடி. அதன் பிற்பாடு நாங்கள் மீட்சியை அடைந்துவிட்டோம் என சிலர் கூறினாலும் கூட நாங்கள் உண்மையான மீட்சியை அடையவில்லை. சிறந்த ஒரு பொறிமுறை ஊடாக நாங்கள் அடையவேண்டிய இலக்குகள் இன்னமும் உள்ளன. சமத்துவம் என்ற வார்த்தையை வைத்து நாங்கள் இலங்கையின் ஒட்டுமொத்த  பிரச்சினையையும் அடையாளம் காணமுடியும். சமத்துவமற்ற ஜனநாயகத்தினால் நாங்கள் எந்தவொரு முன்னேற்றத்தையும் அடைந்துவிட முடியாது. இலங்கையில் இலவசக்கல்வி வழங்கப்படுகின்றது இந்த இலவசக்கல்வி ஊடாக தங்களுடைய இலக்கினை ஒரு பணக்கார மாணவன் அடைந்துகொள்ளும்;  தன்மையும் ஏழை மாணவன் அடைந்துகொள்ளும் முறைக்கும் இடையில் பாரிய வேறுபாடு காணப்படுகின்றது. அடித்தட்டுமக்கள் இவ்வளவு சிரமங்களை எதிர்கொள்கின்றனர் ஏன் அவர்கள் இவ்வளவு பொருளாதார நெருக்கடியை எதிர்கொள்ளவேண்டியுள்ளது என்பதை சற்றே சிந்தித்து பார்த்தால் சமத்துவமற்ற நிலையே இதற்கு காரணம் என்பது புலப்படும். வருமானசமத்துவம் இன்மை அதிகரித்துவருகின்றது செல்வந்தர்கள் மேலும் செல்வந்தர்களாகின்றனர்  வறியவர்கள் மேலும் வறியவர்களாகின்றனர். இங்கு காணப்படுகின்ற ஜனநாயகத்தில் தமிழர்கள் முஸ்லீம்கள்  ஒருபோதும் அதிகாரம் செலுத்துவதில்லை. சிங்களவர்கள் கொண்டுவருகின்ற நாடாளுமன்ற உறுப்பினர்கள்தான் அதிகாரம் செலுத்துகின்றார்கள. நாங்கள் பங்காளிகள் இல்லையா என்ற கேள்வி  தமிழ் முஸ்லீம்கள் மத்தியில் காணப்படுகின்றது. வடக்குகிழக்கில் தமிழ் மக்களின் நிலங்கள் அடாத்தாக கைப்பற்றப்படுகின்றன இதற்கு பொலிஸார் துணைபோகின்றனர். இனங்களுக்கு இடையில் சமத்துவம் இன்மையே இதற்கு காரணம் மற்றைய சமூகங்களிற்கு அதிகாரங்கள் சென்றடையவில்லை. கொரோனா காலத்தில் முஸ்லீம்மக்களின் உடல்கள் எரியூட்டப்பட்டன அவர்கள் பழிவாங்கப்பட்டார்கள் இதற்கு யாராவது பொறுப்புக்கூறச்செய்யப்பட்டார்களா  சிறுபான்மை சமூகங்களின் இடங்களை பிடித்து  பௌத்த மக்களை கவர்ந்து நாயகர்களாக மாறி தேர்தல்களில் வெற்றிபெறுகின்றனர் ஆனால் அவர்களை வெற்றிபெறச்செய்தவர்களின் வாழ்க்கை மாற்றமடையாமல் வறுமையில் நீடிக்கின்றது. இந்த உணர்வு அரசியலை என் சகோதரசிங்கள மக்கள் புரிந்துகொள்ளவேண்டும். சரியான முறையில்  அதிகாரபகிர்வு இடம்பெற்றால்தான் பொருளாதார வளர்ச்சி சாத்தியம் என்பதை நீங்கள் நம்பவேண்டும். மீண்டும் மீண்டும் இந்த விடயங்களை  கூறி எங்களை எத்தனை காலமாக எங்களை ஏமாற்றப்போகின்றீர்கள். புரிந்துணர்வுதான் இந்த ஜனநாயகத்திற்கு மிகவும் அவசியமானது. https://www.virakesari.lk/article/179972
    • மாவீரர்களுக்கு வீரவணக்கங்கள்
    • சீமானுக்கு எதிராக பொங்கி எழுபவர்கள் யாரென்று பார்த்தால் சிங்கள ஆக்கிரமிப்பையும் கிந்திய ஆக்கிரமிப்பை பற்றியும் வாயே திறக்காதவர்கள் தான் 🤣
    • எம் ஜிஆர் ,  கருணாநிதி , நெடுமாறன்,திருமாளவன்,வைகோ,துரைமுருகன் போன்றோர் செய்யாத ஈழ அரசியலையா சீமான் செய்து விட்டார்? அதிலும் பழ நெடுமாறன்  ஒருபடி மேலே......! நான் தமிழன். நீங்கள் ஈழத்து திராவிடர்களா?😁
  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 19 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 4 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 37 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.