தமிழரது ஆதியிசையான பறை குறித்த காணொளி

[nochchi]

யூரூப்- தளத்திலிருந்து

 

[suvy]

மரணச் சடங்கில்தான் அதிகமாய் பறை அடிப்பதைப் பார்த்திருக்கின்றேன்..... ஆனால் இது அபாரமாய் இருக்கின்றது. அழகாக ஆடி அசத்துகின்றனர்....! 

[குமாரசாமி]

கிராமத்து கோவில்களிலும் பறைமேளக்கச்சேரி அந்தமாதிரி நடக்கும்.

[வல்வை சகாறா]

 

[Knowthyself]

எடுத்து அடிடா முப்பாட்டன் பறைய - மே 24 திருச்சி மாநாடு

 

 

[தமிழ் சிறி]

பறை அடிக்கும் ஒலியும்... அதற்கு ஏற்ப அவர்களின் உடலசைவுகளும்... பார்க்க அழகாக உள்ளது.
பறை இசைக்கு... மீண்டும் புத்துயிர் கொடுத்து, அந்த அருமையான இசையை..... அழியவிடாமல் காப்பாற்ற வேண்டும்.

[nochchi]

On 30.3.2017 at 5:48 AM, தமிழ் சிறி said:

பறை அடிக்கும் ஒலியும்... அதற்கு ஏற்ப அவர்களின் உடலசைவுகளும்... பார்க்க அழகாக உள்ளது.
பறை இசைக்கு... மீண்டும் புத்துயிர் கொடுத்து, அந்த அருமையான இசையை..... அழியவிடாமல் காப்பாற்ற வேண்டும்.

புலத்திலே கலைவளர்ப்பதாகக் கூறும் எவரும் தமிழரது கலைகள் குறித்து அக்கறைகொள்வதாகத் தெரியவில்லை. எந்த நிகழ்வாயினும் ஒரு பரதநாட்டியத்தோடு  அல்லது அதனாலே யே நிரப்பிவிடுவார்கள். குமுகாய ஆர்வலர்கள் இனமீட்புச் செயலர்கள் இதுகுறத்தும் கவனம் செலுத்தவேண்டாமா?

[தனிக்காட்டு ராஜா]

On 3/30/2017 at 9:18 AM, தமிழ் சிறி said:

பறை அடிக்கும் ஒலியும்... அதற்கு ஏற்ப அவர்களின் உடலசைவுகளும்... பார்க்க அழகாக உள்ளது.
பறை இசைக்கு... மீண்டும் புத்துயிர் கொடுத்து, அந்த அருமையான இசையை..... அழியவிடாமல் காப்பாற்ற வேண்டும்.

கிழக்கில் இல்லை  பறை அதை  மரணச்சடங்கில்  மட்டுமே பார்க்க முடியும்  அவர்கள் ஒரு தனி சமுதாயமாகவே பார்க்கப்படுகிறார்கள் , உடலை எரிப்பதாக இருந்தால் அந்த வீட்டில் பறை ஒலிக்கும் 

[nochchi]

7 hours ago, முனிவர் ஜீ said:

கிழக்கில் இல்லை  பறை அதை  மரணச்சடங்கில்  மட்டுமே பார்க்க முடியும்  அவர்கள் ஒரு தனி சமுதாயமாகவே பார்க்கப்படுகிறார்கள் , உடலை எரிப்பதாக இருந்தால் அந்த வீட்டில் பறை ஒலிக்கும் 

வடக்கிலும் அப்படித்தான் இருந்தது. ஆனால் சிறுதெய்வ வழிபாடென்று அழைக்கப்படும் ஆலயங்களில் பறையிசைக்கப்படுவதைக் கண்ணுற்றுள்ளேன். புளியம்பொக்கனை வற்றாப்பளை வன்னிவிளாங்குளம் போன்ற ஆலயங்களில் காவடி கரகத்தோடு பறையிசையும் இட்பெறுவதுண்டு. 

[தனிக்காட்டு ராஜா]

1 minute ago, nochchi said:

வடக்கிலும் அப்படித்தான் இருந்தது. ஆனால் சிறுதெய்வ வழிபாடென்று அழைக்கப்படும் ஆலயங்களில் பறையிசைக்கப்படுவதைக் கண்ணுற்றுள்ளேன். புளியம்பொக்கனை வற்றாப்பளை வன்னிவிளாங்குளம் போன்ற ஆலயங்களில் காவடி கரகத்தோடு பறையிசையும் இட்பெறுவதுண்டு. 

கிழக்கில் கோவில் விழாக்களுக்கு பறையிசை எடுக்கமாட்டார்கள்  அது ஏன் என எனக்கு தெரியாது இதுவரைக்கும்  கிழக்கில் பறையிசை நிகழ்ச்சி இதுவரை பார்த்ததில்லை 

[nochchi]

3 minutes ago, முனிவர் ஜீ said:

கிழக்கில் கோவில் விழாக்களுக்கு பறையிசை எடுக்கமாட்டார்கள்  அது ஏன் என எனக்கு தெரியாது இதுவரைக்கும்  கிழக்கில் பறையிசை நிகழ்ச்சி இதுவரை பார்த்ததில்லை 

இறையியலின் வரவானது தமிழினத்தைப் பலகூறுகளாகப்பிரித்ததோடு  தமிழரது அடிப்படைகளையே தகர்த்து இல்லாமற் செய்துள்ளது. ஆனால் ஈழத்தமிழினத்தின் அழிவானது தமிழகத்தை ஒரு விழிப்புநிலைக்குக் கொண்டுவந்துள்ளது. (ஆனால் அது எப்படிக் கட்சியரசிலுக்கப்பால் எழுச்சிபெறும் என்பதை மதிப்படமுடியாது) இளையதலைமுறை தமது பாரம்பரியங்களையும் பண்பாட்டுவிழுமியங்களையும் மீளநிறுவி தமிழினத்தைத் தலைநிமிரச் செய்யும் கடப்பாட்டை நிறைவேற்றும் கடைமையைக் கையேற்றால் சாத்தியப்படலாம்.

விக்கிப்பீடியாவிலிருந்து இணைப்பைப் பகிர்ந்துள்ளேன் முனிவர்(சார்) ஜீ

https://ta.wikipedia.org/wiki/பறை_(இசைக்கருவி)

[தமிழ் சிறி]

On 30.4.2017 at 6:25 PM, முனிவர் ஜீ said:

கிழக்கில் கோவில் விழாக்களுக்கு பறையிசை எடுக்கமாட்டார்கள்  அது ஏன் என எனக்கு தெரியாது இதுவரைக்கும்  கிழக்கில் பறையிசை நிகழ்ச்சி இதுவரை பார்த்ததில்லை 

யாழ். அராலி அம்மன் கோவிலில்... இப்போதும், திருவிழா நேரம் பறை ஒலி இசைப்பார்கள்.

[nochchi]

On 2.5.2017 at 5:20 AM, தமிழ் சிறி said:

யாழ். அராலி அம்மன் கோவிலில்... இப்போதும், திருவிழா நேரம் பறை ஒலி இசைப்பார்கள்.

தகவலுக்கு நன்றி தமிழ்சிறியவர்களே!

இதுபோன்று  தமிழரது ஊர்களில் இன்றும் பறையிசையை பயன்படுத்தும் ஆலங்களின் விபரங்களை இணைத்தால்  அறிந்த உறவுகள் இணைப்பது ஒரு தகவலாக மற்றவரும் அறிந்துகொள்ளலாம். 

[nedukkalapoovan]

On 3/29/2017 at 0:25 PM, suvy said:

மரணச் சடங்கில்தான் அதிகமாய் பறை அடிப்பதைப் பார்த்திருக்கின்றேன்..... ஆனால் இது அபாரமாய் இருக்கின்றது. அழகாக ஆடி அசத்துகின்றனர்....! 

 

மரண வீட்டில் அடிக்கும் பறைக்கும்... நல்ல நிகழ்வுகளுக்கு அடிக்கும் பறைக்கும் இடையில் வேறுபாடுண்டு. ஊரில் உள்ளூர் சுவாமிகளுக்கு.. வைரவர்.. முருகன்.. வீரபத்திரர்.. அண்ணமார் எல்லாருக்கும்.. பறை தான் அதிகம் அடிப்பினம். பெரிய கோவில்களில் தான் தவில்.. நாதஸ்வரம். 

[குமாரசாமி]

On 30.4.2017 at 10:59 AM, nochchi said:

புலத்திலே கலைவளர்ப்பதாகக் கூறும் எவரும் தமிழரது கலைகள் குறித்து அக்கறைகொள்வதாகத் தெரியவில்லை. எந்த நிகழ்வாயினும் ஒரு பரதநாட்டியத்தோடு  அல்லது அதனாலே யே நிரப்பிவிடுவார்கள். குமுகாய ஆர்வலர்கள் இனமீட்புச் செயலர்கள் இதுகுறத்தும் கவனம் செலுத்தவேண்டாமா?

பறைமேள கலையை சாதி எனும் பெயரால் தாழ்த்திவிட்டார்கள். கோவில்களில் அவர்கள் வெளியே நின்றுதான் பறைமேளம் அடிக்கவேண்டும். தவில் நாதஸ்வரங்கள் எல்லா  இடமும் புகுந்து விளையாடுவார்கள்.

[nochchi]

On 30.5.2017 at 0:18 AM, nedukkalapoovan said:

மரண வீட்டில் அடிக்கும் பறைக்கும்... நல்ல நிகழ்வுகளுக்கு அடிக்கும் பறைக்கும் இடையில் வேறுபாடுண்டு. ஊரில் உள்ளூர் சுவாமிகளுக்கு.. வைரவர்.. முருகன்.. வீரபத்திரர்.. அண்ணமார் எல்லாருக்கும்.. பறை தான் அதிகம் அடிப்பினம். பெரிய கோவில்களில் தான் தவில்.. நாதஸ்வரம். 

ஒருவேளை பெரியகோவில்களின் தோற்றம் கூடத் தமிழரது ஆதியான விடயங்களை அழிக்கவித்திட்டதோ என்று எண்ணத்தோன்றுகிறது.

On 30.5.2017 at 2:34 AM, குமாரசாமி said:

பறைமேள கலையை சாதி எனும் பெயரால் தாழ்த்திவிட்டார்கள். கோவில்களில் அவர்கள் வெளியே நின்றுதான் பறைமேளம் அடிக்கவேண்டும். தவில் நாதஸ்வரங்கள் எல்லா  இடமும் புகுந்து விளையாடுவார்கள்.

பறைந்தவர்கள் அரசுத்தகவல்களை மேளத்தில் அடித்துக் கூறியவர்களை (பறைந்தவர்களை- பறைதல் பேசுதல்)சாதியாக்கிவிட்டார்கள். எமதினத்தில் இவைகளும் ஒரு சாபக்கேடே.

On 29.3.2017 at 1:25 PM, suvy said:

மரணச் சடங்கில்தான் அதிகமாய் பறை அடிப்பதைப் பார்த்திருக்கின்றேன்..... ஆனால் இது அபாரமாய் இருக்கின்றது. அழகாக ஆடி அசத்துகின்றனர்....! 

இந்த அழகியலை வேறுகலைகள் ஆக்கிரமித்து அடக்கி ஒதுக்கிவிட்டன. தாயகமீட்பென்பது நிலமீட்புக்கானதாக எண்ணப்பட்ட சூழலில் எம்பெருந்தலைவன் அனைத்தையும் மீட்கும் கட்டமைப்புகளை ஏற்படுத்தியிருந்தாரென்பதே தமிழரது கலை பண்பாடுகளையும் மீட்பதே முழுமையான விடுதலை என்பதில் கொண்ட உறுதிப்பாடேயாகும். 

[nochchi]

On 29.3.2017 at 1:41 PM, குமாரசாமி said:

கிராமத்து கோவில்களிலும் பறைமேளக்கச்சேரி அந்தமாதிரி நடக்கும்.

நகரமயமாதல் அல்லது நகரத்துக்குள் மக்கள் திரள் நகர்தலென்பதோடு கிராமியக்கலைகளும் மறைதல் அல்லது நகரவாழ்வுக்கள் அமிழ்தலூடாக ஒரு மறைமுக அழிவுக்குள் சென்றுவிடுகிறது.

On 30.3.2017 at 5:48 AM, தமிழ் சிறி said:

பறை அடிக்கும் ஒலியும்... அதற்கு ஏற்ப அவர்களின் உடலசைவுகளும்... பார்க்க அழகாக உள்ளது.
பறை இசைக்கு... மீண்டும் புத்துயிர் கொடுத்து, அந்த அருமையான இசையை..... அழியவிடாமல் காப்பாற்ற வேண்டும்.

உண்மை தமிழ்சிறியவர்களே! ஆனால், இதனை யாரும் செய்ய முன்வருவதாகத்தெரியவில்லை. அதேவேளை வேறுநடனங்களுக்கு ஆர்வமாக அனுமதிக்கும் பெற்றோர் இவற்றை மேடைக்காககப்பழக்குவதற்கே ஒத்துழைப்பதில்லை. கிப்கொப் பாலே பரதநாட்டியம்  போன்றவற்றைப் பழக்குவதற்கு ஆர்வம்காட்டும் பெற்றோர் இவற்றை பெரிதாகவே எடுப்பதில்லை. ஒருவேளை யோகாவைப் போன்று இதனை வெள்ளைகள் யாராவது பழக்கினால் புத்துயிர் பெறக்கூடும். 

இணைப்பகளைப் பகிர்ந்துகொண்ட வல்வை சகாறா மற்றும் Knowthyself ஆகியோருக்கு  நன்றிகள்.

[தமிழ் சிறி]

 

[nochchi]

தேடலுக்கும் இணைப்புக்கும் நன்றி.

[தமிழ் சிறி]